Bu ilin doqquz ayında Beyləqan rayonunda ümumi məhsul buraxılışının həcmi 186 milyon manat olub. Məhsul buraxılışının 13,1 milyon manatını sənaye, 75,7 milyon manatını kənd təsərrüfatı məhsulları istehsalı təşkil edib. Əsas kapitala 56,8 milyon manat investisiya yönəldilib, 55,1 milyon manatlıq tikinti-quraşdırma işləri görülüb. Ötən ilin eyni dövrü ilə müqayisədə əsas kapitala yönəldilən investisiyalar 2,5 dəfə, tikinti-quraşdırma işləri 2,6 dəfə artıb.Azərtac xəbər verir ki, bu barədə Beyləqan rayon Heydər Əliyev Mərkəzində 2017-ci ilin doqquz ayının sosial-iqtisadi inkişafının yekunları və qarşıda duran vəzifələrə həsr olunan yığıncaqda məlumat verilib.Rayon icra hakimiyyətinin başçısı Vaqif Abdullayevin məruzəsində bildirilib ki, sahibkarlığın inkişafı rayonda prioritet məsələ kimi daim nəzarətdə saxlanılıb, Sahibkarlığa Kömək Milli Fondunun xətti ilə 12 layihə üzrə 129 min 955 manat kredit ayrılıb.Diqqətə çatdırılıb ki, bu il 8550 hektar sahədə pambıq əkilib. Bu, keçən ilin müvafiq dövrü ilə müqayisədə 2,1 dəfə çoxdur. Hazırda tarlalarda pambıq yığımı davam edir. Cari ildə 8181 ton şəkər çuğunduru, 11 min 796 ton qarğıdalı, 20 min 438 ton tərəvəz, 6226 ton bostan məhsulları istehsal olunub. Hesabat dövründə iribuynuzlu heyvanların sayı 204 baş artaraq, 58 min 24-ə, xırdabuynuzluların sayı 3639 baş artaraq, 300 min 868-ə çatıb. 6,4 min ton ət, 30 min ton süd, 589 ton yun istehsal edilib.Yığıncaqda təhsil, səhiyyə, mədəniyyət, idman və digər sahələrdə həyata keçirilən tədbirlərdən, əhalinin elektrik enerjisi, təbii qaz, içməli və təsərrüfat suyu ilə təminatı istiqamətində görülən işlərdən də ətraflı bəhs olunub.Məruzə və çıxışlarda uğurlarla yanaşı, problemlər də sadalanıb, onların həlli üçün təkliflər irəli sürülüb.xeber100.com
