Bakı Şəhəri üzrə Təhsil İdarəsinin məlumatı əsasında…

Bakı Şəhəri üzrə Təhsil İdarəsi (BŞTİ) tərəfindən “Virtual məktəbdə bir gün” layihəsi çərçivəsində distant dərslərin izlənilməsinə başlanılıb. İlk gün Bakı şəhərindəki 19, 49, 53, 67, 114, 182, 212, 220, 236, 245, 288 və 322 nömrəli tam orta məktəblər üzrə distant dərslər BŞTİ rəhbərliyi və idarənin əməkdaşları tərəfindən müşahidə olunub.Bu barədə Azərtac-a Təhsil İdarəsindən məlumat verilib. Bildirilib ki, layihənin əsas məqsədi mövcud epidemioloji vəziyyətlə əlaqədar ümumi təhsil müəssisələrində tədrisin davam etdirilməsi üçün səmərəli vasitə olan distant təhsil üzrə monitorinqlər aparmaq, pandemiya dövründə tədris və təlim-tərbiyə prosesinin təşkili vəziyyətini müşahidə etmək və dəyərləndirmək, müəllim və şagirdləri daha da ruhlandırmaqdan ibarətdir.Sonra “Virtual məktəb” platformasında tədris və təlim-tərbiyə prosesinin təşkilinin daha da təkmilləşdirilməsi, distant təhsilə cəlbolunma səviyyəsinin təhlili istiqamətində müəllim və məktəb rəhbərlərinin iştirakı ilə müzakirələrin aparılması nəzərdə tutulur.Distant tədris prosesinin səmərəliliyini artırmaq məqsədilə layihə çərçivəsində dərs müşahidələrinin davamlı təşkili qərara alınıb.xeber100.com

“College of Europe” magistratura səviyyəsi üzrə təqaüd proqramı elan edib

Belçikanın “College of Europe” ali təhsil müəssisəsi 2021-2022-ci tədris ilində magistratura səviyyəsi üzrə təqaüd proqramı elan edib.Təhsil Nazirliyindən Azərtac-a bildirilib ki, proqram üzrə təhsil müddəti 1 ildir. Təqaüd proqramı ilə maraqlananlar yanvarın 13-dək müraciət edə bilərlər.xeber100.com

2021-2022-ci tədris ili üçün təqaüd proqramına sənəd qəbulu davam edir

Macarıstanda 2021-2022-ci tədris ili üçün təqaüd proqramına sənəd qəbulu davam edir.Təhsil Nazirliyindən Azərtac-a bildirilib ki, təqaüd proqramı Macarıstan İnsan Resursları Nazirliyi ilə 2017-ci il dekabrın 7-də imzalanmış “2018-2020-ci illər üzrə iş proqramı”na əsasən həyata keçirilir. Proqram Azərbaycan vətəndaşlarına müəyyən olunmuş ixtisaslar üzrə Macarıstanda təqaüd hesabına təhsil almaq imkanı yaradır.Proqram çərçivəsində Macarıstan tərəfindən hər il 200 nəfər Azərbaycan vətəndaşı üçün təqaüd ayrılacağı nəzərdə tutulub.Təqaüd proqramına sənəd qəbulu yanvarın 15-i saat 23:59-dək aparılacaq. Tələbələrin təqaüd proqramına qəbulu ilə bağlı Macarıstan tərəfinin yekun qərarının 2021-ci ilin iyun-iyul ayları ərzində təqdim olunması gözlənilir. Təqaüd proqramı çərçivəsində əlavə məlumatlar Təhsil Nazirliyinin saytında yerləşdirilən elanda verilib.xeber100.com

Dövlət imtahan Mərkəzi tərəfindən onlayn sınaq imtahanları keçirilir

Dövlət imtahan Mərkəzi (DİM) tərəfindən müxtəlif növ onlayn sınaq imtahanları keçirilir.DİM-dən Azərtac-a bildirilib ki, istifadəçilər portalda fənlər və siniflərin hər bir mövzusu üzrə sınaq imtahanları vermək imkanına da malikdirlər. Bu onlayn test bankında ümumilikdə 28535 test tapşırığı toplanıb.Abituriyentlər (şagirdlər) bütün fənlər üzrə 5-11-ci sinif dərsliklərinin (Azərbaycan dili və riyaziyyat fənni üzrə isə 4-11-ci siniflər) mündəricatında olan hər bir mövzu üzrə sınaq imtahanından (hər imtahanda 10 test tapşırığı olmaqla) və həmin sinif üzrə 5 qiymətləndirmə sınağından (hər imtahanda 20 test tapşırığı olmaqla) istifadə etməklə hazırlıq səviyyələrini yoxlaya bilərlər.İmtahana yazıldığınız fənnin materialları 1 il aktiv olur. Bu müddət ərzində siz tapşırıqlara, öz cavablarınıza və tapşırıqların düzgün cavablarına baxa bilərsiniz.Portalda qeydiyyat, ödəniş və imtahanlara yazılmaqla bağlı təlimatlarla otk.az portalında “Təlimatlar” bölməsində tanış olmaq mümkündür.xeber100.com

Dövlət İmtahan Mərkəzinin məlumatı əsasında…

Dövlət İmtahan Mərkəzində (DİM) Pearson VUE (Virtual University Enterprises) tərəfindən təqdim olunan və informasiya texnologiyaları sahələrinə aid olan beynəlxalq imtahanlar təşkil olunub.DİM-dən Azərtac-a bildirilib ki, ümumilikdə imtahanlarda 4 nəfər iştirak edib. Keyfiyyətin və təhlükəsizliyin təmin edilməsi məqsədilə imtahanların keçirilməsinə dair bütün prosedurlara, həmçinin müvafiq sanitar-gigiyena qaydalarına riayət olunub.Müxtəlif ixtisas sahələri, həmçinin ingilis dili üzrə imtahanların vaxtı ilə Mərkəzin saytında tanış olmaq mümkündür.xeber100.com

Təhsil Nazirliyi: Doktorantura təhsili almaq istəyənlər üçün sənəd qəbulu aparılır

Təhsil Nazirliyinin nəzdində fəaliyyət göstərən Dövlət Proqramını İdarəetmə Qrupu tərəfindən “2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı” çərçivəsində nüfuzlu xarici ali təhsil müəssisələrində doktorantura səviyyəsi üzrə təhsil almaq istəyənlər üçün sənəd qəbulu aparılır.Nazirlikdən Azərtac-a bildirilib ki, sənəd qəbulu dekabrın 25-i saat 23:59-dək davam edəcək. Proqram xaricdə prioritet ixtisas istiqamətləri və ixtisasları üzrə doktoranturaya qəbul olmağa hazırlaşan və hazırda müvafiq sahələr üzrə doktorantura səviyyəsində təhsil alan namizədlər üçün nəzərdə tutulur. Proqram iştirakçılarının təhsilinin maliyyələşdirilməsi Dövlət Proqramının İdarəetmə Qrupu tərəfindən idarə olunur.Sənəd qəbuluna dair digər məlumat və şərtlərlə nazirliyin saytında yerləşdirilmiş elan vasitəsilə tanış olmaq mümkündür. Əlavə suallar olduqda maraqlanan namizədlər e-poçt vasitəsilə [email protected] ünvanına müraciət edə bilərlər.xeber100.com

2021-2022-ci tədris ilində magistratura səviyyəsi üzrə təqaüd proqramı elan edilir

Belçikanın “College of Europe” ali təhsil müəssisəsi 2021-2022-ci tədris ilində magistratura səviyyəsi üzrə təqaüd proqramı elan edir.Təhsil Nazirliyindən Azərtac-a bildirilib ki, proqram üzrə təhsil müddəti 1 ildir. Təqaüd proqramı ilə maraqlananlar 2021-ci il yanvarın 13-dək müraciət edə bilərlər.xeber100.com

İtaliya-Azərbaycan Universiteti iki ölkə arasındakı əlaqələrə xüsusi töhfə verəcəkdir

Bizim humanitar sahə ilə bağlı da böyük planlarımız var və artıq bir çox reallaşan layihələrimiz var. İtaliyaya dövlət səfərim çərçivəsində, eyni zamanda, təhsil sahəsində əməkdaşlıq müzakirə olundu. İtaliya-Azərbaycan Universitetinin yaradılması ilə bağlı razılığa gəlmişik. Bakıya qayıdandan sonra mənim tərəfimdən bu məsələ ilə bağlı müvafiq göstərişlər verilmişdir. Hesab edirəm ki, yaxın gələcəkdə universitet üçün bina da inşa ediləcək.Azərtac xəbər verir ki, bunu Azərbaycan Respublikasının Prezidenti İlham Əliyev dekabrın 7-də İtaliya Deputatlar Palatasının sədr müavini Ettore Rosatonun başçılıq etdiyi nümayəndə heyətini qəbul edərkən deyib.“Mən bu məsələni diqqətimdə saxlayıram və mənə müntəzəm olaraq bu məsələ ilə bağlı məlumatlar verilir. Onu da bildirməliyəm ki, mənə verilən məlumat əsasında orada bir neçə fakültə fəaliyyət göstərəcək. O siyahıya baxanda gördüm ki, orada memarlıq fakültəsi yoxdur və təklif etdim ki, bu da əlavə olunsun. Çünki İtaliya memarlığı ümumbəşəri dəyərdir və ölkəmizdə geniş vüsət almış tikinti sektorunun əlbəttə ki, müasir görkəmi olmalıdır. Əlbəttə, İtaliya-Azərbaycan Universitetində təhsil alacaq gənclər iki ölkə arasındakı əlaqələrə xüsusi töhfə verəcəklər”, – deyə dövlətimizin başçısı bildirib.xeber100.com

Təhsil Nazirliyinin məlumatı əsasında…

Sosial həssas ailə qrupuna aid olan 13 min 862 tələbənin təhsil haqqı xərcləri dövlət tərəfindən ödənilib.Bu barədə Azərtac-a Təhsil Nazirliyindən məlumat verilib. Bildirilib ki, son iki ay ərzində 2020-2021-ci tədris ili üçün təhsil haqqı xərclərinin dövlət tərəfindən ödənilməsi məqsədilə sosial həssas əhali qrupuna aid olunan 23 min 236 tələbə “e-telebe.edu.az” portalına müraciət edib. Onlardan 13 min 862 nəfərin ödənişi ali təhsil müəssisələrinə artıq ödənilib, 1384 nəfərin müraciəti üzrə isə hazırda müvafiq ali təhsil müəssisələri ilə birgə iş aparılır.xeber100.com

“Qarabağın məşhur müəllimləri” layihəsi davam edir

Təhsil Nazirliyinin “Qarabağın məşhur müəllimləri” layihəsi davam edir.Nazirlikdən Azərtac-a bildirilib ki, layihənin növbəti tarixi siması Nəcəf bəy Vəzirovdur. O, 1854-cü ildə Şuşa şəhərində anadan olub. Ədibin maarifçilik ideyalarına xidmət edən zəngin yaradıcılığı milli dramaturgiyamızın inkişafında mühüm yer tutur.Nəcəf bəy bir müddət Bakı Şəhər Maarif Şöbəsi rəisinin müavini işləyib və müəllimi Həsən bəy Zərdabi ilə birlikdə doğma xalqının maariflənməsi üçün yeni məktəblərin, müxtəlif tərbiyə ocaqlarının açılmasında yaxından iştirak edib. O, Bakıda Kənd Təsərrüfatı Texnikumunda müəllimlik edib.Əsərlərinin qonorarını xeyriyyə cəmiyyətlərinə köçürən Nəcəf bəy deyirdi: “Bu mənim prinsipimdir. Hələ vicdanımı itirməmişəm ki, xalqımın maariflənməsinə kömək edən yazılarımdan qazanc götürəm”.Xatırladaq ki, “Qarabağın məşhur müəllimləri” layihəsi çərçivəsində Qarabağda doğulmuş və pedaqoji fəaliyyətlə məşğul olmuş tanınmış şəxslər barədə məlumatlar təqdim olunur. Layihənin məqsədi müzəffər Azərbaycan Ordusunun qələbə xəbərlərinə sevindiyimiz bu günlərdə Qarabağın məşhur müəllimlərini yad etməkdir.xeber100.com