“Sumqayıt” futbol klubu üç legioneri ilə yollarını ayırıb

"Sumqayıt” futbol klubu üç legioneri ilə yollarını ayırıb. Klubdan bildirilib ki, Terrens Tisdell, Kərim Abubakar və Dieqo Karioka ilə başa çatan müqavilələrin müddəti uzadılmayıb. “Gənclik şəhəri”nin təmsilçisi hər üç futbolçuya göstərdikləri xidmətlərə görə təşəkkür edib, gələcək karyeralarında uğurlar arzulayıb.xeber100.com

2023/2024-cü il mövsümünün start tarixi müəyyənləşib

Futbol üzrə Azərbaycan Premyer Liqasında 2023/2024-cü il mövsümünün start tarixi müəyyənləşib. Peşəkar Futbol Liqası xəbər verir ki, yeni futbol mövsümü avqustun 4-də başlanacaq. Azərbaycan Premyer Liqasından 1 gün sonra isə İcraiyyə Komitəsinin qərarı ilə bərpa edilmiş əvəzedicilərin yarışına start veriləcək.xeber100.com

“Səbail” klubu futbolçusu ilə yollarını ayırıb

Bakının “Səbail” klubu futbolçusu Nihad Qurbanlı ilə yollarını ayırıb. Klubun mətbuat xidməti xəbər verir ki, oyunçu ilə mövsümün sonunda başa çatan müqavilə yenilənməyib. Bununla da mövsüm başa çatdıqdan sonra "Səbail"in yolları ayırdığı futbolçuların sayı 9-a çatıb. Nihad Qurbanlı ötən ilin sentyabrında Bakı təmsilçisinə transfer olunmuşdu. O, 2022-2023-cü il mövsümündə meydana çıxdığı 15 oyunda 1 qol ötürməsi edib. Xatırladaq ki, "Səbail" bundan əvvəl Luvaqa Krizito, Qustavo de Fransa, Qoba Zakpa, Franko Mazurek, Petro Stasyuk, Emil Martinov, Ruslan Hacıyev, Mirabdulla Abbasovla vidalaşıb.xeber100.com

“Neftçi”nin müdafiəçisi Gürcüstan milli komandasına dəvət olunub

Bakının “Neftçi” klubunun müdafiəçisi Solomon Kverkveliya Gürcüstan milli komandasına dəvət olunub. Klubun mətbuat xidməti xəbər verir ki, 31 yaşlı futbolçu “Avro-2024”ün seçmə mərhələsi çərçivəsində iyunun 17-də Kipr, üç gün sonra isə Şotlandiya ilə keçiriləcək səfər matçlarına çağırılıb. Qeyd edək ki, S.Kverkveliya Gürcüstan milli komandasının heyətində 48 oyunda meydana çıxıb.xeber100.com

İngiltərənin “Lester” klubu yeddi futbolçu ilə yollarını ayırıb

Çempionşipə düşən İngiltərənin “Lester” klubu yeddi futbolçu ilə yollarını ayırıb. Bu barədə klubun rəsmi saytı məlumat yayıb. Yuri Tilemans, Çağlar Söyüncü, Nampalis Mendi, Daniel Amarti, Rayan Bertran, Ayose Perse və Tete komandadan göndərilib. Qeyd edək ki, Türkiyə millisinin üzvü olan Çağlar Söyüncünün "Atletiko"ya keçəcəyi gözlənilir.xeber100.com

“Norway Chess” turnirində növbəti oyun keçiriləcək

Bu gün Azərbaycan şahmatçısı Şəhriyar Məmmədyarov Norveçin Stavanger şəhərində təşkil olunan “Norway Chess” turnirində növbəti oyununu keçirəcək. 38 yaşlı qrosmeyster yeddinci turda ABŞ təmsilçisi Hikaru Nakamura ilə üz-üzə gələcək. Şəhriyar Məmmədyarov ötən turda armageddonda Uesli Soya (ABŞ) yenilib. O, hazırda 8 xalla beşinci pillədə qərarlaşıb. Nakamura isə 11 xalla ikinci sıradadır. Qeyd edək ki, “Norway Chess” iyunun 9-da başa çatacaq. Reqlamentə əsasən, birbaşa qələbəyə görə 3 xal verilir. Heç-heçə olacağı təqdirdə rəqiblər armageddonda qarşılaşırlar. Bu halda qalib 1.5, məğlub olan tərəf isə 1 xal əldə edir.xeber100.com

Beynəlxalq velosiped yarışının marşrutunda dəyişiklik edilib

“Əziz Şuşa” beynəlxalq velosiped yarışının marşrutunda dəyişiklik edilib. Bu sözləri “Əziz Şuşa” beynəlxalq velosiped yarışına həsr olunmuş mətbuat konfransında Turnirin marşrut üzrə direktoru Elçin Qəhrəmanov deyib. Elçin Qəhrəmanov əlavə edib ki, Muğanlı və İsmayıllıya kimi yolda təmir olduğundan, yarışın marşrutunda müəyyən dəyişiklik olub. Ancaq onlarla daim əlaqə saxlayırıq. Gələn il velosipedçilərin həmin ərazilərdən keçəcəklərinə ümid edirik. Komandaları dəvət edərkən onların məskunlaşmalarına da xüsusi diqqət yetiririk. Eyni zamanda, onların tarixi yerlərdən keçmələrinə çalışırıq.xeber100.com

“Neftçi” futbol klubu 5 min 600 manat məbləğində cərimələnib

AFFA-nın İntizam Komitəsi "Neftçi" futbol klubunu 5 min 600 manat məbləğində cərimələyib. Peşəkar Futbol Liqasının rəsmi saytına istinadən xəbər verir ki, Bakı təmsilçisinin "Qəbələ"yə uduzduğu Azərbaycan kuboku yarışlarının final oyununda yaşananlara görə ziyana düşüb. Paytaxt təmsilçisi görüş başa çatdıqdan sonra azarkeşlərin meydana kənar əşyalar atması ucbatından 1600, fanatların kütləvi şəkildə təhqiramiz ifadələr işlədilməsinə görə isə 4000 manat ödəyəcək.xeber100.com

“Norway Chess” turnirində növbət oyun keçiriləcək

Bu gün Azərbaycan şahmatçısı Şəhriyar Məmmədyarov Norveçin Stavanger şəhərində təşkil olunan “Norway Chess” turnirində növbəti oyununu keçirəcək. 38 yaşlı qrosmeyster altıncı turda ABŞ təmsilçisi Uesli So ilə üz-üzə gələcək. Şəhriyar Məmmədyarov 7 xalla hindistanlı Qukeş Dommaraku ilə birlikdə 4-5-ci, 6 xala malik So niderlandlı Aniş Giri ilə 7-8-ci yerləri bölüşdürür. Qeyd edək ki, “Norway Chess” iyunun 9-da başa çatacaq. Reqlamentə əsasən, birbaşa qələbəyə görə 3 xal verilir. Heç-heçə olacağı təqdirdə rəqiblər armageddonda qarşılaşırlar. Bu halda qalib 1.5, məğlub olan tərəf isə 1 xal əldə edir.xeber100.com

“Qəbələ”klubunun futbolçusu İordaniya millisinə çağırılıb

“Qəbələ”nin futbolçusu Omar Hani İordaniya millisinə çağırılıb. 24 yaşlı yarımmüdafiəçi yığmanın yoldaşlıq oyunları və Avstriya toplanışında iştirak edəcək. Omarın heyətində yer aldığı komanda bu ay iki yoldaşlıq oyunu keçirəcək. İordaniya millisinin ilk rəqibi Serbiya olacaq. Bu matç iyunun 16-da Vyanada keçiriləcək. Üç gün sonra milli komanda Viener Neuştadtda Yamayka yığması ilə qarşılaşacaq.xeber100.com

“Sumqayıt” futbol klubu iki futbolçusu ilə yollarını ayırıb

“Sumqayıt” klubu iki futbolçusu ilə yollarını ayırıb . "Gənclik şəhəri” təmsilçisi bu dəfə də yerli futbolçularla vidalaşıb. Bunlar yarımmüdafiəçilər Rüfət Abdullazadə və Süleyman Əhmədovdur. Sonuncu oyunçu sosial şəbəkə vasitəsilə də klubla vidalaşıb. Qeyd edək ki, bunadək “Sumqayıt”ın qapıçısı Aydın Bayramov “Turan Tovuz”la anlaşıb.xeber100.com

“Neftçi” futbol klubu qapıçısı ilə müqavilənin müddətini uzadıb

Bakının “Neftçi” futbol klubu qapıçısı İvan Brkiçlə müqavilənin müddətini uzadıb. Bakı təmsilçisi xəbər verir ki, 28 yaşlı qolkiperlə ikiillik müqavilə imzalanıb. Qeyd edək ki, 2022-ci ilin yanvarında "Neftçi”nin formasını geyinən xorvatiyalı oyunçu bu müddətdə Premyer Liqada 37, ölkə kubokunda 9, avrokuboklarda isə 4 görüşdə meydanda olub.xeber100.com

Taekvondo üzrə 26-cı dünya çempionatına yekun vurulub

Bakıda təşkil olunan taekvondo üzrə 26-cı dünya çempionatına iyunun 4-də yekun vurulub. Azərbaycan Taekvondo Federasiyasının vitse-prezidenti Nağı Səfərov dünya çempionatının keçici bayrağını Dünya Taekvondo Federasiyasının prezidenti Çunqvon Çuya təqdim edib. Dünya Taekvondo Federasiyasının rəsmisi isə bayrağı 2025-cü ildə dünya çempionatına ev sahibliyi edəcək Çin Taekvondo Federasiyasının nümayəndəsinə verib. Çunqvon Çu taekvondo üzrə 26-cı dünya çempionatının yüksək təşkilatçılığına görə minnətdarlığını bildirib və yarışı bağlı elan edib. Çinin 2025-ci ildə dünya çempionatına ev sahibliyi etməsi barədə qərar Dünya Taekvondo Federasiyası Şurasının Bakıda keçirilən görüşündə qəbul olunub. Çinin Usi şəhəri dünya çempionatına ev sahibliyi uğrunda səsvermədə Sofiya (Bolqarıstan), Zaqreb (Xorvatiya) və Şarlott (ABŞ) şəhərlərini qabaqlayıb. Ulu Öndər Heydər Əliyevin anadan olmasının 100 illik yubileyinə və Dünya Taekvondo Federasiyasının 50 illiyinə təsadüf edən çempionat “Öz gücünü alovlandır” şüarı altında təşkil olunub. Dünya çempionatında 145 ölkədən 949 taekvondoçu 16 çəki dərəcəsində mübarizə aparıb. Dünya çempionu olan idmançı aktivinə 140 reytinq xalı əlavə edib. Çempionatda ümumilikdə 150-dən çox ölkədən 2000-ə yaxın qonaq iştirak edib. Bu münasibətlə çempionat çərçivəsində silsilə tədbirlər keçirilib. Xatırladaq ki, Bakının yarışa ev sahibliyi etməsi barədə qərar ötən il qəbul olunub. Beynəlxalq Olimpiya Komitəsinin İsveçrənin Lozanna şəhərindəki inzibati binasında təşkil olunan və qurumun prezidenti Tomas Baxın qatıldığı yığıncaqda bu yarış üçün 3 ölkə namizədliyini irəli sürsə, Bolqarıstan son anda müraciətini geri götürüb. Nəticədə dünya çempionatını qəbul etməyə Azərbaycan və Çin iddia edib. Beynəlxalq qurum ölkəmizin bir sıra nüfuzlu yarışlara, taekvondo üzrə Avropa çempionatına, Qran-Pri, Olimpiadaya lisenziya xarakterli təsnifat turnirlərinə uğurla ev sahibliyi etməsini nəzərə alaraq, dünya çempionatının keçirilməsini də Azərbaycana həvalə edib. Beləliklə, taekvondo üzrə dünya çempionatı MDB məkanında Rusiyadan sonra Azərbaycanda təşkil olunub. Eyni zamanda, Azərbaycan Avropada Almaniya, Danimarka, İspaniya, Yunanıstan, Rusiya və Böyük Britaniyadan sonra dünya çempionatına ev sahibliyi edən yeddinci ölkədir.xeber100.com

Milli Parkda əsrarəngiz taekvondo festivalı keçirilib

Bakıda keçirilən taekvondo üzrə dünya çempionatı çərçivəsində demo şou təşkil olunub. Şou Dünya Taekvondo Federasiyasının nümayiş komandası tərəfindən Dənizkənarı Milli Park ərazisində keçirilib. Dünya Taekvondo Federasiyasının prezidenti Çunqvon Ço və Azərbaycan Taekvondo Federasiyasının vitse-prezidenti Nağı Səfərov tədbir başlamazdan əvvəl komanda üzvləri ilə görüşüb. Çunqvon Ço şəhər sakinləri ilə də görüşərək onlarla şəkillər çəkdirib. Tədbirdə komanda tərəfindən Azərbaycan milli rəqslərinin də nümayiş olunması izləyicilər tərəfindən maraqla qarşılanıb. İyunun 4-dək davam edəcək çempionata 145 ölkədən minədək idmançı qeydiyyatdan keçib. Yarış səbəbi ilə 3 mindən artıq qonaq Bakıya gəlib. Dünya çempionatı Rusiyadan sonra MDB ölkələri arasında ikinci dəfə Azərbaycanda keçirilir. Azərbaycan dünya çempionatını qəbul etmiş Avropa ölkələri arasında isə Almaniya, Danimarka, İspaniya, Yunanıstan, Rusiya və Böyük Britaniyadan sonra yeddinci kimi tarixə düşüb. Qeyd edək ki, Ulu Öndər Heydər Əliyevin 100 və Dünya Taekvondo Federasiyasının 50 illiyinə təsadüf edən çempionat “Öz gücünü alovlandır” şüarı altında təşkil olunub.xeber100.com

Türkiyə yığması ilə yoldaşlıq görüşünün yeri və vaxtı müəyyənləşib

İyirmi bir yaşadək futbolçulardan ibarət Azərbaycan millisinin Türkiyə yığması ilə keçirəcəyi yoldaşlıq görüşünün yeri və vaxtı müəyyənləşib. Türkiyə Futbol Federasiyası xəbər verir ki, iyunun 17-də İstanbuldakı “Esenyurt Necmi Kadıoğlu” stadionunda baş tutacaq oyun Bakı vaxtı ilə saat 20:00-da start götürəcək.xeber100.com

“Neftçi” klubu Azərbaycan kuboku yarışlarının finalında oynayacaq

“Neftçi” futbol klubu 11-ci dəfə Azərbaycan kuboku yarışlarının finalında oynayacaq. Peşəkar Futbol Liqasının rəsmi saytına istinadən xəbər verir ki, bu, 1992-ci ildən keçirilən yarışda mütləq rekorddur. Əvvəlki 10 finalda 6 dəfə qalib olan Bakı təmsilçisi 4 dəfə mükafatsız qalıb. “Ağ-qaralar” 11-ci dəfə həlledici oyuna çıxmaqla “Qarabağ”ı arxada qoyacaq. Ağdam klubu 10 dəfə final oynayıb. “Qəbələ” isə 5-ci dəfə belə görüşün iştirakçısı olacaq. Əvvəlki dörd finalın birində kubok qazanan “qırmızı-qaralar” “Xəzər Lənkəran”a çatacaq. Ümumiyyətlə, əvvəlki 28 finalı və “Bakcell Arena”da baş tutacaq matçı nəzərə alsaq, həlledici görüşlərdə 18 komanda iştirak edib: “Neftçi” - 11, “Qarabağ” – 10, “İnter” (indiki “Şamaxı”) – 6, “Xəzər Lənkəran”, “Qəbələ” – 5, “Kəpəz” – 4, “Bakı” – 3, “Kür Nur”, “Şəmkir”, “Sumqayıt” – 2, “İnşaatçı”, “Şəfa”, Xəzri”, “MKT-Araz”, “Karvan”, “Xəzər” (Lənkəran), “İnşaatçı” (Sabirabad), “Zirə” – 1.xeber100.com

“Səbail” futbol klubu daha iki futbolçusu ilə yollarını ayırıb

“Səbail” klubu daha iki futbolçusu ilə yollarını ayırıb. Bu barədə paytaxt təmsilçisi məlumat yayıb. Bakı komandası futbolçusu Ruslan Hacıyev ilə vidalaşıb. Həmçinin argentinalı yarımmüdafiəçi Franko Mazurekin mövsümün sonunda başa çatan müqaviləsi yenilənməyib. Qeyd edək ki, daha əvvəl komanda Luvaqa Kizito, Qustavo de Fransa və Qoba Zakpa ilə də vidalaşıb.xeber100.com

“Mançester Yunayted” futbolçusu ilə yeni müqavilə imzalayıb

“Mançester Yunayted” futbolçusu Dioqu Dalotla yeni müqavilə imzalayıb. Portuqaliyalı oyunçu ilə müqavilənin müddəti 2028-ci ilin iyununa kimi uzadılıb. Qeyd edək ki, Dioqu Dalot 2018-ci ilin iyulundan "Mançester”də oynayır. O, bu mövsüm 42 oyunda 2 qol vurub, eyni sayda qolun ötürməsini verib.xeber100.com

UEFA Avropa Liqasında 2022/2023 mövsümünün qalibi müəyyənləşib

UEFA Avropa Liqasında 2022/2023 mövsümünün qalibi müəyyənləşib. Macarıstanın paytaxtı Budapeştdə keçirilən görüşdə İspaniyanın “Sevilya” klubu ilə İtaliya təmsilçisi “Roma” qarşılaşıb. Oyun ispaniyalıların qələbəsi ilə yekunlaşıb. Oyunda əsas vaxt 1:1 hesabı ilə başa çatıb. Əlavə vaxtda da qalib müəyyənləşmədiyindən penaltilər seriyası baş tutub. Penaltiləri daha dəqiq yerinə yetirən ispanlar 4:1 hesabı ilə qələbə qazanıb. Bununla da "Sevilya" 7-ci dəfə UEFA Avropa Liqasının qalibi olub.xeber100.com

Beynəlxalq Şahmat Federasiyasının reytinq cədvəli açıqlanıb

Beynəlxalq Şahmat Federasiyasının (FİDE) iyun ayı üçün reytinq cədvəli açıqlanıb. Azərbaycan təmsilçilərindən Teymur Rəcəbov (2747 xal) üç pillə geriləyərək 13-cü yerə düşüb. Şəhriyar Məmmədyarov (2740 xal) bir sıra irəliləyərək 15-ci, Qədir Hüseynov (2661) 3 pillə geriləyərək 83-cü olub. Rauf Məmmədov isə "100-lüy"ü tərk edib. Siyahıya norveçli Maqnus Karlsen (2853) liderlik edir. Fransalı Alireza Firuzca (2786) 2-ci, son dünya çempionu çinli Din Liren (2780) isə 3-cüdür. Qadın şahmatçılardan Günay Məmmədzadə (2456) 25-ci, Ülviyyə Fətəliyeva (2401) 53-cü, Xanım Balacayeva (2368) 80-ci, Gülnar Məmmədova (2357) 85-ci, Gövhər Beydullayeva (2355) 89-cu pillədə qərarlaşıb.