IV Beynəlxalq enerji texnologiyaları konfransı keçirilib

Bakı Ali Neft Məktəbinin (BANM) neft-qaz mühəndisliyi kafedrasının professoru Fuad Vəliyev Türkiyənin İstanbul şəhərində keçirilən IV Beynəlxalq enerji texnologiyaları konfransında iştirak edib.BANM-dən Azərbaycan-a bildiriblər ki, konfransın plenar iclasında F.Əliyev “Mənfi təzyiq effekti əsasında neftçıxarma sistemlərində enerjiqoruyucu texnologiyalar” mövzusunda məruzə ilə çıxış edib.Konfrans çərçivəsində Azərbaycanın müxtəlif ali təhsil ocaqları ilə əməkdaşlıqda maraqlı olan universitetlərin nümayəndələri BANM ilə də elm və tədris sahəsində münasibətləri genişləndirmək niyyətlərini bildiriblər.xeber100.com

“Asiya Pasific Sosial Biznes Forum” ilə bağlı müzakirələr aparılıb

İqtisad Universitetində (UNEC) dünyanın müxtəlif bölgələrində fəaliyyət göstərən Yunus Sosial Biznes mərkəzlərinin (YSBM) nümayəndələri ilə virtual konfrans keçirilib. Konfransda YSBM-in fəaliyyəti müzakirə olunub.UNEC-dən Azərtac-a bildirilib ki, virtual konfrans ideyası bu ilin noyabrında Parisdə keçirilən Sosial Biznes Akademiya tədbiri çərçivəsində universitetin rektoru Ədalət Muradovun da iştirak etdiyi,  professor Məhəmməd Yunusla görüş zamanı irəli sürülüb.Online konfransda 2017-ci ilin sentyabrında Malayziyada təşkil edilməsi planlaşdırılan “Asiya Pasific Sosial Biznes Forum” ilə bağlı müzakirələr aparılıb.xeber100.com

Təhsil Nazirliyinin təşkilatçılığı ilə…

Dekabrın 23-də Təhsil Nazirliyinin təşkilatçılığı ilə Valideyn himayəsindən məhrum olmuş uşaqlar üçün iki nömrəli ümumi orta internat məktəbində 31 dekabr- Dünya Azərbaycanlılarının Həmrəylik Günü və Yeni il münasibətilə bayram tədbiri keçirilib.Azərtac xəbər verir ki, tədbirdə internat məktəbi şagirdlərinin ifasında ədəbi-bədii kompozisiya nümayiş etdirilib.Şagirdlərə Təhsil Nazirliyi tərəfindən bayram hədiyyələri təqdim olunub.xeber100.com

“Məktəb icmaları” yaradılır

Bakı şəhərindəki 147 nömrəli Texniki-Humanitar Liseydə “Məktəb icmaları” layihəsinə yeni qoşulmuş ümumi təhsil müəssisələrinin direktorları ilə görüş keçirilib.Tədbirdə Bakı Şəhəri üzrə Təhsil İdarəsinin (BŞTİ) nümayəndələri, layihənin əməkdaşları, layihəyə yeni qoşulan 70 ümumi təhsil məktəbinin direktoru və valideynlər iştirak ediblər.BŞTİ-dən Azərtac-a bildirilib ki, görüşdə “Məktəb icmaları” layihəsi haqqında geniş məlumat verilib. Qeyd olunub ki, məktəb icması – məktəb həyatını birlikdə daha maraqlı etmək üçün yaradılmış müəllim, valideyn və şagirdlərin birliyidir. “Birlikdə öyrənirik, istirahət edirik, inkişaf edirik” devizi altında fəaliyyət göstərən məktəb icmasına icma sədri və əsas fəaliyyət sahələri üzrə komitələr rəhbərlik edir.xeber100.com

II Beynəlxalq konfrans keçirilir

Dekabrın 21-də Azərbaycan Dövlət Pedaqoji Universitetində (ADPU) humanist pedaqogika üzrə ikinci beynəlxalq konfrans və seminar keçirilir.Dekabrın 25-dək davam edəcək seminarda humanist pedaqogikanın əsasları müzakirə olunacaq, Latviya, Litva, Rusiya, Qazaxıstan və Gürcüstanın görkəmli pedaqoq alimlərinin təqdimatları dinləniləcək.xeber100.com

Bakı Şəhəri üzrə Təhsil İdarəsinin məlumatı…

Dekabrın 23-də Bakı Şəhəri üzrə Təhsil İdarəsi (BŞTİ) tərəfindən paytaxtın Nərimanov və Nizami rayonları üzrə səyyar qəbul keçiriləcək.BŞTİ-dən Azərtac-a bildiriblər ki, Bakıdakı Məktəb Lisey Kompleksində təşkil olunan səyyar qəbul saat 10:00-da başlanacaq.Səyyar qəbulun keçirilməsinin məqsədi vəzifə funksiyalarının tələb olunan səviyyədə yerinə yetirilməsi istiqamətində müəssisə rəhbərlərinin məsuliyyətinin artırılması, təhsilin keyfiyyətinin yüksəldilməsi, məktəblərdə sağlam və yaradıcı mühitin təmin edilməsidir.xeber100.com

“Dünya azərbaycanlıları: tarix və müasirlik”…

Bakı Dövlət Universitetində (BDU) Azərbaycanın dövlət müstəqilliyinin bərpasının və Dünya Azərbaycanlılarının Həmrəylik Gününün təsis olunmasının 25 illiyinə həsr edilən “Dünya azərbaycanlıları: tarix və müasirlik” mövzusunda birinci elmi konfrans keçirilir.Azərtac xəbər verir ki, tədbirdə BDU-nun tarix fakültəsinin dekanı A.Rzayev müasir müstəqil Azərbaycan dövlətinin yaranmasında, inkişafında və dünyada tanınmasında ümummilli liderin tarixi rolundan danışıb.Dekabrın 22-də başa çatacaq konfransda tələbələrin 50-dək məruzəsi dinləniləcək.xeber100.com

“Puşkin İnstitutu” tərəfdaşlıq şəbəkəsi mərkəzi yaradılıb

Bilik Fondunda “Puşkin İnstitutu” tərəfdaşlıq şəbəkəsi mərkəzi yaradılıb.Azərtac xəbər verir ki, dekabrın 19-da mərkəzin açılışına həsr olunmuş tədbir keçirilib.Tədbirdə Bilik Fondunun icraçı direktoru Oqtay Səmədov yeni mərkəzin yaradılmasının məqsədi, fəaliyyət istiqamətləri barədə məlumat verib. Qeyd olunub ki, bu mərkəz Bilik Fondu ilə Rusiyanın A.S.Puşkin adına Dövlət Rus Dili İnstitutu arasında imzalanmış müqavilə çərçivəsində təşkil edilib. Burada rus dili üzrə kurslar keçiriləcək.Dövlət Rus Dili İnstitutunun prorektoru Marina İvanovna və digər çıxış edənlər mərkəzin səmərəli fəaliyyət göstərəcəyinə əminliklərini bildiriblər.xeber100.com

BDU-də 25 illik yubiley tədbiri keçirilib

Dekabrın 19-da Bakı Dövlət Universitetində (BDU) sosial elmlər və psixologiya fakültəsinin yaranmasının 25 illik yubileyinə həsr olunan tədbir keçirilib.Universitetdən Azərtac-a bildiriblə ki, rəsmi hissədə çıxış edən rektor A.Məhərrəmov BDU-nun tarixi, beynəlxalq əlaqələri, əldə olunan uğurlar barədə danışıb. Bildirilib ki, sosial elmlər və psixologiya fakültəsi ölkəmizdə baş verən sosial-siyasi hadisələr fonunda suveren dövlətimiz üçün sosial-siyasi münasibətlər ixtisasları üzrə kadr hazırlığına ehtiyacdan yaranıb. O da qeyd olunub ki, bu fakültənin yaradılması ilə universitetin, respublikanın humanitar elm və təhsilinin tarixində yeni bir mərhələ açıb.xeber100.com    

Məzun Karyera sərgisi keçirilib

Dekabrın 17-də Neft və Sənaye Universitetində Məzun Karyera sərgisi keçirilib.ADNSU-dan Azərtac-a bildiriblər ki, sərgidə 35-dək şirkətin, o cümlədən Neft Şirkətinin (SOCAR), “Azərikimya” İstehsalat Birliyinin nümayəndələri universitetin tələbə və məzunlarına vakant iş yerlərini təklif ediblər.Tədbirdə 1500-dən çox tələbə və məzun iştirak edib.Şirkətlərin rəhbərləri və nümayəndələri ilə görüşdə ADNSU-nun rektoru Mustafa Babanlı rəhbərlik etdiyi ali məktəbin fəaliyyəti və təhsilin inkişafı istiqamətində reallaşdırılan tədbirlərdən, qazanılan uğurlardan danışıb. O da qeyd olunub ki, tələbələrin müəssisələrdə təcrübə keçmələrinin çox önəmli olduğunu söyləyib və qeyd edib ki, bundan sonra hər ilin may və dekabr aylarında məzun karyera sərgilərinin keçirilməsi planlaşdırılır.xeber100.com