Sahibkarlar üçün treninq keçirilib

İqtisadiyyat Nazirliyinin Bakı Biznes Tədris Mərkəzinin Lənkəran nümayəndəliyinin təşkilatçılığı ilə sahibkarlar və sahibkarlıq fəaliyyətinə yeni başlayanlar üçün treninq keçirilib.İqtisadiyyat Nazirliyinin mətbuat xidmətindən bildiriblər ki, treninqdə iştirakçılara Lənkəran rayonunda çayçılıq, sitrusçuluq və çəltikçilik sahələrinin inkişafı, "Made in Azerbaijan" brendinin yaradılması və s. barədə ətraflı məlumat verilib.Treninq çərçivəsində, həmçinin, İqtisadiyyat Nazirliyi tərəfindən göstərilən elektron xidmətlər, "Lisenziyalar və icazələr" portalından (www.lisenziya.gov.az) və "biznesdən-biznesə" elektron platformasından istifadə qaydaları, apellyasiya şuraları, sahibkarların təkrar şikayətlərinə baxılması prosedurları barədə məlumat verilib, mövzular üzrə təqdimatlar keçirilib, iştirakçıları maraqlandıran suallar cavablandırılıb.xeber100.com

İqtisadiyyat Nazirliyinin məlumatı

İqtisadiyyat naziri Şahin Mustafayevin martın 16-da Bərdədə keçirilməsi nəzərdə tutulan vətəndaş qəbulunun vaxtı dəyişdirilib.İqtisadiyyat Nazirliyinin mətbuat xidmətindən Azərtac-a bildiriblər ki, qəbulun keçiriləcəyi tarix barədə əlavə məlumat veriləcək.xeber100.com

Vətəndaşların qəbulu cədvəlinə uyğun olaraq…

Mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq, martın 14-də Dini Qurumlarla İş üzrə Dövlət Komitəsinin sədri Mübariz Qurbanlı Gəncə şəhərində bölgə vətəndaşlarını qəbul edib.Azərtac-ın bölgə müxbiri xəbər verir ki, Azərbaycan Dövlət Aqrar Universitetinin əsas binasında keçirilən qəbulda komitə sədri Mübariz Qurbanlı Gəncə, Naftalan şəhərlərinin, Daşkəsən, Göygöl, Goranboy və Samux rayonlarının sakinlərinin müraciətlərinə baxıb.Vətəndaşlar əsasən dini icmaların fəaliyyəti, onların dövlət qeydiyyatına alınması, məscidlərin təmiri, dini maarifləndirmə ilə əlaqədar icmalara vəsaitlərin ayrılması, məscidlərin dini təyinatlı kitablarla təmin edilməsi və digər məsələlərlə bağlı müraciət ediblər.Müraciətlərin bir qismi yerindəcə öz həllini tapıb. Araşdırılmasına ehtiyac olan bir sıra məsələlərin qanunvericiliyə uyğun, operativ həlli üçün müvafiq tapşırıqlar verilib.xeber100.com

Vergilər naziri vətəndaşları qəbul edib

Vergilər naziri Mikayıl Cabbarov Quba şəhərində 3 saylı Ərazi Vergilər İdarəsinin inzibati binasında vətəndaşları qəbul edib.Nazirliyin Media və Kommunikasiya Mərkəzindən Azərtac-a bildirilib ki, mərkəzi icra hakimiyyəti orqanları rəhbərlərinin 2018-ci ilin mart ayında şəhər və rayonlarda vətəndaşların qəbulu cədvəlinə uyğun olaraq keçirilən qəbulda Quba, Qusar, Xaçmaz və Şabran rayon sakinləri iştirak edib.Qəbulda vətəndaşlar əsasən, vergi orqanlarına işə qəbul, strukturlarda iş yerlərinin dəyişdirilməsi, vergi inzibatçılığı və digər məsələlərlə əlaqədar müraciət ediblər.Görüşdə vətəndaşların müraciətləri dinlənilib, əksər məsələlər yerindəcə həllini tapıb, bir sıra müraciətlərlə bağlı nazirliyin struktur bölmələrinə tapşırıqlar verilib.xeber100.com

İqtisadiyyat Nazirliyinin məlumatı əsasında…

İqtisadiyyat Nazirliyinin Bakı Biznes Tədris Mərkəzinin təşkilatçılığı ilə Lənkəranda və Şəkidə sahibkarlar üçün treninqlər keçirilib.İqtisadiyyat Nazirliyinin mətbuat xidmətindən bildiriblər ki, "Azərbaycan Respublikasında kiçik və orta sahibkarlıq səviyyəsində istehlak mallarının istehsalına dair Strateji Yol Xəritəsi"ndə kiçik və orta sahibkarlıq subyektləri üçün araşdırma və maariflənmə imkanlarının artırılmasına kömək məqsədilə keçirilən treninqlərdə iştirakçılara biznes-ideyanın formalaşdırılması və həyata keçirilməsi yolları, biznes-planın tərtibi, marketinq araşdırmaları sahəsində beynəlxalq təcrübə, tütün, barama və ipək istehsalında səmərəliliyin yüksəldilməsi, ixracın artırılması və s. barədə məlumat verilib.Treninqlərdə iştirakçılar, həmçinin İqtisadiyyat Nazirliyi tərəfindən göstərilən elektron xidmətlər, apellyasiya şuraları və sahibkarların təkrar şikayətlərinə baxılması prosedurları barədə məlumatlandırılıb.xeber100.com

Aqrokimya laboratoriyası yaradılacaq

Yaxın vaxtlarda Lənkəranda aqrokimya laboratoriyası yaradılacaq.Azərtac-ın bölgə müxbiri xəbər verir ki, bu fikir Kənd Təsərrüfatı Nazirliyi Aqrar Elm və İnformasiya Məsləhət Mərkəzi, Kənd Təsərrüfatı Nazirliyi yanında Kənd Təsərrüfatı Layihələri və Kreditlərinin İdarə Edilməsi üzrə Dövlət Xidməti, Meyvəçilik və Çayçılıq Elmi-Tədqiqat İnstitutunun birgə təşkilatçılığı ilə Lənkəranda keçirilən “Çay və sitrus bitkilərinin mütərəqqi becərmə texnologiyaları” mövzusunda elmi-praktik seminarda səsləndirilib.Kənd Təsərrüfatı Nazirliyinin müvafiq qurumlarının, cənub bölgəsində çayçılıq və sitrusçuluqla məşğul olan fermerlərin iştirak etdiyi seminarda Aqrar Elm və İnformasiya Məsləhət Mərkəzinin baş direktoru Rəsul Balayev ölkəmizdə aqrar sahənin inkişafı istiqamətində görülən işlərdən və qarşıda duran vəzifələrdən danışıb.Meyvəçilik və Çayçılıq Elmi-Tədqiqat İnstitutunun direktoru İlham Qurbanov Azərbaycan Respublikası Prezidentinin ölkəmizdə sitrusçuluq və çayçılığın inkişafı ilə bağlı müvafiq Sərəncamının icrasının əhəmiyyətini diqqətə çatdırıb.Çıxışlarda qeyd olunub ki, sitrus bitkilərinin xəstəlik və zərərvericiləri onlara qarşı mübarizə metodları, kimyəvi preparatların alışı, yeni çay rayonlarının yaranması, bu sahədə kadr çatışmazlığı, aqrokimya laboratoriyasının yaradılması gündəlikdə duran başlıca vəzifələrdir.Tədbir iştirakçıları Lənkəranın çay plantasiyaları ilə tanış olublar.xeber100.com

Sahibkarlar üçün treninq keçirilib

Fevralın 28-də İqtisadiyyat Nazirliyinin Bakı Biznes Tədris Mərkəzinin təşkilatçılığı ilə Ucarda sahibkarlar üçün treninq keçirilib.İqtisadiyyat Nazirliyinin mətbuat xidmətindən bildiriblər ki, "Azərbaycan Respublikasında kiçik və orta sahibkarlıq səviyyəsində istehlak mallarının istehsalına dair Strateji Yol Xəritəsi"ndə kiçik və orta sahibkarlıq subyektləri üçün araşdırma imkanlarının artırılmasına kömək məqsədilə keçirilən treninq "Made in Azerbaijan" brendinin yaradılması və inkişafı, ixracyönümlü məhsulların təşviqinin stimullaşdırılması, investisiya təşviqi sənədinin verilməsi ilə bağlı mövzuları əhatə edib.Treninqdə iştirakçılar brendləşmənin xüsusiyyətləri, yeni ixrac bazarları, ixracatçılara tətbiq edilən güzəştlər, investisiya təşviqi sənədini alanlara təsdiqedici sənədin verilməsi qaydaları və s. barədə məlumatlandırılıb.Tədbirdə, həmçinin İqtisadiyyat Nazirliyi tərəfindən göstərilən elektron xidmətlər, apellyasiya şuraları və sahibkarların təkrar şikayətlərinə baxılması prosedurları barədə məlumat verilib.xeber100.com

Xocalı faciəsinin 26-cı ildönümü münasibətilə…

Xocalı faciəsinin 26-cı ildönümü münasibətilə bir qrup alpinist Kiçik Qafqazın şimal-şərqində yerləşən Qoşqar zirvəsinə yürüş edib.Azərtac xəbər verir ki, beş nəfərlik alpinist qrupunun yürüşü fevralın 25-də zirvədə “Xocalıya ədalət!” posterinin açılması ilə yekunlaşıb.“Everest” İdman Klubunun təşkil etdiyi yürüş Binəqədi rayonu M.Ə.Rəsulzadə bələdiyyəsinin dəstəyi ilə reallaşıb. Yürüşdə peşəkar dağçılar Turan Əhmədov, Emin Mirzəyev, Rinad Rəhimxanov, Natiq Yusifli, Anar Abbasov və Turan Əhmədov iştirak edib.Yürüşün təşkil olunmasında əsas məqsəd gənc nəslin diqqətini Xocalı faciəsinə yönəltməklə yanaşı, sağlam həyat tərzini təbliğ etmək, idmanın bu növünü tanıtmaq və ona olan marağı artırmaqdan ibarətdir.Daşkəsən rayonu ərazisində yerləşən 3 min 361 metr yüksəklikdəki Qoşqar zirvəsi Kiçik Qafqaz sıra dağlarına aiddir.xeber100.com

“Kapital Bank” layihəsi çərçivəsində

"Kapital Bank" filial şəbəkəsinin transformasiyası layihəsi çərçivəsində yeni "Şimal' filialını istifadəyə verib.Bankdan Azərtac-a bildiriblər ki, yeni konsepsiya əsasında təqdim edilən filial Quba şəhəri, Heydər Əliyev prospektində fəaliyyət göstərir. Filial bazar ertəsi – cümə günü saat 09:00-dan 19:00-dək, şənbə və bazar günləri isə 09:00-dan 16:00-dək fəaliyyət göstərəcək. Artıq müştərilər yeni filialda müasir bank xidmətlərindən istifadə edə bilərlər."Kapital Bank"ın yeni konsepsiya əsasında təqdim edilən "Şimal" filialı müştərilərə hesablaşma-kassa əməliyyatları, əmanətlər, müxtəlif növ kreditlər, plastik kartlar, pulköçürmələri, kommunal, rabitə və digər xidmətlərin ödənişləri, valyuta mübadiləsi və s. bank xidmətlərini təklif edir. Yeni filial müştərilərə ən yüksək səviyyədə xidmət göstərmək üçün bütün zəruri şəraitə və imkanlara malikdir.Qeyd edək ki, "Kapital Bank" filial şəbəkəsinin transformasiyası istiqamətində müəyyən tədbirlər həyata keçirir. Cari ildə Bakı və regionlarda bir sıra filialların əsaslı təmir olunması, yeni filial və şöbələrin açılması planlaşdırılır. Buna misal olaraq cari ildə "Kapital Bank"ın "Füzuli" filialının köçürülməsi və yeni "Bravo-2" filialının açılışını qeyd etmək olar. Sözügedən layihə artıq 3 ildir davam edir. Bu dövr ərzində bir çox filial müasir tələblərə uyğun təmir edilərək müştərilərin ixtiyarına verilir.xeber100.com

2020-ci il üçün “İslam dünyasının turizm paytaxtı”…

Azərbaycanın Qəbələ şəhəri 2020-ci il üçün “İslam dünyasının turizm paytaxtı” seçilib.Azərtac xəbər verir ki, İslam Əməkdaşlıq Təşkilatının (İƏT) Twitter səhifəsində yerləşdirilən məlumata görə, bu barədə qərar İƏT-ə üzv ölkələrin turizm nazirlərinin X konfransında qəbul olunub.xeber100.com