Müəllimlərin diaqnostik qiymətləndirilməsinə başlanılıb

Bərdədə dövlət ümumtəhsil müəssisələrində çalışan müəllimlərin bilik və bacarıqlarının diaqnostik qiymətləndirilməsinə başlanılıb.Azərtac xəbər verir ki, Bərdə Olimpiya İdman Kompleksində təşkil olunan və 5 gün davam edəcək qiymətləndirmədə Bərdə ilə yanaşı Ağdam, Füzuli, Tərtər, Beyləqan, Laçın, Kəlbəcər, Xocavənd və Cəbrayıl rayonlarının dövlət ümumtəhsil müəssisələrində çalışan 10 mindən çox müəllim iştirak edəcək. Kompleksin idman zalında 500 nəfərin imtahan verməsi üçün lazımi şərait yaradılıb.Təhsil Nazirliyinin insan resursları şöbəsinin müdir müavini Eşqi Bağırov bildirib ki, diaqnostik qiymətləndirmə imtahanları elektron proqram təminatı vasitəsilə həyata keçirilir. Müəllimlərin sualları cavablandırarkən seçdikləri cavabları dəyişmək, imtahanın vaxtını monitorda izləmək, ekrandakı elektron kalkulyatordan istifadə etmək imkanları var.Müəllimlərin bilik və bacarıqlarının diaqnostik qiymətləndirilməsi imtahanları 90 dəqiqə ərzində aparılır. Qiymətləndirmə zamanı iştirakçılara ixtisas üzrə ümumi təhsil proqramına uyğun 40, metodika və təlim strategiyaları üzrə ümumi olaraq 20 test tapşırığı təqdim edilib. Hər bir düzgün cavab 1 balla qiymətləndirilir.Test tapşırıqlarının hər bir bölmə üzrə minimum 10 faizinə düzgün cavab verən müəllimlər bilik və bacarıqları diaqnostik qiymətləndirilmiş hesab olunurlar. Keçid balını toplamayan, eləcə də aşağı bal toplayan müəllimlər növbəti diaqnostik qiymətləndirmə imtahanlarında iştirak edə biləcəklər.Qeyd edək ki, cari ilin aprel-may aylarında ölkəmizin 26 şəhər və rayonunun dövlət ümumi təhsil müəssisələrində çalışan müəllimlərin bilik və bacarıqlarının diaqnostik qiymətləndirilməsi keçiriləcək.xeber100.com

Mədəniyyət və turizm naziri vətəndaşları qəbul edəcək

Mərkəzi icra hakimiyyəti orqanlarının rəhbərləri tərəfindən şəhər və rayonlarda vətəndaşların qəbulu cədvəlinə uyğun olaraq mədəniyyət və turizm naziri Əbülfəs Qarayev aprelin 21-də saat 11.00-da Lənkəran şəhərində vətəndaşları qəbul edəcək.Nazirlikdən Azərtac-a bildiriblər ki, bu şəhərdəki Mədəniyyət Mərkəzində ( Zərifə Əliyeva küçəsi, 99 ) keçiriləcək qəbulda Astara, Lerik, Masallı, Cəlilabad, Yardımlı rayonlarından və Lənkəran şəhərindən olan vətəndaşlar iştirak edəcəklər.xeber100.com

Əhalinin pulsuz tibbi-profilaktik müayinəsi davam edir

Neftçalada əhalinin pulsuz tibbi-profilaktik müayinəsi mütəşəkkil keçirilir.Azərtac xəbər verir ki, aksiya başlanandan bu günə kimi 31 min 885 nəfər rayon sakini tibbi müayinədən keçirilib.Rayon Mərkəzi Xəstəxanasının poliklinika şöbəsindən bildirib ki, humanitar aksiya rayon üzrə 64 min 415 sakini əhatə edir. Əhalinin tibbi-profilaktik müayinədən keçirilməsi üçün rayon Mərkəzi Xəstəxanasının poliklinika şöbəsində 2 daimi, 1 səyyar həkim briqadası yaradılıb. Səyyar briqada fiziki imkanları məhdud və ahıl insanların müayinəsini evlərdə aparır. Bununla yanaşı, Rayon mərkəzi xəstəxanası, qəsəbə və kənd səhiyyə ocaqlarının tibb işçiləri də kompaniyaya cəlb edilib. Həkimlər tərəfindən terapevt, rentgen, göz, dəri və digər xəstəliklər müayinə edilir.Rayon mərkəzi ilə yanaşı, təşkilatlarda çalışan və kəndlərdə yaşayan sakinlərin də kütləvi tibbi müayinəsi uğurla davam etdirilir. Artıq 83 təşkilatın hamısında, 52 yaşayış məntəqəsindən isə 9-da tibbi müayinələr başa çatdırılıb.Aksiyanın yüksək səviyyədə keçirilməsi üçün rayon mərkəzi xəstəxanası ilə yanaşı, bir kənd xəstaxanası,15 həkim məntəqəsi, 100-dən çox həkim və orta tibb işçisi kompaniyaya cəlb olunub. Müayinələr zamanı xəstəlik aşkarlanan 1143 ambulatoriya, 10 nəfər stasionar müalicəyə cəlb olunub. Rayon şəraitində müalicəsi mümkün olmayan 14 xəstə isə Bakı şəhərindəki İxtisaslaşdırılmış səhiyyə müəssisələrinə göndərilib.Sakinlər humanitar aksiyanı ölkəmizdə əhalinin sağlamlığına göstərilən dövlət qayğısının bariz nümunəsi kimi dəyərləndirirlər.xeber100.com

İqtisadiyyat Nazirliyi işgüzar forum keçirib

İqtisadiyyat Nazirliyinin Sahibkarlığa Kömək Milli Fondu Şabran rayonunda sahibkarlardan prioritet hesab olunan sahələr üzrə investisiya layihələrinin qəbuluna başlayır.İqtisadiyyat Nazirliyinin mətbuat xidmətindən Azərtac-a bildiriblər ki, sahibkarlardan iri taxılçılıq, intensiv bağçılıq, cins heyvandarlıq, arıçılıq (o cümlədən sənaye üsulu ilə bal istehsalı), istixana və soya əkini təsərrüfatlarının, çörək istehsalı müəssisəsinin və üçulduzlu otelin yaradılması istiqamətlərində investisiya layihələrinin maliyyələşdirilməsi üçün təkliflərin qəbulu məqsədəuyğun hesab edilib.Sahibkarlar investisiya layihələrinin maliyyələşdirilməsi məqsədilə müvəkkil kredit təşkilatları vasitəsilə Sahibkarlığa Kömək Milli Fonduna müraciət edə bilərlər.Qeyd edək ki, İqtisadiyyat Nazirliyinin Sahibkarlığa Kömək Milli Fondu Şabran rayonunun Gəndov kəndində işgüzar forum keçirib.xeber100.com

“ASAN xidmət – Azərbaycan brendi” adlı seminar keçirilib

Aprelin 8–də Sumqayıt Dövlət Universitetində (SDU) “ASAN xidmət - Azərbaycan brendi” adlı seminar keçirilib.SDU-nun mətbuat xidmətindən Azərtac-a bildirilib ki, seminarı ali məktəbin Karyera Mərkəzinin müdiri Z.Bünyadov açıb. Bildirilib ki, qarşılıqlı əməkdaşlıq universitetin tələbələrinə gələcəkdə “ASAN xidmət”də həm könüllülər təşkilatında, həm də dövlət strukturlarında işlə təmin olunma imkanları yaradır. "ASAN xidmət" Azərbaycan brendi kimi beynəlxalq tərəfdaşlar və ekspertlər tərəfindən yüksək maraqla qarşılanır.xeber100.com  

Ədliyyə naziri vətəndaşları qəbul edəcək

Bölgələrdə vətəndaşların qəbulu cədvəlinə uyğun olaraq, Ədliyyə naziri Fikrət Məmmədov tərəfindən aprelin 10-da Goranboy rayonunda vətəndaşların qəbulu keçiriləcək.Ədliyyə Nazirliyinin mətbuat xidmətindən Azərtac-a bildiriblər ki, qəbulda Goranboy və Xocalı rayonlarından, Naftalan şəhərindən olan vətəndaşların ədliyyə fəaliyyəti ilə bağlı müraciətlərinə baxılacaq.xeber100.com

Futbol üzrə zona yarışları başlayıb

Şərur Olimpiya-İdman Kompleksinin stadionunda futbol üzrə aşağı yaş liqalarının muxtar respublika zona birinciliyinə start verilib.Azərtac xəbər verir ki, AFFA-nın təşkilatçılığı ilə keçirilən və aprelin 8-nə qədər davam edəcək U-10, U-11, U-12, U-13 və U-14 liqalarının zona birinciliyində hər 5 yaş qrupunda Naxçıvan şəhərini və muxtar respublikanın 7 rayonunu təmsil edən 8 komanda ilə yanaşı, Daxili İşlər Nazirliyinin “Darıdağ” klubunun komandaları da mübarizəyə qoşulub.Aprelin 4-dən isə “Koka-kola məktəbli kuboku”nda da zona birinciliyi start götürəcək. Yeddinci sinif şagirdlərinin iştirakı ilə keçirilən turnirdə 8 komanda ölkə birinciliyinə vəsiqə qazanmaq üçün yarışacaq.xeber100.com

VIII beynəlxalq konfransı öz işinə başlayıb

Aprelin 3-də Şəki şəhərində “İqlim dəyişiklikləri və kimyəvi reagentlər – ipəkçilikdə yeni axtarışlar” mövzusunda Qara dəniz, Xəzər dənizi və Mərkəzi Asiya Ölkələrinin İpəkçilik Assosiasiyasının (BACSA) VIII beynəlxalq konfransı öz işinə başlayıb.Azərtac xəbər verir ki, Azərbaycan Milli Elmlər Akademiyasının (AMEA) və bu qurumun Şəki Regional Elmi Mərkəzinin (ŞREM) birgə təşkilatçılığı ilə reallaşan tədbirdə Türkiyə, Rusiya, Gürcüstan, Özbəkistan, Rumıniya, Bolqarıstan, Kuba, Çin və Tailanddan gəlmiş nümayəndələr, həmçinin ölkəmizin ipəkçilik sahəsində çalışan mütəxəssisləri iştirak edirlər.xeber100.com

Ekologiya və Təbii Sərvətlər naziri vətəndaşları qəbul edib

Martın 30-da Ekologiya və təbii sərvətlər naziri Hüseynqulu Bağırov Quzanlı qəsəbəsində Ağdam, Ağcabədi, Tərtər və Bərdə rayonlarının sakinlərini qəbul edib, onların fikir və təkliflərini dinləyib.Azərtac xəbər verir ki, nazirliyin idarə və departamentlərinin, həmçinin tabeli qurumlarının rəhbərlərinin iştirak etdiyi qəbulda ətraf mühitin və ekoloji tarazlığın mühafizəsi, meşələrin qorunması, biomüxtəliflik, hidrometeorologiya və s. məsələlərlə bağlı 40-a yaxın vətəndaşın müraciətinə baxılıb.xeber100.com

Əmlak Məsələləri Dövlət Komitəsinin sədri vətəndaşları qəbul edib

Mərkəzi icra hakimiyyəti orqanları rəhbərlərinin regionlarda vətəndaşların qəbulu cədvəlinə uyğun olaraq, Əmlak Məsələləri Dövlət Komitəsinin (ƏMDK) sədri Kərəm Həsənov martın 29-da Ağdamda növbəti vətəndaş qəbulu keçirib. Qəbulda Ağdam, Bərdə, Ağcabədi, Xocavənd və Laçın rayonlarından olan vətəndaşların müraciətlərinə baxılıb.Komitədən Azərtac-a bildirilib ki, səsləndirilən müraciətlər əsasən daşınmaz əmlakın qeydiyyatı, dövlət əmlakının özəlləşdirilməsi, icarəsi, idarə edilməsi, daşınmaz əmlakın kadastrı məsələlərinə aid olub. Müraciətlərin bir qismi torpaqların təyinatının qanunsuz dəyişdirilməsi, təyinatına zidd istifadəsi məsələləri barədə olub. Komitə sədri torpaqların təyinatı ilə bağlı tələblərə riayət olunmasının vacibliyi, əks halda qanunvericilikdə müvafiq tədbirlərin nəzərdə tutulduğunu diqqətə çatdırıb. Bildirilib ki, bir çox hallarda kənd təsərrüfatı məqsədli torpaqların təyinatı özbaşına dəyişdirilir, orada yaşayış evləri tikilir, süni göllər salınır və ya bu torpaqlar tamamilə istifadəsiz saxlanılır. Qəbulda həm özəlləşmə, daşınmaz əmlakın qeydiyyatı, həm də torpaqlardan istifadəyə dair müraciətlər və suallarla bağlı mövcud qanunvericiliyin tələbləri vətəndaşlara izah olunub. Araşdırılmasına ehtiyac olan müraciətlər isə qeydiyyata alınıb.xeber100.com