Ehtiyatda olan zabitlərin həqiqi hərbi xidmətə qəbulu elan edilir

Müdafiə Nazirliyi Azərbaycan Ordusunda bağlaşma əsasında könüllü olaraq zabitlərin həqiqi hərbi xidmətə qəbul edilmələri üçün fiziki cəhətdən sağlam, məhkumluğu olmayan, 35 yaşınadək ehtiyatda olan zabitlərin həqiqi hərbi xidmətə qəbulunu elan edir.Nazirliyin mətbuat xidmətindən Azərtac-a bildiriblər ki, vətəndaşlar bazar və bayram günləri istisna olmaqla saat 09:00-dan 17:00-dək Azərbaycan Ordusunun Təlim və Tədris Mərkəzinə ərizə ilə və ya Müdafiə Nazirliyinin elektron poçt ünvanına müraciət edə bilərlər. Məhkumluğu olan, xəstəliyə və xidməti uyğunsuzluğa görə həqiqi hərbi xidmətdən ehtiyata buraxılan şəxslərin müraciət etməməsi xahiş olunur.xeber100.com  

Müdafiə Nazirliyinin məlumatı əsasında…

Cari ilin döyüş hazırlığı planına uyğun olaraq, Quru Qoşunlarının minaatan bölmələri ilə təlim atış çalışmaları yerinə yetirilib.Müdafiə Nazirliyinin mətbuat xidmətindən Azərtac-a bildiriblər ki, bölmələr atışdan əvvəl ərazidə açılma, atəş mövqelərinin tutulması və minaatanların döyüş vəziyyətinə gətirilməsi üzrə normativləri yerinə yetiriblər.Minaatanlardan yarımdüzünə tuşlama ilə tək hədəfə yerindən atış üzrə təlim atış çalışmaları müvəffəqiyyətlə icra olunub.Bölmələrin təlim prosesi Vətən müharibəsində qazanılan döyüş təcrübəsi nəzərə alınaraq uğurla həyata keçirilir.xeber100.com

Azərbaycanla Pakistanın əməkdaşlıq məsələləri müzakirə olunub

Azərbaycanın Pakistandakı səfiri Xəzər Fərhadov bu ölkənin Pəncab əyaləti Assambleyasının sədri Çaudiri Parvez Elahi ilə görüşüb.Görüş zamanı Pakistan ilə Azərbaycan arasındakı səmimi əlaqələrdən söhbət açılıb, iki ölkənin hər zaman bir-birini həm ikitərəfli, həm də beynəlxalq müstəvidə dəstəkləməsindən məmnunluq ifadə edilib. Bütün sahələr üzrə qarşılıqlı əlaqələrin daha da dərinləşdirilməsinin və gücləndirilməsinin vacibliyi vurğulanıb.İkitərəfli münasibətlərin yüksək səviyyədə olmasından məmnunluqla bəhs edən Xəzər Fərhadov iqtisadi əlaqələrin daha da genişləndirilməsinin əhəmiyyətini vurğulayıb. Səfir Azərbaycanın və Pakistanın əlaqəli qurumları arasında baxılmaqda olan Preferensial Ticarət Sazişinə toxunub və bu sazişin iki ölkə arasında ticarət əlaqələrinin genişləndirilməsində mühüm rol oynayacağını diqqətə çatdırıb. O, həmçinin iş adamlarının qarşılıqlı səfərlərinin, eləcə də biznes-forumların təşkilinin iqtisadi əlaqələrin daha da güclənməsinə imkan yaradacağını vurğulayıb.Görüşdə qarşılıqlı maraq doğuran digər məsələlər ətrafında geniş fikir mübadiləsi aparılıb.xeber100.com

2022-2023-cü tədris ili üçün namizədlərin qəbul qaydaları açıqlanıb

Azərbaycan Respublikası Müdafiə Nazirliyinin hərbi liseylərinə 2022-2023-cü tədris ili üçün namizədlərin qəbulu qaydaları açıqlanıb.Müdafiə Nazirliyinin mətbuat xidmətindən Azərtac-a bildiriblər ki, tədris Azərbaycan dilində olmaqla əyani formada iki il müddətində aparılır. Hərbi liseylərə cari il ümumtəhsil müəssisələrində orta təhsil səviyyəsini bitirmiş, qəbul ilində 15 yaşı tamam olan və 17 yaşı tamam olmayan Azərbaycan Respublikasının kişi cinsli vətəndaşlar qəbul edilir. Hərbi liseylərə qəbul olan kursantlar təhsil müddətində bütün təminat növləri ilə təmin olunacaq və ayda 51 manat məbləğində müavinət alacaqlar.Hərbi liseylərə qəbul olmaq istəyən namizədlər 2022-ci il aprelin 1-dən aprelin 30-dək ərizə ilə Lisey rəisinə müraciət etməlidirlər.Müraciət zamanı təqdim edilməli olan sənədlərin siyahısı Müdafiə Nazirliyinin saytında yerləşdirilib.Namizədlər müraciət etdikləri Hərbi Liseydə yaradılmış hərbi həkim komissiyasında müayinədən keçməlidirlər. Hərbi həkim komissiyasından keçmənin tarixi sənəd qəbulu zamanı qəbul komissiyası tərəfindən bildirilir.Hərbi həkim komissiyasının qərarına əsasən, Hərbi Liseydə təhsil almağa yararlı hesab edilən namizədlər internet vasitəsilə elektron ərizə formasını doldurur, şifrə və iş nömrəsini çap edir. Sonra namizəd həmin şifrə və iş nömrəsi ilə Hərbi Liseyin sənəd qəbulu komissiyasına gələrək elektron ərizə formasını təsdiq edirlər. Dövlət İmtahan Mərkəzi tərəfindən müəyyən olunan müddətdə namizədlər Dövlət İmtahan Mərkəzinin rəsmi elektron saytında şifrə və iş nömrəsini daxil etməklə qəbul imtahanına buraxılış vərəqəsi alırlar.Ümumi orta təhsil haqqında attestatda hər hansı bir fənn üzrə yekun qiymət “2” olan namizədlərə imtahana buraxılış vərəqəsi verilmir və onlar Hərbi Liseyə qəbul olunmurlar.Namizədlər Dövlət İmtahan Mərkəzi tərəfindən test üsulu ilə keçirilən qəbul imtahanı verirlər. Test imtahanı Azərbaycan dili, riyaziyyat, fizika, kimya fənləri üzrə Azərbaycan dilində aparılır.Namizədlər Hərbi Liseylərə Dövlət İmtahan Mərkəzi tərəfindən keçirilən qəbul imtahanının nəticələrinə əsasən qəbul edilirlər.Sənədlər Cəmşid Naxçıvanski adına Hərbi Liseydə yaradılmış komissiya tərəfindən qəbul olunur.xeber100.com  

Azərbaycan Xarici İşlər Nazirliyinin məlumatı əsasında…

Azərbaycan Respublikası və Rusiya Federasiyası arasında müttəfiqlik qarşılıqlı fəaliyyəti haqqında Bəyannamənin imzalandığı bir gündə Rusiya Xarici İşlər Nazirliyinin rəsmi sosial şəbəkə hesabında 1828-ci il Türkmənçay müqaviləsi ilə bağlı təhrif olunmuş məlumatın paylaşılması təəccüb və təəssüf doğurur.Azərtac xəbər verir ki, bu, Azərbaycan Xarici İşlər Nazirliyinin Rusiya XİN-in sosial şəbəkə səhifəsində Türkmənçay müqaviləsinə dair təhrif olunmuş paylaşım ilə bağlı şərhində qeyd olunub.Vurğulanıb ki, sözügedən müqavilədə, ümumiyyətlə, “Şərqi Ermənistan” sözünə istinad edilmir və əlbəttə, bu fakt Rusiya Xarici İşlər Nazirliyinin Tarixi sənədlər departamentinə yaxşı bəlli olmalıdır.“Bu təhrifin aradan qaldırılmasını vacib hesab edirik və Rusiya Xarici İşlər Nazirliyinin rəsmi sosial şəbəkə səhifəsində sözügedən yanlış məlumata müvafiq düzəlişin ediləcəyini gözləyirik”, - deyə Azərbaycan XİN-dən bildirilib.xeber100.com

Avropada Təhlükəsizlik və Əməkdaşlıq Təşkilatı Parlament Assambleyasının qış sessiyası keçiriləcək

Fevralın 24-25-də Avropada Təhlükəsizlik və Əməkdaşlıq Təşkilatı Parlament Assambleyasının (ATƏT PA) hibrid formatda qış sessiyası keçiriləcək.Parlamentin mətbuat və ictimaiyyətlə əlaqələr şöbəsindən Azərtac-a bildirilib ki, Milli Məclisin deputatı, Azərbaycanın ATƏT PA-dakı nümayəndə heyətinin rəhbəri, qurumun vitse-prezidenti və Cənub-Şərqi Avropa üzrə xüsusi nümayəndəsi Azay Quliyev sessiyada iştirak etmək üçün fevralın 22-də Avstriyanın paytaxtı Vyanaya səfər edəcək. Tədbirə parlamentin komitə sədri Tahir Mirkişili, deputatlar Ağalar Vəliyev, Ülviyyə Ağayeva, Əminə Ağazadə və Tural Gəncəliyev onlayn şəkildə qoşulacaqlar.Sessiyada ATƏT PA-nın ümumi komitələrinin və xüsusi nümayəndələrinin hesabatları təqdim ediləcək, beynəlxalq siyasi vəziyyət müzakirə olunacaq, təşkilatın növbəti dövr üçün fəaliyyət planı təsdiqlənəcək.Deputatlarımız gündəlik üzrə müzakirəyə çıxarılan məsələlərlə bağlı ölkəmizin mövqeyi baxımından fikirlərini açıqlayacaq, qeyd və təkliflərini bildirəcəklər.Vyanaya səfər çərçivəsində fevralın 23-də deputat Azay Quliyev Azərbaycanın ATƏT-dəki daimi nümayəndəliyi və ATƏT-də Beynəlxalq Münasibətlərin Təhlili Mərkəzi tərəfindən birgə təşkil edilən Xocalı soyqırımına həsr edilmiş “Sülh və ədalət: beynəlxalq insan haqlarına və beynəlxalq humanitar hüquqa dair pozuntuların aradan qaldırılması üçün münaqişədən sonrakı barışıq və sülh quruculuğu vacib bağlantı kimi” mövzusundakı konfransda iştirak edəcək.xeber100.com

“Azərbaycan Respublikasının Silahlı Qüvvələri haqqında”…

Milli Məclis Azərbaycan Respublikası Konstitusiyasının 94-cü maddəsinin I hissəsinin 18-ci bəndini rəhbər tutaraq “Azərbaycan Respublikasının Silahlı Qüvvələri haqqında” Qanuna dəyişiklikləri birinci oxunuşda təsdiq edib.Azərtac xəbər verir ki, qanun layihəsi parlamentin yaz sessiyasının fevralın15-də keçirilən iclasının gündəliyinə daxil edilib.Dəyişikliklərə əsasən qanunun Silahlı Qüvvələrin əmlakı və maddi-texniki təminatı ilə bağlı 9.6-cı maddəsində “Silahlı Qüvvələrin dinc, real təhdid, səfərbərlik və müharibə (silahlı münaqişə)” sözləri “Azərbaycan Ordusunun və başqa silahlı birləşmələrin hər biri üçün ayrılıqda dinc və müharibə (silahlı münaqişə)” sözləri ilə, “tələbat” sözü “təminat” sözü ilə əvəz edilir.Qanun layihəsi ikinci oxunuşda səsə qoyularaq qəbul edilib.xeber100.com

Müdafiə Nazirliyinin məlumatı əsasında…

Erməni mətbuatında yayılan guya Azərbaycan Ordusunun bölmələrinin Rusiya sülhməramlılarının müvəqqəti yerləşdiyi Azərbaycan ərazisində atəş açması nəticəsində qanunsuz erməni silahlı dəstə üzvünün ağır yaralanması barədə məlumat yalandır.Azərtac xəbər verir ki, bu barədə Müdafiə Nazirliyi məlumat yayıb.Məlumatda deyilir ki, erməni tərəfi qanunsuz birləşmənin üzvləri arasında baş verən cinayətləri ört-basdır etmək üçün növbəti təxribata əl atıb.xeber100.com

Müdafiə Nazirliyi: Azərbaycan Ordusunun mövqeləri atəşə tutulub

Fevralın 9-u saat 22:00-dan etibarən fasilələrlə bir neçə saat ərzində Ermənistan silahlı qüvvələrinin bölmələri Basarkeçər rayonunun Yuxarı Şorca yaşayış məntəqəsində yerləşən mövqelərindən Kəlbəcər rayonunun Zəylik yaşayış məntəqəsində yerləşən Azərbaycan Ordusunun mövqelərini atıcı silahlardan istifadə etməklə atəşə tutub.Müdafiə Nazirliyinin mətbuat xidmətindən Azərtac-a bildiriblər ki, bölmələrimizin cavab tədbirləri nəticəsində qarşı tərəf susdurulub.Hazırda qeyd olunan istiqamətdə vəziyyət sabitdir, əməliyyat şəraiti bölmələrimizin nəzarəti altındadır.xeber100.com  

Hərbi əməkdaşlığının genişləndirilməsi məsələləri müzakirə olunub

Fevralın 8-də Azərbaycan Respublikasının müdafiə naziri general-polkovnik Zakir Həsənov ölkəmizdə səfərdə olan Türkiyə Respublikasının milli müdafiə nazirinin müavini Muhsin Dərənin rəhbərlik etdiyi nümayəndə heyəti ilə görüşüb.Müdafiə Nazirliyinin mətbuat xidmətindən Azərtac-a bildiriblər ki, qonaqları salamlayan müdafiə naziri Azərbaycan ilə Türkiyə arasında hərbi əməkdaşlığın yüksələn xətlə inkişaf etdiyini vurğulayıb.Hər iki ölkənin dövlət başçılarının səmimi münasibətlərinin hərbi əməkdaşlığa da müsbət təsir etdiyini deyən general-polkovnik Z.Həsənov strateji müttəfiqliyin dostluq və qardaşlıq əlaqələri üzərində qurulduğunu bildirib.M.Dərə qarşılıqlı əməkdaşlığın genişləndirilməsi baxımından bu cür görüşlərin vacibliyini xüsusi qeyd edib.Görüşdə Bakıda keçiriləcək “TEKNOFEST-2022” festivalında Azərbaycan Hərbi Hava Qüvvələrinin vasitələrinin və hərbi qulluqçularının iştirakı barədə fikir mübadiləsi aparılıb.Sonda Azərbaycan-Türkiyə əməkdaşlığının inkişaf perspektivləri, o cümlədən hərbi-texniki sahədə birgə işçi qrupların yaradılması və qarşılıqlı maraq doğuran digər məsələlər müzakirə edilib.xeber100.com