“2015-2017-ci illər üzrə İş Proqramı” çərçivəsində…

“Azərbaycan Respublikası Təhsil Nazirliyi və Macarıstan İnsan Resursları Nazirliyi arasında 2015-2017-ci illər üzrə İş Proqramı” çərçivəsində Macarıstanda bu ölkənin büdcəsi hesabına təhsil üçün sənəd qəbulu elan edilir.Təhsil Nazirliyindən Azərtac-a bildiriblər ki, proqrama əsasən tam bakalavriat və magistratura üzrə kənd təsərrüfatı, su idarəetməsi, təbiət elmləri, davamlı inkişaf, tibb elmləri, turizm, mühəndislik, informasiya texnologiyaları, texnologiyalar, iqtisadiyyat, biznes və idarəetmə elmləri, doktorantura təhsili üzrə istənilən maraq dairəsi çərçivəsində təqaüdlər təklif olunur.Ayrılan kvota çərçivəsində təhsil ödənişsizdir. Universitet yataqxanasında yaşayış, tibbi sığorta, aylıq təqaüd Macarıstan tərəfindən qarşılanır.Macarıstan ali təhsil müəssisələrində kvota çərçivəsində təhsil alacaq tələbələrin seçimi Azərbaycan Respublikası Təhsil Nazirliyi, tələbələrin ali təhsil müəssisələrinə yerləşdirilməsi isə Macarıstan tərəfindən həyata keçirilir.Təqaüd proqramı çərçivəsində təhsilə dair əlavə məlumatlarla Təhsil Nazirliyinin internet saytında tanış olmaq mümkündür.xeber100.com

Səyyar qəbul keçiriləcək

Yanvarın 27-də paytaxtın Nəsimi və Binəqədi rayonları üzrə səyyar qəbul keçiriləcək.Bakı Şəhəri üzrə Təhsil İdarəsindən (BŞTİ) Azərtac-a bildiriblər ki, 46 nömrəli tam orta məktəbdə təşkil olunacaq səyyar qəbul saat 10.00-da başlanacaq.Səyyar qəbul vəzifə funksiyalarının tələb olunan səviyyədə yerinə yetirilməsi istiqamətində müəssisə rəhbərlərinin məsuliyyətinin artırılması, təhsilin keyfiyyətinin yüksəldilməsi, məktəblərdə sağlam və yaradıcı mühitin təmin olunması üçün sistemli iş aparılması məqsədlərinə xidmət edir.Səyyar qəbulda müəllim və valideynlərin müraciətləri BŞTİ-nin rəhbərliyi və struktur bölmə əməkdaşları tərəfindən dinləniləcək, problemli məsələlər araşdırılacaq, müvafiq təşkilati və maarifləndirmə tədbirləri görüləcək.xeber100.com

“Azərbaycan Milli Ensiklopediyası” layihəsi çərçivəsində…

Yanvarın 24-də Azərbaycan Milli Elmlər Akademiyası (AMEA) “Azərbaycan Milli Ensiklopediyası” Elmi Mərkəzində AMEA Alimlər Evinin və Azərbaycan Milli Konservatoriyasının birgə layihəsi çərçivəsində “Füzuli dünyası” mövzusunda lektoriya keçirilib.Azərtac xəbər verir ki, Alimlər Evinin direktoru N.Quliyeva ikinci dəfə təşkil olunan lektoriyanın dahi şair Məhəmməd Füzuliyə həsr olunduğunu söyləyib, bu cür tədbirlərin ictimaiyyət üçün əhəmiyyyətini qeyd edib.xeber100.com

Dövlət İmtahan Mərkəzi seminar-məşğələləri davam etdirir

Dövlət İmtahan Mərkəzi (DİM) tərəfindən imtahanlara zal nəzarətçisi kimi cəlb olunması nəzərdə tutulan müəllimlər üçün seminar-məşğələlər davam etdirilir.Tələbə Qəbulu üzrə Dövlət Komissiyasının Xaçmaz regional bölməsindən Azərtac-a bildiriblər ki, seminarlara şimal bölgəsi üzrə ümumilikdə, 370 müəllim cəlb olunub. Şabran, Siyəzən, Xızı və Qusar rayonları üzrə təlimlər artıq başa çatdırılıb. Regional bölmənin əməkdaşları tərəfindən yanvarın 25-də Qubada, 27-də isə Xaçmazda seminarlar keçiriləcək.İmtahan prosedurlarının daha səmərəli izahını təmin etmək üçün məşğələlər 20-25 nəfərlik qruplarla təşkil olunur.Nəzarətçilərin imtahan prosesi ilə əyani surətdə tanış olması məqsədilə imtahan texnologiyasına aid film nümayiş etdirilir.xeber100.com

“Olimpiya Hərəkatı–2017” idman proqramı çərçivəsində…

Bakı Şəhəri üzrə Təhsil İdarəsinin (BŞTİ) tabeliyində fəaliyyət göstərən təhsil müəssisələrinin şagirdləri “Olimpiya Hərəkatı–2017 (Olympic Moves–2017)” idman proqramı çərçivəsində keçirilən yarışlarda iştirak edirlər.BŞTİ-dən Azərtac-a bildiriblər ki, “Olimpiya Hərəkatı–2017” idman proqramamının əsas məqsədi olimpiya idman növlərinin məktəblilər arasında təbliğini aparmaqla, şagirdləri sağlam və fəal həyat tərzinə cəlb etmək, ümumi təhsil müəssisələrində fiziki tərbiyə fənninə marağı daha da artırmaq, idman federasiyaları və idman məktəbləri arasındakı əməkdaşlığı genişləndirmək, olimpiya idman komplekslərindən səmərəli istifadəni təmin etməkdir.xeber100.com

Dövlət İmtahan Mərkəzinin məlumatı

Dövlət İmtahan Mərkəzində növbəti SAT imtahanları  keçirilib.DİM-dən Azərtac-a bildiriblər ki, imtahanlar mərkəzin inzibati binasında təşkil olunub və təlimata uyğun keçirilib. İmtahanlarda 57 nəfərin iştirakı nəzərdə tutulsa da, 43 nəfər iştirak edib. İmtahanların gedişi zamanı iştirakçılara bilik və bacarıqlarını nümayiş etdirmələri üçün lazımi şərait yaradılıb.xeber100.com

İqtisad Universitetinin məlumatı

İqtisad Universitetində  magistratura və doktorantura təhsil pilləsi üzrə təhsil və tədrisin keyfiyyətinin artırılması məqsədi ilə yaradılan Beynəlxalq Magistratura və Doktorantura Mərkəzində (BMDM) ilk semestr imtahanları yekunlaşıb.UNEC-dən Azərtac-a bildirilib ki, Mərkəz Təhsil Nazirliyinin magistratura təhsil pilləsinin iqtisadiyyat və idarəetmə ixtisasları üzrə yeni qəbul edilmiş təhsil standartları əsasında fəaliyyət göstərir. Mərkəzdə 5 ixtisas üzrə 150-dək magistr təhsil alır. BMDM-də beş ixtisas üzrə dörd dildə və yazılı qaydada 45 imtahan təşkil olunub. Magistrlərin biliyi yazılı açıq suallar, şirkət analizləri, biznes keyslər, tədqiqat və araşdırma tipli imtahan metodları ilə müəllimlər tərəfindən qiymətləndirilib. Nəticələr açıqlandıqdan sonra üç gün müddətində apellyasiya şikayəti verilə bilər. Şikayətin baxılması üçün komissiya formalaşdırılır və ən geci 15 iş günü müddətində magistrə apellyasiyanın nəticəsi barədə məlumat verilməsi nəzərdə tutulur.xeber100.com

İmtahan Mərkəzində TOEFL imtahanı keçirilir

Bu gün Dövlət İmtahan Mərkəzində (DİM) TOEFL imtahanı keçirilir. DİM-dən Azərtac-a bildiriblər ki, imtahan DİM-in Yasamal rayonu, Mikayıl Müşfiq küçəsi, 1M ünvanında yerləşən inzibati binasında təşkil olunacaq və saat 8.00-da başlanacaq. İştirak edəcək şəxslər saat 7.30-dək imtahan binasında olmalıdırlar.xeber100.com

“İmtahan sessiyasının təşkili və keçirilməsi barədə”…

Yanvarın 13-də Azərbaycan Texniki Universitetində (AzTU) təhsil naziri M.Cabbarovun “İmtahan sessiyasının təşkili və keçirilməsi barədə” müvafiq əmrinə əsasən payız semestrinin imtahan sessiyasının gedişini izləmək üçün mediatur təşkil olunub.Azərtac xəbər verir ki, kütləvi informasiya vasitələrinin nümayəndələri, ekspertlər və valideynlər auditoriyalarda imtahanların gedişini izləyib, imtahan sessiyasının mövcud qaydalara uyğun təşkilini, tələbələrin biliyinin qiymətləndirilməsində şəffaflığın, obyektivliyin təmin olunduğunu müşahidə ediblər.xeber100.com

İşə qəbul üzrə imtahan keçiriləcək

Yanvarın 14-də Bakı Şəhəri üzrə Təhsil İdarəsinin (BŞTİ) nəzdində yaradılan Təlimə Dəstək Mərkəzinə (TDM) işə qəbul müsabiqəsinin imtahan mərhələsi keçiriləcək.BŞTİ-dən Azərtac-a bildiriblər ki, imtahanda TDM-də metodist (mentor) kimi çalışmaq arzusunda olan 175 nəfərin iştirakı nəzərdə tutulub.İmtahan elektron qaydada aparılacaq. Suallar təhsil qanunvericiliyi və ixtisasla bağlı mövzuları əhatə edəcək. Daha sonra namizədlər təqdim olunmuş mövzulardan birini seçərək esse yazacaqlar. İmtahanda müəyyənləşdirilmiş balı toplayan şəxslər müsahibə mərhələsinə buraxılacaqlar.xeber100.com