“Məktəbdaxili qiymətləndirilmə” mövzusunda seminar keçiriləcək

Dekabrın 2-də Təhsil İnstitutunda “Şagird nailiyyətlərinin məktəbdaxili qiymətləndirilməsi: tədqiqatlar, nəticələr” mövzusunda seminar keçiriləcək.İnstitutdan Azərtac-a bildiriblər ki, seminarın keçirilməsinin məqsədi şagird nailiyyətlərinin məktəbdaxili qiymətləndirilməsinin mövcud vəziyyəti ilə bağlı aparılan tədqiqatlardan əldə olunan nəticələrlə təhsil işçilərini tanış etmək, müvafiq rəy və təklifləri toplamaqla tövsiyələr hazırlamaqdır.xeber100.com  

“Türkologiyanin müasir problemləri”…

Moskvada Rusiya Xalqlar Dostluğu Universitetinin və Bakı Dövlət Universitetinin (BDU) təşkilatçılığı ilə “Türkologiyanin müasir problemləri: dil-ədəbiyyat-mədəniyyət” mövzusunda beynəlxalq elmi-praktik konfrans keçirilib.BDU-dan Azərtac-a bildiriblər ki, konfransda bu ali məktəbin tədrisin təşkili və təlim texnologiyaları üzrə prorektoru İradə Əliyevanın çıxışı dinlənilib.xeber100.com

“BP yay təcrübəsi-2017” mövzusunda tədbir keçirilib

Neft və Sənaye Universitetində (ADNSU) “BP yay təcrübəsi-2017” mövzusunda tədbir keçirilib.Universitetdən Azərtac-a bildiriblər ki, tədbirdə BP-nin işə qəbul üzrə məsləhətçisi Mehriban Şıxzamanova bu qurumun yay təcrübəsi proqramını elan edib. Tələbələrə təcrübə proqramı barədə məlumat verən M.Şıxzamanova müraciət qaydaları, seçim prosesi və təcrübə haqqında təqdimatla çıxış edib. O, təcrübə proqramında universitetin yalnız 2018-ci il məzunlarının iştirak edə biləcəyini vurğulayıb.Daha sonra proqramın iştirakçısı olan tələbə Fəridə İsmayılova təqdimatla çıxış edib, qazandığı təcrübədən danışıb.Sonda tələbələrin sualları cavablandırılıb.xeber100.com

BDU-da tibbi-psixoloji seminar keçirilib

Bakı Dövlət Universitetində (BDU) “Səmərəli ünsiyyət texnikaları” və “Virus hepatitlərindən qorunma yolları” mövzusunda tibbi-psixoloji seminar keçirilib.BDU-dan Azərtac-a bildiriblər ki, seminarda universitet tələbə həmkarlar ittifaqı komitəsinin sədri Daşqın Qəmbərov psixoloji amillərin gənclərin həyatına göstərdiyi təsirdən, gənclərin tibbi-psixoloji maarifləndirilməsinin əhəmiyyətindən danışıb.xeber100.com

Tolerantlıq Gününə həsr olunan tədbirlər çərçivəsində…

Bakı Ali Neft Məktəbində (BANM) Beynəlxalq Tolerantlıq Gününə həsr olunan tədbirlər çərçivəsində Dini Qurumlarla İş üzrə Dövlət Komitəsinin (DQİDK) sədri Mübariz Qurbanlı bu ali təhsil ocağının kollektivi və tələbələri ilə görüşüb.BANM-dən Azərtac-a bildiriblər ki, tədbirdə əvvəlcə dini radikalizmə qarşı mübarizədən bəhs edən “Fitnə” sənədli filmi nümayiş olunub.Tədbirdə BANM-in rektoru E.Qasımov gənclərin maarifləndirilməsi, dini radikalizm meyillərinin qarşısının alınması baxımından bu kimi ekran əsərlərinin böyük əhəmiyyət daşıdığını vurğulayıb. Diqqətə çatdırılıb ki, Azərbaycan dövlətini və cəmiyyətini dini radikalizmin təhlükəsindən qorumaq, gənclərin radikal dini cərəyanların təsiri altına düşməmələri üçün tez-tez maarifləndirici tədbirlərin keçirilməsi vacibdir.xeber100.com

İqtisad Universitetində yeni layihəyə start verilib

İqtisad Universitetində (UNEC) “Gənc Bankir Məktəbi” layihəsinə yenidən başlanılıb. “Gənc Bankir Məktəbi-2” layihəsi “İqtisadçı Tələbələrin Elmi Fəaliyyətinə Yardım” (SUES) İctimai Birliyinin təşkilatçılığı həyata keçirilir.UNEC-dən Azərtac-a bildiriblər ki, tədbirdə SUES-in sədri Hidayət Kərimov tələbələrin nəzəri biliklərinin praktikada tətbiqində “Gənc Bankir Məktəbi”nin rolundan danışıb.“Bank of Baku”nun mütəxəssisləri tələbələri təlimatlandırdıqdan sonra püşkatma mərasimi keçirilib və iştirakçılar müəyyənləşdirilib.xeber100.com

Növbəti səyyar qəbul keçiriləcək

Noyabrın 18-də paytaxtın Sabunçu, Xəzər və Pirallahı rayonları üzrə növbəti səyyar qəbul keçiriləcək. Bakı Şəhəri üzrə Təhsil İdarəsindən (BŞTİ) Azərtac-a bildirilib ki, tədbir Xəzər rayonundakı 117 nömrəli tam orta məktəbdə saat 10-da başlanacaq.Qəbul vəzifə funksiyalarının tələb olunan səviyyədə yerinə yetirilməsi istiqamətində müəssisə rəhbərlərinin məsuliyyətinin artırılması, təhsilin keyfiyyətinin yüksəldilməsi, məktəblərdə sağlam və yaradıcı mühitin təmini üçün sistemli iş aparılması məqsədilə təşkil edilir.Səyyar qəbulda müəllim və valideynləri narahat edən məsələlər BŞTİ-nin rəhbərliyi və struktur bölmə əməkdaşları tərəfindən dinləniləcək, problemli məsələlər araşdırmaya yönəldiləcək, müvafiq təşkilati və maarifləndirmə tədbirləri görüləcək.xeber100.com

“Milli Qəhrəmanlar” guşəsi yaradılacaq

Milli Qəhrəmanları Tanıtma İctimai Birliyinin (MQTİB) təşəbbüsü ilə Bakıdakı 100 məktəbdə “Milli Qəhrəmanlar” guşəsinin yaradılması nəzərdə tutulub. Layihənin icrasına Bakı şəhərindəki 100 nömrəli tam orta məktəbdən başlanılıb.Bakı Şəhəri üzrə Təhsil İdarəsindən Azərtac-a bildirilib ki, “Milli Qəhrəmanlar” guşəsinin açılış mərasimində Azərbaycanın Milli Qəhrəmanları Bəxtiyar Allahverdiyev, İntiqam Atakişiyev, Zabit Quliyev, Qarabağ müharibəsi veteranı Mürsəl Qurbanov çıxış edərək keçdikləri şərəfli döyüş yolundan danışıb, gənclərə tövsiyələrini veriblər. Şagirdlər vətənpərvərliyə həsr olunmuş şeirlər söyləyib, maraqlı rəqs kompozisiyaları nümayiş etdiriblər. Daha sonra MQTİB tərəfindən məktəbin pedaqoji kollektivi və şagirdlərinə fəxri fərmanlar, Qarabağ müharibəsi veteranı Mürsəl Qurbanova “General Əliağa Şıxlınski” yubiley medalı təqdim olunub.xeber100.com

Beynəlxalq seminar işə başlayıb

Noyabrın 14-də Bakıda Müəllif Hüquqları Agentliyi (MHA), Təhsil Nazirliyi, Standartlaşdırma, Metrologiya və Patent üzrə Dövlət Komitəsi və Dünya Əqli Mülkiyyət Təşkilatının (DƏMT) əməkdaşlığı çərçivəsində “Universitetlərdə, elmi-tədqiqat və təcrübi-konstruktor müəssisələrində əqli mülkiyyət siyasəti və elmi-tədqiqat fəaliyyəti” mövzusunda beynəlxalq seminar işə başlayıb. Azərtac xəbər verir ki, seminarda MHA-nın sədri Kamran İmanov əqli mülkiyyət siyasətinin mahiyyətindən, DƏMT ilə əməkdaşlıqda həyata keçirilən tədbirlərin əhəmiyyətindən danışıb, ali məktəblərin və təcrübi-konstruktor müəssisələrinin elmi-tədqiqat fəaliyyətinin dəstəklənməsində bu cür beynəlxalq görüşlərin müsbət rolunu qeyd edib.xeber100.com    

9-cu Ümumərəb Konfransı işə başlayıb

Əmmanda keçmiş Sovet İttifaqı respublikalarının ali məktəblərində ərəb ölkələrindən təhsil almış məzunların 9-cu Ümumərəb Konfransı işə başlayıb.Azərbaycanın İordaniyadakı səfirliyindən Azərtac-a bildirilib ki, görüş xarakteri daşıyan konfransda iordaniyalı məzunlarla yanaşı, müxtəlif ərəb ölkələrindən, o cümlədən Fələstin, Livan, Mərakeş, Yəmən, İraq və Misirdən gəlmiş məzunlar da iştirak edir. Konfransın açılış mərasimi İordaniyanın Baş nazirinin himayədarlığı ilə Kral Hüseyn Mədəniyyət Mərkəzində keçirilib. Mərasimdə İordaniyanın dövlət qurumlarının nümayəndələri, bir sıra ölkələrin Əmmandakı səfirləri, Rusiya və İordaniya ali məktəblərinin rəhbərləri, elmi təşkilatların və tələbə cəmiyyətlərinin təmsilçiləri iştirak edib. Tədbirdə keçmiş Sovet İttifaqı respublikalarının ali məktəblərində təhsil almış məzunların Ərəb Birliyinin sədri F.ər-Rubai, keçmiş Sovet İttifaqı respublikalarının ali məktəblərində təhsil almış iordaniyalı məzunların “İbn Sina” klubunun sədri S.Tivalə, Rusiyanın Əmmandakı səfiri B.Bolotin və başqaları çıxış ediblər. Tədbir məzunların və onların ailələrinin ərəb və rus dillərində təqdim etdikləri konsert proqramı ilə başa çatıb. Konfrans işini noyabrın 17-dək davam etdirəcək.xeber100.com