“YARAT” Müasir İncəsənət Mərkəzi təqdim edir

11 Mart 2020 12:34

Xəbər 41 dəfə oxunub

“YARAT” Müasir İncəsənət Mərkəzində “MIGROS” muzeyi ilə birgə əməkdaşlıq çərçivəsində ekologiya mövzusunu geniş əhatə edən sərgi təşkil edilib.“YARAT”dan Azərtac-a bildirilib ki, “Potensial dünyalar 1: Planetimizlə bağlı xatirələr” adlı sərgi insan və təbiət arasındakı əlaqələri araşdırır. Hər iki sərgidə təqdim olunan əsərlər insanın planetə təsirini öyrənir və Yer kürəsində gələcək həyatın mümkün ssenarilərini təsvir edir. Sərginin kuratorları Hayke Munder (“Migros Museum für Gegenwartskunst”un bədii direktoru) və Suad Qarayeva-Malekidir (“YARAT” Müasir İncəsənət Məkanının bədii direktoru). Sərgi may ayının sonuna kimi davam edəcək. Sərginin ikinci hissəsi, “Potensial Dünyalar 2: Eko-fantaziyalar” isə Sürix Qalereya Həftəsi sonunda və “Art Bazel” ərəfəsində təqdim olunacaq. Adı çəkilən bu sərgi, birinci sərgidə toxunulan məsələlərə yeni həyat və cəmiyyət formalarının spekulyativ tədqiqində, eləcə də insanların qabaqcıl post-insani texnologiyalar dövründə oynadığı daim dəyişən rollarda əsaslanacaq.Daha sonra, adı çəkilən hər iki sərgi Bakıda, “YARAT” Müasir İncəsənət Mərkəzində açılacaq.xeber100.com

“Zoroaster Award” İtaliya-Azərbaycan beynəlxalq film festivalında

Bu gün mənim üçün çox sevindirici bir hadisə baş verib. “Zoroaster Award” İtaliya-Azərbaycan beynəlxalq film festivalında bir gündə iki filmim - “Şollerin arxivi” bədii filmi “Ən yaxşı bədii film” və “Stalinin qaranlıq keçmişi” sənədli filmi isə “Ən yaxşı sənədli film” kateqoriyaları üzrə qalib oldu.Bunu Azərtac-a açıqlamasında filmlərin ssenari müəllifi, quruluşçu rejissoru və baş prodüseri Cəlaləddin Qasımov deyib.O bildirib: “Biz Azərbaycanı dünyada tanıtmaq üçün filmlər çəkirik və istəyimizə də nail oluruq. Son bir ildə 104-cü mükafatı qazanmışıq. Bu, təkcə bizim deyil, eyni zamanda, Azərbaycanın uğurudur. Düşünürəm ki, hər bir yaradıcı insan ölkəmizin təbliği işinə qismən də olsa öz töhfəsini verməlidir”.“Şollerin arxivi” filmini Azərbaycan ilə Avropa arasındakı mədəni əlaqələrdə çox mühüm yeri olan bir ekran əsəri kimi dəyərləndirən rejissor vurğulayıb: “Çəkdiyim filmlər dünya film bazarında özünə layiqli yet tutdu. Dünya mediasında bu ekran əsəri ilə bağlı geniş informasiyalar yazıldı. Biz daha böyük uğurlar əldə edə, mədəniyyətimizi daha geniş şəkildə dünyaya tanıda bilərik”.Cəlaləddin Qasımov deyib ki, “Şollerin arxivi” filmi almanların Azərbaycana gəlişinin 200 illiyi münasibətilə və Prezident İlham Əliyevin imzaladığı müvafiq Sərəncama dəstək olaraq çəkilib. Film Avropa mədəniyyətindən, azərbaycanlıların sədaqətindən, Azərbaycan-Almaniya dostluğundan, ölkəmizin multikultural dəyərlərindən bəhs edir.Azərbaycanın “SSP Production” şirkətinin ekranlaşdırdığı “Stalinin qaranlıq keçmişi” sənədli filmində isə “Koba” ləqəbli Stalinin Bakıda yaşadığı dövrlər lentə alınıb.xeber100.com

Mart 15, 2020 15:08

Xalça Muzeyində “Zənginləşən xəzinəmiz” adlı sərginin açılışı olub

Martın 5-də Azərbaycan Milli Xalça Muzeyində “Zənginləşən xəzinəmiz” adlı sərginin virtual açılışı olub.Azərtac xəbər verir ki, tədbirdə Milli Xalça Muzeyinin direktoru, Əməkdar mədəniyyət işçisi Şirin Məlikova çıxış edərək sərgi haqqında məlumat verib. Bildirib ki, koronavirusun yayılma təhlükəsi səbəbindən muzeylərdə bir çox kütləvi tədbirlər dayandırılıb: “Ona görə də biz ilk dəfə olaraq sərgini onlayn şəkildə açmaq qərarına gəldik. Çünki texnoloji tərəqqi əsrində Milli Xalça Muzeyi dünya şəbəkəsinin saysız-hesabsız yeniliklərini mənimsəməlidir. Muzeyimizin ziyarətçiləri öz evlərindən bizi izləyə bilərlər”.Mərasimdə Mədəniyyət Nazirliyinin Aparat rəhbəri Fikrət Babayev çıxış edərək Milli Xalça Muzeyində mütəmadi təşkil edilən sərgilərin əhəmiyyətindən söz açıb. Qeyd edib ki, muzeydə milli mədəniyyətimizin qiymətli nümunələri nümayiş olunur. Tədbirdə, həmçinin muzey tərəfindən hazırlanan “Azərbaycan Milli Xalça Muzeyinin kolleksiyasından zərgərlik inciləri” adlı kitabın təqdimatı da keçirilib. Kitabda kolleksiyanın yaranma tarixi, burada qorunan müxtəlif çeşidli qadın və kişi zərgərlik nümunələri, bu sənətdə istifadə edilən ənənəvi texnikalar və Azərbaycanın tanınmış zərgərləri haqqında müfəssəl məlumatlar yer alıb. Kitabın geniş oxucu kütləsinə çatdırılması məqsədilə mətnlər Azərbaycan, ingilis və rus dillərində verilib.Qeyd edək ki, sərgi martın 26-dək davam edəcək.xeber100.com

Mart 5, 2020 15:01