Maarifləndirici tədbirlərə start veriləcək

UNİCEF-in Azərbaycandakı Ofisi, Avropa İttifaqının birgə layihəsi olan “Azərbaycanda uşaqlar üçün ədliyyə mexanizmlərindən istifadənin dəstəklənməsi” layihəsi çərçivəsində “Aztəminatlı ailələr üçün uşaq hüquqları üzrə hüquqi xidmət mərkəzi” fəaliyyətini davam etdirir.Xidmətin daha da əlçatan olması məqsədilə layihə çərçivəsində mobil xidmət göstərilməklə mərkəzin sosial işçiləri və hüquqşünasları tərəfindən yerlərə səfərlər təşkil edilib. Bu isə problemin yerindəcə öz həllini tapmasına köməklik göstərir.Cari ildə layihə çərçivəsində məişət zorakılığı hallarının azaldılmasına dəstək məqsədilə “Zorakılıqdan uzaq uşaqlıq” adlı maarifləndirici tədbirlərə start veriləcək.xeber100.com

XVIII əsrə aid gümüş sikkələr aşkarlanıb

Quba sakininin həyətində XVIII əsrə aid gümüş sikkələr aşkarlanıb.Azərtac xəbər verir ki, qədim pullar şəhərin Ərdəbil küçəsində yaşayan Elnur Zeynalovun həyətindən tapılıb. Həmin ərazidən 16 metal sikkə aşkarlanıb.Tarixçi Anar Murquzov tapılan metal pulların Quba xanlığı dövründə tədavüldə olan gümüş sikkələr olduğunu bildirib. Pulların tapıldığı ərazi Quba şəhərinin mərkəzində olduğundan qədim dövrdə həmin yerdə karvansarayın yerləşdiyi ehtimal edilir.xeber100.com

“Açıq qapı” günü elan edilib

Gəncə Dövlət Universitetində semestr imtahanları ilə bağlı “Açıq qapı” günü elan edilib.Azərtac xəbər verir ki, övladlarının və yaxın qohumlarının semestr imtahanlarında iştirak etmək istəyənlər, valideynlər, həmçinin ictimaiyyət nümayəndələri universitetdə olublar.Bildirilib ki, ali təhsilin ən mühüm mərhələlərindən biri də imtahan prosesinin düzgün təşkili olunması, tələbələrin bilik və bacarıqlarının üzə çıxarılması üçün lazımi şərait yaradılmasıdır. Bununla bağlı Gəncə Dövlət Universitetində imtahanların müasir dövrün tələblərinə uyğun şəkildə keçirilməsi məqsədilə bütün korpuslarda imtahan otaqları lazımi avadanlıqlarla təchiz edilib.xeber100.com

Muğam Mərkəzində Yeni il şənlikləri təşkil olunub

Ağcabədidə uşaqlar üçün növbəti əyləncəli Yeni il şənliyi Qarabağ Muğam Mərkəzində keçirilib.Azərtac xəbər verir ki, şəhər uşaq musiqi məktəbinin və Qarabağ Muğam Mərkəzinin kollektivləri tərəfindən hazırlanan Yeni il proqramı uşaqları sevindirib. Yeni ilin personajları Şaxta baba və Qar qız uşaqları bayram münasibətilə təbrik edib, onları əyləndiriblər.Şən musiqi nömrələri, maraqlı səhnəciklər və rəqslərlə davam edən tədbir uşaqların sevincinə səbəb olub.xeber100.com

Mirzə Şəfi Vazeh adına muzey istifadəyə veriləcək

2017-ci ildə Gəncədə Mirzə Şəfi Vazeh adına muzey və park istifadəyə veriləcək.AZƏRTAC xəbər verir ki, bunu Gəncə Səhər İcra Hakimiyyətinin başçısı E.Vəliyev ictimaiyyət qarşısında çıxışı zamanı deyib.İcra hakimiyyətinin başçısı şəhərdə həyata keçiriləcək bir sıra sosial-iqtisadi və mədəni layihələrdən danışaraq bildirib ki, Gəncədə tarixi-mədəni irsin qorunması və təbliği istiqamətində görülən işlər 2017-ci ildə də davam etdiriləcək. Bu məqsədlə Gəncədə XIX əsr Azərbaycanının mütəfəkkir şairi Mirzə Şəfi Vazehin adını daşıyan muzey və park yaradılacaq. Yeni muzeydə dahi şairin bədii irsini əks etdirən, ona Avropada böyük şöhrət qazandıran əsərləri, Almaniya Milli Kitabxanasından ölkəmizə gətirilən əlyazmaların surətləri, eləcə də digər nadir eksponatlar nümayiş etdiriləcək.Mirzə Şəfi Vazehin adını daşıyacaq park isə şəhər sakinlərinin və ədəbiyyatsevərlərin sevimli istirahət məkanı olmaqla yanaşı, həm də şairin xatirəsinin əbədiləşməsinə xidmət göstərəcək.xeber100.com

Həmrəylik Günü və Yeni il bayramı münasibətilə…

Dünya Azərbaycanlılarının Həmrəylik Günü və Yeni il bayramı münasibətilə Ağstafa şəhərinin mərkəzindəki Səməd Vurğun adına mədəniyyət və istirahət parkında bayram şənliyi keçirilib.Azərtac xəbər verir ki, rayon ictimaiyyətinin nümayəndələrinin iştirak etdiyi bayram tədbirində çıxış edən rayon icra hakimiyyətinin başçısı M.Quliyev yola saldığımız ildə Ağstafada görülən abadlıq-quruculuq işlərindən danışıb. Bayram proqramına tamaşa etməyə gələn uşaqlara Şaxta baba və Qar qız bayram hədiyyələri veriblər. Bayram şənliyi incəsənət ustalarının çıxışları və rəqs qruplarının hazırladığı proqramla davam etdirilib.xeber100.com

İqtisadiyyat Nazirliyinin məlumatı…

İqtisadiyyat Nazirliyinin Sahibkarlığa Kömək Milli Fondu Abşeron rayonunda sahibkarlardan prioritet hesab olunan sahələr üzrə investisiya layihələrinin qəbuluna başlayır.Nazirliyin mətbuat xidmətindən Azərtac-a bildiriblər ki, layihələrdə ixtisaslaşdırılmış “yaşıl market”in, müasir istixana kompleksinin, zeytunçuluq və badamçılıq təsərrüfatlarının, ət-sümük unu və tara istehsalı müəssisələrinin yaradılması nəzərdə tutulur.Sahibkarlar investisiya layihələrinin maliyyələşdirilməsi məqsədilə müvəkkil kredit təşkilatları vasitəsilə Sahibkarlığa Kömək Milli Fonduna müraciət edə bilərlər.xeber100.com

Bayram yarmarkası açılıb

Gəncə Şəhər İcra Hakimiyyətinin təşkilatçılığı ilə 31 Dekabr - Dünya Azərbaycanlılarının Həmrəylik Günü və Yeni il münasibətilə kənd təsərrüfatı və ərzaq məhsullarının növbəti satış-yarmarkası təşkil olunub.Azərtac xəbər verir ki, yarmarkada alıcılara 30-dan çox müəssisə və şirkət tərəfindən bazar qiymətlərindən aşağı kənd təsərrüfatı məhsulları təklif edilib.Şəhər icra hakimiyyəti başçısının birinci müavini E.Rzayev bildirib ki, bayram yarmarkasında qiymətlər bazarla müqayisədə 20-30 faiz ucuzdur. Həmçinin bütün məhsulların keyfiyyətinə ciddi nəzarət olunub.Şəhər sakinləri yarmarkanın təşkilindən, məhsulların çeşidindən və qiymətlərin sərfəli olmasından razılıqlarını bildiriblər.xeber100.com

Rəsm Qalereyasında sərgi açılıb

Bərdə Dövlət Rəsm Qalereyasında “Bərdə abidələri uşaqların gözü ilə” adlı rəsm sərgisi açılıb.Azərtac xəbər verir ki, rayon Mədəniyyət və Turizm Şöbəsinin Turizm İnformasiya Mərkəzi ilə birgə təşkil etdiyi sərgidə məktəblilərin rayonun tarixi abidələrinə və müasir inkişafına həsr etdikləri əl işləri sərgilənib.Tədbirdə çıxış edən Rəsm Qalereyasının direktor əvəzi Səbuhi Qasımov Bərdənin keçmişinin, tarixi abidələrinin tanıdılması baxımından sərginin əhəmiyyətini yüksək qiymətləndirib.Sonra sərgiyə baxış keçirilib. 4 saylı uşaq incəsənət məktəbinin müəllimi Rəşad Hüseynov şagirdlərin çəkdikləri rəsmlər haqqında iştirakçılara məlumat verib.xeber100.com

Qanvermə aksiyası keçirilib

İmişlidə hemofiliya, talassemiya və digər qan xəstəliklərindən əziyyət çəkən xəstələrə yardım məqsədilə növbəti qanvermə aksiyası keçirilib.Azərtac xəbər verir ki, Səhiyyə Nazirliyinin B.Eyvazov adına Hematologiya və Transfuziologiya İnstitutu nəzdində Mərkəzi Qan Bankı işçilərinin təşəbbüsü ilə keçirilən aksiyada rayonun icra strukturlarının nümayəndələri, tibb işçiləri, şəhər sakinləri və gənclər fəallıq nümayiş etdiriblər.Mərkəzi Qan Bankının xüsusi tibb briqadasının həkim-hematoloqları rayon mərkəzi xəstəxanasının personalı ilə birgə könüllü donorları müayinə etdikdən sonra onlardan qan götürüblər. Gün ərzində davam edən humanitar aksiya çərçivəsində 150 könüllü donor qismində iştirak edir. Tədarük olunan qan nümunələri Respublika Mərkəzi Qan Bakına göndəriləcək və irsi qan xəstəliklərinin müalicəsində istifadə olunacaq.xeber100.com