Kənd Təsərrüfatı Nazirliyinin məlumatı

Oktyabrın 10-dan noyabrın 5-dək Bakı şəhəri, Xətai rayonunda arıçılıq məhsullarının respublika sərgi-satış yarmarkası keçiriləcək.Kənd Təsərrüfatı Nazirliyindən Azərtac-a bildiriblər ki, yarmarkada iştirak etmək istəyən arıçılar məhsullarını sentyabrın 19 –dan 30-dək mühafizə olunan anbara təhvil verməlidirlər.Sərgi-satış yarmarkasına hazırlıq tədbirlərinin səmərəliliyini artırmaq və vaxt itkisinə yol verməmək məqsədilə arıçılıq məhsullarının anbara qəbulu sentyabrın 18-20-də Lənkəran, sentyabrın 21-də Kəlbəcər-Laçın və Yuxarı Qarabağ, sentyabrın 22-23-də Gəncə-Qazax, sentyabrın 24-25-də Şəki-Zaqatala, sentyabrın 26-da Quba-Xaçmaz və Abşeron, sentyabrın 27-28-də Naxçıvan, sentyabrın 29-da Dağlıq Şirvan, sentyabrın 30-da isə Aran iqtisadi rayonları üzrə keçiriləcək.Eyni zamanda, oktyabrın 9-da şəffaflığın təmin edilməsi məqsədilə yerlərin iqtisadi rayonlar üzrə və fərdi qaydada püşkatma mərasimi təşkil olunacaq. Maraqlananlar Kənd Təsərrüfatı Nazirliyinin Çağrı mərkəzi (1652) və 012-498-94-47 nömrəli telefonla əlaqə saxlaya bilərlər.xeber100.com

Əhalinin məşğulluğunun təmin edilməsi məqsədilə

Ağcabədi rayonunda əhalinin məşğulluğunun təmin edilməsi məqsədilə növbəti əmək yarmarkası keçirilib.Azərtac xəbər verir ki, rayon Məşğulluq Mərkəzinin direktoru Məhərrəm İbişov, Dövlət Məşğulluq Xidmətinin nümayəndəsi Rəşad Əsgərli və başqaları yarmarkanın açılışında çıxış edərək, ölkədə və Ağcabədi rayonunda gedən sosial-iqtisadi inkişafdan, əhalinin məşğulluğunun təmin edilməsi, yoxsulluğun aradan qaldırılması, yeni iş yerlərinin yaradılması məqsədilə həyata keçirilən tədbirlərdən danışıblar.Əmək yarmarkasına 39 idarə, müəssisə və təşkilat tərəfindən 370 boş iş yeri çıxarılıb. Boş iş yerlərinə görə 125-700 manat məbləğində əməkhaqqı təklif edilib. Yarmarkada iştirak edən 400-dən çox işaxtaran vətəndaşdan 176 nəfəri öz istəyinə və ixtisasına uyğun işə göndəriş alıb.xeber100.com

Vergilər naziri vətəndaşları qəbul edəcək

Sentyabrın 22-də vergilər naziri Fazil Məmmədov Qax rayon vergiödəyicilərinə xidmət mərkəzində Qax, Şəki, Zaqatala və Balakən rayonlarından olan vətəndaşları qəbul edəcək.Nazirliyin Media və Kommunikasiya Mərkəzindən Azərtac-a bildirilib ki, qəbulda vergilərin hesablanması, ödənilməsi, vergi nəzarəti tədbirləri sahəsində sahibkarların qarşılaşdıqları problemlər, vergi qanunvericiliyinin və inzibatçılığının tətbiqi və vergiödəyicilərinə göstərilən xidmətlərlə bağlı müraciətlərə baxılacaq.xeber100.com  

Vətəndaşların qəbulu davam edir

Mərkəzi icra hakimiyyəti orqanlarının rəhbərləri tərəfindən bölgələrdə vətəndaşların qəbulu davam edir.Dini Qurumlarla İş üzrə Dövlət Komitəsinin mətbuat xidmətindən Azərtac-a bildiriblər ki, Dövlət Komitəsinin sədri Mübariz Qurbanlı sentyabrın 21-də Masallı rayonunda vətəndaşları qəbul edəcək. Qəbulda Masallı, Cəlilabad, Yardımlı rayonlarının sakinləri iştirak edə bilərlər.xeber100.com

Əməkdaşlıq haqqında memorandum imzalanıb

Sumqayıt şəhərinin nümayəndə heyəti sentyabrın 14-dən 17-dək Gürcüstanın Rustavi şəhərində keçirilən Şəhər günü bayramına qatılıb, hər iki şəhər arasında əməkdaşlıq haqqında memorandum imzalanıb.Səfərdən qayıdan Sumqayıt Şəhər İcra Hakimiyyəti başçısının birinci müavini Faiq Kərimov Azərtac–a bildirib ki, 1972–ci ildən qardaşlaşmış şəhərlər olan Sumqayıtla Rustavini dostluq telləri birləşdirir. Hər iki dövlətin iri sənaye şəhərləri arasındakı dost münasibətlər gündən-günə möhkəmlənir və genişlənir. Nümayəndə heyəti qardaş şəhərdə bir sıra rəsmi görüşlərdə də iştirak edib.Həmçinin Rustavidə bayram tədbirləri çərçivəsində hər iki şəhər arasında əməkdaşlıq haqqında memorandum imzalanıb.xeber100.com

Növbəti əmək yarmarkası keçirilib

Biləsuvardakı mərkəzi parkda rayon icra hakimiyyəti və Əmək və Əhalinin Sosial Müdafiə Nazirliyi yanında Dövlət Məşğulluq Xidməti rayon şöbəsinin birgə təşkilatçılığı ilə növbəti əmək yarmarkası keçirilib.Azərtac xəbər verir ki, 16 təşkilat və müəssisənin iştirak etdiyi əmək yarmarkasında işsiz və iş axtaran vətəndaşlara 27-si dövlət, 80-i isə qeyri-dövlət sektoruna məxsus olan 107 iş yeri təklif olunub.Sakinlərin böyük maraq göstərdiyi yarmarkada çıxış edənlər əhalinin məşğulluğunun artırılması və vətəndaşların işlə təmin olunması üçün keçirilən bu cür tədbirlərin əhəmiyyətindən danışıblar.Əmək yarmarkasında iştirak edən 290 nəfərdən 64-nə işlə təmin olunması üçün müəssisə və təşkilatlara göndəriş verilib.xeber100.com

İşsiz vətəndaşların məşğulluğunun təmin edilməsi məqsədilə…

Tərtər rayonunda işaxtaran və işsiz vətəndaşların məşğulluğunun təmin edilməsi məqsədilə növbəti əmək yarmarkası keçirilib.Azərtac xəbər verir ki, yarmarkanın açılış mərasimində çıxış edənlər əhalinin məşğulluğunun təmin edilməsi, yoxsulluğun aradan qaldırılması, yeni iş yerlərinin yaradılması məqsədilə həyata keçirilən tədbirlərdən danışıblar. Bildirilib ki, hər il rayonda əmək yarmarkasının təşkil olunması iş tapmaqda çətinlik çəkən sakinlərin iş yerləri ilə təmin edilməsinə müsbət təsir göstərir.Əmək yarmarkasında 23 idarə, müəssisə və təşkilat tərəfindən 168 boş iş yeri təqdim olunub. Yarmarkada iştirak edən 200-dən artıq işaxtaran vətəndaşdan 55 nəfəri öz istəyinə və ixtisasına uyğun işə göndəriş alıb.xeber100.com

Nəqliyyat, rabitə və yüksək texnologiyalar naziri vətəndaşları qəbul edəcək

Nəqliyyat, rabitə və yüksək texnologiyalar naziri Tovuzda vətəndaşları qəbul edəcək.Nəqliyyat, Rabitə və Yüksək Texnologiyalar Nazirliyindən Azərtac-a bildirilib ki, nazir Ramin Quluzadə sentyabrın 8-də saat 12:30-da Tovuz şəhərində Tovuz, Şəmkir, Gədəbəy, Ağstafa və Qazax rayonlarının sakinlərinə göstərilən nəqliyyat, telekommunikasiya (o cümlədən, internet, televiziya və radio yayımı) və poçt xidmətlərinin keyfiyyəti, xidmət mədəniyyəti və bu sahədə bölgələrdə əhalini maraqlandıran digər məsələlərlə bağlı vətəndaşları qəbul edəcək.xeber100.com

İqtisadiyyat naziri vətəndaşları qəbul edəcək

Avqustun 31-də İqtisadiyyat naziri Şahin Mustafayev Lənkəran, Astara və Lerik rayonlarından olan vətəndaşları qəbul edəcək.Nazirliyin mətbuat xidmətindən bildiriblər ki, vətəndaşların qəbulu saat 10:00-dan etibarən Heydər Əliyev Mərkəzində (Ünvan: Astara rayonu, Azərbaycan küçəsi, 26D) keçiriləcək.xeber100.com

“İslam həmrəyliyi: müasir çağırışlar və dini maarifləndirmə”…

Avqustun 29-da Samux rayonunda “İslam həmrəyliyi: müasir çağırışlar və dini maarifləndirmə” mövzusunda regional konfrans keçiriləcək.Konfrans “İslam Həmrəyliyi İli” çərçivəsində Dini Qurumlarla İş üzrə Dövlət Komitəsi və Samux Rayon İcra Hakimiyyətinin birgə təşkilatçılığı ilə baş tutacaq.Dövlət Komitəsindən Azərtac-a bildiriblər ki, konfransın II hissəsi “Dini radikalizmlə mübarizə və gənclərin maarifləndirilməsi” mövzusunda panellə davam edəcək. Paneldə Dini Qurumlarla İş üzrə Dövlət Komitəsinin sədr müavini Gündüz İsmayılovun, dini maarifləndirmə işinin təşkili şöbəsinin müdiri Ruslan Əsgərovun, rayon Gənclər və İdman İdarəsinin rəisinin məruzələri dinləniləcək.Tədbirdə dini radikalizmlə mübarizə, Azərbaycanda mövcud olan dini tolerantlığın, multikulturalizm ənənələrinin, islami və milli-mənəvi dəyərlərin qorunub saxlanılması, dindarlar, xüsusilə gənclər arasında təşviqi məsələləri müzakirə olunacaq.Regional konfransda Dini Qurumlarla İş üzrə Dövlət Komitəsinin və Samux Rayon İcra Hakimiyyətinin rəhbər şəxsləri, Qafqaz Müsəlmanları İdarəsinin səlahiyyətli nümayəndəsi, yerli hüquq mühafizə orqanlarının rəhbərləri, YAP rayon təşkilatının nümayəndələri, dini icma sədrləri, ilahiyyatçılar, həmçinin ictimaiyyət fəalları iştirak edəcəklər.Konfransdan əvvəl Dini Qurumlarla İş üzrə Dövlət Komitəsinin sədri Mübariz Qurbanlı Samux rayonunda Gəncə, Daşkəsən, Naftalan, Göygöl, Goranboy, Samux sakinləri, eləcə də bölgədə məskunlaşmış Xocalı və Kəlbəcər rayonlarından olan qaçqın və məcburi köçkünləri qəbul edəcək.xeber100.com