Sahibkarlara 5 milyon manatdan çox kredit verilib

Qazax rayonunda 7 özəl bank filialı, 1 özəl bank şöbəsi, 1 kredit ittifaqı və 4 bank olmayan kredit təşkilatı fəaliyyət göstərir. Cari ilin ötən dövründə bu qurumlar tərəfindən sahibkarlara 5876026 manat kredit verilib.Rayon icra hakimiyyətindən Azərtac-a bildiriblər ki, Sahibkarlığa Kömək Milli Fondu tərəfindən də 37 yeni iş yerinin açılması məqsədi ilə sahibkarlara 30 layihə üzrə 474400 manat kredit ayrılıb.xeber100.com

“İslam həmrəyliyi – bəşəriyyəti sülhə aparan yol” mövzusunda tədbir keçirilib

Kürdəmirdə rayon icra hakimiyyətinin və Dini Qurumlarla İş üzrə Dövlət Komitəsinin Ucar bölgəsi üzrə şöbəsinin birgə təşkilatçılığı ilə avqustun 4-də “İslam həmrəyliyi – bəşəriyyəti sülhə aparan yol” mövzusunda tədbir keçirilib.Azərtac xəbər verir ki, rayon mərkəzi xəstəxanasının akt zalında təşkil edilən tədbirdə rayon icra hakimiyyəti başçısı Elxan Qafarov, DQİDK-nın Ucar bölgəsi üzrə şöbəsinin müdiri Ə.Rəfiyev, rayon polis idarəsinin əməkdaşı V.Hüseynov, DTX-nin Kürdəmir rayon idarəsinin əməkdaşı S.Müslümov çıxış edərək, çoxəsrlik dövlətçilik ənənələrinə malik olan xalqımızın tarixində milli-mənəvi dəyərlərə münasibətdən, onun qorunması və gələcək nəsillərə çatdırılmasının vacibliyindən bəhs ediblər.xeber100.com

“John Deere” şirkəti ilə əməkdaşlıq çərçivəsində

“John Deere” şirkəti ilə əməkdaşlıq çərçivəsində Azərbaycan Dövlət Aqrar Universitetində (ADAU) mühəndislər üçün təlimlərə başlanılıb.Aqrar Universitetdən Azərtac-a bildirilib ki, təlimin məqsədi ölkəyə gətirilən “John Deere” pambıqyığan maşınlarının texniki göstəricilərinin və istifadə qaydalarının öyrənilməsi, bununla da növbəti pambıq yığımı mövsümündə müəllim və tələbələrin birbaşa iştirakının təmin edilməsi, tədris proqramlarında dəyişiklik edilərək yeni mövzuların əlavə olunmasıdır.Təlimi aparmaq üçün dəvət olunmuş şirkətin ABŞ-dan olan mütəxəssisi Lary Yanq çıxış edərək bildirib ki, əmək bazarında rəqabətədavamlı mütəxəssislərin hazırlanması üçün Aqrar Universitetdə lazımi şərait yaradılıb. Ona görə də “John Deere” şirkəti ilə əməkdaşlıq qısa müddət ərzində müsbət nəticə verəcək.Xatırladaq ki, iyulun 27-də “John Deere” şirkətinin regional nümayəndəsi Maksimilian Pauci Aqrar Universitetdə səfərdə olub. Səfərin məqsədi şirkətin fəaliyyəti üçün ADAU-da xüsusi otaq ayrılmasını, servis xidmətinin yaradılmasını, texnika üçün kadr hazırlığı və kadrların şirkətdə təcrübə keçməsi məsələlərini müzakirə etmək olub.xeber100.com

Səhiyyə Nazirliyinin təşkilatçılığı ilə qanvermə aksiyası keçirilib

Səhiyyə Nazirliyinin təşkilatçılığı ilə Tovuz rayonunda növbəti qanvermə aksiyası keçirilib. Tovuz Müalicə Diaqnostika Mərkəzində keçirilən xeyriyyə aksiyasına idarə, müəssisə və təşkilatların kollektivləri, hüquq-mühafizə orqanlarının əməkdaşları, gənclər həvəslə qoşulublar.Tovuz Rayon Mərkəzi Xəstəxanasının baş həkimi Paşa Muradov Azərtac-a bildirib ki, müxtəlif qan xəstəliklərindən əziyyət çəkənlərə kömək məqsədilə keçirilən tədbirdə Hematologiya və Qanköçürmə İnstitutunun əməkdaşları qan vermək istəyən vətəndaşları müayinə edib və qanlarında xəstəlik aşkarlanmayan donorlardan dan götürüblər.Aksiya çərçivəsində könüllü olaraq qan vermək üçün tibb müəssisəsinə 300 nəfərdən çox rayon sakini müraciət edib və onların 200 nəfərindən qan götürülüb.xeber100.com

XIX əsrin tarixi abidələri bərpa olunacaq

Gəncənin turizm potensialı ilə seçilən Hacıkənd qəsəbəsində XIX əsrin yadigarı olan 4 tarixi abidə - Qubernator evi, Qubernator dəftərxanası, Forer qardaşlarının evi və rus pravoslav kilsəsi bərpa olunacaq.Azərtac xəbər verir ki, bu barədə Gəncə Şəhər İcra Hakimiyyətinin başçısı Elmar Vəliyev 2017-ci ilin birinci yarısının sosial-iqtisadi inkişafının yekunlarına və qarşıda duran məsələlərə həsr olunmuş hesabat yığıncağında məlumat verib.Elmar Vəliyev bildirib ki, Gəncə şəhərinin Hacıkənd qəsəbəsində yerləşən tikililər XIX əsrin yerli əhəmiyyətli tarixi memarlıq abidəsi kimi qeydiyyata alınıb. Ona görə də həmin abidələrin bərpasına və qorunmasına ehtiyac var.İcra hakimiyyətinin başçısı qeyd edib ki, bu vaxta kimi baxımsız və qəzalı vəziyyətdə olan tarixi tikililər bərpa olunduqdan sonra həmin binalardan kitabxana və muzey kimi istifadə ediləcək. Həmçinin iki əsrin yadigarı olan tikililərin əvvəlki görkəminə qaytarılması Hacıkənd qəsəbəsinin füsunkar təbiəti ilə yanaşı, onun tarixi abidələrini görmək istəyən turistlərin də sayını artıracaq.xeber100.com

Bölgələrdə vətəndaşların qəbulu davam etdirilir

Mərkəzi icra hakimiyyəti orqanlarının rəhbərləri tərəfindən bölgələrdə vətəndaşların qəbulu davam etdirilir.Azərtac xəbər verir ki, avqustun 1-də Mədəniyyət və turizm naziri Əbülfəs Qarayev Şəki Dövlət Dram Teatrının binasında Oğuz, Şəki, Qax, Zaqatala və Balakən rayonlarından olan vətəndaşları qəbul edib.Nazirliyin məsul əməkdaşlarının iştirak etdiyi qəbulda 20-yə yaxın vətəndaşın müraciətinə baxılıb. Müraciətlər əsasən, yerlərdə mədəniyyət müəssisələrinin fəaliyyətinin yaxşılaşdırılması, tarix və mədəniyyət abidələrinin təmiri və bərpası, bölgələrdə turizmin təşviqi və digər məsələlərlə bağlı olub.xeber100.com

Turizm və bələdçilik xidməti layihəsi həyata keçiriləcək

“Gəncə - 2016 Avropa Gənclər Paytaxtı ” İctimai Birliyi tərəfindən avqustun 18-dən 22-dək “Bələdçiyəm mən” onlayn turizm və bələdçilik xidməti layihəsi həyata keçiriləcək.Azərtac xəbər verir ki, Prezident yanında QHT-lərə Dövlət Dəstəyi Şurasının 2017-ci il 1-ci qrant müsabiqəsinin qalibi olan layihə çərçivəsində Azərbaycanın turizm bölgələrindən - Gəncə, Şəki, Lənkəran və İsmayıllıdan 14 gənc düşərgəyə qəbul ediləcək. Layihənin əsas məqsədi regionda yaşayan gəncləri bələdçilik işi ilə tanış edib, onlara bu sahədə bilik və bacarıqlar verməkdir.Həmçinin sayt və sosial şəbəkələr vasitəsilə yerli və əcnəbi turistlərə Azərbaycanın bölgələrindəki bələdçi xidmətindən rahat və sərfəli seçim imkanı yaratmaqdır.xeber100.com

“Bakcell” şirkəti xüsusi tarif hazırlayıb

Azərbaycanın ilk mobil operatoru və aparıcı mobil internet provayderi “Bakcell” şirkəti işğaldan azad edilmiş Cəbrayıl rayonunun Cocuq Mərcanlı kəndinə köçürülən ilk sakinlər üçün xüsusi tarif hazırlayıb.Şirkətdən Azərtac-a bildirilib ki, ötən həftə Cocuq Mərcanlıya səfər edən “Bakcell”in əməkdaşları 18 yaşına çatmış hər bir Cocuq Mərcanlı sakininə xüsusi tarifli “Bakcell” nömrəsi təqdim edib. Bu nömrələrin sahibləri bir il ərzində öz aralarında pulsuz, digər “Bakcell” nömrələri ilə də 3-cü dəqiqədən sonra pulsuz danışacaqlar.Doğma torpaqlara dərin bağlılıq nümayiş etdirməklə insanların vətənpərvərlik hisslərinin yüksəldilməsində göstərdiyi şəxsi nümunəyə görə 1-ci dərəcəli “Əmək” ordeninə layiq görülən Cocuq Mərcanlı kənd sakini Oqtay Həziyev də “Bakcell” tərəfindən xüsusi hədiyyələrlə mükafatlandırılıb.Xatırladaq ki, bu ilin may ayında “Bakcell” şirkəti işğaldan azad edilmiş Cəbrayıl rayonunun Cocuq Mərcanlı kəndinin bərpası tədbirlərinə qoşularaq burada mobil rabitə şəbəkəsini təkmilləşdirib. Bu təkmilləşdirmə işləri çərçivəsində ilkin mərhələdə Cocuq Mərcanlıda insanların kəsintisiz mobil rabitə xidməti ilə təmin olunması üçün ərazidə yeni baza stansiyası qurulub. Daha sonra isə Cocuq Mərcanlının yüksəksürətli mobil internetlə təmin olunması üçün “Bakcell” burada “3G” şəbəkəsinin təkmilləşdirilməsi üzrə işləri uğurla tamamlayıb.“Bakcell” bundan sonra da Azərbaycan Respublikasının bütün ərazisində üstün müştəri təcrübəsi təmin etmək üçün səylərini davam etdirəcək.xeber100.com

Növbəti əmək yarmarkası təşkil olunub

Muxtar respublikanın Kəngərli rayonunda əhalinin məşğulluğunun təmin edilməsi məqsədilə növbəti əmək yarmarkası təşkil olunub.Azərtac xəbər verir ki, tədbirdə Kəngərli Rayon Məşğulluq Mərkəzinin direktoru Səxavət Həsənov çıxış edərək muxtar respublikada həyata keçirilən məşğulluq tədbirlərinin əhalinin sosial müdafiəsinin gücləndirilməsində, insanların daimi işlə təmin olunmasında mühüm rol oynadığını bildirib.Qeyd edib ki, bu sahədə həyata keçirilən tədbirlər sakinlər tərəfindən onlara göstərilən böyük qayğı kimi dəyərləndirilir.Kəngərli Rayon İcra Hakimiyyəti başçısının müavini Hacırəddin Mehbalıyev bildirib ki, işaxtaran vətəndaşların, xüsusilə də gənclərin sosial müdafiəsinin gücləndirilməsi, onların münasib işlə təmin olunmaları məqsədilə Naxçıvan Muxtar Respublikası Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti tərəfindən bir sıra aktiv məşğulluq tədbirləri həyata keçirilir. Bu tədbirlər içərisində əmək yarmarkaları öz əhəmiyyəti ilə seçilir.Vurğulanıb ki, muxtar respublikada, eləcə də Kəngərli rayonunda yeni iş yerlərinin açılması, infrastrukturun ən müasir tələblər səviyyəsində qurulması sosial rifahın təmin olunmasına müsbət təsir göstərib. Əmək potensialının keyfiyyətcə yüksəldilməsi, iş yerlərində sağlam və təhlükəsiz əmək şəraitinin təmin edilməsi qarşıda duran əsas vəzifələrdəndir.Sonra yarmarkaya gələnlər boş iş yerləri ilə tanış olublar. 15 təşkilatdan 123 boş iş yerinin çıxarıldığı yarmarkada 25 nəfərə işə göndəriş verilib.xeber100.com

“Azərişıq” Açıq Səhmdar Cəmiyyətinin məlumatı

“Azərişıq” Açıq Səhmdar Cəmiyyəti (ASC) Oğuz rayonunda yeni ofis binasını açıb.“Azərişıq” ölkənin bütün regionlarında olduğu kimi Şimal-Qərb bölgəsində də istehlakçıların dayanıqlı, fasiləsiz və keyfiyyətli elektrik enerjisi ilə təchiz edilməsi üçün istismar müddətini başa vurmuş elektrik şəbəkələrində genişmiqyaslı yenidənqurma, təmir-tikinti və bərpa işlərini davam etdirir. Balakən, İsmayıllı, Qəbələ, Şəki, Qax, Zaqatala, Oğuz, Şamaxı rayonlarının daxil olduğu “Azərişıq” ASC-nin Şimal-Qərb Regional Enerji Təchizatı və Satışı İdarəsi (RETSİ) 8 rayon üzrə 471 kənd, 54 yaşayış məntəqəsi və 14 qəsəbəyə xidmət edir ki, burada da ümumilikdə 198 min abonent olmaqla 690 min əhali yaşayır.Ofisin açılış mərasimində Azərişıq” ASC-nin sədr müavini Vüqar Əhmədov, Oğuz Rayon İcra Hakimiyyətinin başçısı Eyvaz Qurbanov ölkənin elektrik enerji təchizatında həyata keçirilən islahatlardan və yenidənqurma işlərindən danışaraq energetikləri təbrik ediblər.ASC-nin mətbuat xidmətindən Azərtac-a bildirilib ki, Oğuz elektrik şəbəkəsinin (EŞ) ikimərtəbəli ofis binasında əməkdaşların operativ fəaliyyət üçün hər cür şərait yaradılıb. Burada abonentlərə xidmətin keyfiyyətinin artırılması, enerji satışı, qəza xidməti, müştəri xidmətləri üçün xüsusi otaqlar yaradılıb.xeber100.com