12-ci Ali Təhsil Sammiti öz işinə başlayıb

Noyabrın 10-da Hindistanın Yeni Dehli şəhərində 12-ci Ali Təhsil Sammiti (XII FICCI Higher Education Summit 2016) öz işinə başlayıb. Təhsil Nazirliyindən Azərtac-a bildiriblər ki, sammitdə dünyanın 100-dən çox ölkəsindən nümayəndə heyəti iştirak edir. Tədbirə müvafiq qurumların nümayəndələri, universitet rəhbərləri, təhsil işçiləri, tanınmış təhsil ekspertləri, tələbələr qatılıblar.Sammitdə Azərbaycandan Təhsil Nazirliyinin elm, ali və orta ixtisas təhsil şöbəsinin sektor müdiri Sülhəddin Gözəlov, Azərbaycan Dövlət Neft və Sənaye Universitetinin rektoru Mustafa Babanlı, Bakı Dövlət Universitetinin prorektoru İradə Əliyeva və 5 nömrəli Bakı Peşə Liseyinin əməkdaşı Bahar Əsgərova iştirak edirlər. Tədbirdə qloballaşan dünyada ali təhsilin inkişaf istiqamətləri, elm, ali təhsil və sənaye əlaqələrinin yeni səviyyədə qurulması yolları müzakirə olunur. Sammit noyabrın 12-də başa çatacaq.xeber100.co

Tələbə Qəbulu üzrə Dövlət Komissiyasının məlumatı…

Noyabrın 12-də Naxçıvan Dövlət Texniki Kollecində gələn il ümumi təhsil səviyyəsi (9 illik) üzrə buraxılış imtahanının yeni qaydalarına dair seminar keçiriləcək. Tələbə Qəbulu üzrə Dövlət Komissiyasından (TQDK) Azərtac-a bildiriblər ki, tədbirdə Dövlət İmtahan Mərkəzinin Direktorlar Şurasının sədri Məleykə Abbaszadənin ümumi təhsil səviyyəsi üzrə buraxılış imtahanının yeni qaydalarına dair məruzə ilə çıxışı nəzərdə tutulub. xeber100.com

Müəllim və valideynləri narahat edən məsələlər üzrə səyyar qəbul keçiriləcək

Noyabrın 11-də paytaxtın Suraxanı və Xətai rayonları üzrə səyyar qəbul keçiriləcək. Bakı Şəhəri üzrə Təhsil İdarəsindən (BŞTİ) Azərtac-a bildiriblər ki, 27 nömrəli tam orta məktəbdə təşkil olunacaq səyyar qəbul saat 10.00-da başlanacaq. Səyyar qəbul vəzifə funksiyalarının tələb olunan səviyyədə yerinə yetirilməsi istiqamətində müəssisə rəhbərlərinin məsuliyyətinin artırılması, təhsilin keyfiyyətinin yüksəldilməsi, məktəblərdə sağlam və yaradıcı mühitin təmini üçün sistemli iş aparılması məqsədlərinə xidmət edir. Səyyar qəbulda müəllim və valideynləri narahat edən məsələlər BŞTİ-nin rəhbərliyi və struktur bölmə əməkdaşları tərəfindən öyrəniləcək, problemli məsələlər araşdırılacaq, müvafiq təşkilati və maarifləndirmə tədbirləri görüləcək.xeber100.com

Turizm və Menecment Universitetində seminar-təlim keçirilib

Azərbaycan Turizm və Menecment Universitetinin (ATMU) mehmanxana və restoran biznesi kafedrasının təşəbbüsü ilə “Restoran biznesinin təşkili və yüksək səviyyədə xidmətin göstərilməsi” mövzusunda seminar-təlim keçirilib. ATMU-dan Azərtac-a bildiriblər ki, Latviyanın Restoran Biznesi Mərkəzinin baş direktoru, restoran sənayesi üzrə təlimçi Aynars Bunkeviçsin keçirdiyi seminar universitetin turizm və qonaqpərvərlik fakültəsində təhsil alan tələbələr və Bakı Turizm Peşə Məktəbinin şagirdləri üçün nəzərdə tutulub. Tədbirdə ölkənin restoran biznesi üzrə tanınan mütəxəssisləri iştirak ediblər. Üç gün davam edən tədbirin keçirilməsinin əsas məqsədi restoranda xidmətin düzgün təşkili qaydaları və müvafiq sahənin incəlikləri barədə bilgiləri aşılamaq olub. Seminarın səmərəli fəaliyyətindən razı qalan iştirakçılar gələcəkdə mütəxəssis səviyyəsində işgüzar görüşlərin təşkili məsələsinə müsbət münasibət bildiriblər.xeber100.com

9 noyabr – Dövlət Bayrağı Gününə həsr edilən sərgi təşkil olunub

Azərbaycan Dövlət Neft və Sənaye Universitetində (ADNSU) 9 noyabr - Dövlət Bayrağı Gününə həsr edilən sərgi təşkil olunub.ADNSU-dan Azərtac-a bildiriblər ki, sərginin keçirilməsinin məqsədi Azərbaycan xalqının çoxəsrlik dövlətçilik ənənələrinin, dövlət atributlarının təbliğidir.Sərgidə Azərbaycan Respublikasının dövlət rəmzləri olan bayraq və gerb barədə kitablar nümayiş etdirilir.xeber100.com

Tələbə Qəbulu üzrə Dövlət Komissiyasının məlumatı…

Şəkidə Tələbə Qəbulu üzrə Dövlət Komissiyası (TQDK) 2017-ci ildə ümumi təhsil səviyyəsi (9 illik) üzrə buraxılış imtahanının yeni qaydalarına dair Azərbaycan dili və riyaziyyat fənləri üzrə seminarlar keçirib. TQDK-dan Azərtac-a bildiriblər ki, tədbirdə Şəki, Qax, Zaqatala, Balakən, Qəbələ, Mingəçevir və Oğuz rayonlarının ümumtəhsil müəssisələrinin müvafiq fənn müəllimləri iştirak ediblər. Azərbaycan dili fənni üzrə keçirilən seminarda TQDK-nın şöbə müdiri Afiqə Batıyeva, riyaziyyat fənni üzrə təşkil edilən seminarda isə komissiyanın sektor müdiri Aydın Qasımov ümumi təhsil səviyyəsi (9 illik) üzrə buraxılış imtahanının yeni qaydalarına dair məruzə ilə çıxış edib, tədbir iştirakçılarının suallarını cavablandırıblar. Daha sonra Bakı Dövlət Universitetinin nəzdində fəaliyyət göstərən Türk liseyinin müəllimi Saməddin İbrahimov Azərbaycan dili fənni, bu ali təhsil ocağının dosenti İmran Abdullayev isə riyaziyyat fənni üzrə buraxılış imtahanının proqramı, test tapşırığı nümunələri və qiymətləndirmə meyarları barədə məlumat veriblər. Sonda aparılan müzakirələr zamanı müəllimlər gündəlik məsələlərlə bağlı fikirlərini bölüşüb, təkliflərini irəli sürüblər.xeber100.com

“Educators.Pro” layihəsinin təlim mərkəzi fəaliyyətə başlayıb

Azərbaycan Universitetində “Educators.Pro” layihəsinin təlim mərkəzi fəaliyyətə başlayıb. Universitetdən Azərtac-a bildiriblər ki, mərkəzdə əmək bazarında ən çox tələb olunan sahələr üzrə yerli təlimçilərin sinif təlimləri və seminarları təşkil olunacaq. Mərkəz bütün iştirakçılar üçün kompüter və digər texniki avadanlıqla təmin olunub. Təlim layihəsi olan “Educators.Pro”nun əsas məqsədi öz sahəsinin peşəkarı olan xarici təlimçilərin online təlimlərinin təşkil edilməsidir. İnteraktiv təlim və seminarlarda iştirakçılar dərs müddətində təlimçi ilə canlı ünsiyyətdə olacaq və suallarına cavab ala biləcəklər.xeber100.com

“Elm aylığı” çərçivəsində ilk dəfə TEDx konfransı keçiriləcək

Noyabrın 5-də Azərbaycan Dövlət İqtisad Universitetində (UNEC) “Elm aylığı” çərçivəsində ilk dəfə TEDx konfransı keçiriləcək. UNEC-dən Azərtac-a bildirilib ki, “Təhsil və elmin vəhdəti” mövzusunda təşkil ediləcək konfransın keçirilməsi üçün bu ilin martında TED təşkilatından rəsmi lisenziya alınıb. Altı aylıq hazırlıq prosesində TED tərəfindən təqdim edilən konfransın təşkili standartları tam formada icra edilib. Tədbirdə elm və təhsil sahəsində böyük təcrübəyə malik məruzəçilər mövzu ilə bağlı fikirlərini bölüşəcəklər. Artıq 32 ildir ki, dünyada alim, sahibkar, ictimai xadim, biznes nümayəndələrini və digər peşə sahiblərini bir platformada birləşdirən TED (Technology, Entertainment, Design) intellektual konfransının məqsədi unikal ideyaları paylaşmaqdır. Devizi “Bölüşməyə dəyən fikirlər” olan TED təşkilatının lokal cəmiyyətlərdə təbliğinə şərait yaradan TEDx proqramı 2009-cu ildən bütün dünyanı dolaşmaqdadır. Bu günədək planetin yüzlərlə şəhərində və universitetlərdə müstəqil TEDx tədbirləri keçirilib və bu təşəbbüslər durmadan artır.xeber100.com

2015/2016-cı tədris ili üçün məzun monitorinqi aparılıb

Azərbaycan Dövlət İqtisad Universitetinin (UNEC) Beynəlxalq İqtisadiyyat Məktəbində 2015/2016-cı tədris ili üçün məzun monitorinqi aparılıb. UNEC-dən Azərtac-a bildirilib ki, monitorinqin nəticələrinə görə Beynəlxalq İqtisadiyyat Məktəbinin məzunlarından 53 faizi universiteti bitirəndən sonra işə düzəlib. Onlardan 22 faizi magistraturaya qəbul olunub, 7 faizi isə hərbi xidmətdədir. Beləliklə, kifayət qədər yüksək olan 82 faiz göstərici əldə edilib. Monitorinq zamanı məzunlardan 7 faizinin xarici universitetlərdən cavab gözlədiyi də məlum olub.xeber100.com

Elm-Tədris Mərkəzi açılacaq

Noyabrın 1-də Qafqaz Universitetində 16 noyabr - Beynəlxalq Tolerantlıq Günü ilə əlaqədar tədbir və “Azərbaycan multikulturalizmi” Elm-Tədris Mərkəzinin açılışı olacaq. Bakı Beynəlxalq Multikulturalizm Mərkəzinin (BBMM) mətbuat xidmətindən Azərtac-a bildiriblər ki, mərkəzin yaradılmasının məqsədi Qafqaz Universitetində “Multikulturalizmə giriş” və “Azərbaycan multikulturalizmi” fənlərini tədris etməklə yanaşı, BBMM ilə birgə ölkədaxili və xarici universitetlərdə bu fənlərin tədris olunması üçün kadr hazırlığının təşkili, Azərbaycan və dünya multikulturalizm modellərinin və azərbaycançılıq ideologiyasının elmi əsaslarla öyrənilməsi, bu istiqamətdə yazılmış əsərlərin aprobasiyasının həyata keçirilməsidir.