Bayram satış yarmarkası açılıb

Dekabrın 27-dən etibarən Quba şəhərində bayram satış yarmarkası açılıb.Azərtac-ın bölgə müxbiri xəbər verir ki, yeni il bayramı ərəfəsində Quba sakinlərinə bir sıra ərzaq və kənd təsərrüfatı mallarını daha ucuz qiymətə almaq imkanı yaradılıb.Ərzaq və kənd təsərrüfatı malları sakinlərə bazardakı qiymətdən 15-20 faiz ucuz təklif olunur. Yarmarkaya 35 çeşiddə 10 tondan çox məhsul çıxarılıb.Bayram bazarlığı edən alıcılar, eləcə də istehsal etdikləri məhsulları sərfəli qiymətə satan fermerlər yarmarkanın təşkilindən razılıqlarını bildirirlər.xeber100.com

Kitab və qəzet yarmarkası keçiriləcək

Yanvarın 1-də Astara şəhərindəki park-bulvarda Dünya Azərbaycanlılarının Həmrəyliyi Gününə həsr olunmuş “Həmrəyliyimiz birliyimizdir” devizi ilə ikinci kitab və qəzet yarmarkası keçiriləcək.Azərtac-ın bölgə müxbiri xəbər verir ki, “Kitab və qəzet” yarmarkasının keçirilməsinin məqsədi əhalini maarifləndirmək, onlarda kitaba, qəzetə marağı artırmaq, milli mənəvi dəyərlərimizi, tariximizi qoruyub saxlayan kitablarımızı, qəzetlərimizi yaşatmaq, gənclərimizi oxumağa həvəsləndirmək və ehtiyacı olan şəhid ailələrinə kömək etməkdir.Tədbir iştirakçıları yarmarkada müxtəlif məzmunlu nəşrləri - dünya ədəbiyyatının görkəmli nümayəndələrinin əsərlərini, elmi, texniki, tibbi və müxtəlif sahələrdəki kitabları, həmçinin “Astara” qəzetinin Yeni il buraxılışını və qəzetin əvvəlki nömrələrini əldə etmək imkanı qazanacaqlar.xeber100.com

“ABAD”ın inkişafa dəstək layihəsi həyata keçiriləcək

Şəki-Zaqatala iqtisadi rayonunda üç il ərzində “ABAD”ın inkişafa dəstək layihəsi həyata keçiriləcək.Azərtac xəbər verir ki, bu barədə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri İnam Kərimov jurnalistlərə müsahibəsində söyləyib.İ.Kərimov bildirib ki, BMT-nin Bakı nümayəndəliyi və Avropa İttifaqı ilə əməkdaşlıq çərçivəsində Şəki-Zaqatala iqtisadi rayonunda üç il ərzində “ABAD”ın inkişafa dəstək layihəsi həyata keçiriləcək və Avropa İttifaqı tərəfindən bu layihəyə 1 milyon dollara yaxın vəsait ayrılacaq.xeber100.com

Dövlət Statistika Komitəsinin məlumatı

Dekabrın 21-dək ölkə üzrə pambıq qəbulu məntəqələrinə 204 min 520 ton məhsul təhvil verilib.Dövlət Statistika Komitəsindən Azərtac-a bildiriblər ki, ötən gün 385 ton pambıq tədarük edilib.Məhsul yığımında Saatlı pambıqçıları öndədirlər. Onlar dekabrın 21-dək 25 min 668 ton pambıq təhvil veriblər. Ümumilikdə isə 10 min tondan çox pambıq tədarük edən rayonların sırasına Biləsuvar, Bərdə, Ağcabədi, Sabirabad, Beyləqan və İmişli rayonlarının pambıqçıları daxildir.xeber100.com  

İqtisadiyyat naziri vətəndaşları qəbul edəcək

Dekabrın 22-də iqtisadiyyat naziri Şahin Mustafayev Beyləqan şəhərində Füzuli, İmişli, Xocavənd və Beyləqan rayonlarından olan vətəndaşları qəbul edəcək.İqtisadiyyat Nazirliyinin mətbuat xidmətindən bildiriblər ki, vətəndaşların qəbulu saat 10:00-dan etibarən Beyləqan şəhərində Heydər Əliyev Mərkəzində (ünvan: Heydər Əliyev prospekti) keçiriləcək.xeber100.com

“Azəriqaz” İstehsalat Birliyinin məlumatı

Beyləqan rayonunun Əhmədli kəndinə ilk dəfə təbii qaz verilib.“Azəriqaz” İstehsalat Birliyindən Azərtac-a bildirilib ki, “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın icrası istiqamətində birlik tərəfindən ölkənin hər yerində genişmiqyaslı tikinti-quraşdırma və təmir-bərpa işləri həyata keçirilir, “mavi yanacaq”la təchiz olunmayan yaşayış massivlərinin qazlaşdırılması, qaz infrastrukturunun yenidən qurulması və inkişaf etdirilməsi üçün intensiv işlər görülür. Görülən işlərin nəticəsi olaraq dekabrın 20-də Beyləqan rayonunun Əhmədli kəndinə ilk dəfə təbii qaz verilib. Bu münasibətlə keçirilən tədbirdə rayon İcra Hakimiyyətinin və “Azəriqaz” İstehsalat Birliyinin təmsilçiləri, ictimaiyyət nümayəndələri iştirak ediblər.Bildirilib ki, 335 abonenti olan kəndin qazlaşdırılması üçün birpilləli sistem əsasında ümumi uzunluğu 25 min 976 metr müxtəlif diametrli polietilen, metal borularla daşıyıcı və məhəllədaxili qaz xətləri çəkilib, mənzillərə sayğac və fərdi tənzimləyici quraşdırılıb.Hazırda Beyləqan rayonunun İmamverdili və Birinci Şahsevən kəndlərində tikinti quraşdırma işləri davam etdirilir. Yaxın vaxtda tikintisi başa çatmış yaşayış məntəqələrinə ardıcıllıqla təbii qazın verilişi təmin olunacaq.Tədbirdə çıxış edən kənd sakinlər və ictimaiyyət nümayəndələri yaşayış məntəqəsinə təbii qazın verilməsinə görə Prezident İlham Əliyevə minnətdarlıqlarını bildiriblər.xeber100.com

Dövlət Statistika Komitəsinin məlumatı

Dekabrın 12-dək ölkə üzrə 200 min 317 ton pambıq tədarük olunub.Dövlət Statistika Komitəsindən Azərtac-a bildiriblər ki, bu, ötən ilin eyni dövrü ilə müqayisədə 2,4 dəfə çoxdur.Xatırladaq ki, ölkədə pambıq istehsalı üzrə ən yüksək nəticə 1981-ci ildə əldə olunmuşdu. O vaxt Azərbaycanda 1 milyon tondan çox pambıq yığılmışdı. Sonradan bu sahəyə diqqətin zəifləməsi pambıqçılıqda tənəzzülün yaranmasına gətirib çıxarmışdı. Hazırda qeyri-neft sektorunun inkişaf etdirilməsi ilə bağlı görülən tədbirlər çərçivəsində ənənəvi kənd təsərrüfatı sahələrinin, o cümlədən pambıqçılığın inkişafı ön plana keçib, bu sahəyə dövlət dəstəyi artırılıb.xeber100.com

“Şəbəkə” xidmət mərkəzi fəaliyyətə başlayıb

Zaqatalada “Şəbəkə” xidmət mərkəzi fəaliyyətə başlayıb. Ölkəmizdə telekommunikasiya infrastrukturunun müasirləşdirilməsi üzrə aparılan işlər çərçivəsində Zaqatala Telekommunikasiya Qovşağının inzibati və texnoloji binası əsaslı şəkildə yenidən qurularaq, ən müasir avadanlıqla təchiz olunub. Binada quraşdırılan avadanlıqlar vasitəsilə əməliyyat xərclərinə 30 faizədək qənaət olunacaq, müştərilərə yüksəksəviyyəli xidmət göstəriləcək.Azərtac xəbər verir ki, nəqliyyat, rabitə və yüksək texnologiyalar naziri Ramin Quluzadə qovşaqda yaradılan şəraitlə tanış olub.Sahəsi 2600 kvadratmetrdən çox olan dördmərtəbəli binanın ətrafında geniş abadlıq işləri aparılıb, yaşıllıqlar salınıb, işıqlandırma sistemi quraşdırılıb.İşçi heyətinin fəaliyyəti üçün bütün lazımi şərait yaradılıb. Qovşağın kompüter parkı yenilənib, tədbir və konfransların keçirilməsi üçün konfrans zalı istifadəyə verilib.Qovşaqda fəaliyyət göstərən Elektron Hökumət Təlim-Tədris Mərkəzi də yenidən qurulub və müasir avadanlıqla təchiz olunub. Elektron Hökumət Təlim-Tədris Mərkəzində əhalinin, dövlət qulluqçularının və dövlət müəssisələrində çalışan işçilərin informasiya texnologiyaları üzrə bilik və bacarıqları inkişaf etdirilir.xeber100.com

Dövlət Statistika Komitəsinin məlumatı

Noyabrın 27-dək ölkə üzrə pambıq qəbulu məntəqələrinə 191 min 379 ton məhsul təhvil verilib. Tədarük olunan məhsulun 55 faizə yaxını Saatlı (25066 ton), Biləsuvar (23359 ton), Bərdə (20494 ton), Ağcabədi (18939 ton) və Sabirabad (16931 ton) rayonlarının payına düşür.Dövlət Statistika Komitəsindən Azərtac-a bildiriblər ki, ötən iki gündə 1811,36 ton pambıq tədarük olunub.Xatırladaq ki, 2016-cı ildə, ümumilikdə, 88 min 596 ton pambıq yığılmışdı.xeber100.com

Mədəniyyət və turizm naziri vətəndaşları qəbul edəcək

Mərkəzi icra hakimiyyəti orqanlarının rəhbərləri tərəfindən şəhər və rayonlarda vətəndaşların qəbulu cədvəlinə uyğun olaraq mədəniyyət və turizm naziri Əbülfəs Qarayev noyabrın 28-də Yevlax şəhərində vətəndaşları qəbul edəcək.Nazirlikdən Azərtac-a bildirilib ki, bu şəhərdəki Heydər Əliyev Mərkəzində keçiriləcək qəbulda (Nizami prospekti, 61) Mingəçevir, Yevlax, şəhərlərindən, habelə Bərdə, Tərtər, Ağcabədi, Ağdam və Laçın rayonlarından olan vətəndaşlar iştirak edə bilər.xeber100.com