Dövlət Statistika Komitəsinin məlumatı

Oktyabrın 9-dək pambıq qəbulu məntəqələrinə ölkə üzrə 66 min 837,09 ton məhsul təhvil verilib.Dövlət Statistika Komitəsindən Azərtac-a bildiriblər ki, oktyabrın 7-8-də 7380,08 ton pambıq tədarük olunub.Pambıq tədarükündə əvvəlki kimi Saatlı rayonu öndədir. Rayon pambıqçıları indiyədək məntəqələrə 12281,60 ton məhsul təhvil veriblər. Biləsuvarda 7650,16 ton, Sabirabadda 7104,26 ton pambıq tədarük edilib.xeber100.com

Vətəndaşların məşğulluğunun təmin edilməsi məqsədilə…

Göyçay rayonunda işsiz vətəndaşların məşğulluğunun təmin edilməsi məqsədilə növbəti əmək yarmarkası keçirilib.Azərtac xəbər verir ki, tədbirdə çıxış edən Göyçay rayon Məşğulluq Mərkəzinin direktoru Namiq İsmayılov, rayon icra hakimiyyəti başçısının müavini Ədalət Dövlətov, Göyçay Regional Peşə Tədrisi Mərkəzinin direktoru Bəhman İmranov çıxış edərək əhalinin məşğulluğunun təmin edilməsi, yeni iş yerlərinin yaradılması məqsədilə həyata keçirilən tədbirlərdən danışıblar. Qeyd edilib ki, ötən 9 ayda rayonda görülən işlər nəticəsində 800-dən çox yeni iş yeri açılıb.Məlumat verilib ki, son vaxtlar rayon gəncləri müxtəlif sənətkarlıq sahələri üzrə kurslarda iştirak etmək üçün Göyçay Regional Peşə Tədrisi Mərkəzinə müraciət edirlər. Hazırda mərkəzdə 50-ə yaxın ixtisas üzrə kurslar təşkil edilir və iştirakçılara şəhadətnamə verilir, onların Məşğulluq Mərkəzi vasitəsilə işlə təmin edilməsinə köməklik göstərilir.Çıxışlardan sonra əmək yarmarkasında iştirak edən vətəndaşlara 16 müəssisə və təşkilat tərəfindən 131 boş iş yeri təqdim olunub. İş təqdim edən müəssisələrdən 10-u dövlət, 6-sı özəldir. Boş iş yerlərinə görə 120-300 manat məbləğində əmək haqqı təklif edilib. Yarmarkada iştirak edən 215 nəfər işaxtaran vətəndaşdan 40-ı öz istəyinə və ixtisasına uyğun işə göndəriş alıb. Vətəndaşlar əsasən təhsil və səhiyyə müəssisələrində, istehsal və emal sahələrində, xidmət təşkilatlarında, tikintidə işlə təmin olunublar.Həmçinin əmək yarmarkasında 60 nəfərə peşə hazırlığı kursuna göndəriş verilib.Qarşıdakı günlərdə boş qalmış 91 yerə işçi göndərilməsi üçün tədbirlər davam etdiriləcək.xeber100.com

Sahibkarlar üçün treninq keçirilib

Oktyabrın 6-da İqtisadiyyat Nazirliyinin Bakı Biznes Tədris Mərkəzinin Lənkəran nümayəndəliyinin təşkilatçılığı ilə Lənkəran rayonunun Xolmili kəndində sahibkarlar və sahibkarlıq fəaliyyətinə yeni başlayanlar üçün treninq keçirilib.İqtisadiyyat Nazirliyinin mətbuat xidmətindən Azərtac-a bildiriblər ki, "Mövcud və yeni ixrac bazarlarına çıxış imkanları", "İstehsal sahələrinin idarə edilməsi" mövzularını əhatə edən treninqdə iştirakçılara ixrac bazarları, ixrac sahəsində mövcud qanunvericilik, ixracatçılara tətbiq edilən güzəştlər, ixracın stimullaşdırılması tədbirləri, ixracyönümlü məhsulların istehsalı, brendləşmənin xüsusiyyətləri və məhsul ixracının artırılmasında rolu, istehsal sahələrində biznesin təşkili və səmərəli idarə edilməsi və s. barədə ətraflı məlumat verilib.Tədbirdə iştirakçılara, həmçinin İqtisadiyyat Nazirliyi tərəfindən göstərilən elektron xidmətlər, sahibkarların təkrar şikayətlərinə baxılması prosedurları barədə məlumatlar verilib, mövzular üzrə təqdimatlar keçirilib, iştirakçıların sualları cavablandırılıb.xeber100.com

Dövlət Statistika Komitəsinin məlumatı

Oktyabrın 2-dək pambıq qəbulu məntəqələrinə ölkə üzrə 54 min 547,61 ton məhsul təhvil verilib.Azərtac xəbər verir ki, Dövlət Statistika Komitəsinin məlumatına əsasən, ötən bir gündə 4 min 426,81 ton pambıq tədarük olunub.Məhsul yığımında Saatlı rayonu öndə gedir. Rayon pambıqçıları indiyədək 10 min 481,70 ton məhsul təhvil veriblər. İlk beşliyə Biləsuvar (6390,59 ton), Sabirabad (5881,06 ton), Beyləqan (4213,09 ton), Ağcabədi (4195,11 ton) rayonları daxildir.xeber100.com

Fövqəladə hallar naziri vətəndaşları qəbul edib

Fövqəladə hallar naziri Kəmaləddin Heydərov sentyabrın 29-da Samux şəhərində Daşkəsən, Gədəbəy, Göygöl və Samux rayonlarının və Gəncə şəhərinin sakinlərinin, həmçinin həmin şəhər və rayonlarda məskunlaşmış məcburi köçkünlərin qəbulunu keçirib.Azərtac xəbər verir ki, fövqəladə hallar naziri tərəfindən qəbul edilən 16 vətəndaşın müraciətlərinin bir çoxu yerindəcə öz həllini tapıb, bir sıra məsələlərlə bağlı qanunvericiliyə uyğun dərhal zəruri tədbirlərin görülməsi barədə aidiyyəti strukturların rəhbərlərinə tapşırıqlar verilib.Bundan başqa, kadr məsələləri ilə bağlı 90, digər məsələlərlə bağlı müraciət etmiş 62 vətəndaş nazir müavinləri və nazirliyin müvafiq baş idarə və qurum rəhbərliyi tərəfindən qəbul olunub.xeber100.com

Əhalinin məşğulluğunun təmin edilməsi məqsədilə

Tovuz rayonunda əhalinin məşğulluğunun təmin edilməsi məqsədilə növbəti əmək yarmarkası keçirilib.Azərtac xəbər verir ki, tədbirdə Tovuz Rayon Məşğulluq Mərkəzinin direktoru Ülfət Hüseynov çıxış edərək, rayonda həyata keçirilən məşğulluq tədbirlərinin əhalinin sosial müdafiəsinin gücləndirilməsində, insanların daimi işlə təmin olunmasında mühüm rol oynadığını bildirib.Rayon icra hakimiyyətinin məsul işçisi Nəriman Eyvazov, Əmək və Əhalinin Sosial Müdafiəsi Nazirliyi yanında Dövlət Məşğulluq Xidmətinin nümayəndəsi Elçin Səlimov bildiriblər ki, işaxtaran vətəndaşların, xüsusilə də gənclərin sosial müdafiəsinin gücləndirilməsi, onların münasib işlə təmin olunması məqsədilə Dövlət Məşğulluq Xidməti tərəfindən bir sıra məşğulluq tədbirləri həyata keçirilir. Bu tədbirlər içərisində əmək yarmarkaları xüsusi yer tutur.Vurğulanıb ki, Tovuz rayonunda yeni iş yerlərinin açılması, infrastrukturun müasir tələblər səviyyəsində qurulması sosial rifahın təmin olunmasına müsbət təsir göstərib.Sonra yarmarkaya gələnlər boş iş yerləri ilə tanış olublar. 31 təşkilatdan 363 boş iş yerinin çıxarıldığı yarmarkada 71 nəfərə işə göndəriş verilib.xeber100.com

Dövlət Gömrük Komitəsi vətəndaşları qəbul edəcək

Mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq Dövlət Gömrük Komitəsinin sədri Aydın Əliyev sentyabrın 29-da Ağdam rayonunun Quzanlı qəsəbəsində vətəndaşları qəbul edəcək.Dövlət Gömrük Komitəsi mətbuat xidmətindən Azərtac-a bildirilib ki, qəbul zamanı bölgədə yerləşən Ağdam, Goranboy, Bərdə, Tərtər rayonlarının sakinlərinin yalnız gömrük məsələləri ilə bağlı müraciətləri dinləniləcək.Dövlət Gömrük Komitəsi vətəndaşların işə qəbulla bağlı çoxsaylı müraciətlərini nəzərə alaraq bildirir ki, gömrük orqanlarına xidmətə qəbul “Gömrük orqanlarında xidmət haqqında” Əsasnamə və Azərbaycan Respublikası Prezidentinin 12 noyabr 2010-cu il tarixli 349 nömrəli Fərmanı ilə təsdiq edilmiş “Gömrük orqanlarına xidmətə qəbul ilə əlaqədar müsabiqənin keçirilməsi qaydaları” əsasında test üsulu ilə həyata keçirilir. Qeyd edilən fərmana uyğun olaraq “Gömrük orqanlarında xidmət haqqında” Əsasnamənin tələblərinə cavab verən Azərbaycan Respublikasının vətəndaşları gömrük orqanlarında xidmətə qəbul üçün Dövlət Gömrük Komitəsinin internet saytına müraciət edərək elektron şəkildə ərizə daxil etməklə, test imtahanlarında iştirak edə bilərlər.xeber100.com

İqtisadiyyat Nazirliyinin məlumatına əsasən…

İqtisadiyyat Nazirliyinin Sahibkarlığa Kömək Milli Fondu Şamaxı rayonunda sahibkarlardan prioritet hesab olunan sahələr üzrə investisiya layihələrinin qəbuluna başlayır.Nazirliyin mətbuat xidmətindən bildiriblər ki, layihələrdə taxılçılıq, cins heyvandarlıq, üzümçülük, kartofçuluq, arıçılıq, bağçılıq və badam əkini təsərrüfatlarının, süd emalı müəssisəsinin və otelin yaradılması nəzərdə tutulur.Sahibkarlar investisiya layihələrinin maliyyələşdirilməsi məqsədilə müvəkkil kredit təşkilatları vasitəsilə Sahibkarlığa Kömək Milli Fonduna müraciət edə bilərlər.Qeyd edək ki, Sahibkarlığa Kömək Milli Fondu Şamaxı rayonunun Sabir qəsəbəsində işgüzar forum keçirib.xeber100.com

Əhalinin məşğulluğunun təmin edilməsi məqsədilə

Beyləqan rayonunda əhalinin məşğulluğunun təmin edilməsi məqsədilə növbəti əmək yarmarkası keçirilib.Azərtac xəbər verir ki, rayon Məşğulluq Mərkəzinin direktoru Mansur Tağıyev, Dövlət Məşğulluq Xidmətinin nümayəndəsi Rəşad Əsgərli və başqaları yarmarkanın açılışında çıxış edərək, əhalinin məşğulluğunun təmin olunması, yoxsulluğun aradan qaldırılması, yeni iş yerlərinin yaradılması məqsədilə həyata keçirilən tədbirlərdən danışıblar.Gənclər Mərkəzində keçirilən əmək yarmarkasına 18 idarə, müəssisə və təşkilat tərəfindən 182-si daimi, 12-si mövsümi olmaqla, 194 boş iş yeri çıxarılıb. Boş iş yerlərinə görə 120-486 manat məbləğində əmək haqqı təklif edilib.Yarmarkada iştirak edən 200-dən çox işaxtaran vətəndaşdan 72 nəfəri öz istəyinə və ixtisasına uyğun işə göndəriş alıb.xeber100.com

Sahibkarlar üçün treninq keçirilib

Sentyabrın 20-də İqtisadiyyat Nazirliyinin Bakı Biznes Tədris Mərkəzinin Lənkəran nümayəndəliyinin təşkilatçılığı ilə Lənkəranın İstisu qəsəbəsində sahibkarlar üçün treninq keçirilib.İqtisadiyyat Nazirliyinin mətbuat xidmətindən bildiriblər ki, "Made in Azerbaijan" brendinin yaradılması və inkişafı", "İnvestisiya təşviqi sənədinin verilməsi Qaydası" mövzularını əhatə edən treninqdə biznesin təşkili və səmərəli idarəsi, brendləşmənin xüsusiyyətləri, məhsulların keyfiyyətinin yüksəldilməsi, investisiya təşviqi sənədini alanlara texnikanın idxalı üçün təsdiqedici sənədin verilməsi və biznes planın tərtib olunması və s. barədə ətraflı məlumat iştirakçıların diqqətinə çatdırılıb.Tədbirdə iştirakçılar, həmçinin İqtisadiyyat Nazirliyi tərəfindən göstərilən elektron xidmətlər, sahibkarların təkrar şikayətlərinə baxılması prosedurları barədə məlumatlandırılıb.Treninq çərçivəsində mövzular üzrə təqdimatlar keçirilib, iştirakçıların sualları cavablandırılıb.xeber100.com