Pantomima Teatrı noyabr ayının repertuarını təqdim edir

Gələn ay Azərbaycan Dövlət Pantomima Teatrının səhnəsində maraqlı səhnə əsərləri göstəriləcək.Azərtac repertuarı təqdim edir: 2 noyabr – “Ağ bığlılar” 3 noyabr- “İt gəzdirən xanım” 9 noyabr – “Dejavü” 10 noyabr – “Qoca və Mələk” 16 noyabr – “Underground” 17 noyabr – “Kişilər və qadınlar” 23 noyabr- “6+1 № PALATA” 24 noyabr – “Katarsis” 30 noyabr – “Kişilər və qadınlar” Tamaşalar müvafiq olaraq saat 18:00-da nümayiş ediləcək.xeber100.com  

Azərbaycan turizminə həsr olunmuş seminar keçiriləcək

Noyabrın 19-da Polşanın paytaxtı Varşavada yerli turizm agentlikləri üçün “Polşa və Azərbaycan arasında turizmin inkişafı” mövzusunda seminar keçiriləcək.Azərtac xəbər verir ki, Polşanın İnvestisiyalar və Ticarət üzrə Agentliyi tərəfindən təşkil olunacaq seminarın əsas məqsədi iki ölkə arasında turizm sahəsində əməkdaşlığı genişləndirməkdir. Tədbir zamanı iştirakçılar Azərbaycanın turizm potensialı, həmçinin mədəniyyəti, təbiəti, mətbəxi ilə yaxından tanış olmaq imkanı əldə edəcəklər.Seminarın sonunda iştirakçılardan bir neçəsi Azərbaycana səyahət paketi qazana biləcək.xeber100.com

Beynəlxalq Muğam Mərkəzində “Unudulmayanlar” layihəsi çərçivəsində

Oktyabrın 19-da Beynəlxalq Muğam Mərkəzində “Unudulmayanlar” layihəsi çərçivəsində xanəndə Sara Qədimovanın xatirə gecəsi keçirilib.Azərtac xəbər verir ki, gecənin aparıcısı yazıçı-publisist Mustafa Çəmənli istedadlı xanəndənin həyat və yaradıcılığı barədə danışıb. O qeyd edib ki, Sara Qədimova öz adını Azərbaycan musiqisi tarixinə qızıl hərflərlə yazdırıb, onun yaradıcılığı ölkə hüdudları xaricində də yaxşı tanınırdı.M.Çəmənli diqqətə çatdırıb ki, özünün muğam, xalq və bəstəkar mahnılarının unikal ifa tərzi ilə məşhur olan Sara Qədimova peşəkar karyerasına dahi Üzeyir Hacıbəylinin xeyir-duası ilə başlayıb. O, Qurban Pirimov, Zülfi Adıgözəlov, Əhməd Bakıxanov, Hüseynqulu Sarabski, Seyid Şuşinski, Xan Şuşinski kimi ustad sənətkarların yetirməsi idi.Aparıcı Sara Qədimovanın “Şur dəsgahı”, “Mahur-hindi”, “Bayatı-şiraz”, “Rast”, “Segah”, “Qatar”, “Şahnaz” kimi mürəkkəb muğamları gözəl ifa etdiyini vurğulayıb. Həmin ifalar Azərbaycan Dövlət Teleradio Şirkətinin Qızıl Fondunda saxlanılır.Sonra tanınmış muğam ustalarının ifasında məşhur xanəndənin repertuarından əsərlər səsləndirilib.xeber100.com

Milli Dram Teatrında ikihissəli komediya-tamaşa nümayiş olunub

Azərbaycan Dövlət Akademik Milli Dram Teatrının səhnəsində Cəlil Məmmədquluzadənin “Ölülər” pyesi əsasında hazırlanmış eyniadlı ikihissəli komediya-tamaşa nümayiş olunub.Azərtac xəbər verir ki, tamaşada görkəmli bəstəkar, Xalq artisti Qara Qarayevin “Ölülər” əsəri üçün bəstələdiyi musiqi yeni versiyada təqdim edilib.Mədəniyyət Nazirliyinin sifarişi ilə hazırlanan səhnə əsərinin elmi məsləhətçisi akademik İsa Həbibbəylidir.“Ölülər”in Şeyx Nəsrullahı Xalq artisti Nurəddin Mehdixanlı, Kefli İsgəndəri isə Əməkdar artist Anar Heybətov olub.Tamaşada digər rolları Xalq artistləri Laləzar Mustafayeva, Rafiq Əzimov, Hacı İsmayılov, Sabir Məmmədov, Əjdər Həmidov, Əməkdar artistlər Aslan Şirin, Elşən Rüstəmov, Əli Nur, Elxan Quliyev, Məzahir Cəlilov, Kazım Həsənquliyev, Mirzə Ağabəyli, aktyorlar Elçin Əfəndi, Ramin Şıxəliyev və başqaları canlandırıb.Xronometrajı 130 dəqiqə olan səhnə əsərində rəsmlərin quruluşu Azər Paşa Nemətova məxsusdur.Əsərdəki mənəvi əsarət, fanatizm və cəhalət böyük cəsarətlə aktyorların ifasında özünəməxsus çalarlarla açılır. Belə ki, yaradıcı heyət Cəlil Məmmədquluzadə düşüncələrini yüksək məharətlə ifa edərək XX əsrin əvvəllərində Azərbaycanda baş verən prosesləri, mövhumat və cahilliyin poetik və dramatik lövhələrini dolğun təcəssüm etdirə bilirlər.xeber100.com

“Türkdilli Dövlətlərin Əməkdaşlıq Şurası-10” adlı kitab sərgisi açılıb

Oktyabrın 13-də Milli Kitabxanada Türkdilli Dövlətlərin Əməkdaşlıq Şurasının yaradılmasının 10 illiyi münasibətilə “Türkdilli Dövlətlərin Əməkdaşlıq Şurası-10” adlı kitab sərgisi açılıb.Kitabxanadan Azərtac-a bildiriblər ki, sərgidə türkdilli dövlətlərin ölkəmizlə siyasi, iqtisadi, mədəni əlaqələri, türkdilli ölkələrin tarixi, ədəbiyyatı, siyasəti, mədəniyyəti, incəsənəti və türk dünyasının tanınmış şəxsiyyətləri haqqında Azərbaycan dilində və xarici dillərdə kitab, dövri mətbuat materialları nümayiş olunur.Sərgi bir həftə davam edəcək.xeber100.com

“Art Tover” rəsm qalereyasında xalça sərgisi açılacaq

Oktyabrın 12-də İçərişəhərdə yerləşən “Art Tover” rəsm qalereyasında “Azərbaycan xalçaları” adlı sərgi açılacaq.Azərtac xəbər verir ki, sərgi “İçərişəhər” Dövlət Tarix-Memarlıq Qoruğunun dəstəyi, “Arts Council Azerbaijan” təşkilatının təşəbbüsü ilə reallaşacaq.Dekorativ Tətbiqi Sənət Festivalı çərçivəsində təşkil olunacaq sərgidə müxtəlif növ xalçalar nümayiş ediləcək. Sərginin təqdimatında hər kəs iştirak edə bilər.xeber100.com

MDB ölkələrinin Beynəlxalq Kino Festivalı keçiriləcək

Rusiya paytaxtında MDB ölkələrinin “Moskva premyerası” Beynəlxalq Kino Festivalı keçiriləcək.Azərtrac xəbər verir ki, festivalda Azərbaycan kinematoqrafçılarının iki filmi nümayiş etdiriləcək. Oktyabrın 29-dan noyabrın 3-dək davam edəcək festival MDB Dövlətlərarası Humanitar Əməkdaşlıq Fondunun təşkilatçılığı ilə keçirilir.Kinofestival çərçivəsində Azərbaycan kinematoqrafçılarının – Elmar İmanovun “Mövsümün sonu” və Teymur Hacıyevin “Duz, istiot zövqə görə” filmləri nümayiş olunacaq. Bütün filmlər istehsalçı ölkənin dilində, rus dilində subtitrlərlə təqdim ediləcək.xeber100.com

Bakı Dövlət Sirki mövsümü noyabrın 2-də açacaq

Bakı Dövlət Sirki mövsümü noyabrın 2-də “Water land” adlı möhtəşəm su proqramı ilə açacaq.Azərtac xəbər verir ki, proqrama eksklüziv lazer və fəvvarələr şousunda 170 tonluq su hovuzu, musiqili fəvvarələr, akva-balet, əhliləşdirilmiş heyvanlarla maraqlı nömrələr, hava gimnastları, hava uçuşu, güc jonqlyorları, “Şmak’s” klounlar dueti və başqaları daxildir.“Water land” sirk proqramı noyabrın 24-dək davam edəcək.xeber100.com

Beynəlxalq Muğam Mərkəzində Muğam Festivalı keçiriləcək

Oktyabrın 9-da Beynəlxalq Muğam Mərkəzində Azərbaycan da daxil olmaqla 9 ölkə (Türkiyə, İran, İraq, Misir, Özbəkistan, Qazaxıstan, Türkmənistan, Qırğızıstan) təmsilçisinin iştirakı ilə 11-ci Beynəlxalq Uşaq Muğam Festivalı finalçılarının çıxışları və qaliblərin mükafatlandırma mərasimi keçiriləcək.Festivalın təşkilat komitəsindən Azərtac-a bildirilib ki, xaricdən gələn gənc istedadlarla yanaşı, həmin ölkəni bir mütəxəssis də təmsil edəcək, o eyni zamanda, beynəlmiləl tərkibli münsiflər heyətinin üzvü olacaq. Münsiflər heyətinin sədri Azərbaycanın Xalq artisti, professor, görkəmli tarzən Ağasəlim Abdullayevdir.Finalçılar münsiflər heyəti tərəfindən müəyyənləşəcək. Bütün ifaçılar Azərbaycan Respublikasının Gənclər və İdman Nazirliyi adından sertifikat və xatirə hədiyyələri ilə mükafatlandırılacaq. Qaliblər isə xüsusi diplom və qiymətli hədiyyələrlə təltif olunacaq.Bundan başqa Azərbaycanın Mədəniyyət Nazirliyi tərəfindən 3 əcnəbi ifaçıya ayrı –ayrı nominasiyalara uyğun xüsusi diplom və qiymətli hədiyyə təqdim ediləcək.xeber100.com

Opera və Balet Teatrı təqdim edir

Oktyabrın 12-də Azərbaycan Dövlət Akademik Opera və Balet Teatrında rus bəstəkarı Nikolay Rimski-Korsakovun musiqisi əsasında səhnələşdirilmiş “Şəhrizad” baleti nümayiş ediləcək.Teatrdan bildirilib ki, müəllifi məşhur xoreoqraf Mixail Fokin olan səhnə əsərində əsas partiya - Zübeydə rolunu ilk dəfə balet truppasının aparıcı solisti, Əməkdar artist Cəmilə Kərimova ifa edəcək. Səhnə əsərində, həmçinin Əməkdar artist Makar Ferştandt, solistlər Timur Oduşev, Dilarə Mehdiyeva, Dinara Şirinova və başqaları çıxış edəcəklər.Səhnə əsəri bəstəkarın 1888-ci ildə yazdığı eyniadlı simfonik süitası əsasında tamaşaya qoyulub.Balet Xalq artisti Yalçın Adıgözəlov tərəfindən idarə olunacaq.xeber100.com