Azərbaycan Universitetində 4 yeni ixtisas üzrə kadr hazırlığına start verilib

Azərbaycan Universitetində iş dünyasının tələbatı nəzərə alınaraq 4 yeni ixtisas üzrə kadr hazırlığına start verilib.Universitetdən Azərtac-a bildirilib ki, 2019/2020-ci tədris ili üçün I ixtisas qrupu üzrə istehlak mallarının ekspertizası və marketinqi, II ixtisas qrupu üzrə regionşünaslıq (Avropa ölkələri üzrə), turizm və otelçilik, III ixtisas qrupu üzrə isə filologiya (ingilis dili və ədəbiyyatı) ixtisasları üzrə qəbul aparılacaq. Ümumilikdə qəbul aparılacaq ixtisasların sayı 16-dır. Bütün ixtisaslara dövlət sifarişi ilə qəbul olmaq mümkündür.İstehlak mallarının ekspertizası və marketinqi, regionşünaslıq (Avropa ölkələri üzrə), turizm və otelçilik ixtisaslarının müsabiqəsində ümumi balı 200-dən, imtahanın ikinci mərhələsi üzrə balı 100-dən az olmayan abituriyentlərlə yanaşı, ümumi balı 150-dən və imtahanın ikinci mərhələsi üzrə balı 50-dən az olmayan abituriyentlər də iştirak edə biləcəklər. İkinci kateqoriyadan olan abituriyentlər yalnız ödənişli əsaslarla təhsil ala biləcəklər.Filologiya (ingilis dili və ədəbiyyatı) ixtisasının müsabiqəsində isə yalnız ümumi balı 200-dən, imtahanın ikinci mərhələsi üzrə balı 100-dən az olmayan abituriyentlər iştirak edə biləcəklər.xeber100.com  

Qəbul imtahanlarının nəticələri açıqlanıb

Dövlət İmtahan Mərkəzi (DİM) II və III ixtisas qrupları üzrə iyulun 7-də keçirilmiş qəbul imtahanlarının nəticələrini elan edib.DİM-dən Azərtac-a bildirilib ki, imtahanda iştirak edən abituriyentlər imtahan nəticələri, “cavab kartı” və “cavab vərəqi”nin qrafik təsvirləri ilə tanış ola bilərlər.İmtahanda iştirak etmək üçün ərizə təsdiq etmiş 28 min 699 abituriyentdən 408-i imtahanda iştirak etməyib. İmtahanda iştirak edən abituriyentlərdən 15 nəfəri qaydaları pozduğuna görə imtahandan xaric olunub və nəticələri ləğv edilib.İmtahanda III ixtisas qrupu üzrə 1 abituriyent (Bakı şəhəri, 192 saylı orta məktəbin məzunu), ona təqdim olunmuş bütün test tapşırıqlarına düzgün cavab verib və maksimal nəticə – 400 bal toplayıb.İmtahanın nəticələri ilə bağlı müraciətlərə baxılması üçün DİM-də (Nəsimi rayonu, Abdulvahab Salamzadə küçəsi, 28) iyulun 22-24-də saat 10:00-dan 17:00-dək Apellyasiya Komissiyası fəaliyyət göstərəcək. Komissiyaya müraciət etmək istəyənlər iyulun 20-22-də DİM (Nəsimi rayonu, Əbdülvahab Salamzadə küçəsi, 28) və ya onun regional bölmələrində şəxsiyyət vəsiqələrini təqdim etməklə, ərizə doldurub qeydiyyatdan keçə bilərlər. Göstərilən müddət ərzində qeydiyyatdan keçməyənlər sonradan Apellyasiya Komissiyasına müraciət edə bilməyəcəklər. Abituriyentlər komissiyaya müraciət etməzdən əvvəl öz səhifələrində “cavab kartı” və “cavab vərəqi”nin ön, arxa üzünün qrafik təsviri, qapalı tipli tapşırıqların doğru cavabları, açıq tipli tapşırıq üzrə qiymətləndirmə meyarları (tapşırığın ehtimal olunan doğru cavabları, həlli və qiymətləndirmə şkalası) ilə tanış olsunlar. Apellyasiya Komissiyasına müraciət üçün ərizə yazarkən iddia olunan tapşırıqların nömrələrini dəqiq göstərmək lazımdır. Apellyasiya Komissiyasında abituriyentin iştirakı (şəxsiyyət vəsiqəsi və iş nömrəsini təqdim etməklə) vacibdir. Abituriyent ilə yanaşı, valideynlərindən biri şəxsiyyət vəsiqəsini təqdim etməklə Apellyasiya Komissiyasının iclasında iştirak edə bilər.Xatırladaq ki, müsabiqə şərtlərini ödəyən abituriyentlərin ixtisas seçimi iyulun 24-dən avqustun 6-dək aparılacaq.xeber100.com

Elektron sınaq imtahanı keçiriləcək

Dövlət İmtahan Mərkəzində (DİM) dövlət qulluğuna qəbul olmaq istəyən şəxslərin müsabiqənin test imtahanı mərhələsinə daha səmərəli hazırlaşmalarına kömək məqsədilə elektron sınaq imtahanı keçiriləcək.DİM-dən Azərtac-a bildirilib ki, sınaq imtahanı AA, AB, AC, BA, BB qrupları üzrə iyulun 19-da keçiriləcək. Sınaq imtahanında hər qrup üzrə əvvəlki imtahanlarda olan eyni test tapşırıqlarından istifadə ediləcək. Təkrar imtahanda iştirak etmək istəyənlərin nəzərə alması xahiş olunur.xeber100.com

I və IV ixtisas qrupları üzrə abituriyentlərin nəzərinə!

Dövlət İmtahan Mərkəzi (DİM) I və IV ixtisas qrupları üzrə müsabiqədə iştirak etmək hüququ qazanmış abituriyentlər üçün “İxtisas seçimi zamanı nələrə diqqət yetirməli?” adlı kitabçalar nəşr edib.DİM-dən Azərtac-a bildirilib ki, “Abituriyent” jurnalının xüsusi buraxılışı olan kitabçada I və IV ixtisas qrupunda müsabiqədə iştirak etmək hüququ qazanmış abituriyentlərin imtahan ballarının paylanması, ali təhsil müəssisələrinə ixtisas qrupu üzrə qəbul planı, dövlət sifarişi üzrə yerlərin sayı, müsabiqə şərtləri və digər zəruri məlumatlar təqdim olunub.Nəzərinizə çatdırırıq ki, II və III ixtisas qrupunda müsabiqədə iştirak hüququ qazanmış abituriyentlər üçün bu kitabçalar imtahanın nəticələri elan edildikdən sonra çap olunacaq.Abituriyentlər ixtisas seçimini iyulun 24-dən avqustun 6-dək olan müddətdə həyata keçirməlidirlər. İxtisasların siyahısı “Abituriyent” jurnalının 4 nömrəli buraxılışında verilib. Jurnalda, həmçinin ali təhsil müəssisələrinə tələbə qəbulu müsabiqəsində iştirak etmək üçün ixtisas seçimi elanı, “Abituriyentin elektron ixtisas seçimi ərizəsi”nin doldurulma qaydası, ali təhsil müəssisələrinə qəbul aparılan ixtisasların kodları, dövlət sifarişi ilə tələbə qəbulunun proqnozu verilib.DİM abituriyentlərin nəzərinə çatdırır ki, 2018-ci ilin tələbə qəbulu müsabiqəsində ali təhsil müəssisələrinin ixtisasları üzrə formalaşmış keçid balları da “Abituriyent” jurnalının 2019-cu il 2-ci nömrəsində və “2018-ci ilin tələbə qəbulu müsabiqəsində ali təhsil müəssisələrinin ixtisasları üzrə formalaşmış KEÇİD BALLARI” xüsusi buraxılışında dərc edilib. Qeyd edək ki, ayrı-ayrı ixtisaslar üzrə minimal keçid balları müvafiq ixtisası öz ərizəsində göstərən abituriyentlərin sayı, ixtisas üzrə plan yerləri və abituriyentlərin imtahan nəticələri əsasında formalaşır.xeber100.com

Təhsil Nazirliyinin məlumatı əsasında…

İyulun 17-də müəllimlərin işə qəbulu üzrə müsabiqənin test mərhələsi davam edir. Bu gün keçirilən imtahanlarda ibtidai sinif müəllimi olmaq istəyən namizədlər iştirak edirlər.Təhsil Nazirliyindən Azərtac-a bildiriblər ki, imtahana 3 min 280 namizədin qatılacağı gözlənilir.Qeyd edək ki, iyulun 16-da keçirilən ibtidai sinif müəllimliyi üzrə müəllimlərin işə qəbulu imtahanlarında 2 min 881 namizəd iştirak edib. Namizədlər arasında Azərbaycan Dövlət Pedaqoji Universitetinin məzunu Aysel Məmmədova və Azərbaycan Dövlət Pedaqoji Kollecinin məzunu Sara Xəlilova 58 bal toplayaraq yüksək nəticə əldə ediblər.İmtahanlar iyulun 24-dək davam edəcək.xeber100.com

Ali təhsil sahəsində əlaqələrin inkişaf perspektivləri müzakirə edilib

İyulun 15-də Təhsil naziri Ceyhun Bayramov Əfqanıstanın Ali Təhsil naziri vəzifəsini icra edən Abdul Tavab Balakarzai ilə görüşüb.Təhsil Nazirliyindən Azərtac-a bildiriblər ki, görüşdə Azərbaycan və Əfqanıstan arasında ali təhsil sahəsində əlaqələrin cari vəziyyəti və inkişaf perspektivləri müzakirə edilib.xeber100.com

Azərbaycan Universitetində yay semestri başlayıb

Bu gündən Azərbaycan Universitetində yay semestri başlayıb.Universitetdən Azərtac-a bildirilib ki, yay semestri iyulun 15-dən avqustun 23-dək təşkil olunur. Yay semestrində dərslər ümumilikdə 55 fənn üzrə aparılır. Dərslərdə 110 tələbə iştirak edir. Yay semestrində Azərbaycan Universitetinin tələbələri ilə yanaşı, digər ali məktəblərin tələbələri də iştirak edir.Ətraflı məlumatla universitetin rəsmi saytında tanış olmaq mümkündür.xeber100.com

Təhsil sahəsində əməkdaşlıq perspektivləri müzakirə edilib

Azərbaycanın Təhsil naziri Ceyhun Bayramov Çin Xalq Respublikası Təhsil nazirinin müavini Tian Xueju ilə görüşüb.Təhsil Nazirliyindən Azərtac-a bildiriblər ki, görüşdə Azərbaycan ilə Çin arasında təhsil sahəsində əlaqələrin cari vəziyyəti və əməkdaşlıq perspektivləri müzakirə edilib.xeber100.com

2019/2020-ci tədris ili üçün qəbul imtahanı keçirilir

Dövlət İmtahan Mərkəzi (DİM) iyulun 7-də 2019/2020-ci tədris ili üçün Azərbaycan Respublikasının ali təhsil müəssisələrinə qəbul olmaq istəyən abituriyentlər üçün II və III ixtisas qrupları üzrə qəbul imtahanı keçirir.DİM-dən Azərtrac-a bildirilib ki, imtahan respublikanın 11 şəhərində - Bakı, Naxçıvan, Gəncə, Sumqayıt, Mingəçevir, Şəki, Bərdə, Göyçay, Şirvan, Lənkəran və Xaçmaz ümumilikdə 57 binada aparılır. İmtahanların idarə olunmasına 205 imtahan rəhbəri və 2323 nəzarətçi-müəllim cəlb olunub. Saat 11:00-da başlanan imtahan 3 saat davam edəcək.İmtahanda 28 min 699 abituriyentin iştirakı nəzərdə tutulur. Onlardan 11 min 134 abituriyent II qrup, 17 min 565 abituriyent III qrup üzrə imtahan verir.Abituriyentlərdən 26 min 523 nəfəri Azərbaycan bölməsinin (II qrup üzrə 10107, III qrup üzrə 16416 nəfər), 2176 nəfəri isə rus bölməsinin (II qrup üzrə 1027, III qrup üzrə 1149 nəfər) məzunudur. Abituriyentlərin 12 min 411 nəfəri oğlan (II qrup üzrə 7456 nəfər, III qrup üzrə 4955 nəfər), 16 min 288 nəfəri isə qızdır (II qrup üzrə 3678 nəfər, III qrup üzrə 12610 nəfər). 25 min 291 nəfər cari ilin orta ümumtəhsil məktəblərinin, 2819 nəfər əvvəlki illərin məzunudur (buraya ali və ya orta ixtisas təhsili olanlar da daxildir). 29 nəfər ali təhsil müəssisələrinin, 560 nəfər isə orta ixtisas təhsili müəssisələrinin məzunudur. 116 abituriyent xarici ölkələrin vətəndaşıdır. Ən yaşlı abituriyent 1963-cü ildən, ən gənci isə 2004-cü ildəndir.Bakı şəhərində 12 min 608, Naxçıvanda 1532, Gəncədə 2977, Sumqayıtda 1460, Mingəçevirdə 1167, Şəkidə 1521, Bərdədə 1646, Göyçayda 1151, Şirvanda 1741, Lənkəranda 1841, Xaçmazda isə 1055 abituriyentin imtahan verəcəyi gözlənilir.xeber100.com

XXIII respublika elmi konfransı keçiriləcək

Təhsil naziri Ceyhun Bayramov doktorantların və gənc tədqiqatçıların XXIII respublika elmi konfransının keçirilməsi barədə əmr imzalayıb. Əmrin imzalanmasında məqsəd doktorantların və gənc tədqiqatçıların apardıqları elmi-tədqiqat işlərinin nəticələrinin müzakirəsini təşkil etmək, habelə onların elmi yaradıcılığını stimullaşdırmaqdır.Azərtac Təhsil Nazirliyinin saytına istinadla xəbər verir ki, Azərbaycan şairi İmadəddin Nəsiminin 650 illik yubileyinə həsr olunan konfrans dekabrın 3-4-də Azərbaycan Memarlıq və İnşaat Universitetində keçiriləcək.Əmrə əsasən, ali təhsil müəssisələrinin rektorları doktorantların və gənc tədqiqatçıların məruzə tezislərinin oktyabrın 10-dək Təhsil Nazirliyinin Elm, ali və orta ixtisas təhsili şöbəsinə təqdim olunmasını təmin etməlidirlər. Bundan başqa, Azərbaycan Memarlıq və Memarlıq Universitetinin rektoruna konfransın yüksək səviyyədə keçirilməsi üçün lazımi şərait yaratmaq, konfransın proqram və materiallarının nəşrini təmin etmək, Elm, ali və orta ixtisas təhsil şöbəsinə isə konfransın keçirilməsi ilə əlaqədar lazımi təşkilati məsələləri həll etmək tapşırılıb.xeber100.com