ABŞ-ın Federal Ehtiyat Sistemi uçot dərəcəsini 0,75 faiz artırıb

ABŞ-ın Federal Ehtiyat Sistemi (FED) uçot dərəcəsini 0,75 faiz artırıb.FED xəbər verir ki, bununla da, uçot faiz dərəcəsi 3-3,25 faizə çatdırılıb.Qeyd edək ki, Federal Açıq Bazar Komitəsinin (FOMC) bəzi üzvləri bu ilin sonuna qədər uçot dərəcəsinin daha da artıracağını gözləyirlər.xeber100.com

Associated Press agentliyinin məlumatı əsasında…

Papua-Yeni Qvineyanın şərqindəki Morobe əyalətində zəlzələnin səbəb olduğu torpaq sürüşməsi nəticəsində azı 3 nəfər həlak olub.Associated Press agentliyi yerli hakimiyyət orqanlarına istinadla məlumat yayıb.Məlumata görə, təbii fəlakət nəticəsində yaralananlar da var. Bir neçə tibb mərkəzi, binalar və yollar zədələnib. Digər təfərrüatlar barədə məlumat verilməyib.Hazırda zəlzələnin vurduğu ziyanın miqyasının qiymətləndirilməsi üzrə işlər aparılır.Avropa Aralıq Dənizi seysmoloji mərkəzinin məlumatına görə, bazar günü Papua-Yeni Qvineyada 7,7 bal gücündə zəlzələ qeydə alınıb. Zəlzələnin episentri ada dövlətin paytaxtı Port Morsbi şəhərindən 348 kilometr şimal-qərbdə yerləşib.xeber100.com

ABŞ-da fövqəladə vəziyyət rejimi daha bir il uzadılıb

ABŞ Prezidenti Cozef Bayden 11 sentyabr terror hücumlarından sonra ölkədə tətbiq edilən fövqəladə vəziyyət rejimini bir il müddətinə uzadıb.ABŞ mediası xəbər verir ki, bu barədə Ağ evin mətbuat xidməti məlumat yayıb.“Terror təhlükəsi davam etdiyi üçün 2001-ci il sentyabrın 14-də elan edilən fövqəladə vəziyyət rejiminin müddəti daha bir il uzadılıb”, - deyə Vaşinqton administrasiyası rəhbərinin Konqresə bildirişində qeyd olunur. Fövqəladə vəziyyət rejimi prezidentə bəzi əlavə hüquqi səlahiyyətlər verir.Xatırladaq ki, Nyu-Yorkdakı Ümumdünya Ticarət Mərkəzinin qüllələrinə və Pentaqonun binasına təyyarələr vasitəsilə edilən və 3 minə yaxın insanın ölüm ilə nəticələnən hücumlardan üç gün sonra ABŞ-da fövqəladə vəziyyət rejimi elan olunub. Birləşmiş Ştatların sabiq prezidenti Corc Buş fövqəladə vəziyyətin zəruriliyi ilə bağlı qərarını “ABŞ-a qarşı yeni hücum təhlükəsi ilə” əsaslandırmışdı.xeber100.com

BMT dünya ölkələrini yardım etməyə çağırıb

BMT-nin Baş katibi Antonio Quterreş şənbə günü Pakistanın daşqınlardan zərər çəkmiş Sind əyalətinə gedib və dünya ölkələri tərəfindən İslam respublikasına yardım göstərilməsinin vacibliyini qeyd edib.Baş katibin bununla bağlı bəyanatı Geo TV telekanalının efirində yayımlanıb.“BMT-nin Pakistan üçün etdiyi lazım olanın edilməsi fonunda dəryada bir damladır. Biz öz imkan və resurslarımızın məhdud olmasının fərqindəyik. Lakin siz qəti əmin ola bilərsiniz: biz Pakistan xalqı ilə tam həmrəyik”, - deyə Antonio Quterreş vurğulayıb.O, Pakistanda baş verən fəlakət barədə dünya ölkələrinin məlumatlığını artırmaq üçün səy göstərəcəyini bildirib və beynəlxalq ictimaiyyəti İslamabada təcili yardım etməyə çağıraraq deyib: “Bu, səxavətlilik yox, ədalətlilik məsələsidir”.Pakistanın təbii fəlakətlərlə mübarizə üzrə Milli idarəsinin məlumatına əsasən, daşqınlar nəticəsində iyunun ortalarından bəri 1396 nəfər həlak olub, 12 min 728 sakin xəsarət alıb, 1 milyon 743 mindən çox bina zədələnib. Ölkəyə dəyən zərərin miqdarının 10 milyard dollardan xeyli çox olduğu bildirilir.Qeyd edək ki, Prezident İlham Əliyevin tapşırığı ilə Azərbaycan qardaş və dost ölkə olan Pakistana 2 milyon dollar humanitar yardım ayırıb. Pakistan xalqının köməyinə birincilər sırasında çatanlar arasında Türkiyə də var.xeber100.com

Yaponiya və Hindistan regiondakı vəziyyəti müzakirə ediblər

Sentyabrın 8-də Yaponiyanın müdafiə naziri Yasukazu Hamada hindistanlı həmkarı Racnath Sinqh ilə Tokioda keçirilən görüşündə regionda və həmçinin Ukraynada vəziyyəti müzakirə ediblər. Bu barədə Yaponiya Xarici İşlər Nazirliyi məlumat yayıb.“İdarələrin rəhbərləri suverenlik və ərazi bütövlüyünə hörmət prinsiplərinə əsaslanan təhlükəsiz, sabit və firavan dünya nizamının qurulması naminə əməkdaşlığı davam etdirmək öhdəliyinə sadiq olduqlarını vurğulayıblar”, - deyə nazirliyin açıqlamasında bildirilir. Qeyd olunur ki, tərəflər bütün ölkələri güc tətbiqi təhdidindən və praktikasından əl çəkməyə, status-kvonu birtərəfli qaydada dəyişdirmək cəhdlərindən çəkinməyə, bunun əvəzinə beynəlxalq hüquqa uyğun olaraq münaqişələrin sülh yolu ilə həllinə nail olmağa çağırıblar. Bununla yanaşı, Y.Hamada və R.Sinqh azad və açıq Hind-Sakit okean regionu konsepsiyasını dəstəkləmək və gücləndirmək məqsədilə dövlətlərarası əməkdaşlığı inkişaf etdirmək barədə razılığa gəliblər.xeber100.com    

G7 xarici işlər nazirlərinin görüşü Karuizavada keçiriləcək

Gələn ildən “Böyük Yeddilik” (G7) ölkələrinə rəhbərlik edəcək Yaponiya hökuməti bu qurumun xarici işlər nazirlərinin görüşünün gələn ilin aprelində Naqano prefekturasının Karuizava kurort şəhərində keçirilməsini planlaşdırır.Bu barədə Kyodo agentliyi hökumətdəki mənbələrə istinadla məlumat yayıb. Həmçinin G7 liderlərinin sammitinin 2023-cü ilin aprelində Hiroşimada təşkil olunacağı da qeyd edilir.Bildirilir ki, diplomatik idarələrin rəhbərlərinin görüşünün əvvəlcə Narada keçirilməsi nəzərdə tutulurdu. Lakin cari ilin iyulunda sabiq Baş nazir Şinzo Abe bu şəhərdə qətlə yetirildikdən sonra təhlükəsizlik baxımından həmin plandan imtina edilib.Kauizava şəhəri isə paytaxt Tokioya yaxın yerləşməsi, buraya sürətli qatarlarla cəmi bir saatdan bir qədər çox vaxt sərf etməklə çatmağın mümkünlüyü və beynəlxalq tədbirlərin təşkilində təcrübəyə malik olması nəzərə alınaraq seçilib. Həmçinin bu şəhər 2016-cı ildə G7 ölkələrinin nəqliyyat nazirlərinin və 2019-cu ildə G20 ölkələrinin ətraf mühit və energetika nazirlərinin görüşlərinə ev sahibliyi edib.Bununla yanaşı, G7 ölkələri maliyyə nazirlərinin və mərkəzi bankların rəhbərlərinin görüşünün Yapon dənizi sahillərində yerləşən Niiqata prefekturasında keçiriləcəyi də qeyd olunur.xeber100.com

Avqustun 29-da 5,8 bal gücündə zəlzələ baş verib

Avqustun 29-da İndoneziyanın qərb sahillərində 5,8 bal gücündə zəlzələ baş verib.Bu barədə ABŞ Geoloji Xidməti məlumat yayıb.Yeraltı təkanların episentrinin Qərbi Sumatra əyalətində yerləşən və təqribən 840 min əhaliyə malik olan Padanq şəhərindən 191 kilometr qərbdə, ocağının 40 kilometr dərinlikdə olduğu qeyd edilir.Dağıntılar və zərərçəkənlər barədə məlumat verilmir. Sunami xəbərdarlığı elan edilməyib.xeber100.com

Türk Dövlətləri Parlament Assambleyası bəyanat yayıb

Türk Dövlətləri Parlament Assambleyası (TÜRKPA) Laçın şəhərinin, Zabux və Sus kəndlərinin Azərbaycana qaytarılmasına dair bəyanat yayıb.TÜRKPA-dan Azərtac-a bildirilib ki, Assambleyanın Katibliyi 2020-ci il 9/10 noyabr tarixli üçtərəfli Bəyanatın müddəalarına uyğun olaraq davam etməkdə olan prosesin bir hissəsi kimi, Laçın şəhərinin, Zabux və Sus kəndlərinin Azərbaycana qaytarılmasını təqdir edir.TÜRKPA qardaş Azərbaycanın ərazi bütövlüyü və suverenliyinə sadiqliyini bir daha xatırladaraq, Azərbaycan və Ermənistan arasında əlaqələrin normallaşması üçün səylərə dəstəyini ifadə edir və bu prosesin Cənubi Qafqazda davamlı sülh, sabitlik və dayanıqlı inkişafa nail olunmasına töhfə verəcəyinə inanır.xeber100.com

İstanbulda Samsunq Boğaziçi qitələrarası üzgüçülük yarışı keçirilib

Avqustun 21-də İstanbulda Samsunq Boğaziçi qitələrarası üzgüçülük yarışı keçirilib.Türkiyə Milli Olimpiya Komitəsi tərəfindən bu il 34-cü dəfə keçirilən tədbirin iştirakçıları İstanbulun Asiya qitəsindən Avropaya doğru Bosfor boğazında 6,5 kilometrlik məsafəni qət ediblər.Kişilərin yarışında məsafəni 48 dəqiqə 13 saniyəyə qət edən Doğukan Ulaç, qadınlarda isə 48 dəqiqə 14 saniyəlik nəticə göstərən Burcu Naz Narin qalib olublar.Marafona qatılan 2441 üzgüçüdən 1198-i xarici ölkə vətəndaşlarıdır. Onlardan 700-ü qadındır.Bu yarış 2016-cı Dünya Açıq Su Üzgüçülük Assosiasiyası (WOWSA) tərəfindən “Açıq havada ən yaxşı üzgüçülük tədbiri” seçilib.xeber100.com

“Tchibo” şirkəti Rusiyada biznesini bağlayır

Almaniyanın “Tchibo” qəhvə istehsalı şirkəti Rusiya bazarını tərk edir.Qəhvə istehsalı üzrə dünyada dördüncü yeri tutan “Tchibo” Rusiyada biznesini bağlayır. Bu ölkədə “Çibo SNQ” adı altında fəaliyyət göstərən və hazırda yerli menecmentin idarəçiliyinə keçən şirkət ilin sonuna kimi “Tchibo” və “Davidoff” qəhvələrinin satışını davam etdirəcək. Gələn ildən isə qəhvə yeni, ehtimal ki, “Gold” markası ilə buraxılacaq.“Çibo SNQ” indiyədək məhsulun bir hissəsini Nijni Novqorodda yerləşən “Qrand-NN” fabrikində hazırlayır, digər hissəsini isə xaricdən idxal edirdi.