Təhsil Nazirliyinin məlumatına görə…

019-cu ildə ölkəmizi Intel ISEF-də “Sabahın alimləri” VIII respublika müsabiqəsinin qalibləri arasından seçilmiş 7 şagird 5 layihə ilə təmsil edəcək.Təhsil Nazirliyindən Azərtac-a bildirilib ki, mayın 12-dən 19-dək ABŞ-ın Arizona ştatının Finiks şəhərində keçiriləcək Intel ISEF-də Bakı Avropa Liseyinin XI sinif şagirdi Zamin Hüseynov, akademik Zərifə Əliyeva adına liseyin XI sinif şagirdi Vaqif Məmmədzadə, Bakı şəhəri 177 nömrəli tam orta məktəbin X sinif şagirdi Selcan Nurullayeva, Bakı şəhəri 283 nömrəli tam orta məktəbin X sinif şagirdi Reyhan Camalova, akademik Zərifə Əliyeva adına liseyin X sinif şagirdi Zəhra Qasımzadə, eləcə də akademik Zərifə Əliyeva adına liseyin X sinif şagirdi Ruslan Bayramov, Təhsil Nazirliyinin tabeliyindəki 6 nömrəli məktəb-liseyin X sinif şagirdi Nigar Baxşəliyevanın iştirakı nəzərdə tutulur.Xatırladaq ki, “Sabahın alimləri“ VIII respublika müsabiqəsi fevralın 12-dən 14-dək Bakı şəhərində keçirilib. Ümumilikdə müsabiqənin final mərhələsində indiyədək 1187 şagird iştirak edib, onlardan 529-u müsabiqənin müxtəlif mükafatlarına layiq görülüb. Müsabiqənin qalibləri sırasından seçilən ən ümidverici gənclərimiz ABŞ-da, hər il dünyanın 75 ölkəsindən 1800-dən çox şagirdin iştirak etdiyi Intel ISEF - Beynəlxalq Elm və Mühəndislik Sərgisinə göndərilir.xeber100.com  

İqtisad Universitetində açıq dərs keçirilib

Azərbaycan Dövlət İqtisad Universitetinin (UNEC) Beynəlxalq İqtisadiyyat Məktəbində (İSE) Aprel döyüşlərinə həsr olunan açıq dərs keçirilib.UNEC-dən Azərtac-a bildirilib ki, xarici dillər kafedrasının müəllimi Aynur Mirzəyevanın keçdiyi açıq dərs “Military English” (Hərbi ingilis dili) adlanıb.Hərbi paltarlar geyinən birinci kurs tələbələri UNEC-in Aprel şəhidi Tural Dadaşov haqqında ingilis dilində təqdimatla çıxış ediblər. Eyni zamanda, hərbi terminlərdən istifadə edərək, ordu quruculuğu, hərbi vətənpərvərlik, qələbə mövzularında xəbərlər hazırlayıblar.xeber100.com

Təhsil Nazirliyinin məlumatına görə…

Aprelin 1-dən respublikanın ümumtəhsil müəssisələrində müddətli əsaslarla çalışan müəllimlərlə müddətsiz əmək müqaviləsinin bağlanılması məqsədilə yeni müsabiqəyə start verilib.Təhsil Nazirliyindən Azərtac-a bildirilib ki, Təhsil İşçilərinin Peşəkar İnkişafı İnstitutunun nəzdində fəaliyyət göstərən İnsan Resursları Mərkəzi tərəfindən keçirilən müsabiqədə iştirak etmək istəyən namizədlər qeydiyyatdan keçməlidirlər. Bu proses aprelin 5-dək davam edəcək.Qeyd olunan müsabiqələrdə 2017-2018-ci və 2018-2019-cu tədris illəri üçün keçirilmiş müəllimlərin işə qəbulu müsabiqəsində zəruri keçid balını toplayan, pedaqoji istiqamətlər üzrə orta ixtisas və ya ali təhsilli, tutulmayan və ya yeni yaranan vakant yerlərə müddətli əmək müqaviləsi ilə işə qəbul edilmiş müəllimlər iştirak edə bilərlər.Qeyd edək ki, həvəsləndirmə tədbirləri tətbiq olunmayan müəssisələrə fiziki tərbiyə, musiqi və təsviri incəsənət fənləri üzrə keçid balı 42, digər fənlər üzrə 48, həvəsləndirmə tədbirləri tətbiq olunan müəssisələrə isə bütün fənlər üzrə 36 bal müəyyən edilib.xeber100.com

Vəkillər Kollegiyasına üzv olmaq istəyənlərin diqqətinə!

Dövlət İmtahan Mərkəzi (DİM) martın 30-da Vəkillər Kollegiyasına üzv olmaq istəyən namizədlər üçün test imtahanı keçirəcək.DİM-dən Azərtac-a bildirilib ki, namizədlərin sənəd qəbulu Vəkillər Kollegiyası tərəfindən aparılıb. İmtahanda iştirak etmək üçün 250 nəfər qeydiyyatdan keçib. İmtahan saat 10:00-da başlayacaq və 3 saat davam edəcək.İmtahan kompüterlər vasitəsilə elektron qaydada aparılacaq. İmtahan bitdikdən sonra namizədə nəticələri haqqında arayış təqdim olunur.Namizədlər imtahana şəxsiyyəti təsdiq edən sənədin əslini gətirməlidirlər.Bakı şəhəri, Nəsimi rayonu, Əbdülvahab Salamzadə küçəsi, 28 (keçmiş Bakı Asiya Universitetinin binası) ünvanında keçiriləcək imtahanda namizədlərə qanunvericilik sahəsi üzrə 100 test tapşırığı təqdim olunacaq. Suallara verilən hər düzgün cavab bir balla qiymətləndirilir. Səhv cavablar düz cavabların nəticəsinə təsir göstərmir. İmtаhаn nəticəsində ümumi bаlı 60 və dаhа аrtıq оlаn nаmizədlər növbəti mərhələyə burахılacaqlar.xeber100.com  

Əməkdaşlıq haqqında protokol imzalanıb

Sənaye və İnnovasiyalar üzrə Bakı Dövlət Peşə Təhsil Mərkəzi və “Huawei” şirkəti arasında əməkdaşlıq haqqında protokol imzalanıb.Peşə Təhsil Mərkəzindən Azərtac-a bildirilib ki, protokolun imzalanmasında məqsəd “Huawei” şirkəti ilə əməkdaşlıq imkanları yaratmaq, peşəkarlıq səviyyəsinin artırılması ilə bağlı razılaşdırılmış ixtisaslar üzrə kadr hazırlığını təşkil etmək və gələcək kadr ehtiyaclarının ödənilməsi istiqamətində birgə fəaliyyət göstərməkdir.Əməkdaşlıq çərçivəsində mərkəzə məxsus təlim-təsərrüfat sahələrində birgə istehsalat təşkil olunacaq. Həmçinin müəyyənləşdirilmiş qaydalara uyğun olaraq təhsilalanların mərkəzin bazasında istehsalat təlimi keçmələri üçün müvafiq şərait yaradılacaq, o cümlədən təhsilalanlarda sahibkarlıq vərdişlərinin aşılanması istiqamətində işlər aparılacaq.xeber100.com

Dövlət İmtahan Mərkəzi: Martın 31-də növbəti imtahanlar başlayır

Dövlət İmtahan Mərkəzi (DİM) tərəfindən martın 31-də növbəti imtahanlar keçiriləcək.DİM-dən Azərtac-a bildirilib ki, imtahanlar Bakı, Naxçıvan, Gəncə, Şəki, Bərdə, Göyçay, Şirvan, Xaçmaz və Lənkəran şəhərlərində təşkil olunacaq. İmtahanlar: – ümumi (9 illik) orta təhsil bazasında orta ixtisas təhsili müəssisələrinə (kolleclərə) qəbul olmaq istəyən əvvəlki illərin məzunları; – əvvəlki illərdə təhsil sənədi ala bilməyən və eksternat qaydasında imtahan verən məzunlar; – üzrlü səbəbdən bu ay keçirilən buraxılış imtahanlarının (IX sinif) birinci mərhələsində iştirak edə bilməyən cari ilin məzunları; – orta ixtisas təhsili müəssisələrinin müsabiqəsində orta məktəbdə təhsil aldıqları bölmədən fərqli bölmə üzrə iştirak etmək istəyən Azərbaycan və ya rus dili fənni üzrə imtahanı verən cari ilin məzunları; – orta ixtisas təhsili müəssisələrinin müsabiqəsində buraxılış imtahanı çərçivəsində verilən xarici dil fənnindən fərqli xarici dil fənni üzrə iştirak etmək istəyən cari ilin məzunları üçün keçiriləcək.xeber100.com  

Dövlət İmtahan Mərkəzinin məlumatı əsasında…

Bu gün 29 şəhər və rayonda 9-cu sinif şagirdləri üçün buraxılış imtahanının birinci mərhələsi keçirilib.Dövlət İmtahan Mərkəzindən (DİM) Trend-ə verilən məlumata görə, DİM Şəmkir, Gədəbəy, Ağstafa, Qazax, Tovuz, Mingəçevir, Balakən, Zaqatala, Qax, Yardımlı, Cəlilabad, Masallı, Lerik, Göyçay, Ağdaş, Ucar, İsmayıllı, Qobustan, Ağcabədi, Füzuli, Beyləqan, Salyan, Neftçala, Hacıqabul, Qusar, Quba, Siyəzən, Xızıda, həmçinin Bakı şəhərində yerləşən xüsusi məktəblərin – internat məktəblərində, tədrisi ingilis dilində olan məktəblərdə, Çilov adasında yerləşən məktəbdə, cəzaçəkmə müəssisələrində ümumtəhsil müəssisələrinin 9-cu sinif şagirdləri üçün buraxılış imtahanının birinci mərhələsini keçirir.Bu gün ümumilikdə 33054 şagirdin imtahan verəcəyi nəzərdə tutulur.xeber100.com

Buraxılış imtahanının birinci mərhələsi keçiriləcək

Dövlət İmtahan Mərkəzi (DİM) 17 mart 2019-cu il tarixində respublikanın 29 şəhər və rayonunda ümumtəhsil müəssisələrinin 9-cu sinif şagirdləri üçün buraxılış imtahanının birinci mərhələsini keçirəcəkdir.DİM-dən Trend-ə verilən məlumata görə, həmin gün ümumilikdə 33054 şagirdin imtahan verəcəyi nəzərdə tutulur.İmtahanda şagirdlərin bilik və bacarıqlarını yoxlamaq məqsədi ilə tədris dili, riyaziyyat və xarici dil fənləri üzrə ümumilikdə 45 tapşırıq təqdim edilir. İmtahan 3 saat davam edəcək. İmtahanların idarə olunmasına 111 ümumi imtahan rəhbəri, 269 imtahan rəhbəri, 2995 nəzarətçi‑müəllim, 211 buraxılışı təşkil edən əməkdaş, 111 bina nümayəndəsi ayrılıb.Hazırda qeyd olunan rayonlarda imtahanlarda iştirak edəcək nəzarətçilər, imtahan rəhbərləri, mühafizə əməkdaşları ilə təlim-seminarlar keçirilir.xeber100.com

Təhsil Nazirliyinin məlumatı əsasında…

Təhsil naziri C.Bayramov Ağcabədi şəhərindəki Bayraq Muzeyində Tərtər, Ağdam, Ağcabədi, Füzuli, Xocavənd və Laçın rayon sakinlərini qəbul edir.Qəbulda Tərtər, Ağdam, Füzuli və Ağcabədi rayonlarında müvəqqəti məskunlaşmış məcburi köçkünlər də iştirak edirlər.Təhsil Nazirliyindən Azərtac-a bildiriblər ki, qəbul mərkəzi icra hakimiyyəti orqanları rəhbərlərinin 2019-cu ilin mart ayında şəhər və rayonlarda vətəndaşların qəbulu cədvəlinə əsasən həyata keçirilir.xeber100.com

Martın 27-si Azərbaycanda “Elm günü” kimi təsis edilib

Prezident İlham Əliyevin 2018-ci il 9 aprel tarixli Sərəncamı ilə martın 27-si Azərbaycanda “Elm günü” kimi təsis edilib. Bu il ilk dəfə qeyd olunacaq “Elm günü”nün yüksək səviyyədə keçirilməsi məqsədilə Azərbaycan Respublikasının Elmi Tədqiqatların Əlaqələndirilməsi Şurası tədbirlər planı hazırlayıb.Azərbaycan Milli Elmlər Akademiyasından (AMEA) Azərtac-a bildirilib ki, tədbirlər planına əsasən, “Elm günü” ilə əlaqədar olaraq AMEA-nın elmi müəssisə və təşkilatlarında, o cümlədən Lənkəran və Şəki Regional Elmi mərkəzlərində silsilə tədbirlər keçiriləcək. Müasir dövrün aktual elmi problemlərinə həsr edilən konfrans, seminar və mühazirələr, dəyirmi masa, “açıq qapı” günləri, sərgilər, habelə tələbə və şagirdlərin alimlərlə görüşləri təşkil olunacaq.xeber100.com