Əhalinin profilaktik tibbi müayinəsi davam edir

Biləsuvarın səhiyyə ocaqlarında əhalinin profilaktik tibbi müayinəsi davam edir.Azərtac xəbər verir ki, rayonda əhalinin kütləvi pulsuz tibbi müayinəsinin mütəşəkkil keçməsi üçün zəruri tədbirlər görülüb.Rayon mərkəzi xəstəxanasının baş həkimi R.Pənayev deyib: “Humanitar aksiya çərçivəsində əhalinin tibbi müayinəsi 3 xəstəxana, 20 həkim və tibb müəssisəsində aparılır. 50 həkim və 50 orta tibb personalından ibarət 3 daimi, 1 səyyar həkim komissiyası yaradılıb. Biləsuvar şəhəri də daxil olmaqla, 26 yaşayış məntəqəsindən 75 mindən çox əhalinin profilaktik tibbi müayinədən keçirilməsi nəzərdə tutulub”.Aksiya çərçivəsində indiyədək 40 min 540 nəfər rayon sakini tibbi müayinədən keçirilib. Müayinə zamanı xəstəlik aşkar olunan 2147 vətəndaş ambulator, 147 nəfər stasionar müalicəyə cəlb olunub. 74 xəstə isə Bakı şəhərinin ixtisaslaşdırılmış səhiyyə müəssisələrinə göndərilib.xeber100.com

IV Şimal Regional Konfransı keçiriləcək

Martın 28-də Quba Regional Perinatal mərkəzində IV Şimal Regional Konfransı keçiriləcək.Səhiyyə Nazirliyi Mətbuat Xidmətindən Azərtac-a verilən məlumata görə, Quba, Xaçmaz, Xudat, Siyəzən, Şabran və Qusar rayonlarında işləyən mama-ginekoloq və neonatoloqların iştirakı ilə keçirilən konfransda “Rh mənfi amili və hamiləlik”, “Yenidoğulmuşların hiper bilerubinemiyaları” və “Yenidoğulmuşların ilkin reanimasiyası. Praktik vərdişlər”inə dair məruzələr dinləniləcək.Səhiyyə Nazirliyinin Baş mama-ginekoloqu S. Məmmədova və Quba Perinatal mərkəzinin direktoru Ş. Həsənova konfransda məruzə ilə çıxış edəcəklər.xeber100.com

“Nə? Harada? Nə zaman?” intellektual oyunu keçirilib

Ötən iki gün ərzində Qəbələ rayonu ilə tanış olan, tarixi abidələrə, turizm obyektlərinə və istehsal müəssisələrinə ekskursiya edən Ağstafa, Daşkəsən, Göyçay, Qazax və Tovuz məktəbliləri martın 25-də səhər saatlarında Şəkiyə yola düşüblər.Azərtac xəbər verir ki, Qəbələ səfərinin sonunda bu rayonların şagirdləri arasında “Nə? Harada? Nə zaman?” adlı intellektual oyun keçirilib. Məktəblilərin öz biliklərini nümayiş etdirmək imkanı qazandıqları oyun gərgin mübarizə şəraitində keçib.Yarışın nəticələrinə görə, Qazax məktəbliləri 1-ci, Göyçay şagirdləri 2-ci, Tovuz komandası isə 3-cü yerə layiq görülüb.Qaliblərə kubok, medallar və sertifikatlar təqdim olunub.xeber100.com

Hərbi hissələrdə konsert proqramları davam edir

Bərdə Regional Mədəniyyət və Turizm İdarəsi Novruz bayramı münasibətilə hərbi hissələrdə konsert proqramları təşkil edib.Azərtac xəbər verir ki, Regional İdarənin Bərdə rayon nümayəndəliyinin tabeliyində olan Divanlı, Kolayır, Kətəlparaq kənd, 2 və 3 nömrəli şəhər uşaq musiqi məktəblərinin kollektivləri rayon ərazisindəki hərbi hissələrdə əsgər və zabitləri təbrik edib, onlara bayram sovqatı çatdırıblar. Təqdim olunan rəngarəng musiqi nömrələri hərbi qulluqçulara xoş ovqat bəxş edib.Regional İdarənin Tərtər rayon nümayəndəliyinin tabeliyində olan uşaq musiqi məktəblərinin, həmçinin klubların kollektivləri ön cəbhədə xidmət edən əsgər və zabitlər qarşısında konsert proqramları ilə çıxış ediblər. Hərbi hissə komandanlığı qonaqlara əziz bayramı onlarla birgə qeyd etdiklərinə görə minnətdarlığını bildirib.xeber100.com

Hərbi hissələrdə bayram tədbirləri keçirilib

Tərtər rayon ictimaiyyəti Novruz bayramını əsgərlərlə birgə qeyd edib.Azərtac xəbər verir ki, rayon İcra Hakimiyyətinin təşəbbüsü ilə ərazidəki hərbi hissələrdə bayram tədbirləri keçirilib. Rayon rəhbərliyi, ictimaiyyət nümayəndələri, idarə və müəssisələrin kollektivləri hərbi hissələrə gedərək, əsgər və zabitləri əziz bayram münasibətilə təbrik edib, onlara çətin və şərəfli xidmətdə - Vətənin müdafiəsində uğurlar arzulayıblar. Çıxışlarda işğal altında olan torpaqlarımızın tezliklə azad ediləcəyinə və doğma Qarabağımızda Novruz tonqallarının yenidən qalanacağına inam hissi ifadə olunub.Hərbi hissələrə bayram sovqatı çatdırılıb, xidmətdə fərqlənən əsgər və zabitlərə Fəxri Fərman və xatirə hədiyyələri təqdim edilib. Tədbirlərdə bayram tonqalları qalanıb. Rayonun musiqi kollektivləri tərəfindən hərbi hissələrdə bayram konsertləri təşkil edilib.xeber100.com

“Sazlı-sözlü Novruzum” adlı bayram şənliyi keçirilib

Mingəçevir şəhərində Novruz bayramı təntənə ilə qeyd edilib. “Sazlı-sözlü Novruzum” adlı bayram şənliyi şəhər əhalisinin böyük sevincinə səbəb olub. Dədə Qorqud və Bahar qız tədbir iştirakçılarını Novruz bayramı münasibətilə təbrik edib, xeyir-dua veriblər. Meydanda alovlandırılan tonqalın ətrafında Kosa və Keçəlin məzəli oyunları bayramı daha da rəngarəng edib.Azərtac xəbər verir ki, bayram tədbirinə qatılan şəhər rəhbərliyini Mingəçevir Turizm Kollecinin tələbələri milli şirniyyatlarla qarşılayıblar. Bayram tədbirində əllərində xonça və səməni tutmuş tələbələr qara zurnanın müşayəti ilə yallı gediblər. Bayram münasibətilə təhsil ocağının təqdim etdiyi əl işləri, rəsm əsərləri, qeyri-adi səməni kompozisiyaları, qədim məişət əşyaları və digər nümunələr böyük marağa səbəb olub.xeber100.com

Məcburi köçkünlər üçün yeni yaşayış məhəlləsi inşa edilir

Tərtər rayonunun ərazisində məcburi köçkünlər üçün 1176 ailəlik yeni yaşayış məhəlləsi inşa edilir.Azərtac xəbər verir ki, tikinti üçün 27 hektar ərazi ayrılan yaşayış məhəlləsində hər biri 4 mərtəbəli olmaqla, 34 yaşayış binası, 1200 şagird yerlik məktəb, 280 yerlik uşaq bağçası, musiqi məktəbi, həkim məntəqəsi, inzibati bina, klub icma mərkəzi, Avtomat Telefon Stansiyası inşa olunacaq. Binalardakı mənzillərin 120-si bir, 504-ü iki, 472-si üç, 80-i dördotaqlı olacaq. Burada? həmçinin 9,3 hektar sahədə yaşıllıqlar salınacaq, istilik sistemi üçün 2 qazanxana, 4 ədəd 500 kubmetrlik içməli, 2 ədəd 162 kubmetrlik yanğın, 1 ədəd 500 kubmetrlik suvarma üçün su anbarları, 4 transformator yarımstansiyası, 2 nasos stansiyası və sair tikiləcək.Tikintidə 1000-dən çox işçi çalışır. Artıq binaların birinci mərtəbəsinin dəmir-beton işləri əsasən başa çatdırılıb, zirzəmi hissədə hörgü işləri aparılır.Yaşayış məhəlləsində inşaat işlərinin bu ilin sonunadək başa çatdırılması nəzərdə tutulur.xeber100.com

“Ölkəmizi tanıyaq” layihəsi çərçivəsində…

“Ölkəmizi tanıyaq” layihəsi çərçivəsində məktəblilərin regionlara təşkil edilən yeddinci tur-aksiyasının cənub bölgəsi istiqaməti üzrə birinci mərhələsi başa çatıb.Ümumtəhsil məktəblərinin şagirdləri və onların müəllimləri dörd gün ərzində regionlara səyahət zamanı şəhər və rayonların tarixini, mədəniyyətini, əhalinin həyat tərzini və məişətini əks etdirən abidələrlə, muzeylərlə, ərazinin turizm potensialı, regionların sosial-iqtisadi inkişafına dair Dövlət Proqramının icrası istiqamətində görülən işlər və həyata keçirilən infrastruktur layihələr ilə yaxından tanış olublar.Azərtac xəbər verir ki, ölkəmizin cənub bölgəsinə səyahət edən Quba, Qusar, Xaçmaz, Qobustan, Ağdaş, Ağsu və Tərtər rayonlarından olan məktəblilər və onların müəllimləri martın 19-da Lənkəran şəhərindən yaşadıqları rayonlara yola düşüblər.Tur-aksiyanın iştirakçılarını Lənkəran Şəhər İcra Hakimiyyətinin məsul işçiləri, müəllimlər və ictimaiyyətin nümayəndələri yola salıblar.Cənub bölgəsindən zəngin təəssüratla ayrılan humanitar aksiyanın iştirakçıları ölkəmizi daha yaxından tanımaq üçün yaradılan şəraitə görə dövlətimizin başçısına minnətdarlığını bildiriblər.xeber100.com

Bölgələrdə vətəndaşların qəbulu davam edir

Mərkəzi icra hakimiyyəti orqanlarının rəhbərləri tərəfindən bölgələrdə vətəndaşların qəbulu davam edir.Azərtac xəbər verir ki, vətəndaşların qəbulu cədvəlinə uyğun olaraq fövqəladə hallar naziri K.Heydərov martın 17-də Ağdaş rayonunda bölgə vətəndaşlarını qəbul edib. Nazir FHN-in Ağdaş rayon Dövlət Yanğından Mühafizə Hissəsinin inzibati binasında Mingəçevir və Naftalan şəhərlərinin, Ağdaş, Yevlax, Goranboy rayonlarının sakinlərini, həmçinin həmin şəhər və rayonlarda məskunlaşmış məcburi köçkünləri qəbul edərək, onların müraciətlərinə baxıb.Nazirliyin müvafiq struktur rəhbərlərinin, rayonların fövqəladə hallar komissiyaları sədrlərinin iştirakı ilə keçirilən qəbul zamanı edilən müraciətlərin əksəriyyəti işə qəbul, qəzalı vəziyyətdəki evlərin təmiri və FHN-in fəaliyyəti ilə bağlı məsələlərlə əlaqədar olub.xeber100.com

Novruz bayramı münasibətilə yarmarkalar təşkil edilib

Regionlardan orta bazar qiymətinə satın alınmış məhsullar Novruz bayramı münasibətilə təşkil edilən yarmarkalara çıxarılıb.“Ərzaq məhsullarının tədarükü və təchizatı” ASC-nin mətbuat xidmətindən Azərtac-a bildirib ki, qurum Novruz bayramı ilə bağlı tədarük prosesini daha da gücləndirib, region fermerlərindən alınaraq paytaxta gətirilən məhsulların həcmi artırılıb.ASC Novruz bayramının başlaması ilə əlaqədar regionlarda yerli fermerlərdən tədarük olunmuş kənd təsərrüfatı məhsullarının yarmarkalarda satışına başlayıb. Cəmiyyətin nəqliyyat vasitələri tərəfindən regionlardan paytaxta gətirilən məhsullar fermerlərdən orta bazar qiymətinə alınır.Yarmarkalar bu ünvanlarda təşkil olunub: Binəqədi rayonu, Dərnəgül yaşayış sahəsi, 6 saylı peşə liseyinin həyəti; Xətai rayonu, Bakı kinoteatrının yanı; Sumqayıt şəhəri, köhnə avtovağzalın ərazisi.Yarmarkalara ASC tərəfindən 100 tondan çox kənd təsərrüfatı məhsulları təklif olunub. İstehlakçılara bayram günlərində də eyni həcmdə və bol çeşiddə məhsullar təqdim ediləcək.xeber100.com