Növbəti monitorinq keçiriləcək

ATƏT-in fəaliyyətdə olan sədrinin şəxsi nümayəndəsinin mandatına uyğun olaraq, fevralın 7-də Füzuli rayonu ərazisində Azərbaycan və Ermənistan qoşunlarının təmas xəttində növbəti monitorinqin keçirilməsi planlaşdırılır.Müdafiə Nazirliyinin mətbuat xidmətindən Azərtac-a bildiriblər ki, monitorinqi Azərbaycan tərəfdən ATƏT-in fəaliyyətdə olan sədrinin şəxsi nümayəndəsi Anji Kaspşik, onun səhra köməkçiləri Gennadi Petrika və Piter Şvedberq keçirəcəklər.Ermənistan silahlı qüvvələri tərəfindən işğal edilmiş və nəzarət olunan Azərbaycan ərazisində isə monitorinqi şəxsi nümayəndənin səhra köməkçiləri Xristo Xristov, Jiri Aberle və Saymon Tiller aparacaqlar.xeber100.com

Atəşkəs rejimi ümumilikdə 6 dəfə pozulub

Ermənistan silahlı bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini ümumilikdə 6 dəfə pozub.Müdafiə Nazirliyinin mətbuat xidmətindən Azərtac-a bildirilib ki, Ermənistanın İcevan rayonu ərazisindəki adsız yüksəkliklərdə yerləşən mövqelərdən Qazax rayonu ərazisindəki adsız yüksəkliklərdə, Berd rayonunun Çinari kəndində yerləşən mövqelərdən Tovuz rayonunun Ağbulaq kəndində və Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Qaravəlilər kəndində yerləşən mövqelərimiz atəşə tutulub.İşğal altında olan Ağdam rayonunun Sarıcalı kəndi yaxınlığında, həmçinin Cəbrayıl rayonu ərazisindəki adsız yüksəkliklərdə yerləşən mövqelərdən də Silahlı Qüvvələrimizin mövqeləri atəşə tutulub.xeber100.com

Müdafiə Nazirliyinin məlumatına görə…

Erməni silahlı bölmələri cəbhənin müxtəlif istiqamətlərində 82 millimetrlik minaatanlardan və iriçaplı pulemyotlardan da istifadə etməklə sutka ərzində atəşkəs rejimini, ümumilikdə, 24 dəfə pozub. Müdafiə Nazirliyindən Azərtac-a bildiriblər ki, Ermənistan Respublikası Noyemberyan rayonunun Dovex və İcevan rayonunun Berkaber kəndlərində yerləşən mövqelərdən Qazax rayonu ərazisindəki adsız yüksəkliklərdə, Kəmərli və Qızılhacılı kəndlərində, Berd rayonunun Ayqepar kəndində və adsız yüksəkliklərdə yerləşən mövqelərdən Tovuz rayonunun Əlibəyli, Muncuqlu kəndlərində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Qaravəlilər kəndində yerləşən mövqelərimiz atəşə tutulub.Tərtər rayonunun işğal altında olan Çiləbürt, Ağdam rayonunun Şuraabad, Sarıcalı, Çıraqlı, Cəbrayıl rayonunun Mehdili kəndləri yaxınlığında, həmçinin Goranboy və Füzuli rayonları ərazisindəki adsız yüksəkliklərdə yerləşən mövqelərdən də Silahlı Qüvvələrimizin mövqeləri atəşə məruz qalıb.xeber100.com

Müdafiə Nazirliyinin məlumatına görə…

Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini, ümumilikdə, 21 dəfə pozub.Müdafiə Nazirliyinin mətbuat xidmətindən Azərtac-a bildiriblər ki, Ermənistanın İcevan rayonu ərazisindəki adsız yüksəkliklərdə və Berkaber kəndində, Berd rayonunun Çinari, Mosesqex kəndlərində yerləşən mövqelərdən Qazax rayonu ərazisindəki adsız yüksəkliklərdə və Qızılhacılı kəndində və Tovuz rayonunun Koxanəbi, Ağdam və Əlibəyli kəndlərində yerləşən mövqelərimiz atəşə tutulub.Tərtər rayonunun işğal altındakı Çiləbürt, Ağdam rayonunun Şıxlar, Füzuli rayonunun Aşağı Seyidəhmədli, Horadiz, Cəbrayıl rayonunun Mehdili kəndləri yaxınlığında, həmçinin Füzuli rayonu ərazisindəki adsız yüksəkliklərdə yerləşən mövqelərdən də Silahlı Qüvvələrimizin mövqeləri atəşə məruz qalıb.xeber100.com

Milli Məclisin yaz sessiyasının ilk plenar iclası keçirilir

Fevralın 1-də Azərbaycan Respublikası Milli Məclisinin yaz sessiyasının ilk plenar iclası keçirilir.Azərtac xəbər verir ki, iclasda əvvəlcə Azərbaycanın dövlət himni səsləndirilib.İclasın gündəliyinə 27 məsələ daxildir.Deputatlar iclasda “Milli Məclisin intizam komissiyasının yenidən təşkil edilməsi”, “Milli Məclisin Hesablayıcı komissiyasının yenidən təşkil edilməsi”, “Milli Məclisin 2017-ci il yaz sessiyasının qanunvericilik işləri planı” haqqında məsələləri nəzərdən keçirəcəklər.İclasda "Azərbaycan Respublikası Hökuməti ilə Küveyt Dövləti Hökuməti arasında hava əlaqəsi haqqında", "Azərbaycan Respublikası ilə Portuqaliya Respublikası arasında iqtisadi əməkdaşlıq haqqında" sazişlərin təsdiq edilməsi barədə qanun layihələrinə baxılacaq. Azərbaycan Respublikasının 1994-cü il 23 sentyabr tarixli 885 nömrəli Qanunu ilə təsdiq edilmiş "Azərbaycan Respublikası Silahlı Qüvvələrinin İntizam nizamnaməsi"ndə, Azərbaycan Respublikasının 1994-cü il 23 sentyabr tarixli 886 nömrəli Qanunu ilə təsdiq edilmiş "Azərbaycan Respublikası Silahlı Qüvvələrinin Qarnizon və qarovul xidmətləri nizamnaməsi"ndə, Azərbaycan Respublikasının 1997-ci il 3 oktyabr tarixli 377-IQ nömrəli Qanunu ilə təsdiq edilmiş "Hərbi xidmətkeçmə haqqında Əsasnamə"də dəyişiklik edilməsi barədə qanun layihələri müzakirə olunacaq.xeber100.com

ATƏT PA-nın 16-cı qış sessiyası keçiriləcək

Fevralın 23-24-də Vyanada ATƏT Parlament Assambleyasının (ATƏT PA) 16-cı qış sessiyası keçiriləcək.Hofburq Konqress Mərkəzində keçiriləcək sessiyanın açılışında ATƏT PA-nın Prezidenti Kristine Muttonen və digər rəsmilər çıxış edəcək, müvafiq komitələrdə siyasət və təhlükəsizlik, iqtisadiyyat və ətraf mühit, insan hüquqları və humanitar məsələlər ətrafında müzakirələr aparılacaq. Sessiyada, həmçinin təhlükəsizliyə qarşı təhdidlərin gücləndiyi müasir dövrdə insanların təməl hüquqlarının müdafiəsinin əhəmiyyətinə həsr olunmuş “Böhranlar dövründə insan haqlarının qorunması” mövzusunda xüsusi debatlar təşkil olunacaq.xeber100.com

İnkişaf perspektivləri müzakirə edilib

Azərbaycanın xarici işlər naziri E.Məmmədyarov yanvarın 31-də Qətər Dövlətinin xarici işlər naziri Şeyx Məhəmməd bin Əbdürrəhman Al-Tani ilə görüşüb.Azərtac xəbər verir ki, görüşdə tərəflər Azərbaycan və Qətər arasında ikitərəfli münasibətlərin hazırkı səviyyəsi, gündəlikdə duran məsələlər və müxtəlif sahələr üzrə əməkdaşlığın inkişaf etdirilməsinin perspektivlərini müzakirə ediblər. Nazirlər iki ölkə arasında əlaqələrin daha da gücləndirilməsi üçün birgə səylərin davam etdirilməsinin, habelə müqavilə-hüquq bazasının genişləndirilməsinin vacibliyini vurğulayıblar.Qeyd olunub ki, Azərbaycan Respublikasının Prezidenti İlham Əliyevin 2004-cü ilin noyabr ayında Qətər Dövlətinə rəsmi səfəri ikitərəfli münasibətlərin tarixində keyfiyyətcə yeni mərhələnin başlanğıcı olub. Eyni zamanda, 2016-cı ilin martında Qətər Dövlətinin Əmiri Şeyx Təmim bin Həməd Al-Taninin Azərbaycana rəsmi səfəri ikitərəfli münasibətlərə xüsusi töhfə verib.Nazirlər məmnunluqla qeyd ediblər ki, Azərbaycan və Qətər arasında qarşılıqlı anlaşma və dialoqa əsaslanan ənənəvi dostluq münasibətləri mövcuddur. Ölkələrimiz arasında BMT, İslam Əməkdaşlıq Təşkilatı, Qoşulmama Hərəkatı və digər beynəlxalq təşkilatlar çərçivəsində səmərəli əməkdaşlıq qurulub.xeber100.com

Moldova-Azərbaycan əlaqələri müzakirə edilib

Yanvarın 30-da Moldovanın Baş naziri Pavel Filip Azərbaycanın Kişineudakı səfiri Qüdsi Osmanovla görüşüb. Görüş zamanı ikitərəfli münasibətlərdə tərəqqi və Moldova-Azərbaycan əlaqələrinin fəallaşdırılması, o cümlədən Moldovaya investisiyaların artırılması məsələləri müzakirə edilib.AZərtac Moldova hökumətinin əlaqələr və protokol idarəsinə istinadla bildirir ki, Baş nazir Pavel Filip son 25 ildə Moldova ilə Azərbaycan arasında diplomatik münasibətlərin nəticələrini yüksək qiymətləndirərək vurğulayıb ki, Moldova hakimiyyət orqanları qarşılıqlı faydalı əməkdaşlığı dərinləşdirməyə hazırdırlar.Moldova hökumətinin başçısı xüsusi qeyd edib ki, keçən il payızda Bişkekdə Azərbaycan Prezidenti İlham Əliyevlə görüşdə ikitərəfli dialoqun fəallaşdırılması imkanları müzakirə edilib.xeber100.com

Müdafiə Nazirliyinin məlumatına əsasən…

Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini ümumilikdə 7 dəfə pozub.Müdafiə Nazirliyinin mətbuat xidmətindən Azərtac-a ildiriblər ki, Ermənistanın Berd rayonunun Ayqepar, Çinari kəndlərində yerləşən mövqelərdən Tovuz rayonunun Əlibəyli, Koxanəbi kəndlərində yerləşən mövqelərimiz atəşə tutulub.Füzuli rayonu ərazisindəki adsız yüksəkliklərdə yerləşən mövqelərdən də Silahlı Qüvvələrimizin mövqeləri atəşə tutulub.xeber100.com

“2017-ci ildə MDB çərçivəsində qarşılıqlı fəaliyyət haqqında”…

MDB İcraiyyə Komitəsinin Minskdəki mətbuat xidmətindən Azərtac-a verilən məlumata görə, fevralın 2-3-də Birliyin Belarus paytaxtındakı qərargahında “2017-ci ildə MDB çərçivəsində qarşılıqlı fəaliyyət haqqında” mövzusunda XİN-lərarası məsləhətləşmələr aparılacaq.Tədbir iştirakçıları Birliyin Dövlət Başçıları Şurasının MDB-nin müasir reallıqlara uyğunlaşdırılması barədə qərarının həyata keçirilməsi üzrə xarici siyasət idarələrinin vəzifələrini və qarşıdakı ildə XİN-lərarası çoxsəviyyəli məsləhətləşmələr planının layihəsini müzakirə edəcəklər.MDB çərçivəsində 1995-ci ildən keçirilən XİN-lərarası çoxsəviyyəli məsləhətləşmələr Birlik ölkələrinin siyasi sahədə qarşılıqlı fəaliyyətinin mühüm vasitəsidir.xeber100.com