İrəvan Teatrı yeni səhnə əsərinin premyerasına hazırlaşır

İrəvan Dövlət Azərbaycan Dram Teatrı yeni səhnə əsərinin premyerasına hazırlaşır. Belə ki, sənət ocağı mayın 8-də Milli Dram Teatrının səhnəsində şair-dramaturq Hidayətin İrəvan həqiqətlərindən bəhs edən “İrəvanda xal qalmadı” tarixi dramı əsasında səhnələşdirilən tamaşanı təqdim edəcək.Teatrdan Azərtac-a bildirilib ki, tamaşa ötən əsrin 80-ci illərdə Azərbaycanın tarixi şəhəri olan İrəvanda yaşayan həmvətənlərimizin milli zəmində qarşılaşdıqları repressiya və çətinliklərdən bəhs edir.xeber100.com

Musiqili Teatr may ayında xüsusi repertuarla çıxış edəcək

Musiqili Teatr Bakı-2017 IV İslam Həmrəyliyi Oyunları ilə əlaqədar may ayında xüsusi repertuarla çıxış edəcək. Teatr 2017-ci il may ayı üçün repertuar planını təqdim edir. 05.05 O.Kazımi,R.Heydər “Qızıl toy” 19-00 06.05 R. Şəfəq,V. Zimin“Yağış göbələyinin macəraları”(rus dilində) 12-00 06.05 Ü.Hacıbəyli “O olmasın, bu olsun” 19-00 07.05 Ş.Pero (Səhnələşdirəni A.Sadıqov) “Yatmış gözəl və cırtdanlar” 12-00 07.05 Elçin “Baladadaşın toy hamamı” 19-00 09.05  Ə.Haqverdiyev  “Kimdir müqəssir?” 19-00 10.05 İ.Əfəndiyev (Q. Qarayevin musiqiləri əsasında) “Mənim günahım” 19-00 11.05 M.Kamolleti “Fransızsayağı qarnir” 19-00 12.05 Ü.Hacıbəyli“Arşın mal alan” 19-00 13.05 O.Zülfüqarov, R.Heydər “Dəcəl çəpişlər” 12-00 13.05 R.Hacıyev “Talelər qovuşanda” 19-00 14.05 R. Ağayeva, A. Xayt, A.Kurlyanski “Bir dayan, canavar!” (rus dilində)12-00 14.05 Ü.Hacıbəyli “Ər və arvad” 19-00 16.05 F.Əmirovun musiqiləri əsasında “999-cu gecə” 19-00 17.05 Ü.Hacıbəyli“Arşın mal alan” 19-00 19.05 İ.Kalman    “Silva”(rus dilində) 19-00 20.05 Ə.Səmədli   “Meşə çaqqalsız olmaz” 12-00 20.05 O.Kazımi,R.Heydər “Qızıl toy” 19-00 21.05 H.X. Andersen  “Düyməcik” 12-00 21.05 Ü.Hacıbəyli “O olmasın, bu olsun” 19-00 26.05 R.Hacıyev “Qafqazlı qardaşqızı” (rus dilində) 19-00 27.05 V.Ulanovski, V.Orlov “Qızıl cücə” (rus dilində) 12-00 27.05 Ə. Səmədli “Toya bir gün qalmış” 19-00 28.05 E.Sabitoğlu,Y. Şvarts (Tər.C.Məmmədov)“Qırmızı papaq” 12-00 28.05 R.Mirişli,M.Haqverdiyev “Amerikalı kürəkən” 19-00 30.05 İ.Əfəndiyev (Q. Qarayevin musiqiləri əsasında) “Mənim günahım” 19-00.xeber100.com      

Kukla Teatrı may ayına olan repertuarını təqdim edir

Kukla Teatrı may ayına olan repertuarını açıqlayıb.Azərtac teatrın may repertuarını təqdim edir: 5 may - Astrid Lindqren “Karlson” (Azərbaycan və rus dillərində) 6 may – rus xalq nağılı “Turp”, Tofiq Ağayev “Qoçaq Əhməd” (rus dilində) 7 may - Şarlı Perro “Qırmızı papaq”, rus xalq nağılı “Qoğal” (rus dilində) 12 may - K.Ağayeva “Göyçək Fatma”, Tofiq Ağayev “Qoçaq Əhməd” (rus dilində) 13 may - “Pinokkionun sərgüzəştləri” (Azərbaycan və rus dillərində) 14 may - N.Kazımov “Ələddin”, “Qoğal” (rus dilində) 19 may - Canni Rodari “Çipollino” (Azərbaycan və rus dillərində) 20 may - M.Seyidzadə “Cırtdan”, “Qoçaq Əhməd” (rus dilində) 21 may - Abdulla Şaiq “Tıq-tıq və Taq-taqın nağılı”, “Qoğal” (rus dilində) 26 may - Ə.Oruc “Zınqırovlu pişik”, “Çipollino” (rus dilində) 27 may - Vladimir İlyuxov “Oyaq gözəl” (Azərbaycan və rus dillərində) 28 may - Samuil Marşak “Pişiyin evi”, “Qoçaq Əhməd” (rus dilində). Qeyd edək ki, Azərbaycan dilində olan tamaşalar saat 12:00 və 14:00-da, rus dilində olanlar isə 16.00-da başlanır.xeber100.com

Sankt-Peterburq Dövlət Akademik Mariya Teatrının təqdimatında…

Mayın 18-də Sankt-Peterburq Dövlət Akademik Mariya Teatrının Primorsk səhnəsində Adolf Adanın “Jizel” baleti nümayiş etdiriləcək.Azərtac teatrın saytına istinadla xəbər verir ki, səhnə əsərinin quruluşçu baletmeysteri E.Əliyevdir.xatırladaq ki, “Jizel” baletinin dünya premyerası 1841-ci ildə Parisdə olub. Əsər Primorsk səhnəsində ilk dəfə 2015-ci ildə nümayiş etdirilib.xeber100.com

Milli Dram Teatrının məlumatına görə…

Milli Dram Teatrında Avksenti Saqarelinin “Xanuma” pyesi əsasında hazırlanmış eyniadlı tamaşa nümayiş olunub.Teatrın mətbuat xidmətindən Azərtac-a bildirilib ki, Mikayıl Mikayılovun quruluşunda hazırlanan tamaşanın quruluşçu rəssamı Mustafa Mustafayev, bəstəkarı Tofiq Quliyev, musiqi rəhbəri Fəxrəddin Kərimov, rəqslərin quruluşçusu Zakir Ağayev və Yelena Ağayeva, Vokal üzrə repetitor Zeynab Safinadır.Dilbər İsmayılovanın idarə etdiyi səhnə əsərində əsas rolları Xalq artistləri Bəsti Cəfərova, Cəfər Namiq Kamal, Ramiz Novruz, Səidə Quliyeva, Hacı İsmayılov, Əməkdar artistlər Mətanət Atakişiyeva, Elşən Cəbrayılov, Şəlalə Şahvələdqızı, Kazım Abdullayev, Məsmə Aslanqızı və digərləri ifa edib.Əsərin əsas qəhrəmanı olan Xanuma obrazı XIX əsrdə Tiflisdə yaşayan azərbaycanlı qadının prototipidir.xeber100.com      

Milli Dram Teatrının məlumatına görə…

Azərbaycan Dövlət Akademik Milli Dram Teatrında Cəfər Cabbarlının “Almaz” pyesi əsasında hazırlanan yeni eyniadlı tamaşa nümayiş olunub.Teatrdan Azərtac-a bildirilib ki, tamaşada Almaz rolunu Əməkdar Artist Məsmə Aslanqızı ifa edib.Ceyran Həsənlinin idarə etdiyi səhnə əsərində rolları Xalq artistləri Nurəddin Mehdixanlı, Rafiq Əzimov, Hacı İsmayılov, Firəngiz Mütəllimova, Əməkdar artistlər Sabir Məmmədov, Kazım Abdullayev, Aslan Şirin, Əli Nur, Əjdər Həmidov, Ayşad Məmmədov, Elşən Cəbrayılov və başqaları ifa ediblər.Qeyd edək ki, C.Cabbarlının 1930-cu illər dram yaradıcılığı “Almaz” pyesi ilə başlayır. Əsərin ilk tamaşası 1931-ci il aprelin 13-də baş tutub.xeber100.com

Opera və Balet Teatrında təqdimat

Opera və Balet Teatrında C.Puççininin ən maraqlı operalarından biri - “İl Tabarro” (Plaş) təqdim olunub.Teatrdan bildirilib ki, almaniyalı dirijor Qut İmmlinqin idarə etdiyi səhnə əsərinin bədii rəhbəri Korneliya fon Kerssenbrokdur. Operada Əməkdar artistlər Afaq Abbasova, Fərid Əliyev, Cahangir Qurbanov, solistlər Əliəhməd İbrahimov, Tural Ağasıyev, Nina Makarova və Tələt Hüseynov çıxış ediblər. Sevgi, romantika, xəyanət və sonu ölümlə nəticələnən səhnə əsərini daha baxımlı edən isə tamaşaçı zövqünü oxşayan musiqi olub. Digər operalardan kəskin dramatik süjet xətti ilə fərqlənən əsər maraqla qarşılanıb.Qeyd edək ki, opera ilk dəfə teatrda 2014-cü ildə səhnəyə qoyulub.xeber100.com

“Teatr Baharı- 2017” teatr festivalı keçirəcək

Türk xalqlarının dostluq və qardaşlıq ənənələrini yaşatmaq, bu xalqları birləşdirən qeyri-maddi mədəni irs nümunələrini nəsildən-nəslə ötürmək məqsədilə TÜRKSOY və Qazaxıstan Mədəniyyət və İdman Nazirliyinin təşkilatçılığı ilə aprelin 18-21-də Türküstan şəhərində türk dünyası teatrlarının iştirak edəcəyi “Teatr Baharı- 2017” teatr festivalı keçirəcək.Festivalda İrəvan Dövlət Azərbaycan Dram Teatrının yaradıcı kollektivi Xaqani Əliyevin quruluşunda hazırlanan “Molla Nəsrəddin evlənir...” tamaşası ilə çıxış edəcək.xeber100.com    

Opera və Balet Teatrı təqdim edir

Aprelin 15-də Opera və Balet Teatrında bəstəkar Əfrasiyab Bədəlbəylinin “Qız qalası” baleti təqdim olunacaq.Teatrdan verilən məlumata görə, səhnə əsəri görkəmli bəstəkarın 110 illiyi çərçivəsində nümayiş olunacaq.Səhnə əsərində rolları Xalq Artisti Gülağası Mirzəyev və Əməkdar artistlər Tamilla Məmmədzadə və Makar Ferştandt ifa edəcək.Tamaşanın dirijoru Cavanşir Cəfərovdur.Qeyd edək ki, “Qız qalası”nın ilk nümayişi 1940-cı il aprelin 16-da baş tutub.xeber100.com

Opera və Balet Teatrının təqdimatında…

Aprelin 8-də Opera və Balet Teatrında C.Puççininin ən maraqlı operalarından biri - “İl Tabarro” (Plaş) təqdim olunacaq.Teatrdan Azərtac-a bildirilib ki, almaniyalı dirijor Qut İmmlinqin idarə edəcəyi səhnə əsərinin bədii rəhbəri onun həmyerlisi Korneliya fon Kerssenbrokdur. Səhnə əsərində rolları Əməkdar artistlər A.Abbasova, F.Əliyev, C.Qurbanov və b. ifa edəcəklər.Xatırladaq ki, opera bu teatrda ilk dəfə 2014-cu ildə səhnəyə qoyulub.xeber100.com