Təhsil Nazirliyinin məlumatı əsasında…

Avqustun 12-də Təhsil naziri Emin Əmrullayev Türkiyənin ölkəmizdəki səfiri Erkan Özoral ilə görüşüb.Təhsil Nazirliyindən Azərtac-a bildirilib ki, görüşdə Azərbaycan Respublikası ilə Türkiyə Respublikası arasında təhsil sahəsində əlaqələrin cari vəziyyəti və əməkdaşlıq perspektivləri müzakirə edilib.xeber100.com

ADA Universitetinə abituriyent qəbulu davam edir

ADA Universitetinə 2020/2021-ci tədris ili üçün bakalavr təhsili üzrə abituriyent qəbulu davam edir.Universitetdən Azərtac-a bildirilib ki, avqustun 10-17-sində saat 16-da abituriyentlərin və valideynlərin qəbul şərtləri, ixtisas seçimi və ADA təhsili ilə bağlı sualları onlayn formatda cavablandırılacaq.Onlayn görüşdə ADA Universitetinin dekanları, professor-müəllim heyəti iştirak edəcək.xeber100.com

Dövlət qulluğu üzrə elan olunmuş müsahibə davam edir

Ümumilikdə 35 dövlət orqanında 623 vakant vəzifənin (B növü üzrə) tutulması üçün Dövlət İmtahan Mərkəzi (DİM) tərəfindən yanvarın 13-də elan olunmuş müsabiqə üzrə müsahibə davam edir.Azərtac DİM-in avqustun 8-i saat 12:20-yə olan göstəricilərinə əsasən xəbər verir ki, müsahibədə indiyədək 92 nəfər uğur qazanıb. Onlardan 22-si Kənd Təsərrüfatı Nazirliyində, 21-i Əmək və Əhalinin Sosial Müdafiəsi Nazirliyində, 21-i Dövlət Statistika Komitəsində, 10-u Energetika Nazirliyində, 9-u Bakı Ağır Cinayətlər Məhkəməsində, 7-si Bakı şəhəri Səbail Rayon Məhkəməsində, 2 nəfər isə Qəbələ Rayon Məhkəməsində müxtəlif vəzifələrə uyğun bilinib.Xatırladaq ki, müsahibədə iştirak etmək üçün 2709 nəfər sənəd verib. Müsahibə oktyabrın 7-də başa çatacaq.xeber100.com

Azərbaycan Dövlət İqtisad Universitetinin məlumatı əsasında…

Azərbaycan Dövlət İqtisad Universitetində (UNEC) bu ildən yeni tədris korpusu istifadəyə veriləcək.UNEC-dən Azərtac-a bildirilib ki, müasir kampus standartlarına cavab verən, modern memarlıq elementləri ilə zəngin olan yeni tədris binasında 3 min tələbə təhsil ala biləcək. Yeni tədris binasında 30 auditoriya, 6 mühazirə otağı, ən müasir texnologiya ilə təchiz olunan 12 laboratoriya, 6 linqafon otağı, yeməkxana, idman zalı, kitabxana, böyük və kiçik konfrans zalları olacaq.

Rezidenturaya qəbul imtahanının birinci mərhələsi keçiriləcək

Dövlət İmtahan Mərkəzi (DİM) avqustun 5-də rezidenturaya qəbul imtahanının birinci mərhələsini keçirəcək.DİM-dən Azərtac-a bildirilib ki, rezidenturaya qəbul imtahanı Bakı şəhərində 6 binada, Naxçıvan şəhərində isə 1 binada təşkil olunacaq. Namizəd imtahana gələrkən şəxsiyyətini təsdiq edən sənədin əslini, “İmtahana buraxılış vərəqəsi”ni və “İmtahan iştirakçısının sağlamlığı haqqında bəyannamə”ni mütləq gətirməlidir. Göstərilən sənədlərdən hər hansı biri olmazsa və ya sənədlər arasında uyğunsuzluq olarsa, namizəd imtahana buraxılmayacaq. “İmtahan iştirakçısının sağlamlığı haqqında bəyannamə” namizədin özü tərəfindən imzalanır. Bəyannamə zal nəzarətçisinə təhvil verildiyi üçün ayrıca vərəqdə çap olunmalıdır.İmtahan keçiriləcək tarixlərdə sərtləşdirilmiş karantin rejimi tətbiq olunarsa, imtahan iştirakçıları haqqında məlumat bazası aidiyyəti qurumlara təqdim ediləcək, imtahan iştirakçılarının imtahan binasına gəlib və imtahandan sonra qayıtmasına icazə veriləcək.Xatırladaq ki, avqustun 5-də keçiriləcək rezidenturaya qəbul imtahanının birinci mərhələsində iştirak etmək üçün 1525 namizəd ərizə verib.xeber100.com

2020/2021-ci tədris ili üçün abituriyent qəbulu davam edir

Azərbaycan Dövlət İqtisad Universitetinin (UNEC) Dərbənd filialına 2020/2021-ci tədris ili üçün bakalavr təhsili üzrə abituriyent qəbulu davam edir.UNEC-dən Azərtac-a bildirilib ki, qəbul maliyyə və kredit, mühasibat uçotu, təhlil və audit, dünya iqtisadiyyatı, ümumi iqtisadiyyat ixtisaslarına əyani və qiyabi təhsil forması üzrə onlayn keçirilir.Plan yerlərinə qəbul büdcə hesabına və müqavilə ilə ödənişli əsaslarla həyata keçirilir. Təhsil müddəti əyani forma üzrə 4 il, qiyabi forma üzrə 5 ildir.Rusiya Federasiyasının vətəndaşları bu ölkənin mövcud qanunvericiliyinə uyğun olaraq vahid dövlət imtahanı əsasında qəbul edilir.Azərbaycan Respublikasının vətəndaşları üçün riyaziyyat, Azərbaycan və ya rus dili, coğrafiya fənləri üzrə qəbul sınaq imtahanları keçirilir.Qəbul barədə ətraflı məlumatı UNEC-in rəsmi saytından və UNEC Dərbənd filialının rəsmi saytından əldə etmək mümkündür.xeber100.com

Dövlət İmtahan Mərkəzi tərəfindən test imtahanı keçiriləcək

Dövlət İmtahan Mərkəzi tərəfindən avqustun 3-də dövlət qulluğunda inzibati vəzifələrin A növünə (inzibati rəhbər vəzifələr) aid olan AA, AB və AC qruplarına uyğun vəzifələr üzrə dövlət qulluğuna qəbul üçün test imtahanı keçiriləcək.DİM-dən Azərtac-a bildirilib ki, bu imtahanda martın 15-də keçirilməsi nəzərdə tutulan, lakin pandemiyaya görə təxirə salınan test imtahanında iştirak etmək üçün qeydiyyatdan keçmiş namizədlər (76 nəfər), həmçinin iyulun 21-dən 30-dək imtahana yazılan 21 nəfər də iştirak edəcək.İmtahan saat 10:00-da başlayacaq və 3 saat davam edəcək. Namizədlər imtahanı Mərkəzin Nəsimi rayonu, Abdulvahab Salamzadə küçəsi, 28 ünvanında yerləşən binasında xüsusi ayrılmış zallarda kompüter vasitəsilə elektron formada verəcəklər.İmtahanda iştirak etmək üçün AA qrupu üzrə 5, AB qrupu üzrə 23, AC qrupu üzrə 69 olmaqla, ümumilikdə 97 namizəd qeydiyyatdan keçib.İmtahan keçirilən gün sərtləşdirilmiş karantin rejimi tətbiq olunduğu üçün imtahan iştirakçıları haqqında məlumat bazası aidiyyəti qurumlara təqdim ediləcək, namizədlərin imtahan binasına gəlib və imtahandan sonra qayıtmasına icazə veriləcək. Namizədlər imtahana tibbi maska ilə gəlməli və şəxsiyyəti təsdiq edən sənədin əslini təqdim etməlidirlər.COVID-19 infeksiya ilə əlaqədar ehtiyat tədbirləri çərçivəsində görülən işlərə uyğun olaraq imtahan binasına daxil olan namizədlərin məsafədən ölçə bilən elektron termometrlə bədən hərarətləri yoxlanılacaq, zəruri dezinfeksiyaedici vasitələrdən istifadə olunacaq. İmtahan zalında namizədlərin bir-birindən lazımi uzaq məsafədə əyləşdirilməsi təmin olunacaq.xeber100.com

Növbəti buraxılış (qəbul) imtahanları keçirilib

İyulun 30-da 10 şəhər və rayonda növbəti buraxılış (qəbul) imtahanları keçirilib.Dövlət İmtahan Mərkəzindən (DİM) Azərtac-a bildirilib ki, pandemiya şəraitinin tələblərinə əsasən iştirakçıların yalnız tibbi maska ilə imtahan binasına daxil olmasına icazə verilib. Buraxılış rejimi yeni qaydalara uyğun şəkildə tənzimlənib, imtahan heyəti müvafiq qoruyucu vasitələrlə (xüsusi geyim, əlcək, üz sipəri, tibbi maska) təmin olunub.İmtahanların təşkil edilməsi üçün ümumilikdə 64 imtahan binası, 1107 imtahan zalı ayrılıb. İmtahanların idarə olunmasına 64 ümumi imtahan rəhbəri, 179 imtahan rəhbəri, 1443 nəzarətçi–müəllim, 128 buraxılışı təşkil edən əməkdaş, 71 bina nümayəndəsi cəlb edilib.Bu gün keçirilən imtahanlarda 14255 şagirdin (abituriyentin) iştirakı nəzərdə tutulurdu.Kütləviliyin və təmas hallarının qarşısının alınması məqsədilə imtahan iştirakçıları üçün imtahan binasına müxtəlif daxilolma vaxtları müəyyən edilib. İmtahan keçirilən binaların qarşısında sırada gözləmək üçün nişanlayıcı xətlər çəkilib. İmtahan binasına buraxılış rejiminin növbə ilə – lazımi sosial məsafəni gözləməklə təşkil edilməsinə nail olunub. İmtahan binasına daxil olan iştirakçıların məsafədən ölçə bilən elektron termometrlə bədən hərarətləri yoxlanılıb, zəruri dezinfeksiyaedici vasitələrdən istifadə olunub.İlkin məlumatlara əsasən, bir nəfərin bədən hərarəti yüksək olduğu üçün binada olan təcili tibbi yardım üzrə həkimin rəyinə uyğun olaraq imtahana buraxılmayıb. İki nəfərdə isə mobil telefon aşkarlandığı üçün imtahandan xaric olunub.İmtahan prosesinin idarə olunması üçün DİM-də operativ qərargah fəaliyyət göstərib, müntəzəm olaraq imtahanın keçirildiyi binalarla əlaqə saxlanılıb və imtahanın gedişi nəzarətdə olub.xeber100.com    

Azərbaycan Turizm və Menecment Universiteti müsabiqə elan edib

Azərbaycan Turizm və Menecment Universiteti 2020-2021-ci tədris ili üçün Turizm və qonaqpərvərlik fakültəsinin müvafiq ixtisasları üzrə müxtəlif fənlərin tədrisini aparmaq məqsədilə akademik heyətin işə qəbul müsabiqəsini elan edir.Universitetdən Azərtac-a bildirilib ki, müsabiqə üç mərhələdən - sənədlərin qəbulu, müsahibə və sınaq dərslərinin keçirilməsindən ibarət olacaq. Namizədlərə aid tələblər: - Fənn blokuna uyğun elmi dərəcəsi (magistr, fəlsəfə və elmlər doktoru); - Müasir tədris standartlarına uyğun sillabus və fənn materiallarını hazırlama bacarıqları; -Tələbəyönümlü tədris metodikası; - Kompüter biliyi: Ofis proqramlarında (xüsusilə, Microsoft Word, Excel və Power Point) sərbəst işləmək bacarığı. Tələb olunan sənədlər: - Doldurulmuş müraciət və sillabus formaları; - Şəxsiyyət vəsiqəsinin elektron surəti; - Diplom(lar) və ona əlavə(lər)in elektron surətləri (xaricdə təhsil alanlar isə diplomla yanaşı həmin sənədin tanınmasına dair şəhadətnamənin elektron surətini təqdim etməlidirlər). Namizədlərdən tələb olunan sənədləri [email protected] elektron ünvanına göndərmələri xahiş olunur. Müraciətlərin göndərilməsi üçün son tarix 2020-ci il avqustun 20-dir.xeber100.com

Dövlət İmtahan Mərkəzi tərəfindən apelyasiya prosesi təşkil ediləcək

İmtahan nəticələri ilə bağlı müraciətlərə baxılması üçün Dövlət İmtahan Mərkəzi (DİM) tərəfindən avqustun 5-dən etibarən onlayn ("Zoom" proqramı və ya telefon əlaqəsi vasitəsilə) apelyasiya prosesi təşkil ediləcək.Bu barədə Azərtac-a DİM-dən məlumat verilib. Apelyasiya komissiyasına müraciət etməmişdən əvvəl şagirdlər DİM-in saytında, imtahan nəticələri ilə bağlı səhifədə öz nəticələri, cavab vərəqinin qrafik təsviri, hər bir açıq tipli tapşırıq üzrə qiymətləndirmə meyarları ilə tanış olmalıdırlar. Ötən imtahanların təcrübəsi göstərir ki, apelyasiya üçün ərizə yazanların təqribən 30 faizi ümumiyyətlə tapşırığa cavab verməyib və ya öz cavabı ilə mümkün doğru cavabları, qiymətləndirmə şkalasını müqayisə edib tanış olmadan komissiyaya müraciət ediblər. Abituriyentlərin bu tip müraciətlərinə baxılmayacaq.Apelyasiya komissiyasına müraciət etmək istəyənlər iyulun 29-dan 31-dək DİM-in saytında yerləşdiriləcək elektron ərizəni doldurmaqla qeydiyyatdan keçə bilərlər. Göstərilən müddət ərzində qeydiyyatdan keçməyənlər sonradan apelyasiya üçün müraciət edə bilməyəcəklər. Elektron ərizədə müraciətin məzmunu qeyd olunmadığı halda ərizə qəbul edilmir, həmin müraciət araşdırılmır və onun üçün apelyasiya təşkil olunmur. Apelyasiya müzakirəsində şagirdin iştirakı vacibdir. Şagirdlə yanaşı, valideynlərindən biri müzakirədə iştirak edə bilər. Bir şagirdin ərizəsi (müraciəti) üzrə ən çox 15 dəqiqə müzakirə aparıla bilər. Ayrılan vaxt bitdikdə, kənar şəxs müzakirəyə qoşulduqda və ya etik davranış qaydaları pozulduqda müzakirə prosesi dayandırılır.Qeyd edək ki, əvvəlki illərin məzunları üçün 10 iyul 2020-ci il tarixində keçirilmiş qəbul (o cümlədən cari ilin məzunları üçün buraxılış (qəbul) və əlavə xarici dil imtahanı) imtahanlarının nəticələri elan olunub.xeber100.com