“The American Spectator” qəzeti yazır…

“The American Spectator” qəzetində “Jewish News Service” nəşrinin sabiq redaktoru Ceykob Kamarasın “Donald Tramp ABŞ-Azərbaycan münasibətlərini yenidən yaxşılaşdıra bilər” sərlövhəli məqaləsi dərc edilib. Məqalədə Obama administrasiyasının ABŞ-ın müttəfiqi kimi İsrail və Azərbaycanla bağlı uğursuz siyasətindən və yeni Prezident Donald Trampın administrasiyasında bu münasibətlərin yaxşılaşdırılmasından söz açılıb. İsraillə bağlı qeyri-adekvat hərəkətinə görə Barak Obama administrasiyasını təqsirləndirən müəllif yazır ki, ABŞ-ın səsvermədə bitərəf qalması BMT Təhlükəsizlik Şurasında İordaniyanın Qərb sahili ərazilərində yəhudi məskənlərinin yaradılmasını pisləyən 2334 nömrəli qətnamənin qəbul edilməsinə imkan verib. Lakin elə bu administrasiya son 8 ildə Azərbaycanın Dağlıq Qarabağ bölgəsində erməni məskənlərinin yaradılmasını bir dəfə belə pisləməyib. Dağlıq Qarabağ münaqişəsi 1980-ci illərdə başlayıb və SSRİ dağılandan sonra tammiqyaslı müharibəyə çevrilib. Müəllif yazır ki, Azərbaycanın beynəlxalq birlik tərəfindən tanınmış ərazilərinin 20 faizi Ermənistanın işğalı altındadır.Kamaras qeyd edir ki, keçən ilin oktyabr ayında ABŞ-ın dövlət katibi Con Kerri Ermənistan və Azərbaycan Dağlıq Qarabağ münaqişəsinin tənzimlənməsinə “hazır deyil” deməklə Azərbaycan rəhbərliyini hiddətləndirib. Azərbaycan Prezidenti İlham Əliyev buna cavab olaraq bildirib ki, münaqişənin davam etməsində tərəflərin ikisini də ittiham edən dövlət katibi “Ermənistanın işğalçılıq siyasətinə aşkar dəstək” nümayiş etdirir.xeber100.com

İtaliya mətbuatı yazır…

İtaliyanın “Dazebaonews” informasiya portalında jurnalist Romolo Martelloninin müəllifi olduğu “Azərbaycan 20 Yanvar şəhidlərini anır” sərlövhəli məqalə verilib.Məqalədə 1990-cı il yanvarın 20-də Azərbaycan xalqının müstəqillik uğrunda mübarizə məqsədilə və sovet rejiminin Ermənistan-Azərbaycan, Dağlıq Qarabağ münaqişəsində qərəzli mövqeyinə etiraz əlaməti olaraq keçirdiyi dinc nümayişə qarşı M.Qorbaçovun əmri ilə 30 minlik sovet ordusunun müxtəlif istiqamətlərdən Bakıya hücumlar həyata keçirərək çoxlu sayda dinc əhalini qətlə yetirməsi barədə məlumat verilir.Müəllif Azərbaycan xalqının müstəqillik arzusunu qan içində boğmağa çalışan sovet ordusu tərəfindən hərbi əməliyyat nəticəsində 140-dan artıq şəxsin qətlə yetirildiyini, 700-dən çox insanın yaralandığını, 841 nəfərin həbs olunduğunu, çoxsaylı mülki obyektlərə böyük ziyan vurulduğunu bildirir.Məqalədə “Human Rights Watch”, “Helsinki Watch”, “Memorial” kimi qeyri-hökumət təşkilatları, habelə dünyanın aparıcı kütləvi informasiya vasitələri tərəfindən bu faciə haqda yayılmış məlumatlara istinad edilərək sovet ordusu tərəfindən günahsız insanlara tətbiq olunan fiziki güc haqqında söhbət açılır.xeber100.com

Müdafiə Nazirliyinin məlumatına əsasən…

Cəbhəboyu zonada yerləşən hərbi hissələrin minaatan bölmələrinin döyüşə hazırlıq səviyyəsi yoxlanılır.Müdafiə Nazirliyinin mətbuat xidmətindən Azərtac-a bildiriblər ki, dağ-meşəlik və düzənlik ərazilərdə keçirilən praktiki məşqlərə cəlb olunan heyətlər 120 millimetrlik özüyeriyən CARDOM minaatan komplekslərindən şərti düşmənin yüngül zirehli texnikası, canlı qüvvəsi və atəş nöqtələrini imitasiya edən, eləcə də təbii maneələrin arxasında yerləşən və müşahidə edilməyən digər hədəfləri məhv etmək tapşırıqlarını yerinə yetirir.Döyüş minalarından istifadə edilməklə keçirilən məşqlərdə şəxsi heyət bölmələrin döyüş və səfər düzülüşü, hədəflərin aşkarlanaraq təyin edilməsi, atış yerinin seçilməsi, mövqeyin dəyişdirilməsi və xüsusi hazırlıq üzrə normativləri icra edir.xeber100.com

Sergey Lavrov: “Dağlıq Qarabağın statusu müəyyən edilməlidir”

“Rusiya Federasiyası və ATƏT-in vasitəçiliyi ilə atəşkəs yarandıqdan sonra işğal altındakı ərazilərin azad edilməsi haqqında tələb qüvvədə qalır. Bu zaman heç bir halda zor işlədilməməli və Dağlıq Qarabağın qəti statusu müəyyən edilməlidir”. Bu fikri Rusiyanın xarici işlər naziri Sergey Lavrov ilin yekunlarına dair mətbuat konfransında Ermənistan-Azərbaycan, Dağlıq Qarabağ münaqişəsinin həlli barədə sualı cavablandırarkən söyləyib.Rusiyalı nazir vurğulayıb ki, 2016-cı ilin aprel ayının qanlı hadisələri olduqca dərin narahatlıq doğurur. Həmin vaxt qan tökülməsini dayandırmaq üçün Rusiya həlledici rol oynayıb. S.Lavrovun sözlərinə görə, insidentlərin araşdırılması mexanizmini yaratmaq, bilavasitə təmas xəttində ATƏT-in müşahidəçilərinin sayını artırmaq lazımdır. Nazir fikrini belə tamamlayıb: “Nə qədər ki, ATƏT-də konsensus yoxdur, bütün bunları həyata keçirmək mümkün deyil”.xeber100.com

“The Korea Times” qəzeti yazır…

“The Korea Times” qəzetində 20 Yanvar faciəsinin 27-ci ildönümü ilə əlaqədar Azərbaycanın Seuldakı səfiri Rəmzi Teymurov ilə müsahibə əsasında hazırlanan məqalə dərc olunub.“Bakı faciəvi tarixini Seul ilə bölüşür” adlı məqalədə iki ölkənin tarixi oxşarlığı ilə bağlı sualı cavablandıran səfir R.Teymurov hər iki ölkənin çoxsaylı işğallara və hücumlara məruz qalmalarına baxmayaraq, bu gün yerləşdikləri regionun lider ölkələrinə çevrildiklərini diqqətə çatdırıb. Səfir əksər koreyalıların Azərbaycanı yalnız neft və qaz ölkəsi kimi tanıdığını, lakin çox az sayda koreyalının Azərbaycanın müstəqilliyinin ilk illərində üzləşdiyi çətinliklər və daha sonra əldə etdiyi nailiyyətləri barədə məlumatlı olduğunu bildirib. O, 20 Yanvar faciəsi ilə bağlı keçirilən tədbirlərin və mətbuatda dərc olunan məqalələrin Azərbaycan haqqında daha ətraflı məlumatın Koreya ictimaiyyətinə çatdırılmasında mühüm rol oynadığını deyib. Qeyd edək ki, məqalədə 2017-ci ilin Azərbaycan və Koreya arasında diplomatik münasibətlərin qurulmasının 25-ci ildönümünə təsadüf etdiyi və bu çərçivədə səfirlik tərəfindən bir sıra siyasi və mədəni tədbirlərin keçirilməsinin planlaşdırıldığı qeyd olunub.xeber100.com

Müdafiə Nazirliyinin məlumatı…

Erməni silahlı bölmələri cəbhənin müxtəlif istiqamətlərində 60, 82 və 120 millimetrlik minaatanlardan da istifadə etməklə sutka ərzində atəşkəs rejimini ümumilikdə 42 dəfə pozub.Müdafiə Nazirliyindən Azərtac-a bildiriblər ki, Ermənistanın Berd rayonunun Ayqepar, Çinari kəndlərində və adsız yüksəkliklərdə yerləşən mövqelərdən Tovuz rayonunun Əlibəyli, Ağbulaq və Koxanəbi kəndlərində yerləşən mövqelərimiz atəşə tutulub.İşğal altında olan Ağdam rayonunun Qaraqaşlı, Xocavənd rayonunun Kuropatkino, Füzuli rayonunun Horadiz, Qaraxanbəyli kəndləri yaxınlığında, həmçinin Göygöl, Goranboy, Tərtər, Xocavənd və Füzuli rayonları ərazisindəki adsız yüksəkliklərdə yerləşən mövqelərdən də Silahlı Qüvvələrimizin mövqeləri atəşə məruz qalıb.xeber100.com

Müdafiə Nazirliyinin məlumatına görə…

Erməni silahlı bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini, ümumilikdə, 22 dəfə pozub.Müdafiə Nazirliyindən Azərtac-a bildiriblər ki, Ermənistan Respublikası Noyemberyan rayonunun Şavarşavan, İcevan rayonunun Azatamut, Berkaber kəndlərində və adsız yüksəkliklərdə yerləşən mövqelərdən Qazax rayonunun Fərəhli, Cəfərli, Qızılhacılı və Balacəfərli kəndlərində, Berd rayonunun Ayqepar, Mosesqex, Çinari kəndlərində və adsız yüksəkliklərdə yerləşən mövqelərdən Tovuz rayonunun Əlibəyli, Ağbulaq və Koxanəbi kəndlərində yerləşən mövqelərimiz atəşə tutulub.İşğal altında olan Tərtər rayonunun Göyarx, Çiləbürt, Füzuli rayonunun Horadiz kəndləri yaxınlığında, həmçinin Goranboy, Tərtər və Füzuli rayonları ərazisindəki adsız yüksəkliklərdə yerləşən mövqelərdən də Silahlı Qüvvələrimizin mövqeləri atəşə tutulub.xeber100.com

Müdafiə Nazirləri Şurasının yaradılmasının 25 illiyi qeyd ediləcək

2017-ci ildə MDB üzvü olan dövlətlərin Müdafiə Nazirləri Şurasının (MNŞ) yaradılmasının 25 illiyi qeyd ediləcək.Birliyin Minskdəki qərargahının mətbuat xidmətindən Azərtac-a verilən məlumata görə, MDB MNŞ-nin “MDB üzvü olan dövlətlərin Müdafiə Nazirləri Şurasının yaradılmasının 25 illiyinə həsr edilmiş birgə tədbirlər haqqında” 30 noyabr 2016-cı il tarixli Qərarına müvafiq olaraq, Birlik dövlətlərinin silahlı qüvvələri haqqında ən yaxşı jurnalist əsəri üçün beynəlxalq müsabiqə keçirilir.Müsabiqədə iştirak etmək istəyən jurnalistlər 2017-ci il martın 1-nə qədər mətbuatda dərc olunmuş, televiziya və radio vasitəsilə yayımlanmış, internetdə yerləşdirilmiş məqalələri, müsahibələri, reportajları, oçerkləri və başqa janrlara aid materialları təqdim edə bilərlər.xeber100.com

“Azərbaycan-Türkiyə münasibətlərinin 25 illiyi”…

Türkiyənin “Milliyyət” qəzeti Azərbaycanın Ankaradakı səfiri Faiq Bağırovun “Azərbaycan-Türkiyə münasibətlərinin 25 illiyi” sərlövhəli məqaləsini yayıb.Azərbaycan və Türkiyə arasında diplomatik əlaqələrin qurulmasının 25 illiyinə həsr olunan məqalədə bütün sahələr üzrə yüksələn xətlə inkişaf edən münasibətlərin ayrı-ayrı istiqamətləri təhlil olunub.Azərbaycanın dövlət müstəqilliyinin qardaş Türkiyə tərəfindən tanınmasından və diplomatik münasibətlərin bərpa olunmasından ötən dövr ərzində iki ölkə arasında baş verən proseslərə nəzər salan müəllif yazır ki, Bakı-Tbilisi-Ceyhan neft və Bakı-Tbilisi-Ərzurum qaz kəmərlərinin fəaliyyətindən əldə olunan bəhrələr hesabına Azərbaycan və Türkiyə üçün xüsusi əhəmiyyət daşıyan Bakı-Tbilisi-Qars dəmir yolu, TANAP və TAP layihələrinin reallaşması üçün tarixi şərait yaradılıb.xeber100.com

Müdafiə Nazirliyinin məlumatına əsasən…

Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini, ümumilikdə, 38 dəfə pozub.Müdafiə Nazirliyinin mətbuat xidmətindən Azərtac-a bildiriblər ki, Ermənistanın Noyemberyan rayonunun Voskevan kəndində, İcevan rayonu ərazisindəki adsız yüksəkliklərdə yerləşən mövqelərdən Qazax rayonunun Quşçu Ayrım kəndində və adsız yüksəkliklərdə, Berd rayonunun Ayqepar, Mosesqex, Çinari kəndlərində və adsız yüksəkliklərdə yerləşən mövqelərdən Tovuz rayonunun Əlibəyli, Ağdam, Ağbulaq, Koxanəbi kəndlərində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Qaravəlilər kəndində yerləşən mövqelərimiz atəşə tutulub.Tərtər rayonunun işğal altında olan Göyarx, Çiləbürt, Ağdam rayonunun Şıxlar, Xocavənd rayonunun Kuropatkino, Füzuli rayonunun Horadiz, Cəbrayıl rayonunun Mehdili kəndləri yaxınlığında, həmçinin Goranboy, Tərtər, Xocavənd, Füzuli və Cəbrayıl rayonları ərazisindəki adsız yüksəkliklərdə yerləşən mövqelərdən də Silahlı Qüvvələrimizin mövqeləri atəşə tutulub.xeber100.com