Gürcüstan Xarici İşlər Nazirliyi: Sülh razılaşması davamlı sülh yaratmaq imkanı verəcək

Gürcüstan Cənubi Qafqazın bir parçasıdır və bölgədə baş verən prosesləri diqqətlə izləyir.Azərtac xəbər verir ki, bunu ölkənin xarici işlər naziri David Zalkaliani “İmedi” telekanalına müsahibəsində deyib.Nazir bildirib ki, Rusiya və Türkiyənin iştirakı ilə razılığın əldə edilməsi Azərbaycanın və Ermənistanın seçimi olub.Zalkaliani qeyd edib: “Gürcüstan bununla bağlı mövqeyini çox açıq şəkildə ifadə edib. Ümid edirəm ki, sülh razılaşması tərəflərə bölgədə davamlı sülh yaratmaq imkanı verəcək”.Nazir Gürcüstanın sülh prosesindəki rolu ilə bağlı təklifinin qüvvədə qaldığını vurğulayıb.xeber100.com

Ali Baş Komandan İlham Əliyev: Düşmən hərbi cinayət törədib

Düşmən 30 il bu torpaqlarda hazırlıq işləri görüb. Bu hazırlıq işləri onu göstərir ki, öz xoşu ilə torpaqlarımızdan çıxmaq istəmirdi. Əgər istəsəydi, bu məsələlərə nə üçün bu qədər vəsait ayırırdı? Bütün bu dövr ərzində düşmən, sadəcə olaraq, bizi, vasitəçiləri aldadırdı ki, onlar bizim torpaqlarımızdan çıxacaqlar. Bu, yalan idi və döyüş meydanında mövcud olan mənzərə bunu təsdiqləyir.Azərtac xəbər verir ki, bu fikirləri Azərbaycan Prezidenti, Müzəffər Ali Baş Komandan İlham Əliyev 1 saylı Kliniki Tibbi Mərkəzdə müalicə olunan hərbçilərlə görüşündə səsləndirib.Dövlətimizin başçısı deyib ki, işğaldan azad edilmiş torpaqların mənzərəsi düşmənin Azərbaycan xalqına nifrət hissi ilə yaşadığını göstərir: “Əks-təqdirdə bütün binaların sökülməsinə nə ehtiyac var? İşğaldan azad edilmiş ərazilərimizin demək olar ki, 99 faizində bütün binalar dağıdılıbdır - yaşayış binaları, məktəblər, xəstəxanalar, ictimai binalar, tarixi abidələr, əcdadlarımızın qəbirləri, məscidlərimiz. İndi biz bu görüntüləri yayırıq, mətbuatda hər kəs bunu görə bilər. Bu, vəhşilikdir, vandallıqdır, bu, hərbi cinayətdir. Düşmən hərbi cinayət törədib və artıq göstəriş verilib ki, dəymiş ziyanın hesablanması, onun uçotu təmin edilsin. Artıq qruplar səfərbər edilib, beynəlxalq ekspertlər dəvət ediləcək. Beynəlxalq ekspertlərin iştirakı ilə bütün dağıntıların maddi və mənəvi ziyanı hesablanacaq və biz - həm insanlar fərdi qaydada, eyni zamanda, mütəşəkkil qaydada düşməni beynəlxalq məhkəmələrə verəcəyik, onlar təzminat ödəyəcəklər, öz çirkin əməllərinə cavab verəcəklər və cavab verirlər”.xeber100.com

Qarabağda atəşkəsə nəzarət üzrə mərkəzin yaradılması ilə bağlı razılaşma imzalanıb

Türkiyə ilə Rusiya arasında Qarabağda atəşkəsə nəzarət üzrə mərkəzin yaradılması ilə bağlı razılaşma imzalanıb.Azərtac xəbər verir ki, bu barədə Türkiyə Prezidenti Rəcəb Tayyib Ərdoğan bildirib.“Türkiyə və türk milləti olaraq 28 il ərzində hər gün bu işğalın ağrısını azərbaycanlı qardaşlarımızla birlikdə ürəyimizdə hiss etdik”, - deyən Rəcəb Tayyib Ərdoğan Qarabağın işğaldan azad edilməsi, bəyanatın imzalanması münasibətilə başda Prezident İlham Əliyev olmaqla bütün Azərbaycan xalqını təbrik edib.xeber100.com

BMT-nin Baş katibi atəşkəs haqqında razılaşmanı alqışlayıb

BMT-nin Baş katibi Antonio Quterreş Dağlıq Qarabağ münaqişəsi zonasında döyüş əməliyyatlarının 10 noyabr 2020-ci il tarixdən tamamilə dayandırılması barədə xəbəri rəğbətlə qarşılayıb. Tərəflər müvafiq razılaşmaya Rusiyanın vasitəçiliyi ilə nail olublar, bu barədə Rusiya Prezidenti Vladimir Putin rəsmi elan edib.Azərtac BMT-nin saytına istinadla xəbər verir ki, təşkilatın mətbuat katibi Stefan Düjarrik deyib: “Baş katib döyüş əməliyyatlarının dayandırılması barədə razılaşma əldə olunması faktını rəğbətlə qarşılayıb. Biz Rusiyanın hakimiyyət orqanlarına bu məsələdə oynadıqları müsbət rola görə çox minnətdarıq. Dinc əhalinin iztirabının başa çatacağına ümidlər rahatlıq hissləri əmələ gətirir.Mülki əhali, humanitar əlçatanlığın təmin edilməsi və insan həyatının xilası məsələləri daim bizim diqqət mərkəzimizdə olub”.S.Düjarrik bildirib ki, BMT-nin Qaçqınlar üzrə Ali Komissarlığının nümayəndələri öz mandatına uyğun olaraq, razılaşmanın şərtlərinin yerinə yetirilməsində tərəflərə kömək edəcəklər. Hazırda bu məsələ üzrə danışıqlar aparılır.KİV-lərin yaydığı məlumata görə, əldə olunan razılaşmaya əsasən qaçqınlar və məcburi köçkünlər Dağlıq Qarabağ ərazisinə və ona bitişik rayonlara BMT-nin Qaçqınlar üzrə Ali Komissarlığının nəzarəti altında qayıtmalıdır.xeber100.com

Rəcəb Tayyib Ərdoğan ilə Vladimir Putin arasında telefon danışığı olub

Türkiyə Prezidenti Rəcəb Tayyib Ərdoğan ilə Rusiya Prezidenti Vladimir Putin arasında telefon danışığı olub.Azərtac xəbər verir ki, telefon danışığında Türkiyənin dövlət başçısı Dağlıq Qarabağ məsələsi ilə bağlı uzunmüddətli sülh yolunda düzgün addım atıldığını ifadə edib.Prezident Rəcəb Tayyib Ərdoğan hazırkı məqamda ən önəmli məsələnin Ermənistanın atəşkəsə və ortaq bəyanatdakı öhdəliklərə əməl etməsi olduğunu vurğulayıb.xeber100.com

İran mətbuatı: Ermənistanda xaos hökm sürür

İran mətbuatı Azərbaycan, Rusiya və Ermənistan rəhbərlərinin imzaladıqları birgə bəyanat barədə xəbərlərə geniş yer ayırıb.Azərtac xəbər verir ki, İranın İSNA, İRNA, Mehr, İLNA, “Tehran Times”, “Tasnim” saytları Azərbaycanın Dağlıq Qarabağ uğrunda apardığı mübarizədə qalib gələrək Ermənistanı sülhə məcbur etdiyini bildiriblər.İran mətbuatı Ermənistanın baş naziri Nikol Paşinyanın sosial şəbəkədə paylaşdığı statusa toxunub.Materiallarda diqqətə çatdırılıb ki, Azərbaycan Prezidenti İlham Əliyev siyasi iradə nümayiş etdirərək işğal altındakı torpaqları azad etdi. Materiallarda Prezident İlham Əliyevin xalqa müraciətindən sitat da gətirilib: “Paşinyan bəyanatı öz istəyi ilə deyil, Azərbaycanın dəmir yumruğu sayəsində imzaladı”.İran mediası Ermənistanda baş verən hadisələrə də toxunub. Qeyd olunub ki, Ermənistanda xaos hökm sürür. Şəhid anaları və yaxınları parlamentə hücum edərək qanunverici orqanın binasını dağıdıblar. Ermənistanda baş nazir N.Paşinyanın istefası tələb olunur.xeber100.com

Türkiyə-Rusiya birgə atəşkəsə nəzarət mərkəzinin yaradılması bölgədə iş birliyinin yeni formatıdır

Bu gün əziz qardaşım Rəcəb Tayyib Ərdoğanla söhbət əsnasında, Türkiyə-Rusiya birgə atəşkəsə nəzarət mərkəzinin fəaliyyəti ilə də bağlı fikir mübadiləsi apardıq. Hesab edirəm ki, bu da çox önəmli addımdır. Bu, bölgədə iş birliyinin yeni formatıdır.Azərtac xəbər verir ki, Prezident İlham Əliyev bu barədə noyabrın 10-da Türkiyənin xarici işlər naziri Mövlud Çavuşoğlunu, milli müdafiə naziri Hulusi Akarı və Milli Kəşfiyyat İdarəsinin rəisi Hakan Fidanı qəbul edərkən deyib.“Biz bunu hər zaman istəyirdik ki, Türkiyə və Rusiya Ermənistan-Azərbaycan Dağlıq Qarabağ münaqişəsində bərabər səviyyədə rol alsınlar və bu gün biz buna nail olduq. Bu mərkəzin gələcək fəaliyyəti ilə əlaqədar bu gün sizinlə də danışacağıq və rusiyalı həmkarlarımızla danışacağıq ki, qısa müddət ərzində bu mərkəz yaradılsın. Çünki erməni silahlı qüvvələrinin torpaqlarımızdan çıxarılmasının artıq cədvəli var. Bu ayın sonuna qədər onlar bütün torpaqlardan, hələ də işğal altında olan torpaqlardan çəkilməlidirlər. Beləliklə, bu mərkəzin qısa bir zaman içərisində yaradılmasında çox böyük fayda var. Bir daha xoş gəlmisiniz, öz doğma evinizə xoş gəlmisiniz”, - deyə dövlətimizin başçısı qeyd edib.xeber100.com

Türkiyə həm hərb meydanında, həm də danışıqlar masasında Azərbaycanın yanında olacaq

Qarabağ artıq azaddır! Qarabağ Azərbaycandır! Türkiyə bundan sonra da həm hərb meydanında, həm də danışıqlar masasında Azərbaycanın yanında olacaq.Azərtac xəbər verir ki, bu fikirləri Türkiyə Prezidentinin müşaviri İbrahim Kalın rəsmi “Twitter” hesabında bildirib.Türkiyənin ədliyyə naziri Əbdülhəmid Gül isə qələbə paylaşımında bu fikirləri ifadə edib: “Sənin haqqındır azadlıq, sənin eşqindir iman. Zəfərin mübarək olsun, can Azərbaycan!”.Türkiyənin ətraf mühit və şəhərsalma naziri Murat Kurum da ölkəmizə təbrik göndərənlər sırasındadır. O, “Twitter” hesabında yazıb: “Ata-baba yurdunu yenidən azadlığa qovuşduran can Azərbaycanın zəfəri mübarək olsun, şəhidlərimizin ruhları şad olsun. Nə xoşbəxtdir ürəyi qardaşları ilə birgə döyünən əziz millətimiz”.xeber100.com

Ali Baş Komandan İlham Əliyevin şanlı qələbə müjdəsi

Azərbaycan öz tarixinin ən möhtəşəm günlərindən birini yaşayır. Gecə yarısı Prezident, Müzəffər Ali Baş Komandan İlham Əliyevin şanlı qələbə müjdəsindən sonra paytaxtımızın küçə və meydanlarına, parklarına axışan böyüklü-kiçikli yüz minlərlə insanın bayram şənliyi on saatdan çoxdur davam edir. Bakı sakinləri tarixi Qələbədən doğan sevinc və qürur hisslərini bir-biri ilə paylaşır, bu zəfəri xalqına bəxş edən dövlətimizin başçısına minnətdarlıq duyğularını dilə gətirirlər. Hər yerdə Vətəni, Qarabağı, igid Azərbaycan əsgərini tərənnüm edən mahnılar səslənir.Gecə saatlarından başlayaraq qəhrəman Vətən övladlarımızın uyuduğu Şəhidlər xiyabanında da böyük izdiham yaşanmaqdadır. Şəhid məzarlarına ziyarət etməyə gələn insanların ardı-arası kəsilmir.Bu zəfər günündə Azərbaycan və Türkiyə bayraqları yanaşı dalğalanır. Bu təsirli, qürur doğuran mənzərələr “bir millət, iki dövlət” olan Azərbaycan-Türkiyə qardaşlığının əbədiyyətə qədər davam edəcəyindən soraq verir.Azərtac Bakının müxtəlif guşələrindən və Şəhidlər xiyabanından növbəti fotosessiyanı təqdim edir.xeber100.com

Noyabrın 9-da 71 kənd, 1 qəsəbə, 8 strateji yüksəklik işğaldan azad olunub

Prezident, Müzəffər Ali Baş Komandan İlham Əliyev Şuşa zəfərindən dərhal sonra xalqımıza yeni böyük müjdə verdi. Belə ki, noyabrın 9-da 71 kənd, 1 qəsəbə, 8 strateji yüksəklik işğaldan azad olunub.Azərtac xəbər verir ki, dövlətimizin başçısı rəsmi “Twitter” hesabında Azərbaycan Ordusunun Xocavəndin Mets Tağlar, Salakətin, Zoğalbulaq, Aragül, Tağavard, Böyük Tağavard, Zərdanaşen, Şəhər, Xocalının Şuşakənd, Muxtar, Daşaltı, Füzulinin Aşağı Güzdək, Qovşatlı, Mirzəcamallı, Şəkərcik, Mərdinli, Şıxlı, Qaraməmmədli, Dövlətyarlı, Hacılı, Hüseynbəyli, Saracıq, Zəngilanın Sobu, Qaragöz, İsgəndərbəyli kəndlərini, Bartaz qəsəbəsini, Bartaz strateji yüksəkliyini (2300 metr), Sığırt yüksəkliyini (1370 metr), Şükürataz yüksəkliyini (2000 metr) və əlavə 5 adsız strateji yüksəkliyi, Cəbrayılın Qalacıq, Mollahəsənli, Əsgərxanlı, Yuxarı Nüsüs, Aşıq Məlikli, Niftalılar, Qərər, Çələbilər, Qubadlının Qaramanlı, Xəndək, Həmzəli, Mahrızlı, Hal, Ballıqaya, Ulaşlı, Tinli, Xocahan, Boyunəkər, Qaraqoyunlu, Çərəli, Laçının Güləbürd, Səfiyan, Türklər kəndlərini işğaldan azad etdiyini bildirib.Bu gün Prezident İlham Əliyev, həmçinin Füzulinin Qobu Dilağarda, Yal Pirəhmədli, Yuxarı Yağlıvənd, Dilağarda, Seyid Mahmudlu, Ələsgərli, Xocalının Dəmirçilər, Çanaqçı, Mədətkənd, Sığnaq, Xocavəndin Susanlıq, Domi, Tuğ, Akaku, Azıx, Cəbrayılın Hüseynalılar, Söyüdlü, Aşağı Sirik, Qubadlının Yuxarı Mollu, Aşağı Mollu, Xocik, Zəngilanın Keçikli, Ördəkli kəndlərinin işğaldan azad olunduğunu elan edib.xeber100.com