Dövlət İmtahan Mərkəzinin məlumatı əsasında…

Dövlət İmtahan Mərkəzi tərəfindən aprelin 29-da tam (11 illik) orta təhsil səviyyəsi üzrə növbəti buraxılış imtahanları keçiriləcək.Bu barədə Azərtac-a DİM-dən məlumat verilib. Bildirilib ki, imtahanlar Naxçıvan MR-də, Bərdə, Göyçay, Göygöl, Lerik, Qusar, Sabirabad, Şəmkir rayonlarında, Şəki şəhərində, Bakı şəhərinin xüsusi ümumtəhsil müəssisələrində, Çilov adasında yerləşən məktəbdə, eləcə də tədrisi ingilis və fransız dillərində aparılan ümumtəhsil müəssisələrinin məzunları üçün keçiriləcək. İmtahanlarda 12818 şagirdin iştirakı nəzərdə tutulur.İmtahanlar saat 11:00-da başlanır. Saat 10:45-də buraxılış rejimi başa çatır. Bundan sonra gələn iştirakçılar imtahan binasına buraxılmır.Kütləviliyin və təmas hallarının qarşısının alınması məqsədilə imtahan binasına müxtəlif daxilolma vaxtları müəyyən edilib və imtahan iştirakçısının buraxılış vərəqəsində həmin vaxt göstərilib.xeber100.com

İqtisad Universitetində bakalavriat və magistratura imtahanları başa çatıb

Aprelin 23-də Azərbaycan Dövlət İqtisad Universitetində (UNEC) keçirilən yaz semestrinin III modulu üzrə əyani bakalavriat və magistratura imtahanları başa çatıb. UNEC-dən Azərtac-a bildirilib ki, texniki və texnoloji ixtisaslar üzrə xüsusi qabiliyyət tələb edən fənlər istisna olmaqla, qalan fənlər üzrə imtahanlar distant formada proktorinq tətbiq edilməklə test üsulu ilə keçirilib.xeber100.com

Dövlət İmtahan Mərkəzi tərəfindən növbəti buraxılış imtahanları keçirilir

Aprelin 16-da Bakı şəhərinin Binəqədi, Nizami, Səbail, Suraxanı rayonlarında, Gəncə şəhərinin Nizami rayonunda, Ağcabədi, Ağstafa, Astara, Oğuz, Şamaxı, Saatlı rayonlarında və Sumqayıt şəhərində Dövlət İmtahan Mərkəzi (DİM) tərəfindən tam (11 illik) orta təhsil səviyyəsi üzrə növbəti buraxılış imtahanları keçirilir. Bu imtahanlarda 18367 nəfərin iştirakı nəzərdə tutulur.Bu barədə Azərtac-a DİM-dən məlumat verilib. Bildirilib ki, imtahanlar saat 11:00-da başlanır. Saat 10:45-də buraxılış rejimi başa çatır.Kütləviliyin və təmas hallarının qarşısının alınması məqsədilə imtahan iştirakçıları üçün imtahan binasına müxtəlif daxilolma vaxtları müəyyən edilib və buraxılış vərəqəsində həmin vaxt göstərilib. Ona görə də imtahan binasına buraxılış vərəqəsində qeyd olunan vaxtda gəlmək tövsiyə olunur.xeber100.com    

Təhsil Nazirliyinin məlumatı əsasında…

“Sağlam təhsil – sağlam millət” layihəsinin 2021-2022-ci illər üzrə inkişafı” qrant müsabiqəsinə layihələrin qəbulu prosesi davam edir.Təhsil Nazirliyindən Azərtac-a bildirilib ki, müsabiqədə iştirak üçün müraciət sənədləri aprelin 20-i saat 18:00-dək elektron formada [email protected] ünvanına göndərilməlidir.Qrant müsabiqəsi barədə daha ətraflı məlumatla Təhsil Nazirliyinin rəsmi saytında yer almış elan vasitəsilə tanış olmaq mümkündür.Qeyd edək ki, sözügedən layihə ümumi və xüsusi təhsil müəssisələrində, eləcə də ümumi təhsil müəssisələrinin xüsusi siniflərində sağlam təlim mühitinin formalaşdırılması, sağlamlığı qoruyan təhsil texnologiyalarının hazırlanması və tətbiqi üzrə keçirilir.xeber100.com

İqtisad Universitetində Elmi şuranın növbəti iclası keçirilib

Azərbaycan Dövlət İqtisad Universitetində (UNEC) Elmi şuranın növbəti iclası keçirilib.Bu barədə Azərtac-a UNEC-dən məlumat verilib.Elm və innovasiyalar üzrə prorektor, professor Sakit Yaqubov UNEC-də 2020-ci ildə yerinə yetirilən elmi-tədqiqat işləri və qarşıda duran vəzifələr haqqında çıxış edib. Beynəlxalq indeksləşmiş jurnallarda çap olunma tempinin yüksəldiyini bildirən prorektor fakültə və kafedralar üzrə “Web of Science”, “Scopus” elmmetrik bazalardakı nəşrlərin sayını açıqlayıb. Hesabatda UNEC Kitabxana-İnformasiya Mərkəzinə 7000-ə yaxın yerli və xarici nəşrlərin daxil olduğu, müəllim və tələbələrə “IPR Books”, EBSCO, “Web of Science” və bir sıra digər beynəlxalq elektron resurslara çıxış imkanının yaradıldığı qeyd olunub. Sonda UNEC-in tədqiqat universiteti statusu alması istiqamətində təkliflər səsləndirilib.Sonra UNEC İmtahan Mərkəzinin direktoru, dosent Söhrab İsayev 2020/2021-ci tədris ilinin yaz semestri üzrə III modul imtahanlarının təşkili və keçirilməsi ilə bağlı görülmüş işlər barədə çıxış edib. O, yaz semestrinin III modulu üzrə əyani bakalavriat və magistratura imtahanlarının keçirilmə müddətinin aprelin 8-dən 23-dək müəyyən edildiyini, texniki və texnoloji ixtisaslar üzrə xüsusi qabiliyyət tələb edən fənlər istisna olmaqla, qalan fənlər üzrə imtahanların distant formada proktorinq tətbiq edilməklə test üsulu ilə keçiriləcəyini bildirib. S.İsayev distant imtahanların təşkili və keçirilməsi ilə bağlı təkliflər verib.Şurada çıxış edən rektor, professor Ədalət Muradov modul sisteminə keçidlə bağlı dərslərin keyfiyyətli təşkil olunduğunu, müəllimlərin dərslərin tədrisini, eləcə də imtahanların təşkilini layiqincə yerinə yetirdiklərini bildirib. Rektor UNEC-in elmi tədqiqat yönümlü universitetə çevrilməsi istiqamətində görüləcək işlərdən, eləcə də kitabxana ilə bağlı hədəflərdən danışıb. O, UNEC-də rəqəmsal iqtisadiyyat və IV Sənaye İnqilabı sahəsində yüksək səviyyədə kitabxana qurulmasının nəzərdə tutulduğunu deyib.  

Təhsil Nazirliyi: V qrant müsabiqəsinə qrant layihələrinin qəbulu başa çatıb

Təhsildə inkişaf və innovasiyalar üzrə V qrant müsabiqəsinə qrant layihələrinin qəbulu başa çatıb.Təhsil Nazirliyindən Azərtac-a bildirilib ki, müsabiqəyə ümumilikdə 971 qrant layihəsi təqdim edilib. Layihə qəbulu ümumi təhsil müəssisəsi və fərdi kateqoriya üzrə aparılıb. Layihələrdən 229-u ümumi təhsil müəssisəsi, 742-i isə fərdi kateqoriya üzrə olub.Təqdim edilmiş layihələr üzrə texniki və məzmun ekspertizası başa çatdıqdan sonra nəticələr Təhsil Nazirliyinin rəsmi internet saytı vasitəsilə elan ediləcək.xeber100.com

Təhsil Nazirliyi: Fənn olimpiadalarının nəticələri bəlli olub

Respublika fənn olimpiadalarının yarımfinal turunun nəticələri bəlli olub.Təhsil Nazirliyindən Azərtac-a bildirilib ki, nəticələrə əsasən, 589 şagird fənn olimpiadalarının final mərhələsində iştirak hüququ qazanıb. Finalda iştirak edəcək şagirdlərin 272 nəfəri Bakının, 317 nəfəri isə bölgələrin payına düşür. Şagirdlərin 200 nəfəri qız, 389 nəfəri isə oğlandır.Qeyd edək ki, Respublika fənn olimpiadaları “Kapital Bank”ın sponsorluğu ilə təşkil edilir.xeber100.com

Bakı Şəhəri üzrə Təhsil İdarəsinin məlumatı əsasında…

Paytaxtda müşahidə olunan güclü külək 278 nömrəli tam orta məktəbin bir korpusunun dam örtüyünü uçurub. Müvafiq mütəxəssislər məktəbdə olub, vəziyyətlə bağlı ilkin təhlükəsizlik tədbirləri görülüb.Bu barədə Azərtac-a Bakı Şəhəri üzrə Təhsil İdarəsindən məlumat verilib. Bildirilib ki, ilkin araşdırmalardan sonra müvafiq rəy veriləcək.İlkin təhlükəsizlik tədbirlərinin təmin olunması ilə yanaşı, hava şəraiti imkan verən kimi dam örtüyünün bərpa işlərinə başlanacaq.xeber100.com    

Dövlət İmtahan Mərkəzinin məlumatı əsasında…

Dövlət orqanlarında inzibati vəzifələrin 4-5-ci təsnifatına uyğun olan vəzifələrin A və B növü üzrə fevralın 1-dən başlanan ümumi müsahibə davam edir.Dövlət İmtahan Mərkəzindən Azərtac-a bildirilib ki, ümumi müsahibəyə çıxarılan ən yüksək vəzifə inzibati vəzifələrin 4-cü təsnifatına uyğun olan Energetika Nazirliyində şöbə müdiri vəzifəsidir. Ümumilikdə isə Ekologiya və Təbii Sərvətlər Nazirliyində 14, Hesablama Palatasında 3, Dövlət Statistika Komitəsində 3, Dövlət Turizm Agentliyində 3, Energetika Nazirliyində 2, Təhsil Nazirliyində 1, Şəki Apelyasiya Məhkəməsində 1 vəzifə olmaqla 27 vakant vəzifə ümumi müsahibə elanına çıxarılıb. Ümumi müsahibədə iştirak üçün ümumilikdə 229 nəfər müraciət edib. Bu günə olan məlumata görə, 6 nəfər Dövlət Statistika Komitəsində, 3 nəfər Hesablama Palatasında, 2 nəfər Təhsil Nazirliyində, 2 nəfər Dövlət Turizm Agentliyində, 2 nəfər Ekologiya və Təbii Sərvətlər Nazirliyində, 1 nəfər isə Energetika Nazirliyində müxtəlif vəzifələrə uyğun bilinib.Müsahibələr martın 15-də yekunlaşacaq.Qeyd edək ki, ötən il dekabrın 10-da 7 dövlət orqanında inzibati vəzifələrin 4-5-ci təsnifatına uyğun olan vəzifələrin A və B növü üzrə ümumi müsahibə elan olunub. Sənəd qəbulunun təkmilləşdirilməsi, vətəndaşların rahatlığının təmini, vətəndaşların vaxt itkisinin və maliyyə xərclərinin qarşısının alınması məqsədilə Dövlət İmtahan Mərkəzi tərəfindən ümumi müsahibə üzrə sənəd qəbulu yalnız elektron qaydada həyata keçirilib.xeber100.com

X respublika müsabiqəsinin bağlanış mərasimi keçiriləcək

Martın 2-də “Sabahın alimləri” X respublika müsabiqəsinin bağlanış mərasimi keçiriləcək.Təhsil Nazirliyindən Azərtac-a bildirilib ki, müsabiqədə 14 şəhər və rayonun ümumtəhsil məktəblərində təhsil alan 208 şagird 123 elmi layihə ilə iştirak etmək hüququ qazanıb. Bu layihələrdən 37-si fərdi, 86-sı isə kollektiv layihədir. Şagirdlər müsabiqəyə riyaziyyat üzrə 14, fizika, astronomiya üzrə 16, kimya üzrə 8, biologiya üzrə 16, tibb və sağlamlıq üzrə 12, ekologiya, ətraf mühitin idarə olunması üzrə 20, kompüter elmləri üzrə 10, mühəndislik üzrə 17 layihə ilə qatılıblar.Layihələri qiymətləndirmək məqsədilə alimlərdən ibarət münsiflər heyəti yaradılıb. Beynəlxalq Elm və Mühəndislik Sərgisində ölkəmizi təmsil etmək üçün 7 layihə seçiləcək.Qeyd edək ki, müsabiqə Təhsil Nazirliyi, Heydər Əliyev Mərkəzi, Azərbaycan Milli Elmlər Akademiyası, Gənclər və İdman Nazirliyi, Azərbaycan Təhsil İşçiləri Azad Həmkarlar İttifaqı Respublika Komitəsinin təşkilatçılığı ilə keçirilir.Müsabiqənin məqsədi IX-XI sinif şagirdlərinin elmi axtarışlara sövq edilməsi, onların elmi və yaradıcılıq fəaliyyətinin stimullaşdırılması, elmi-tədqiqat işinə meyli olan istedadlı şagirdlərin aşkar edilməsi, həmçinin yüksək elmi-tədqiqat nəticələri əldə etmiş Azərbaycan məktəblilərinin seçilib ABŞ-da keçirilən Beynəlxalq Elm və Mühəndislik Sərgisinə göndərilməsidir.xeber100.com