Çanaqqala zəfərinin 102-ci ildönümü münasibətilə…

Danimarkada fəaliyyət göstərən "Vətən" Cəmiyyətinin nümayəndələri Orxus şəhərində türk diaspor təşkilatları tərəfindən Çanaqqala zəfərinin 102-ci ildönümü münasibətilə təşkil olunan anım mərasimində iştirak ediblər.Mərasimdə çıxış edən Orxus Ulku Ocaqlarının sədr müavini Oğuzxan Kekec qonaqları salamlayaraq tədbirin mahiyyətindən danışıb, Çanaqqala zəfərinin yaddaşlarda daim yaşadılmasının vacibliyini vurğulayıb.Skandinaviya Türk Federasiyasının sədri Ilhan Esen Çanaqqala döyüşündən söz açıb. Bu savaşın böyük insan itkiləri ilə nəticələndiyini qeyd edən sədr bildirib ki, bütün çətinliklərə baxmayaraq, türk əsgərləri bu döyüşdə zəfər qazanıb. Vurğulanıb ki, bu tarixi qələbə möhtəşəm hadisə kimi yaddaşlarda əbədi yaşayacaq.xeber100.com

“The Jewish Chronicle” qəzeti yazır…

Amerikanın “The Jewish Chronicle” qəzetində “Azərbaycan dinc birgəyaşayışın modeli kimi” sərlövhəli məqalə dərc edilib.Məqalənin müəllifi Marşa Bronştayn yazır ki, o, keçən həftə “Salaam Şalom Qardaşlığı” təşkilatının sponsorluğu ilə yəhudi-müsəlman qadın nümayəndə heyətinin tərkibində Azərbaycanda səfərdə olub. Səfər üçün Azərbaycan ona görə seçilib ki, bu müsəlman ölkəsində bütün dinlərə hörmətlə yanaşılır.Nümayəndə heyətinin üzvləri ölkəmizdə bir sıra məscid, sinaqoq və kilsələrdə, həmçinin qədim “Atəşgah” məbədində olublar. Onlar Cümə məscidində ibadətdə iştirak edib, yəhudi və müsəlman dualarının oxunduğu qəbiristanlığa və digər mədəni obyektlərə gediblər.müəllif qeyd edir ki, Azərbaycan müasir dünyada dinc birgəyaşayışın nümunəsidir. Azərbaycan Birləşmiş Ştatların və İsrailin strateji tərəfdaşıdır. Ölkəmiz regionun enerji təhlükəsizliyinə böyük töhfə verir, dini plüralizmin tarixini və antisemitizmin olmamasını dəstəkləyir.xeber100.com

Atəşkəs rejimi ümumilikdə 109 dəfə pozulub

Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini ümumilikdə 109 dəfə pozub.Müdafiə Nazirliyindən Azərtac-a bildirilib ki, Ermənistan Respublikası İcevan rayonu ərazisindəki adsız yüksəkliklərdə, Noyemberyan rayonunun Şavarşavan, Voskevan, Barekamavan və Berdavan kəndlərində yerləşən mövqelərdən Qazax rayonunun Cəfərli, Fərəhli, Quşçu Ayrım, Qaymaqlı və Kəmərli kəndlərində, Berd rayonunun Çinari, Ayqepar, Mosesqex, Ayqedzor kəndlərində və adsız yüksəkliklərdə yerləşən mövqelərdən Tovuz rayonunun Ağbulaq, Əlibəyli, Ağdam və Muncuqlu kəndlərində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Qaravəlilər kəndində yerləşən mövqelərimiz atəşə tutulub.Tərtər rayonunun işğal altında olan Göyarx, Çiləbürt, Ağdam rayonunun Qaraqaşlı, Yusifcanlı, Baş Qərvənd, Cəvahirli, Mərzili, Şıxlar, Şirvanlı, Xocavənd rayonunun Kuropatkino, Füzuli rayonunun Qorqan, Aşağı Veysəlli, Qaraxanbəyli, Aşağı Seyidəhmədli, Horadiz kəndləri yaxınlığında, həmçinin Goranboy, Tərtər, Xocavənd, Füzuli və Cəbrayıl rayonları ərazisindəki adsız yüksəkliklərdə yerləşən mövqelərdən də Silahlı Qüvvələrimizin mövqeləri atəşə məruz qalıb.xeber100.com

Herseqovina ilə NATO arasında əməkdaşlıq səviyyəsi…

Azərbaycanın NATO Parlament Assambleyasındakı nümayəndə heyətinin üzvü, Milli Məclisin deputatı K.Bayramov qurumun martın 21-23-də Bosniya və Herseqovinanın paytaxtı Sarayevo şəhərində keçirilən 94-cü Rouz-Rout seminarında iştirak edib.Azərbaycanın Respublikasının Bosniya və Herseqovinadakı diplomatik nümayəndəliyindən Azərtac-a bildirilib ki, tədbirdə Bosniya və Herseqovina ilə NATO arasında əməkdaşlıq səviyyəsi və perspektivləri, müdafiə və təhlükəsizlik sahəsində islahatlar, Orta Şərq və Şimali Afrika, habelə Qərbi Balkan regionlarında qeyri-sabitlik, Avropa və Balkan regionlarında mövcud olan təhdidlər, terrorçuluq və radikalizm, miqrasiya axını, qaçqınlar və digər mövzular üzrə çıxışlar edilib, müzakirələr aparılıb.xeber100.com

Təhlükəsizlik məsələlərinə həsr edilən konfrans keçirilib

Vaşinqtondakı Karnegi Fondunda “ABŞ, Rusiya və Avropanın cinahlarının təhlükəsizliyi” adlı konfrans keçirilib. Konfrans Ceymstaun Fondu tərəfindən təşkil edilib. Dörd paneldən ibarət konfransı Ceymstaun Fondunun prezidenti Qlen Hovard giriş nitqi ilə açıb. Sonra bir çox elmi işçilər, ekspertlər, politoloqlar və sabiq siyasi xadimlər çıxış ediblər. Konfransda müasir ABŞ-Rusiya münasibətlərinin xüsusiyyətləri, Şərqi Avropada, Yaxın Şərqdə, Qara dəniz və Cənubi Qafqaz regionlarında vəziyyət, keçmiş Sovet İttifaqı və Avropa dövlətləri arasında iqtisadi münasibətlər, NATO-nun genişləndirilməsi və NATO-nun Rusiya ilə münasibəti, habelə postsovet məkanında münaqişə zonalarında geosiyasi vəziyyət müzakirə edilib.Qara dəniz regionunda və Cənubi Qafqazda təhlükəsizliyə həsr edilmiş paneldə Balkan, Qafqaz və Mərkəzi Asiya ölkələri üzrə proqramların direktoru Marqarita Assenova, “Atlantik Şurası” Analitik Mərkəzinin qlobal enerji məsələləri üzrə mərkəzinin baş elmi işçisi və Corctaun Universitetinin ştatdankənar professoru Brenda Şaffer, Ceymstaun Fondunun baş elmi işçisi Vladimir Sokor çıxış ediblər.xeber100.com

Müdafiə Nazirliyinin məlumatı

Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini ümumilikdə 126 dəfə pozub.Müdafiə Nazirliyinin mətbuat xidmətindən Azərtac-a bildirilib ki, Ermənistan Respublikasının İcevan rayonunun Paravakar, Vazaşen kəndlərində və adsız yüksəkliklərdə, Noyemberyan rayonunun Şavarşavan, Dovex, Barekamavan kəndlərində yerləşən mövqelərdən Ağstafa rayonunun Köhnəqışlaq, Qazax rayonunun Bala Cəfərli, Cəfərli, Qaymaqlı, Fərəhli və Kəmərli kəndlərində, Berd rayonunun Ayqepar, Çinari kəndlərində və adsız yüksəkliklərdə yerləşən mövqelərdən Tovuz rayonunun Əlibəyli, Koxanəbi, Ağbulaq və Muncuqlu kəndlərində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonu ərazisindəki adsız yüksəkliklərdə yerləşən mövqelərimiz atəşə tutulub.Tərtər rayonunun işğal altında olan Göyarx, Ağdam rayonunun Qaraqaşlı, Yusifcanlı, Baş Qərvənd, Şıxlar, Mərzili, Nəmirli, Cəvahirli, Sarıcalı, Xocavənd rayonunun Kuropatkino, Füzuli rayonunun Qorqan, Aşağı Veysəlli, Horadiz, Qaraxanbəyli, Aşağı Seyidəhmədli, Cəbrayıl rayonunun Mehdili kəndləri yaxınlığında, həmçinin Göygöl, Goranboy, Tərtər, Xocavənd, Füzuli və Cəbrayıl rayonları ərazisindəki adsız yüksəkliklərdə yerləşən mövqelərdən də Silahlı Qüvvələrimizin mövqeləri atəşə tutulub.xeber100.com

“Avropa Şurasının Konvensiyasına Avropa İttifaqının qoşulması”…

Martın 27-də Brüsseldə, Avropa Parlamentinin binasında İstanbul Konvensiyasına dair “Qadınlara qarşı zorakılığın və məişət zorakılığının qarşısının alınması və onlarla mübarizə haqqında Avropa Şurasının Konvensiyasına Avropa İttifaqının qoşulması” mövzusunda dinləmələr keçiriləcək. Bu barədə Azərtac-a Milli Məclisin mətbuat xidmətindən məlumat verilib.Dinləmələrdə Milli Məclisin deputatı, AŞPA-nın qadınlara qarşı zorakılıqla mübarizə üzrə baş məruzəçisi, zorakılıqdan azad qadınlar parlament şəbəkəsinin siyasi koordinatoru Sahibə Qafarova iştirak edəcək.Deputat müzakirə olunacaq mövzu ilə bağlı çıxış edəcək, fikirlərini bildirəcək.xeber100.com

Xarici İşlər Nazirliyi terror aktını pisləyib

Azərbaycan Respublikasının Xarici İşlər Nazirliyi Londonda törədilmiş terror aktını pisləyib.Azərtac xəbər verir ki, bu barədə nazirliyin “Twitter” səhifəsində yer almış açıqlamada bildirilir.Qeyd edilir ki, terrordan əziyyət çəkən ölkə kimi Azərbaycan Londonda törədilmiş terror aktını kəskin şəkildə qınayır. Açıqlamada terror aktının qurbanlarının ailələrinə başsağlığı verilir.xeber100.com

Atəşkəs rejimi ümumilikdə 143 dəfə pozulub

Ermənistan silahlı qüvvələrinin bölmələri iriçaplı pulemyotlardan da istifadə etməklə cəbhənin müxtəlif istiqamətlərində sutka ərzində atəşkəs rejimini ümumilikdə 143 dəfə pozub.Müdafiə Nazirliyinin mətbuat xidmətindən Azərtac-a bildirilib ki, Ermənistan Respublikası İcevan rayonu ərazisindəki adsız yüksəkliklərdə, Noyemberyan rayonunun Şavarşavan, Voskevan və Barekamavan kəndlərində yerləşən mövqelərdən Qazax rayonunun Cəfərli, Quşçu Ayrım, Qaymaqlı, Kəmərli kəndlərində, Berd rayonunun Çinari kəndində və adsız yüksəkliklərdə yerləşən mövqelərdən Tovuz rayonunun Ağbulaq, Muncuqlu kəndlərində və adsız yüksəkliklərdə, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonu ərazisindəki adsız yüksəkliklərdə yerləşən mövqelərimiz atəşə tutulub.Tərtər rayonunun işğal altında olan Çiləbürt, Ağdam rayonunun Qaraqaşlı, Baş Qərvənd, Şıxlar, Xocavənd rayonunun Kuropatkino, Füzuli rayonunun Horadiz, Aşağı Veysəlli, Qaraxanbəyli, Aşağı Seyidəhmədli, Cəbrayıl rayonunun Mehdili kəndləri yaxınlığında, həmçinin Goranboy, Tərtər, Xocavənd, Füzuli və Cəbrayıl rayonları ərazisindəki adsız yüksəkliklərdə yerləşən mövqelərdən də Silahlı Qüvvələrimizin mövqeləri atəşə tutulub.xeber100.com

“Radio Courtoisie”də Qarabağ münaqişəsindən bəhs olunub

Azərbaycanın Fransadakı səfiri Elçin Əmirbəyov bu ölkənin “Radio Courtoisie” radiosunun qonağı olub.Səfir Azərbaycan Respublikasının Dağlıq Qarabağ regionunun tarixindən danışaraq, onun ölkəmizin əzəli torpağı olduğunu vurğulayıb. Ermənistan-Azərbaycan Dağlıq Qarabağ münaqişəsi barədə məlumat verən E.Əmirbəyov bu regionunun və onun ətrafında 7 rayonun erməni silahlı qüvvələrinin işğalı altında olmasını, münaqişə nəticəsində bir milyon Azərbaycanlının doğma yurdundan didərgin düşməsini diqqətə çatdırıb. Bildirib ki, 613 mülki şəxsin – qadınların, uşaqların və qocaların qətlə yetirildiyi Xocalı soyqırımı bu münaqişənin ən qanlı səhifəsi olub. Ermənistanın prezidenti Serj Sarkisyanın Xocalı genosidində birbaşa əli var və o, qərb jurnalistlərinə müsahibəsi zamanı bunu etiraf edib. BMT Təhlükəsizlik Şurasının 4 qətnaməsinin erməni silahlı qüvvələrinin Azərbaycanın işğal olunmuş torpaqlarından dərhal və qeyd-şərsiz çıxarılmasını tələb etməsinə baxmayaraq, Ermənistan 24 ildir bu qətnamələrə riayət etmir.Proqramda ölkəmizdə həyata keçirilən islahatlardan, iqtisadiyyatın, eləcə də enerji daşıyıcılarının diversifikasiyasından, turizmin, aqrar sektorun inkişafından danışılıb. “Alov Qüllələri”ndən, Qız Qalasından, UNESCO-nun Dünya İrs Siyahısına daxil edilən İçərişəhərdən, Qeyri-Maddi Mədəni İrs üzrə Reprezentativ Siyahısında yer alan Novruz bayramı ənənələrindən bəhs olunub.Səfir Azərbaycan –Fransa əlaqələrinə toxunaraq, Bakıda fəaliyyət göstərən Fransız liseyi və universiteti, eləcə də Parisdəki Azərbaycan Mədəniyyət Mərkəzi haqqında məlumat verib.xeber100.com