Novruz bayramı münasibətilə satış yarmarkası təşkil olunub

İsmayıllı şəhərinin “Yaşıl bazar” kompleksində Novruz bayramı münasibətilə satış yarmarka təşkil olunub. Yarmarkada fermerlər, İvanovkadakı M.Nikitin adına kolxoz və ərazidə yaşayan fərdi təsərrüfat sahibləri iştirak edirlər.Azərtac-ın bölgə müxbiri xəbər verir ki, alıcılara ət, ağartı məhsulları, qoz-fındıq, şabalıd, kartof-soğan və digər məhsullar təklif olunur. Qiymətlər bazardakından 12-15 faiz ucuzdur.Rayon icra hakimiyyətinin təşkilatçılığı ilə keçirilən yarmarkada yerli icra nümayəndəlikləri və bələdiyyələr fəal iştirak edirlər.Bayram yarmarkası martın 21-dək davam edəcək.xeber100.com

Dövlət Gömrük Komitəsinin sədri vətəndaşları qəbul edəcək

Mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq Dövlət Gömrük Komitəsinin sədri Səfər Mehdiyev dekabrın 28-də Qusar rayon Heydər Əliyev Mərkəzində bu bölgədən olan vətəndaşları qəbul edəcək.Dövlət Gömrük Komitəsinin mətbuat və ictimaiyyətlə əlaqələr idarəsindən Azərtac-a bildiriblər ki, qəbul zamanı bölgədə yerləşən - Qusar, Quba, Xaçmaz, Şabran rayonlarının sakinlərinin, eləcə də bu bölgədə məskunlaşan məcburi köçkünlərin yalnız gömrük məsələləri ilə bağlı müraciətləri dinləniləcək.xeber100.com

İqtisadiyyat naziri vətəndaşları qəbul edəcək

İqtisadiyyat naziri Şahin Mustafayev dekabrın 21-də Bərdədə Yevlax, Tərtər, Ağcabədi, Ağdam, Laçın və Bərdə rayonlarından olan vətəndaşları qəbul edəcək.İqtisadiyyat Nazirliyinin mətbuat xidmətindən Azərtac-a bildiriblər ki, vətəndaşların qəbulu saat 11:00-dan etibarən YAP-ın Bərdə rayon təşkilatının inzibati binasında keçiriləcək.xeber100.com

“ASAN xidmət” vətəndaşlara xidmət göstərəcək

“ASAN xidmət” noyabrın 27-dən Astarada vətəndaşlara səyyar xidmət göstərir.Azərtac-ın bölgə müxbiri xəbər verir ki, səyyar şəkildə göstərilən xidmətlər Ədliyyə, Daxili İşlər, Əmək və Əhalinin Sosial Müdafiəsi nazirlikləri, Əmlak Məsələləri Dövlət Komitəsi və “Azəriqaz” İstehsalat Birliyi tərəfindən təqdim olunur.Bu xidmətlərə notariat fəaliyyəti, vətəndaşlıq vəziyyəti aktlarının dövlət qeydiyyatı, şəxsiyyət vəsiqələrinin, ümumvətəndaş pasportlarının verilməsi və dəyişdirilməsi, sürücülük vəsiqələrinin dəyişdirilməsi, əmək pensiyalarının təyin edilməsi, mənzillər üzərində mülkiyyət hüquqlarının ilkin və təkrar dövlət qeydiyyatına alınması barədə çıxarışların, texniki pasportların verilməsi daxildir.Vətəndaşlara, eyni zamanda, daşınmaz əmlakın təsvirinə, dövlət qeydiyyatına alınmış hüquqlara və onların məhdudlaşdırılmasına (yüklülüyünə) dair dövlət reyestrindən arayışların və fərdi yaşayış evləri üzərində mülkiyyət hüquqlarının təkrar dövlət qeydiyyatına alınması barədə çıxarışların, texniki pasportların verilməsi ilə bağlı xidmətlər də göstərilir. Bununla yanaşı, vətəndaşlar “Azəriqaz” İstehsalat Birliyinin xidmətlərindən də yararlana biləcəklər.Səyyar “ASAN xidmət” dekabrın 26-dək Astarada vətəndaşlara xidmət göstərəcək.xeber100.com

Dövlət Gömrük Komitəsinin sədri vətəndaşları qəbul edəcək

Mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq Dövlət Gömrük Komitəsinin sədri Səfər Mehdiyev oktyabrın 26-da saat 11:00-da Mingəçevir şəhərindəki Heydər Əliyev Mərkəzində  bu bölgədən olan vətəndaşları qəbul edəcək.Dövlət Gömrük Komitəsinin mətbuat və ictimaiyyətlə əlaqələr şöbəsindən Azərtac-a bildirilib ki, qəbul zamanı bölgədə yerləşən - Mingəçevir şəhərinin, Şəki, Oğuz, Qəbələ rayonlarının sakinlərinin, eləcə də bu bölgədə məskunlaşan məcburi köçkünlərin yalnız gömrük məsələləri ilə bağlı müraciətləri dinləniləcək.xeber100.com  

Vətəndaşların qəbulu cədvəlinə uyğun olaraq…

Nəqliyyat, rabitə və yüksək texnologiyalar naziri Ramin Quluzadənin Beyləqan şəhərində Beyləqan, İmişli, Ağcabədi, Füzuli, Zərdab, Xocavənd və Laçın rayonlarının sakinləri ilə oktyabrın 23-də nəzərdə tutulan görüşünün vaxtı dəyişdirilərək oktyabrın 24-ü saat 12:00-a keçirilib.Nəqliyyat, Rabitə və Yüksək Texnologiyalar Nazirliyinin mətbuat xidmətindən Azərtac-a bildiriblər ki, nazir qeyd olunan rayonlar üzrə göstərilən nəqliyyat, telekommunikasiya (o cümlədən, internet, televiziya və radio yayımı) və poçt xidmətlərinin keyfiyyəti, xidmət mədəniyyəti və bu sahədə bölgələrdə əhalini maraqlandıran digər məsələlərlə bağlı vətəndaşları qəbul edəcək.xeber100.com

Fövqəladə hallar naziri vətəndaşları qəbul edib

Fövqəladə hallar naziri K.Heydərov Horadiz şəhərində Füzuli, Beyləqan, Ağcabədi və Xocavənd rayonlarının sakinlərini, həmçinin həmin rayonlarda məskunlaşmış məcburi köçkünləri qəbul edib.Azərtac-ın bölgə müxbiri xəbər verir ki, fövqəladə hallar naziri tərəfindən qəbul edilən 15 vətəndaşın müraciətlərinin bir çoxu yerindəcə öz həllini tapıb, bir sıra məsələlərlə bağlı qanunvericiliyə uyğun dərhal zəruri tədbirlərin görülməsi barədə aidiyyəti strukturların rəhbərlərinə tapşırıqlar verilib. Bundan başqa, kadr məsələləri ilə bağlı 70, digər məsələlərlə bağlı müraciət etmiş 24 vətəndaş nazir müavinləri və nazirliyin müvafiq baş idarə və qurum rəhbərliyi tərəfindən qəbul olunub.xeber100.com

Fövqəladə hallar naziri vətəndaşları qəbul edəcək

Fövqəladə hallar naziri Kəmaləddin Heydərov tərəfindən sentyabrın 28-də Horadiz şəhərində keçirilməsi nəzərdə tutulan vətəndaşların qəbulunun vaxtı dəyişdirilərək oktyabrın 1-nə saat 11:00-a təyin edilib.Bu barədə Azərtac-a Fövqəladə Hallar Nazirliyindən məlumat verilib.xeber100.com

Vergilər naziri vətəndaşları qəbul edəcək

Vergilər naziri Mikayıl Cabbarovun sentyabr ayının 24-də Şəmkir rayonunda keçirilməsi planlaşdırılan vətəndaşların qəbulu vaxtı oktyabrın 1-nə keçirilib.Nazirliyin Media və Kommunikasiya Mərkəzindən Azərtac-a bildirilib ki, qəbul saat 10:00-da Şəmkir şəhərində 14 saylı Ərazi Vergilər İdarəsinin inzibati binasında (Ünvan: Şəmkir şəhəri, H.Əliyev küçəsi 5) keçiriləcək.Qeyd olunub ki, şəhər və rayonlarda vətəndaşların qəbulu cədvəlinə uyğun olaraq, Gəncə və Naftalan şəhərləri, Şəmkir, Goranboy, Samux, Göygöl, Daşkəsən, Gədəbəy, Tovuz, Ağstafa, Qazax və Kəlbəcər rayon sakinləri qəbulda iştirak edə bilərlər.xeber100.com

Təbii qazın verilişində fasilələr yaranacaq

Yeni çəkilən avtomobil yolunun tikinti sahəsinə düşən və “Qaz İxrac” İdarəsinin balansında olan diametri 1020 millimetrlik “Astara-Qazıməmməd” magistral qaz xəttinin birinci xətti ilə kəsişən hissəsində borunun dəyişdirilməsi, həmçinin futlyarın quraşdırılması zərurəti ilə əlaqədar avqustun 28-i tarixindən etibarən 3 gün müddətində təmir işləri aparılacaq.“Azəriqaz” İstehsalat Birliyindən Azərtac-a verilən məlumata görə, zəruri təmir işləri ilə əlaqədar Masallı rayonunun yaşayış məntəqələrinə təbii qazın verilişində fasilələr yaranacaq.“Azəriqaz” bütün istehlakçılardan təbii qazdan istifadə zamanı xüsusilə diqqətli olmalarını və texniki təhlükəsizlik qaydalarına riayət edilməsini xahiş edir.xeber100.com