Gənclər üçün Təhsil Mərkəzinin təşkilatçılığı ilə…

Gənclər üçün Təhsil Mərkəzi (GTM) Qarabağ regional ofisinin təşkilatçılığı ilə Xocalı faciəsi şəhidlərinin xatirəsinə həsr edilmiş uşu-sanda idman növü üzrə rayon turnirində 30-dan çox idmançı iştirak edib.Əvvəlcə Xocalı faciəsi qurbanlarının xatirəsi bir dəqiqəlik sükutla yad olunub.Azərtac xəbər verir ki, turnirin açılışında çıxış edən GTM Qarabağ ofisinin rəhbəri Radə Telmanqızı erməni millətçilərinin keçmiş SSRİ-nin 366-cı motoatıcı alayının köməyi ilə 1992-ci il fevralın 25-dən 26-na keçən gecə Xocalıda törətdikləri qırğının acı nəticələrindən danışıb, baş verənləri insanlığa qarşı törədilən qanlı cinayət adlandırıb.Çıxışlarda gənclərin mübariz ruhda böyüməsi üçün belə idman yarışlarının keçirilməsinin əhəmiyyəti vurğulanıb.Sonra yarışa start verilib. Gərgin idman mübarizəsi şəraitində keçən turnirin sonunda qaliblərə diplom və medallar təqdim edilib.xeber100.com

“SABAH” Karyera Qış Məktəbi layihəsinin təqdimatı olub

Qubada “SABAH” Karyera Qış Məktəbi layihəsinin təqdimatı olub.Azərtac xəbər verir ki, “SABAH” Karyera Akademiyası proqramı çərçivəsində təqdim olunan layihənin həyata keçirilməsində məqsəd sonuncu kursda təhsil alan “SABAH” tələbələrinə uğurlu karyera başlanğıcı üçün lazım olan bacarıqları aşılamaqdır.Yüzə yaxın tələbənin iştirak etdiyi qış məktəbində karyera planlaşdırılması, şəxsi brendinq, CV və rezume yazılışı, müsahibə, təqdimat bacarıqları və s. mövzular üzrə təlimlər keçirilir.İlk təlim biznes konsultant və təlimçi Fəxri Ağayev tərəfindən keçirilib. Təlimçi şəxsi brendin yaradılması və inkişaf etdirməyin yollarından, vaxtın düzgün qiymətləndirilməsindən, işçini cəmiyyətə düzgün tanıdan və diqqət yetirilməli olan vacib məqamlardan danışıb.İki gün davam edəcək təlimlərdə tanınmış iş adamları, təlimçilər öz uğur hekayələrini bölüşəcəklər.Qeyd edək ki, “SABAH” Karyera Akademiyası ilk SABAH məzunlarının gələcək peşəkar inkişaf istiqamətlərinin müəyyənləşdirilməsi və bu sahədə tələbələrə dəstək verilməsi məqsədilə yaradılıb.xeber100.com

Səhiyyə Nazirliyinin məlumatı

Səhiyyə naziri O.Şirəliyev fevralın 17-də Ucar Mərkəzi Rayon Xəstəxanasında vətəndaşlar üçün qəbul keçirib.Nazirliyin mətbuat xidmətindən Azərtac-a bildirilib ki, qəbul zamanı nazir Ucar, Ağdaş, Ağsu, Kürdəmir sakinlərinin sağlamlıq problemləri, işlə təminat və s. məsələlərlə bağlı müraciətlərini dinləyib.Vətəndaş müraciətlərində qaldırılan məsələlər nazirliyin müvafiq qurumlarının əməkdaşlarının iştirakı ilə araşdırılıb. Müraciətlərin bəziləri yerindəcə həllini tapıb.Nazirliyin səlahiyyətlərinə aid olmayan məsələlər aidiyyəti üzrə çatdırılması üçün qeydiyyata alınaraq nəzarətə götürülüb.xeber100.com

Əmək və Əhalinin Sosial Müdafiəsi naziri vətəndaşları qəbul edib

Fevralın 17-də Əmək və əhalinin sosial müdafiəsi naziri S.Müslümov Sumqayıt şəhərində bu şəhərin və Abşeron, Xızı, Qubadlı rayonlarının sakinləri ilə görüşüb.Azərtac xəbər verir ki, görüşdə vətəndaşların imtiyazlı kateqoriyalara aid şəxslərin dövlət büdcəsi hesabına mənzillə, bərpa müalicəsi xidməti və reabilitasiya vasitələri ilə təmin edilməsi, məşğulluq, əmək hüquqlarının müdafiəsi, pensiya və digər sosial təminat növlərinə hüququn müəyyən olunması, özünüməşğulluq proqramına cəlb olunma, sosial sığorta münasibətləri və s. məsələlərlə bağlı müraciətləri dinlənilib.Nazirliyin aidiyyəti struktur bölmələrinin rəhbər vəzifəli şəxslərinin iştirakı ilə bütün müraciətlər araşdırılaraq cavablandırılıb, sorğu xarakterli müraciətlərlə bağlı vətəndaşlara qanunvericiliyə uyğun izahatlar verilib.xeber100.com

Xocalı soyqırımının 25-ci ildönümü qeyd olunub

Xocalı soyqırımının 25-ci ildönümü Ağcabədidə silsilə tədbirlərlə qeyd olunub.Azərtac xəbər verir ki, Heydər Əliyev Mərkəzində keçirilən tədbirin iştirakçıları əvvəlcə Mərkəzdə fəaliyyət göstərən “Rəsm” kursunun üzvlərinin və Ağcabədi şəhər ümumtəhsil məktəblərinin şagirdlərinin Xocalı faciəsinə həsr etdikləri rəsm əsərlərindən ibarət sərgi ilə tanış olublar. Sonra Xocalı soyqırımı qurbanlarının və Vətənimizin ərazi bütövlüyü uğrunda şəhid olanların xatirəsi bir dəqiqəlik sükutla yad edilib.Heydər Əliyev Mərkəzinin direktoru Məhsəti Musa, Ağcabədi Regional Mədəniyyət və Turizm İdarəsinin rəis müavini Vüqar Qədirov və başqaları tədbirdə çıxış edərək, erməni millətçilərinin keçmiş SSRİ-nin 366-cı motoatıcı alayının köməyi ilə 1992-ci il fevralın 25-dən 26-na keçən gecə Xocalıda törətdikləri qırğının acı nəticələrindən danışıb, baş verənləri bütün bəşəriyyətə, insanlığa qarşı törədilən qanlı cinayət adlandırıblar.Çıxışlardan sonra Mərkəzdə fəaliyyət göstərən “Həvəskar aktyorluq və bədii qiraət” kursunun üzvləri “Bu dağların qoynunda yaşıl bir kənd varı idi” adlı ədəbi-bədii kompozisiya təqdim ediblər.Tədbir Xocalı soyqırımından bəhs edən sənədli filmin nümayişi ilə başa çatıb.xeber100.com

“Azərxalça” ASC-nin məlumatına görə…

Şəmkir rayonunda ənənəvi istehsal və emal sahələrinin bərpası istiqamətində ardıcıl işlər görülür. Rayonda xalçaçılığın qədim tarixinin olması nəzərə alınaraq, yeni xalça istehsalı müəssisəsinin tikintisi nəzərdə tutulub.Dövlətimizin başçısının tapşırığına uyğun olaraq, “Azərxalça” ASC-nin Şəmkir xalça toxuculuğu müəssisəsinin yaradılmasına başlanılıb.Rayon statistika idarəsindən Azərtac-a bildiriblər ki, müəssisənin yaradılması üçün Bakı-Qazax avtomobil yolunun 390-cı kilometrində “TRADE” market MMC-yə məxsus mağaza kompleksinin 1200 kvadratmetrlik hissəsində xalça fabrikinin layihəsinə uyğun olaraq rekonstruksiya işləri aparılır. Fabrikdə 150 nəfərin işlə təmin olunması planlaşdırılır.xeber100.com

Ekologiya və təbii sərvətlər naziri vətəndaşları qəbul edəcək

Ekologiya və təbii sərvətlər naziri Hüseyn Bağırov fevralın 23-də Kürdəmir, Şamaxı, Ağsu, Qobustan, Göyçay və Ucar rayonlarında yaşayan vətəndaşları qəbul edəcək.Ekologiya və Təbii Sərvətlər Nazirliyinin mətbuat xidmətindən Azərtac-a bildirilib ki, qəbul saat 10:00-da Kürdəmir şəhərində keçiriləcək.xeber100.com

Növbəti monitorinqə start verilib

“Quş qripi”nin Azərbaycana köçəri quşlarla keçmə ehtimalını diqqət mərkəzində saxlayan Kənd Təsərrüfatı Nazirliyi yanında Dövlət Baytarlıq Nəzarəti Xidməti ölkə miqyasında ardıcıl monitorinqləri davam etdirir. Fevralın 13-də köçəri quşların yaz miqrasiyasının başlanmasını nəzərə alaraq, növbəti monitorinqə start verilib. Monitorinq Kənd Təsərrüfatı Nazirliyi yanında Dövlət Baytarlıq Nəzarəti Xidmətinin, Səhiyyə, Ekologiya və Təbii Sərvətlər nazirliklərinin mütəxəssis və əməkdaşlarının iştirakı ilə aparılır.Dövlət Baytarlıq Nəzarəti Xidmətindən Azərtac-a bildiriblər ki, monitorinqin köçəri quşların müvəqqəti məskunlaşdığı ehtimal olunan Abşeron yarımadası, Şabran, Ağcabədi, Lənkəran və Salyan rayonlarındakı milli qoruq və parklarda, həmçinin ölkənin dəniz sahili zonalarında və digər ərazilərində həyata keçirilməsi nəzərdə tutulur. Bundan əlavə, monitorinq aparılan müddətdə quşçuluq və şəxsi təsərrüfatlardan da nümunələr götürüləcək.xeber100.com

Əlaçılar Şurası yaradılıb

İsmayıllıda rayon icra hakimiyyətinin təşəbbüsü, Təhsil Şöbəsi və Gənclər və İdman İdarəsinin təşkilatçılığı ilə fevralın 2-də keçirilən əlaçı şagirdlərin I rayon forumunda Əlaçılar Şurası yaradılıb.Azərtac xəbər verir ki, “Təhsil əlaçılığından həyat əlaçılığına” devizi altında təşkil olunan forumda rayon üzrə 2025 nəfər əlaçı şagirdi təmsil edən yuxarı siniflərdən 200 şagird iştirak edib.Bildirilib ki, İsmayıllının təhsil nailiyyətləri ardıcıl olaraq artmaqdadır. Təkcə ötən təhsil ilində test imtahanlarından uğurla keçən 300 nəfərdən çox məzun universitetlərə qəbul olunub. Onlardan 28 nəfər 600-dən yuxarı bal toplayıb. Şəhər 5 saylı tam orta məktəbin məzunu Ağalətif Lətifov 700 bal qazanıb. Hər il qəbul imtahanlarında yüksək nəticələr göstərən tələbələr üçün rayonda “Təhsil bayramı” keçirilir. Rayonun 22 məktəbi “Ən yaxşı məktəb” müsabiqəsinin qalibidir, “Ən yaxşı müəllim” müsabiqəsində isə bu şərəfli ada çatanlar 26 nəfərdir. 12 Əməkdar Müəllim şagirdlərə həyat yollarında bələdçilik edir.xeber100.com

Xalça istehsal sahəsinin tikintisinə başlanılıb

Ənənəvi sənaye sahələrindən olan xalçaçılığın inkişafı məqsədilə "Azərxalça" ASC tərəfindən 10 rayonda xalça istehsal sahəsinin tikintisinə başlanılıb.Azərtac xəbər verir ki, bu barədə iqtisadiyyat naziri Ş.Mustafayev deyib."Artıq Füzuli rayonunun Horadiz qəsəbəsində 1 xalça emalatxanası fəaliyyət göstərir, daha 9 rayonda isə tikinti işləri bu il başa çatdırılacaq. Bunun nəticəsində 1600 yeni iş yeri yaradılacaq. Bundan başqa, ASC tərəfindən bu il əyirici-boyaq müəssisəsinin tikintisinə də başlanılacaq. Xalçaçılıq sahəsində əsas xammallardan olacaq yunun tədarükü, emalı və ixracı məqsədilə artıq araşdırmalara başlanılıb. Bu sahədə xarici təcrübə öyrəniləcək və tətbiq olunacaq", - deyə Ş.Mustafayev qeyd edib.xeber100.com