Əmək və əhalinin sosial müdafiəsi naziri vətəndaşları qəbul edəcək

Əmək və əhalinin sosial müdafiəsi naziri Səlim Müslümovun Şabran rayonunda keçirəcəyi vətəndaşların qəbul günü noyabrın 10-dan noyabrın 16-na keçirilib.Bu barədə nazirliyin ictimaiyyətlə əlaqələr şöbəsi Azərtac-a məlumat verib.Həmin gün nazir Şabran, Siyəzən, Quba, Qusar və Xaçmaz rayonlarının sakinlərini fərdi qaydada qəbul edəcək. Vətəndaşların Əmək və Əhalinin Sosial Müdafiəsi Nazirliyinin fəaliyyət sahələrinə aid məsələlərlə (o cümlədən, əmək hüquqlarının müdafiəsi, sosial təminat növlərinə hüququn müəyyən olunması, tibbi-sosial ekspertiza və reabilitasiya, aktiv məşğulluq tədbirlərinə cəlb olunma və s.) bağlı müraciətləri nazirliyin müvafiq struktur bölmələrinin məsul şəxslərinin iştirakı ilə cavablandırılacaq, həmin məsələlərin həlli ilə əlaqədar tədbirlər görüləcək.xeber100.com

Dövlət Statistika Komitəsinin məlumatı

Noyabrın 6-dək ölkə üzrə pambıq qəbulu məntəqələrinə 166 min 722,92 ton məhsul təhvil verilib.Dövlət Statistika Komitəsindən Azərtac-a bildiriblər ki, ötən iki gündə 5306,69 ton pambıq tədarük olunub.Xatırladaq ki, 2016-cı ildə, ümumilikdə, 88 min 596 ton pambıq yığılmışdı.xeber100.com

XII Nar festivalına start verilib

Göyçayda XII Nar festivalına start verilib. Festival Mədəniyyət və Turizm Nazirliyinin, Göyçay Rayon İcra Hakimiyyətinin birgə təşkilatçılığı ilə keçirilir.Builki Nar festivalında iştirak edənlər arasında dövlət və hökumət nümayəndələri, Milli Məclisin deputatları, xarici ölkələrin Azərbaycandakı səfirləri, yerli və xarici iş adamları, beynəlxalq təşkilatların əməkdaşları da var.Azərtac xəbər verir ki, festival iştirakçıları günboyu nar məhsullarının nümayiş olunduğu sərgiyə baxacaq, nar abidəsinin açılışında iştirak edəcək, habelə respublikanın tanınmış müğənnilərinin iştirakı ilə konsert proqramı, nar istehsalı müəssisələrinə səfər, bədii kollektivlərin çıxışları, müxtəlif müsabiqələr təşkil ediləcək.Noyabrın 4-də isə Heydər Əliyev parkında nar və nar məhsullarının satış yarmarkaları, yerli musiqiçilərin iştirakı ilə konsert təşkil olunacaq, nardan hazırlanan müxtəlif əl işləri nümayiş etdiriləcək. Həmçinin şəhər stadionunda “AzNar” və “Neftçi” futbol komandaları arasında “Nar kuboku” uğrunda oyun keçiriləcək. Oyun saat 15:00-da başlayacaq. Yarışın qalibinə “AzNar” QSC tərəfindən 10 min manat, ikinci yerin sahibinə isə 5 min manat pul mükafatı veriləcək.xeber100.com

Dövlət Statistika Komitəsinin məlumatı

Noyabrın 3-dək pambıq qəbulu məntəqələrinə ölkə üzrə 158 min 679,52 ton məhsul təhvil verilib.Dövlət Statistika Komitəsindən Azərtac-a bildiriblər ki, ötən gün 1932,01 ton pambıq tədarük olunub.Qeyd edək ki, cari ildə ötən illə müqayisədə 2,7 dəfə çox – 136 min 413,2 hektar çiyid səpilib. Bu il ən çox pambıq Saatlı, İmişli, Sabirabad, Biləsuvar və Neftçalada əkilib.xeber100.com

“Azərxalça” ASC-nin yeni filialı tezliklə istifadəyə veriləcək

Qazax rayonunda inşa olunan “Azərxalça” ASC-nin Qazax filialı tezliklə istifadəyə veriləcək.Rayon icra hakimiyyətindən Azərtac-a bildiriblər ki, yeni istehsalat müəssisəsinin inşası yekunlaşmaq üzrədir.Müəssisə işə salınandan sonra burada 160 sakin işlə təmin olunacaq.xeber100.com

Dövlət Statistika Komitəsinin məlumatına görə…

Oktyabrın 30-dək pambıq qəbulu məntəqələrinə ölkə üzrə 147 min 683,42 ton məhsul təhvil verilib.Dövlət Statistika Komitəsindən Azərtac-a bildiriblər ki, ötən iki gündə 7769,68 ton pambıq tədarük olunub.Qeyd edək ki, ölkə üzrə cari ildə ötən illə müqayisədə 2,7 dəfə çox – 136 min 413,2 hektar çiyid səpilib. Bu il ən çox pambıq Saatlı, İmişli, Sabirabad, Biləsuvar və Neftçalada əkilib.Məhsul yığımında Saatlı pambıqçıları öndədirlər. Onlar oktyabrın 30-dək 21 min 160,30 ton məhsul təhvil veriblər.Xatırladaq ki, 2016-cı ildə, ümumilikdə, 88 min 596 ton pambıq tədarük olunmuşdu.xeber100.com

“Media məktəbi-3” layihəsinin icrasına başlanılacaq

Gəncədə “Odlar Yurdu” Gənclər İctimai Birliyi tərəfindən “Media məktəbi-3” layihəsinin icrasına başlanılacaq.Yeni layihənin məqsədi gənclərin media sahəsində biliklərini artırmaq, onları mütəxəxssislərin iştirakı ilə təlimatlandırmaq, həqiqi-praktiki iş şəraiti ilə tanış etmək və media sahəsində çalışmaq istəyənlərə dəstək olmaqdır.“Media məktəbi-3” layihəsi çərçivəsində medianın müxtəlif sahələri üzrə mütəxəssislər tərəfindən təlimlər və interaktiv çalışma tapşırıqları keçiriləcək. Həmçinin gənclər ayrı-ayrı praktiki fəaliyyətlərlə məşğul olacaq, televiziya kanallarına və xəbər saytlarının ofislərinə səfər edəcəklər.“Media məktəbi-1”(2013) və “Media məktəbi-2”(2016) layihələrinin məzunu olmuş bir neçə gəncin hazırda müxtəlif media qurumlarında çalışdığını deyən Odlar Yurdu GİB-in sədri Nigar Ələsgərova Azərtac-a bildirib ki, 3-cü layihə də jurnalist olmaq istəyən, media sahəsində çalışmağı qarşısına məqsəd qoyan gənclər üçün faydalı olacaq və onların bu sahədə bacarıqlı kadrlar kimi üzə çıxmasına şərait yaradacaq.xeber100.com

Dövlət Statistika Komitəsinin məlumatı

Oktyabrın 27-dək ölkə üzrə 136 min 470,34 ton pambıq tədarük olunub. Ötən gün isə qəbul məntəqələrinə 4186,49 ton pambıq təhvil verilib.Dövlət Statistika Komitəsindən Azərtac-a bildiriblər ki, ən çox pambıq tədarük edən rayonların siyahısına Saatlı (20087,90 ton), Biləsuvar (16449,16 ton), Bərdə (12899,92 ton), Sabirabad (12744,72 ton) və Ağcabədi (12573,66 ton) daxildir.Qeyd edək ki, bu il ötən illə müqayisədə ölkə üzrə 2,7 dəfə çox – 136 min 413,2 hektar çiyid səpilib. Ən çox pambıq Saatlı (17220 hektar), İmişli (15641,5 hektar), Sabirabad (15055 hektar), Biləsuvar (11351,8 hektar) və Neftçalada (11111 hektar) əkilib.xeber100.com

Regionlarda vətəndaşların qəbulu prosesi davam etdirilir

Mərkəzi icra hakimiyyəti orqanları rəhbərləri tərəfindən regionlarda vətəndaşların qəbulu prosesi davam etdirilir.Komitədən Azərtac-a bildirilib ki, növbəti belə qəbul oktyabrın 27-də Əmlak Məsələləri Dövlət Komitəsinin (ƏMDK) sədri Kərəm Həsənov tərəfindən Şirvan şəhərində keçirilib. Qəbulda Şirvan şəhəri ilə yanaşı, Hacıqabul, Sabirabad rayonlarından olan vətəndaşların müraciətlərinə də baxılıb.Qəbulda müxtəlif sosial təbəqədən və yaş həddindən olan vətəndaşlar iştirak edərək, komitə sədrinə müraciətlərini bildiriblər. Komitə sədri qəbula gələn hər bir vətəndaşı diqqətlə dinləyib, səsləndirilən bir sıra müraciətlərin dərhal həlli üçün göstərişlərini verib. Vətəndaşlara onların müraciətləri ilə bağlı mövcud qanunvericiliyin tələbləri çatdırılıb. Araşdırılması zəruri olan müraciətlər isə qeydiyyata alınıb.xeber100.com

Baş Prokurorluğun məlumatı əsasında…

Vətəndaşların müraciətlərinə qayğı və həssaslıqla yanaşılması ilə bağlı tapşırıqları prokurorluq orqanları tərəfindən daim diqqətdə saxlanılır, vətəndaşların qəbulu, onların ərizə və şikayətlərinə baxılaraq həll olunması üçün müvafiq tədbirlər görülür.Baş Prokurorluğun mətbuat xidmətindən Azərtac-a bildiriblər ki, mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq, baş prokuror Zakir Qaralov oktyabrın 27-də Sabirabad Rayon Prokurorluğunun inzibati binasında Şirvan şəhərindən, Sabirabad, Hacıqabul, Saatlı və Salyan rayonlarından olan vətəndaşları qəbul edib.Baş Prokurorluğun məsul əməkdaşlarının, habelə əlaqədar tabe prokurorların iştirakı ilə keçirilən qəbulda 24 vətəndaş qəbul edilib. Onların müraciətlərində qaldırılan məsələlərin bir qismi yerindəcə həllini tapıb.xeber100.com