Azərbaycan Universitetinin bir qrup tələbəsi “YARAT” Müasir İncəsənət Mərkəzinin təşkilatçılığı ilə XX-XXI əsrlər Azərbaycan Rəngkarlığı Muzeyində açılmış “Danışır Bakı: 1900-1940-cı illər” adlı sərgidə olub.Universitetdən Azərtac-a bildirilib ki, tələbələr qısa mühazirənin ardından burada sərgilənən əsərlərlə tanış olub, onlara verilən yaradıcı tapşırıqları yerinə yetirib, muzey bələdçisinə suallar ünvanlayıblar.Sərgi Azərbaycan Milli İncəsənət Muzeyi, Azərbaycan İstiqlal Muzeyinin fondlarında saxlanılan rəngkarlıq və qrafika əsərlərindən, eləcə də Milli Arxiv İdarəsində qorunan arxiv sənədləri və əlyazmalarından təşkil olunub. Burada XX əsrin əvvəllərindən İkinci Dünya müharibəsi dövrünədək yaradılan rəngkarlıq və qrafika əsərləri, eləcə də ədəbi nümunələr, arxiv sənədləri və xronika təqdim edilir.Sərginin ekspozisiyası rəssamlar İsmayıl Axundov, Əzim Əzimzadə, Lətif Feyzullayev, Mixail Gerasimov, Həsən Haqverdiyev, Əli bəy Hüseynzadə, Qeysər Kaşıyeva, Bəhruz Kəngərli, Rüstəm Mustafayev, Əli Rasim Muxtarov, Adil Qazıyev, Ələkbər Rzaquliyev, Oqtay Sadıqzadə, Salam Salamzadə, Sadıq Şərifzadə, Tağı Tağıyev, Qəzənfər Xalıqov, Kamil Xanlarov və şairlər Mikayıl Rəfili, Cəfər Cabbarlı, Əhməd Cavad, Seyid Hüseyn Sadıq, Umgülsüm Sadıqzadə, Hüseyn Cavid, Mikayıl Müşfiqin və Səməd Mənsurun əsərlərində mürəkkəb, dəyişkən, lakin çox parlaq bir dövrdən bəhs edir.Tələbələrin ekskursiyası ayda iki dəfə olmaqla tədris ilinin sonuna qədər davam edəcək.xeber100.com
