Dövlət İmtahan Mərkəzi: Qabiliyyət imtahanları keçiriləcək

Bu gündən etibarən ali təhsil müəssisələrinin xüsusi qabiliyyət tələb edən ixtisaslarına (XQTİ) qəbul olmaq üçün qabiliyyət imtahanları keçiriləcək.Dövlət İmtahan Mərkəzindən Azərtac-a bildirilib ki, ali təhsil müəssisələrinin 21 xüsusi qabiliyyət tələb edən ixtisasına qəbul üçün qabiliyyət imtahanları mərkəzləşdirilmiş qaydada təşkil olunacaq.İmtahanlar Bakı və Naxçıvan şəhərlərində 8 binada keçiriləcək. Xüsusi qabiliyyət imtahanları təsviri sənət, musiqi sənəti, teatr, kino və xoreoqrafiya sənəti və memarlıq istiqamətləri üzrə keçiriləcək.Abituriyentlərin (subbakalavrların) tapşırıqlarını qiymətləndirmək üçün 34 Qabiliyyət İmtahanı Komissiyası (QİK) təşkil ediləcək. QİK-lərə müvafiq ixtisaslar üzrə mütəxəssis hazırlığını həyata keçirən ali təhsil müəssisələrinin mütəxəssisləri, yaradıcılıq ittifaqlarının üzvləri, Azərbaycan Respublikası Mədəniyyət Nazirliyinin müvafiq strukturlarının, digər təşkilat, komitə və birliklərin nümayəndələri və DİM-in əməkdaşları daxil edilirlər.Avqustun 24-dən başlayaraq abituriyentlər (subbakalavrlar) bəzi komissiyalar üzrə qabiliyyət imtahanına buraxılış vərəqələrini çap edə bilirlər. Digər komissiyalar üzrə buraxılış vərəqələri avqustun 28-dən başlayaraq Mərkəzin saytına yerləşdiriləcək.Musiqi sənəti və teatr, kino və xoreoqrafiya sənəti istiqamətləri üzrə xüsusi qabiliyyət imtahanlarında iştirak edən abituriyentlər buraxılış vərəqələrini çap edərkən ixtisaslarına uyğun proqram formalarını da çap etməlidirlər. Abituriyent ifa edəcəyi proqramı həmin formaya yazmalı və qabiliyyət imtahanına gələrkən komissiyaya təqdim etməlidir.53-cü komissiyanı (xoreoqrafiya sənəti) seçən abituriyentlər (subbakalavrlar) qabiliyyət imtahanına gələrkən komissiyaya çəkisi, boyu, onurğa sütunu, ürəyi, ağciyərləri, görmə qabiliyyəti haqqında tibbi arayış təqdim etməli və özləri ilə rəqs paltarı gətirməlidirlər.xeber100.com

Dövlət İmtahan Mərkəzinin məlumatı əsasında…

Dövlət İmtahan Mərkəzi (DİM) avqustun 27-də inzibati dövlət qulluğu vəzifələrinin B növünə (inzibati icraçı vəzifələr) aid olan vəzifələr üzrə test imtahanı təşkil edəcək.Azərtac DİM-in bu günə olan göstəricilərinə əsasən xəbər verir ki, test imtahanında iştirak etmək üçün 125 nəfər (BA - 49, BB - 76) qeydiyyatdan keçib. İmtahanda iştirak etmək üçün qeydiyyat avqustun 26-sı saat 17:00-dək aparılacaq.Qeyd edək ki, imtahan kompüter vasitəsilə Bakı şəhəri, Nəsimi rayonu, Əbdülvahab Salamzadə küçəsi, 28 (keçmiş Bakı Asiya Universitetinin binası) ünvanında keçiriləcək.xeber100.com

Bakı Şəhəri üzrə Təhsil İdarəsinin məlumatı

Bakı Şəhəri üzrə Təhsil İdarəsinin (BŞTİ) tabeliyindəki liseylərin V siniflərinə qəbulla bağlı müsabiqə keçirilib.BŞTİ-dən Azərtac-a bildirilib ki, mərkəzləşdirilmiş qaydada keçirilən müsabiqədə şagirdlər ana dili, riyaziyyat və məntiqə aid 45 sualdan ibarət test tapşırığını yerinə yetiriblər. V sinfə qəbul üzrə müsabiqədə sualların cavablandırılması üçün şagirdlərə 90 dəqiqə vaxt verilib.Qeyd edək ki, Texniki-Humanitar Lisey, 2 nömrəli Texniki-Humanitar Lisey, 147 nömrəli Texniki-Humanitar Lisey və 291 nömrəli Ekologiya Liseyinin V siniflərinə qəbul üçün müsabiqədə 634 nəfər iştirak edib.Şagirdlərin nəticələri gələn həftə valideynin qeydiyyatdan keçdiyi mobil nömrəyə SMS vasitəsilə göndəriləcək. Eyni zamanda, cavabları müvafiq liseylərdən də öyrənmək mümkündür.xeber100.com

Bakı Dövlət Universitetində tədris onlayn təşkil edilib

COVID-19 pandemiyası ilə əlaqədar olaraq 2019/2020-ci dərs ilinin ikinci semestrində Bakı Dövlət Universitetində (BDU) tədris onlayn təşkil edilib. BDU ailəsi bu sınaqdan da üzüağ çıxıb. Universitetin tələbələri onlayn imtahan sessiyasını uğurla başa vurublar.BDU-dan Azərtac-a bildirilib ki, ali təhsil ocağından bu il 5741 tələbə məzun olub. Universitet hər il öz məzunları ilə möhtəşəm “Məzun Günü” tədbiri ilə vidalaşsa da, bu il xüsusi karantin rejimi şəraitində növbəti böyük tədbiri təşkil etmək mümkün olmayıb. Bu səbəbdən də BDU “Məzun-2020” videotəbrikini təqdim edib. Videotəbrik BDU TV-də hazırlanıb.xeber100.com

İqtisad Universitetində sənəd qəbulu davam edir

Azərbaycan Dövlət İqtisad Universitetində (UNEC) 2020/2021-ci tədris ili üçün təhsilin bütün pillələri üzrə əcnəbilərin sənəd qəbulu davam edir.UNEC-dən Azərtac-a bildirilib ki, universitetdə əcnəbi vətəndaşlar üçün bakalavr üzrə 22 ixtisasa, magistratura üzrə 56 və MBA proqramı üzrə 20 ixtisaslaşmaya, eləcə də doktoranturaya qəbul həyata keçirilir. Əcnəbilər üçün hazırlıq kursları da təşkil olunur.Tələbələrin seçimindən asılı olaraq, tədris Azərbaycan, ingilis, türk və rus dillərində aparılır.Əcnəbilərin sənəd qəbulu elektron formada həyata keçirilir. Qaydalara əsasən, əcnəbilər tədris pilləsi, ixtisas və tədris dili üzrə seçimini edərək, tələb olunan sənədləri elektron formada təqdim edirlər. Müvafiq tələblərə cavab verən namizədlər UNEC-də təhsil almaq hüququ qazanırlar.Sənəd qəbulu avqustun 31-dək davam edəcək.xeber100.com

Müəllimlərin işə qəbulu imtahanları keçirilir

Avqustun 20-də Azərbaycan dili və ədəbiyyat, musiqi fənləri üzrə müəllimlərin işə qəbulu imtahanları keçirilir.Təhsil Nazirliyindən Azərtac-a bildiriblər ki, imtahanlarda 2 min 282 namizədin iştirakı nəzərdə tutulub.Test imtahanları Bakı, Gəncə, Sumqayıt, Lənkəran, Masallı, Şirvan, Kürdəmir, Ağdaş, Mingəçevir, Bərdə, Ağcabədi, Quba, Şamaxı, Balakən, İsmayıllı, Ağstafa və Tovuz daxil olmaqla ümumilikdə 17 regionda təşkil edilən 32 mərkəzdə keçirilir. Namizədlərə 90 dəqiqə müddətində ixtisasa dair 40, təlim strategiyaları və metodikaya dair 20 test tapşırığı olmaqla ümumilikdə 60 sual təqdim edilir.xeber100.com

Avropa İttifaqının Təlim Mərkəzi qurulacaq

Avropa İttifaqının “Azərbaycanda ekoloji xarakterli fövqəladə hallar üzrə 3-cü dövr yeni magistratura səviyyəsini dəstəkləyən innovativ təlim mərkəzi” (ITACA) Bakı Ali Neft Məktəbində (BANM) qurulacaq. ITACA qrant layihəsi çərçivəsində tərəfdaş universitetlər arasından bütün meyarlara uyğun gəldiyi üçün təşkilatçılar tərəfindən İnnovativ Təlim Mərkəzinin BANM-də yaradılmasına qərar verilib.Bu barədə Azərtac-a Bakı Ali Neft Məktəbindən məlumat verilib. Bildirilib ki, Təlim Mərkəzi sənaye ilə akademik qurumlar arasındakı əməkdaşlıq vasitəsilə magistraturadan sonra birillik kursların layihəsini hazırlayıb inkişaf etdirəcək.Azərbaycanda mövcud ali təhsil sistemində PhD kurslarından fərqli olan magistraturadan sonrakı dövrü əhatə edən birillik tədris mövcud deyil, halbuki Avropa İttifaqında, xüsusilə ekologiya və ətraf mühit elmləri, mühəndislik sahəsində bu cür təhsilin uğurlu olduğu sübut edilib. Universitetlər və sənaye sahələri arasında körpü rolu oynayan bu yeni təhsil növü tədrisin keyfiyyətinə, ölkədə ekoloji vəziyyətin yaxşılaşdırılması istiqamətində yaranan problemlərin həllinə kömək edə bilər. Mərkəzdə Avropa universitetlərinin təcrübəsinə əsaslanaraq yerli ali təhsil sisteminin modernləşməsinə imkan verən innovativ tədris metodologiyası, ətraf mühitin bərpası və tullantıların idarə olunması sahəsində yeni qabaqcıl texnologiyalar tətbiq ediləcək.Qeyd edilib ki, ITACA layihəsi Xəzər dənizinin neft çıxarılan regionlarında durğun suların reabilitasiyası ilə məşğul olan xüsusi ixtisaslaşmış magistr kadrlarının hazırlanması, eyni zamanda, bu sahədə analiz aparan və çirkabların təmizlənməsi texnologiyası ilə məşğul olan yeni Təlim Mərkəzinin yaradılmasını nəzərdə tutur.xeber100.com    

Təhsil Nazirliyinin məlumatı əsasında…

Avqustun 18-də Azərbaycan dili və ədəbiyyat, təsviri incəsənət fənləri üzrə müəllimlərin işə qəbulu imtahanları keçirilir. İmtahanlarda 3523 namizədin iştirakı nəzərdə tutulub.Bu barədə Azərtac-a Təhsil Nazirliyindən məlumat verilib. Bildirilib ki, imtahanlar təxminən 18 gün davam edəcək. Test imtahanları Bakı, Gəncə, Sumqayıt, Lənkəran, Masallı, Şirvan, Kürdəmir, Ağdaş, Mingəçevir, Bərdə, Ağcabədi, Quba, Şamaxı, Balakən, İsmayıllı, Ağstafa və Tovuz daxil olmaqla ümumilikdə 17 regionda təşkil edilən 32 mərkəzdə keçirilir. Namizədlərə 90 dəqiqə müddətində ixtisasa dair 40, təlim strategiyaları və metodikaya dair 20 test tapşırığı olmaqla ümumilikdə 60 sual təqdim edilir.Qeyd edək ki, müsabiqədə iştirak etmək üçün 53 min 880 namizəd elektron qeydiyyatdan keçib, onlardan 51 min 227 namizəd elektron ərizəsini təsdiq edib. Elektron ərizələr yoxlanıldıqdan sonra 46 min 252 namizədin ərizəsi qəbul edilib. Müsabiqənin test mərhələsində 46 min 228 namizəd iştirak hüququ qazanıb.xeber100.com

Avqustun 20-21-də qəbul imtahanları keçiriləcək

Dövlət İmtahan Mərkəzi (DİM) tərəfindən avqustun 20-21-də qəbul imtahanları keçiriləcək.Bu barədə Azərtac-a DİM-dən məlumat verilib. Bildirilib ki, bunun üçün həmin şəhər və rayonlarda ümumilikdə 160 imtahan binası, 2838 imtahan zalı ayrılıb.Avqustun 20-21-də imtahan keçiriləcək rayon və şəhərlər, imtahanda iştirak etməli olan şəxslər və imtahanların növləri ilə DİM-in rəsmi saytındakı qrafikdə tanış olmaq mümkündür.xeber100.com

Dövlət İmtahan Mərkəzinin məlumatı əsasında…

Bu gün 18 min 102 nəfər abituriyent qəbul imtahanı verəcək.Dövlət İmtahan Mərkəzindən Azərtac-a bildirilib ki, imtahanlar saat 11:00-da başlanacaq. Saat 10:45-də buraxılış rejimi başa çatacaq. Bundan sonra gələn iştirakçılar imtahan binasına buraxılmayacaq.Kütləviliyin və təmas hallarının qarşısının alınması məqsədilə imtahan iştirakçıları üçün imtahan binasına müxtəlif daxilolma vaxtları müəyyən edilib və buraxılış vərəqəsində həmin vaxt göstərilib. Ona görə də imtahan binasına buraxılış vərəqəsində qeyd olunan vaxtda gəlmək tövsiyə olunur.İştirakçılar imtahana tibbi maska ilə gəlməli və onlardan düzgün (burun, ağız və çənə nahiyəsini tam örtməklə) istifadə etməlidirlər. Maskanı çıxarmaq qadağandır və bütün proses (buraxılış rejimi, imtahan müddəti, imtahan binasının tərk edilməsi) ərzində istifadə olunmalıdır.xeber100.com