Təbii qaz təchizatında məhdudiyyət yaranıb

Abşeron rayonunun təbii qaz təchizatında məhdudiyyət yaranıb.“Azəriqaz” İstehsalat Birliyindən Azərtac-a bildirilib ki, Müşfiqabad qazpaylayıcı stansiyasının çıxışında adı çəkilən stansiyadan qidalanan orta təzyiqli diametri 426 millimetrlik yeraltı qaz kəmərində qaz sızması aşkar edilib. Yarana biləcək bədbəxt hadisələrin qarşısının alınması və qaz sızmasının ləğvi üçün aparılacaq təmir-bərpa işləri ilə əlaqədar bu gün saat 12:30-dan etibarən həmin kəmərdə qaz təchizatı dayandırılıb. Təbii qaz təchizatının dayanması nəticəsində Abşeron rayonunun Xırdalan şəhəri daxil olmaqla rayonun Qobu, Aşağı Güzdək, Baş Güzdək, Hökməli, Çiçək qəsəbələrinə, həmçinin Atyalı adlanan yaşayış massivinə təbii qazın verilişində fasilə yaranıb.“Azəriqaz” İstehsalat Birliyinin Təmir-Tikinti İdarəsinin briqadası tərəfindən həmin ərazidə təmir-bərpa işləri aparılır. Yaranmış məhdudiyyət saat 16:00-dək aradan qaldırılaraq yuxarıda qeyd olunan yaşayış məntəqələrinin qaz təchizatı bərpa ediləcək.Yaranmış məhdudiyyətlə bağlı “Azəriqaz” bütün istehlakçılardan təbii qazdan istifadə zamanı xüsusilə diqqətli olmalarını və texniki təhlükəsizlik qaydalarına riayət edilməsini xahiş edir.xeber100.com

Bölgələrdə vətəndaşların qəbulu cədvəlinə uyğun olaraq…

Mərkəzi icra hakimiyyəti orqanları rəhbərlərinin bölgələrdə vətəndaşların qəbulu cədvəlinə uyğun olaraq, fövqəladə hallar naziri Kəmaləddin Heydərov yanvarın 25-də Tərtər rayonundakı Gənclər Mərkəzində bölgə vətəndaşlarını qəbul edib.Azərtac-ın bölgə müxbiri xəbər verir ki, nazirliyin müvafiq icra strukturu rəhbərlərinin də iştirak etdikləri qəbulda Tərtər, Ağdam, Bərdə rayonlarının sakinlərinin və həmin rayonlarda məskunlaşmış məcburi köçkünlərin müraciətlərinə baxılıb.Fövqəladə hallar naziri tərəfindən qəbul edilən 20 vətəndaşın müraciətlərinin bir çoxu yerindəcə öz həllini tapıb, bir sıra məsələlərlə bağlı qanunvericiliyə uyğun dərhal zəruri tədbirlərin görülməsi barədə aidiyyəti strukturların rəhbərlərinə tapşırıqlar verilib.Bundan başqa, kadr məsələləri ilə bağlı 177, digər məsələlərlə bağlı müraciət etmiş 39 vətəndaş nazir müavinləri və nazirliyin müvafiq baş idarə və qurum rəhbərliyi tərəfindən qəbul olunub.xeber100.com

İqtisadiyyat Nazirliyinin məlumatı

Yanvarın 25-də İqtisadiyyat Nazirliyinin Bakı Biznes Tədris Mərkəzi tərəfindən Gəncədə və Lənkəranda sahibkarlar üçün treninqlər keçirilib.İqtisadiyyat Nazirliyinin mətbuat xidmətindən bildiriblər ki, "Azərbaycan Respublikasında kiçik və orta sahibkarlıq səviyyəsində istehlak mallarının istehsalına dair Strateji Yol Xəritəsi"ndə kiçik və orta sahibkarlıq subyektləri üçün araşdırma və inkişaf imkanlarının genişləndirilməsi məqsədilə keçirilən treninqlərdə iştirakçılara biznes-ideyanın yaradılması və həyata keçirilməsi yolları, biznes-planın tərtibi, marketinq araşdırmaları sahəsində beynəlxalq təcrübə, prioritet biznes istiqamətləri, yeni biznes subyektlərinin yaradılması qaydaları və s. barədə ətraflı məlumat verilib.Tədbirlərdə biznes-inkubatorların yaradılması təşviq edilib, iştirakçılar biznes-inkubatorların əhəmiyyəti, biznes-inkubatorlarda tətbiq olunan güzəştlər, dövlət dəstəyi mexanizmləri və s. barədə də məlumatlandırılıb.Treninqlərdə iştirakçılara, həmçinin İqtisadiyyat Nazirliyi tərəfindən göstərilən elektron xidmətlər, sahibkarların təkrar şikayətlərinə baxılması prosedurları barədə məlumat verilib.xeber100.com

Vətəndaşların qəbulu cədvəlinə uyğun olaraq…

Mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq Dövlət Gömrük Komitəsinin sədri, gömrük xidməti general-polkovniki Aydın Əliyev yanvarın 26-da saat 11:30-da Biləsuvar şəhərində Biləsuvar Gömrük İdarəsinin inzibati binasında (8 Mart küçəsi 2) bu bölgədən olan vətəndaşları qəbul edəcək.Dövlət Gömrük Komitəsinin mətbuat xidmətindən Azərtac-a bildirilib ki, qəbul zamanı bölgədə yerləşən Biləsuvar, Cəlilabad, Salyan, Neftçala, Cəbrayıl rayonlarının sakinlərinin yalnız gömrük məsələləri ilə bağlı müraciətləri dinləniləcək.xeber100.com

Dövlət Statistika Komitəsinin məlumatı əsasında…

Azərbaycanda ötən mövsümlə müqayisədə 2,3 dəfə çox pambıq tədarük olunub.Dövlət Statistika Komitəsindən Azərtac-a bildiriblər ki, yanvarın 16-dək qəbul məntəqələrinə 207 min 395 ton pambıq təhvil verilib.Xatırladaq ki, ölkədə pambıq istehsalı üzrə ən yüksək nəticə 1981-ci ildə əldə olunmuş, 1 milyon tondan çox pambıq yığılmışdı. Sonradan bu sahəyə diqqətin zəifləməsi pambıqçılıqda tənəzzülün yaranmasına gətirib çıxardı. Hazırda qeyri-neft sektorunun inkişaf etdirilməsi ilə bağlı görülən tədbirlər çərçivəsində ənənəvi kənd təsərrüfatı sahələrinin, o cümlədən pambıqçılığın inkişafı ön plana keçib, bu sahəyə dövlət dəstəyi artırılıb. 2015-ci ildə 18 min hektarda çiyid səpilmiş, 35 min ton məhsul yığılmışdısa, 2016-cı ildə əkin sahəsi 51 min hektara, tədarük 89 min tona çatmışdı. Bu mövsümdə 136 min hektarda çiyid səpilib, 207 min tondan çox pambıq tədarük edilib. Pambıqçılığa dövlət dəstəyi tədbirlərinin davamı olaraq, növbəti mövsümdə pambığın alış qiyməti hər ton üçün 100-110 manat artırılacaq.Qarşıda isə daha böyük hədəflər dayanır.xeber100.com  

Dövlət Statistika Komitəsinin məlumatı

Yanvarın 4-dək ölkə üzrə qəbul məntəqələrinə 206 min 903 ton pambıq təhvil verilib.Dövlət Statistika Komitəsindən Azərtac-a bildiriblər ki, 30 dekabr – 3 yanvar tarixlərində 181 ton pambıq tədarük olunub.Xatırladaq ki, 2017-ci ildə 2016-cı illə müqayisədə 2,7 dəfə çox – 136 min 413,2 hektarda çiyid səpilib və indiyədək 2,4 dəfə çox məhsul təhvil verilib.Pambıqçılığın inkişafına dair Dövlət Proqramında 2022-ci ilədək xam pambıq istehsalının 500 min tona çatdırılması nəzərdə tutulur.xeber100.com

Dövlət Gömrük Komitəsinin sədri vətəndaşları qəbul edib

Mərkəzi icra hakimiyyəti orqanlarının rəhbərləri bölgələrdə vətəndaşların qəbulunu keçirir, onların müxtəlif məsələlərlə bağlı müraciətlərinin, ərizə və şikayətlərinin müsbət həll olunması üçün müvafiq tədbirlər görürlər.Azərtac-ın bölgə müxbiri xəbər verir ki, Dövlət Gömrük Komitəsinin sədri Aydın Əliyev dekabrın 29-da Xızı şəhərində vətəndaşları qəbul edib.Qəbulda bölgədə yerləşən - Xızı, Abşeron, Qobustan rayonları və Sumqayıt şəhər sakinlərinin müraciətləri dinlənilib. Vətəndaşların müraciətləri əsasən gömrük orqanlarında işə qəbul və digər gömrük məsələləri ilə bağlı olub.Qəbul zamanı Komitə sədri Aydın Əliyev hər bir vətəndaşın müraciətini diqqətlə dinləyib və qaldırılan məsələlərin qanunvericiliyə uyğun həlli barədə müvafiq strukturların rəhbərlərinə tapşırıqlarını verib.xeber100.com

Dövlət Statistika Komitəsinin məlumatı

Dekabrın 29-dək pambıq qəbulu məntəqələrinə 206 min 494 ton məhsul təhvil verilib.Dövlət Statistika Komitəsindən Azərtac-a bildiriblər ki, ötən gün 143 ton pambıq tədarük olunub.Xatırladaq ki, son illər qeyri-neft sektorunun inkişaf etdirilməsi ilə bağlı görülən tədbirlər çərçivəsində ənənəvi kənd təsərrüfatı sahələrinin, o cümlədən pambıqçılığın inkişafı ön plana keçib, bu sahəyə dövlət dəstəyi artırılıb. Fermerlər bu dəstəkdən yararlanaraq ildən-ilə əkin sahələrini və məhsul istehsalını artırırlar. Belə ki, 2015-ci ildə 18 min hektar çiyid səpilmiş, 35 min ton məhsul yığılmışdısa, 2016-cı ildə əkin sahəsi 51 min hektar, tədarük 89 min ton təşkil etmişdi. Cari ildə pambıq tarlalarının sahəsi 136 min hektarı ötüb, məhsul yığımı isə ötən ilin ümumi göstəricisindən 2,4 dəfə çoxdur.xeber100.com

Yeni il bayramı ilə əlaqədar xeyriyyə aksiyası keçirilib

Dekabrın 28-də Lənkəran Dövlət Universitetində (LDU) 31 Dekabr - Dünya Azərbaycanlılarının Həmrəyliyi Günü və Yeni il bayramı ilə əlaqədar xeyriyyə aksiyası keçirilib.Azərtac xəbər verir ki, Lənkəran Şəhər İcra Hakimiyyəti və LDU-nun birgə təşkilatçılığı ilə keçirilən xeyriyyə aksiyasının məqsədi rayonda yaşayan şəhid ailələrini, Qarabağ müharibəsi veteranlarını, aztəminatlı ailələri və təhsil uğurları ilə seçilən şagirdləri bayram münasibətilə sevindirməkdir.Lənkəran Dövlət Universitetinin rektoru vəzifəsini icra edən professor Natiq İbrahimov tədbir iştirakçılarını qarşıdan gələn bayramlar münasibətilə təbrik edərək onlara ən xoş arzularını çatdırıb.Azərbaycanda gedən genişmiqyaslı quruculuq işlərindən danışan N.İbrahimov ölkəmizdə, o cümlədən LDU-da təhsilin inkişafı istiqamətində qazanılmış uğurlara dövlətimizin başçısının bu sahəyə diqqət və qayğısı sayəsində nail olunduğunu diqqətə çatdırıb.xeber100.com

“Kapital Bank” filial şəbəkəsinin transformasiyası layihəsi çərçivəsində

"Kapital Bank" filial şəbəkəsinin transformasiyası layihəsi çərçivəsində "Ucar" filialının yenilənmiş ofisini istifadəyə verib.Bankdan Azərtac-a bildiriblər ki, yeni konsepsiya əsasında təmir edilən filial Ucar şəhəri, Oğuz küçəsi, 44 ünvanında yerləşir. Artıq müştərilər yenilənən filialda müasir bank xidmətlərindən istifadə edə bilərlər."Kapital Bank"ın yeni konsepsiya əsasında təmir edilən "Ucar" filialı, müştərilərə hesablaşma-kassa əməliyyatları, əmanətlər, müxtəlif növ kreditlər, plastik kartlar, pul köçürmələri, kommunal, rabitə və digər xidmətlərin ödənişləri, valyuta mübadiləsi və sair bank xidmətlərini təklif edir. Yeni filial müştərilərə ən yüksək səviyyədə xidmət göstərmək üçün bütün zəruri şəraitə və imkanlara malikdir.Qeyd edək ki, "Kapital Bank" filial şəbəkəsinin transformasiyası istiqamətində müəyyən tədbirlər həyata keçirir. 2017-ci ildə yeni "Bravo" və "Nərimanov Kart Mərkəzi" filialları, Bakı şəhəri üzrə "Buzovna", "Dəmiryol" və "Lökbatan" şöbələri, region üzrə "Masallı" şöbəsi fəaliyyətə başlayıb, "Həzi Aslanov", "Qubadlı", "Göyçay", "Qobustan", "Beyləqan", "Tərtər", "Gədəbəy" və "Ağcabədi" filialları yeni ünvana köçürülüb. Bankın yenilənmiş filiallarında vahid korporativ interyer dizayn standartları tətbiq edilib və bu proses hazırda davam etməkdədir. 2018-ci ildə də daha bir sıra şəhər və region filiallarının yeni konsepsiyaya uyğun əsaslı təmir olunması, yeni filial və şöbələrin açılması planlaşdırılır.xeber100.com