“XX Beynəlxalq Monodram” festivalında

Gənc Tamaşaçılar Teatrının kollektivi Makedoniyanın Bitola Mədəniyyət Mərkəzinin dəvəti ilə mayın 10-dan 16-dək Bitola şəhərində keçiriləcək “XX Beynəlxalq Monodram” festivalında iştirak edəcək.Teatrın mətbuat xidmətindən Azərtac-a bildirilib ki, Mədəniyyət Nazirliyinin dəstəyi ilə reallaşacaq festivalda iştirak etmək üçün rejissor Cənnət Səlimova, Əməkdar Artist Şövqi Hüseynov və səhnə maşinisti Zaur Abbasov qeyd edilən şəhərə ezam olunacaq.Kollektiv festivalda P.Züskindin “Kontrabas” əsəri əsasında hazırlanmış eyniadlı monotamaşa ilə çıxış edəcək. Həmçinin dünyanın bir sıra teatr mütəxəssisinin rəhbərliyi ilə keçiriləcək ustad dərslərində, treninqlərdə, səhnə döyüşü və texnikası məşğələlərində iştirak edəcəklər.xeber100.com

Musiqili Teatrın məlumatına görə…

Həftəsonu Musiqili Teatrda maraqlı tamaşalar nümayiş olunacaq.Teatrın mətbuat xidmətindən bildirilib ki, aprelin 20, 21 və 22-də saat 19:00-da müvafiq olaraq “Talelər qovuşanda”, “Toya bir gün qalmış” və “O olmasın, bu olsun” tamaşaları təqdim ediləcək.Musiqili Teatr balaca teatrsevərlərin görüşünə aprelin 21 və 22-də saat 12:00-da “Dəcəl çəpişlər” və “Yatmış gözəl və cırtdanlar” tamaşaları ilə gələcək.xeber100.com

Gənc Tamaşaçılar Teatrı təqdim edir

Gənc Tamaşaçılar Teatrı həftəsonu üçün maraqlı repertuar tərtib edib.Teatrın mətbuat xidmətindən Azərtac-a bildirilib ki, hər zaman olduğu kimi bu dəfə də teatrsevərlər sənət ocağının repertuarında olan rəngarəng səhnə əsərlərinə baxmaq imkanı qazanacaqlar.Belə ki, aprelin 20-də saat 19:00-da teatrın kiçik səhnəsində T.Vəliyevanın “Cəza” tamaşası nümayiş olunacaq. Teatrsevərlər aprelin 21-də Ə.Haqverdiyevin “Xortdanın cəhənnəm məktubları”, 22-də isə V.Siqarevin “Ağ ölüm” tamaşasına baxa biləcəklər. Hər iki tamaşa saat 19:00-da nümayiş olunacaq.Məktəblilər isə aprelin 21-də A.Şaiqin “Tıq-tıq xanım”, 22-də isə A.Lindqrenin “Balaca və damda yaşayan Karlson” tamaşalarını izləyə biləcəklər. Tamaşalar saat 12:00 və 14:00-da nümayiş olunacaq.Tamaşalarda Əməkdar artistlər Kəmalə Hüseynova, Qurban İsmayılov, Nübar Novruzova, Leyli Vəliyeva, Şövqi Hüseynov, aktyorlar Günel Məmmədova, Elnur Kərimov, Manaf Dadaşov, Asya Atakişiyeva, Anar Seyfullayev, Vahid Orucoğlu və digərləri rol alıblar.Tamaşalara biletləri bütün mərkəzləşdirilmiş kassalardan və “ASAN xidmət” mərkəzlərindən və filiallarından əldə etmək olar.xeber100.com

Simfonik orkestrdə işləmək üçün müsabiqə elan olunub

Musiqili Teatrın simfonik orkestrində, xor və balet heyətində işləmək üçün müsabiqə elan olunub.Teatrın mətbuat xidmətindən Azərtac-a bildirilib ki, müsabiqədə 20 yaşından yuxarı klassik musiqi ifaçıları, xor və balet artistləri iştirak edə bilərlər. Sənədlər Musiqili Teatrda qəbul edilir. Teatrın direktoru Əliqismət Lalayev bu barədə deyib: “Teatrın heyətində müəyyən dəyişikliklər etmək üçün belə müsabiqənin keçirilməsi çox vacibdir. Biz istəyirik ki, istedadlı gənclərə yol açaq. İstər yaradıcı qrup üçün, istərsə də texniki heyət üçün geniş iş şəraiti yaradılır. Öhdəmizə həm aktyor, həm də orkestr, xor və balet heyətlərinin tərkibini möhkəmlətmək, yeni gənc və istedadlı kadrları teatra cəlb etmək, cari repertuarı zənginləşdirmək düşür. Hazırda teatrda kadr çatışmazlığını aradan qaldırmaq üçün yeni, istedadlı kadrlara çox ehtiyacımız var. Ümid edirik ki, seçim turundan sonra yaradıcı heyətdə yeniliklər nəzərə çarpacaq”.xeber100.com

Pantomima Teatrı may ayının repertuarını təqdim edir

Pantomima Teatrının səhnəsində may ayında maraqlı səhnə əsərləri izləniləcək.Azərtac repertuarı təqdim edir: 5 may- “Ora- Bura” 6 may- “Fəlakət və İnsan” (maarifləndirici uşaq tamaşası), “Ağ bığlılar” 12 may- “Vuvana” 13 may- “Fəlakət və İnsan”, “Underground” 19 may- “Adagio” 20 may- “Fəlakət və İnsan”, “6+1 № palata” 26 may- “Mənim balığımsan” 27 may- “Fəlakət və İnsan”, “Qoca və Mələk”.xeber100.com

Mədəni əməkdaşlıq proqramı çərçivəsində

Mayın 6-da Opera və Balet Teatrı ilə İtaliyanın Azərbaycandakı səfirliyinin birgə mədəni əməkdaşlıq proqramı çərçivəsində Coakkino Rossininin “Sevilya bərbəri” operası nümayiş olunacaq.Teatrın mətbuat xidmətindən verilən məlumata görə, tamaşada azərbaycanlı opera ustaları ilə yanaşı, italiyalı sənətkarlar da iştirak edəcəklər.Operada aparıcı partiyalardan birini - Fiqaro partiyasını tanınmış italiyalı bariton Daniele Kaputo ifa edəcək. Tamaşanın dirijoru isə italiyalı dirijor Alessandro Kalkanenedir.xeber100.com

Musiqili Teatr müsabiqə elan edib

Musiqili Teatr işə qəbulla bağlı müsabiqə elan edib. Teatrın mətbuat xidmətindən verilən məlumata görə, müsabiqə aktyorluq sənəti, (azərbaycan və rus bölməsi), orkestr ifaçılığı, rəqs sənəti üzrə elan olunub.Teatr sənəti sahəsində çalışan ali təhsilli və ya bu sahədə təhsil alan 20 yaşından yuxarı şəxslər müsabiqədə iştirak edə bilər.Sənədlərin qəbulu iyulun 1-dək davam edəcək.İşə qəbul üçün şəxsiyyət vəsiqəsinin surəti, ali təhsil haqqında sənədin surəti (və ya təhsil aldığı ali məktəbdən arayış), əmək kitabçasının surəti, tərcümeyi-hal, yaradıcılıq xasiyyətnaməsi (köhnə iş yerindən), 2 fotoşəkil (3x4), fəxri ad və ya yaradıcılıq müsabiqələrində alınan diplomların və fəxri fərmanların surətləri tələb olunur.xeber100.com

Gənc Tamaşaçılar Teatrı təqdim edir

Aprelin 5-də Azərbaycan Dövlət Gənc Tamaşaçılar Teatrında “Yarımçıq qalmış” adlı tamaşa nümayiş ediləcək.Teatrın mətbuat xidmətindən Azərtac-a bildirilib ki, Xalq Artisti Vaqif Əsədovun quruluşunda baxılacaq səhnə əsəri Leyla Beyim və Yefim Abramovun eyniadlı əsərləri əsasında səhnələşdirilib.Tamaşa Aprel döyüşlərində şəhid olmuş gənc heykəltəraş Samir Kaçayevin xatirəsinə ithaf edilib.xeber100.com

Milli Dram Teatrı aprel repertuarını açıqlayıb

Milli Dram Teatrının aprel ayına olan repertuarı açıqlanıb. Nəzərdə tutulan repertuarda klassik və çağdaş əsərlər əsasında hazırlanan tamaşalar yer alıb. Azərtac repertuarı təqdim edir: 1 aprel - “Ölülər” 6 aprel – “Cəhənnəm sakinləri” 7 aprel - “Qətibə İnanc” 8 aprel - “Boy çiçəyi” 13 aprel - “Şah Qacar” 14 aprel - “Mənim günahım” 15 aprel - “Almaz” C. Cabbarlı 19 aprel - “Müfəttiş” 20 aprel - “Ölülər” 21 aprel - “Qaraca qız”, “Vəsiyyət” 22 aprel - “Çipollino”, “Cəhənnəm sakinləri”.xeber100.com

Opera və Balet Teatrı aprel repertuarını təqdim edir

Opera və Balet Teatrı aprel repertuarını açıqlayıb. repertuarı təqdim edir: 1 aprel – “Aşıq Qərib” 4 aprel – “Xəzər balladası”, “Xeyir və Şər” 6 aprel - “O olmasın, bu olsun” 8 aprel – “Qız qalası” 14 aprel – “Romeo və Cülyetta”, “Şəhrizad” 15 aprel – “Sevgi şərbəti” 21 aprel - İtalyan balet truppasının qala-baleti 22 aprel –“Şah İsmayıl” 25 aprel –“Kənd namusu” Səhnə əsərləri müvafiq olaraq saat 19.00-da teatrsevərlərə təqdim olunacaq.xeber100.com