NHK telekanalının məlumatına əsasən…

14 İyul 2017 13:09

Xəbər 1295 dəfə oxunub

Yaponiyanın hakim Liberal Demokratik Partiyası (LDP) müxalifətin Baş nazir Şinzo Abenin iştirakı ilə baş vermiş qalmaqalına görə parlamentin müvafiq komitəsinin növbədənkənar iclasının keçirilməsinə razılıq verib.NHK telekanalının yaydığı məlumata görə, bu barədə qərar iyulun 10-da parlamentin hər iki palatasında məsələ ilə əlaqədar keçirilən müzakirələrdən sonra qəbul edilib. Lakin Baş nazir G20 sammitində iştirak etmək üçün Almaniyaya səfər etdiyinə görə təxirə salınıb.İyulun 14-də LDP-nin parlament üzrə komitə sədri Vatera Takeşita bildirib ki, Ş.Abe növbədənkənar iclasda iştiraka razılıq verib. O, əlavə edib ki, iclas zamanı hakim və müxalifət nümayəndələri arasında vaxtın bərabər səviyyədə bölünməsi üçün qarşı tərəflə danışıqlar aparacaq. Bundan əlavə, LDP əsas müxalifət partiyası olan Demokratik Partiyanın (DP) nümayəndələri ilə iyulun 15-də iclasın aparılma qaydasını müzakirə edəcək.DP-nin departament rəhbəri Kazunori Yamano isə bildirib ki, Ş.Abenin müxalifətin xahişinə müsbət cavab verməkdən başqa yolu qalmayıb. Lakin bu, “gecikmiş qərardır”.Xatırladaq ki, Ş.Abe vəzifə səlahiyyətlərindən sui-istifadə edərək dostu üçün baytarlıq məktəbinin açılmasına yardım etməkdə ittiham olunur.Demokratik Partiyadan bildirilib ki, iyulun 10-da keçirilən müzakirələr zamanı hadisə ilə əlaqədar şübhələr daha da artıb və buna görə də Ş.Abe növbəti müzakirələrə dəvət edilib.xeber100.com

Formula 1 Komissiyasının yeni ildə birinci iclası təşkil olunub

Fevralın 5-də Londonda Beynəlxalq Avtomobil Federasiyasının (FIA) biryerlik maşınlarında yürüş üzrə direktoru Nikolas Tombasisin və Formula 1-in prezidenti Stefano Domenikalinin sədrliyi ilə Formula 1 Komissiyasının yeni ildə birinci iclası təşkil olunub. Xarici media xəbər verir ki, iclasda bir sıra məsələlər nəzərdən keçirilib, o cümlədən 2024-cü ildən qüvvəyə minəcək sprintli yürüş uik-endinin yeni formatı təsdiqlənib. Yeni format bu şəkildədir: cümə günü sprintdən əvvəl yeganə məşq və təsnifat. Şənbə günü sprint və yürüşdən əvvəl əsas təsnifat, bazar günü isə yürüş. Bu dəyişikliklər FIA-nın fevralın 28-də keçiriləcək Ümumdünya Şurasında rəsmi şəkildə təsdiqlənməlidir. Komissiyanın iclasında texniki və idman reqlamentlərinə də dəyişikliklər olunub. 2024-2025-ci illərdə bir pilot üçün mövsüm ərzində güc qurğularının sayının artırılaraq dördə çatdırılması təklifi bəyənilib. Eləcə də yürüş zamanı DRS-ni (Drag Reduction System – ön müqavimətin azaldılması sistemi) startdan bir dövrə vurduqdan və yaxud təhlükəsizlik avtomobili trasdan çıxdıqdan sonra restartın ardınca aktivləşdirmək mümkündür. Вundan əvvəl yalnız iki dövrədən sonra DRS-nin istifadəsinə icazə verilirdi. Bundan başqa, Formula 1 Komissiyası 2026-cı ilin reqlamentinə dair bir sıra mövzuları, xüsusən maliyyə və dayanıqlı inkişaf məsələlərini müzakirə edib. 2024-cü il üçün texniki, idman və maliyyə reqlamentlərinə də cüzi dəyişikliklər edilib.xeber100.com

Fevral 6, 2024 14:51

“SpaceX” kompaniyasının daşıyıcı raketi “Starlink” peykindən ibarət növbəti qrupu orbitə çıxarıb

“SpaceX” kompaniyasının “Falcon 9” daşıyıcı raketi qlobal internet şəbəkəsi üçün nəzərdə tutulan 22 “Starlink” peykindən ibarət növbəti qrupu orbitə çıxarıb. “SpaceX” kompaniyasının məlumatına görə, “Falcon 9” yanvarın 23-də ABŞ-ın Sakit Okean sahilləri vaxtı ilə saat 16:35-də Birləşmiş Ştatların Kosmik Qüvvələrinin Kaliforniya ştatında yerləşən Vandenberq bazasından start götürüb. Daşıyıcı raketin artıq 16-cı dəfədir istifadə olunan birinci pilləsi Sakit okeandakı “Of Course I Still Love You” dəniz platformasına eniş edib. “SpaceX” indiyədək kosmik fəzaya ümumilikdə 5,7 mindən çox peyk buraxıb. Onların bəziləri sıradan çıxıb, 5,3 mindən çoxu isə işlək vəziyyətdədir. Kompaniyanın layihəsi olan “Starlink” internet şəbəkəsi dünyanın 70 ölkəsində əlçatandır. Pentaqonun məlumatına görə, onun xidmətindən ABŞ hərbçiləri də istifadə edirlər. Dünyanın ən böyük peyk operatoru olan “SpaceX” orbitə ümumilikdə 12 minə yaxın kosmik aparat çıxarmaq niyyətindədir. Təxminən 10 milyard dollara başa gələcək layihə planetin istənilən guşəsində genişzolaqlı internetə çıxışı təmin etməyə imkan yaradacaq. Kompaniya növbəti mərhələdə orbital qruplaşmadakı kosmik aparatların sayını 30 minə çatdırmağı planlaşdırır.xeber100.com

Yanvar 24, 2024 11:42