Təhsil Nazirliyinin tədbirlər planı təsdiq olunub

20 Yanvar faciəsinin 29-cu ildönümü ilə bağlı Təhsil Nazirliyinin tədbirlər planı təsdiq olunub.Nazirlikdən Azərtac-a bildirilib ki, tədbirlər planına əsasən, təhsil müəssisələrində 20 Yanvar faciəsinin 29-cu ildönümünə həsr olunmuş müxtəlif tədbirlər keçiriləcək.xeber100.com

Dövlət qulluğuna qəbul üçün test imtahanı keçiriləcək

Dövlət İmtahan Mərkəzi (DİM) tərəfindən yanvarın 27-də dövlət qulluğunda inzibati vəzifələrin A növünə (inzibati rəhbər (idarəetmə) vəzifələr) aid olan AA, AB və AC qruplarına uyğun olan vəzifələr üzrə qəbul üçün test imtahanı keçiriləcək.DİM-dən Azərtac-a bildirilib ki, imtahan kompüter vasitəsilə aparılacaq. İmtahan Bakı şəhəri, Nəsimi rayonu, Əbdülvahab Salamzadə küçəsi, 28 (keçmiş Bakı Asiya Universitetinin binası) ünvanında keçiriləcək. Qeydiyyat yanvarın 25-də saat 17-dək davam edəcək.Qeydiyyatdan keçən namizədlərin e-kabinetdə qeydiyyat zamanı göstərdiyi elektron poçt ünvanına qeydiyyatdan keçmək barədə “Bildiriş”, “Namizədin yaddaş kitabçası” və “İmtahana buraxılış vərəqəsi” göndərilir. DİM-lə yazışmaların operativliyinin təmin edilməsi üçün namizədin öz elektron poçtundan istifadə etməsi tövsiyə olunur.Test imtahanından müvəffəqiyyətlə keçən namizədə altqruplara daxil olan vəzifələrə uyğun olaraq sertifikat verilir. Sertifikatın qüvvədəolma müddəti 5 ildir.Namizəd dövlət qulluğu vəzifələri üzrə bir neçə sertifikat ala bilər.xeber100.com  

2017/2018-ci tədris ili üzrə hesabat hazırlanıb

Bakı Ali Neft Məktəbi (BANM) 2017/2018-ci tədris ili üzrə “Dayanıqlı İnkişaf üzrə Hesabat” hazırlayıb. BANM Azərbaycanda bu hesabatı hazırlayan ilk ali təhsil müəssisəsidir.BANM-dən Azərtac-a bildirilib ki, hesabatın əsas məqsədi ali məktəbin iqtisadi, sosial və ekoloji sahələrdə fəaliyyətinin nəticələrini şəffaf şəkildə açıqlamaqdır. Hesabatda Dayanıqlı İnkişaf Məqsədlərinin BANM-in strategiyasına inteqrqasiya olunması yer alıb. Hesabat ali məktəbin korporativ məsuliyyətinin göstəricisi və onun fəaliyyətinin dünya standartlarına uyğun təşkil olunmasının sübutu, həmçinin Azərbaycan Respublikasının Dayanıqlı İnkişaf Məqsədlərinə verilən bir töhfədir. BANM bu hesabatı hər iki ildən bir hazırlamağı öz öhdəsinə götürüb.Qeyd edək ki, ali məktəbin “Dayanıqlı İnkişaf üzrə Hesabat”ı beynəlxalq Qlobal Hesabatlılıq Təşəbbüsünün standartlarına uyğun hazırlanıb. Hesabatdakı məlumatların düzgünlüyünə “EY Azərbaycan” şirkəti tərəfindən müsbət rəy verilib və təsdiq olunub.xeber100.com

İqtisad Universiteti 100 illik yubileyini qeyd edəcək

2030-cu ildə Azərbaycan Dövlət İqtisad Universiteti (UNEC) 100 illik yubileyini qeyd edəcək.UNEC-dən Azərtac-a bildirilib ki, bu ali məktəbin 2030-cu ilədək fəaliyyətinin əsas istiqamətlərini özündə ehtiva edən “UNEC-100” İnkişaf Strategiyası qəbul olunub.Universitetin missiyası, gələcəyə baxışı və əsas dəyərlərinin yer aldığı strategiyada universitetin SWOT təhlili aparılıb və 2030-cu ilə qədər reallaşdırılması nəzərdə tutulan 7 strateji məqsəd və 31 strateji hədəf müəyyənləşdirilib. Sənəddə müvafiq hədəf və məqsədlərin həyata keçirilməsi üçün konkret fəaliyyət istiqamətləri təsbit olunub.“UNEC-100” İnkişaf Strategiyasına uyğun görülən tədbirlər nəticəsində UNEC-in 90 yaşında dünyanın ən yaxşı 1000, 100 yaşında isə ən yaxşı 500 universitetindən birinə çevrilməsi hədəflənib.xeber100.com

Dövlət İmtahan Mərkəzinin məlumatına görə…

İnzibati icraçı vəzifələrə (B növü) aid olan vəzifə qrupları üzrə keçirilən test imtahanında uğur qazanmış şəxslərin sertifikat əldə etmək üçün qeydiyyatına başlanılıb.Dövlət İmtahan Mərkəzindən (DİM) Azərtac-a bildirilib ki, namizədlər sertifikat əldə etmək üçün dekabrın 24-dən yanvarın 9-dək müraciət formasını doldurmalıdırlar. Namizədin təqdim etdiyi məlumatların düzgünlüyünün yoxlanılması məqsədilə ali təhsil haqqında sənədin və əmək kitabçasının (olduğu halda) skan edilmiş surətləri formaya əlavə olunur.Qeyd edək ki, DİM tərəfindən dekabrın 23-də dövlət qulluğunda inzibati vəzifələrin B növünə (inzibati icraçı vəzifələr) aid olan BA və BB qruplarına uyğun olan vəzifələr üzrə dövlət qulluğuna qəbul üçün test imtahanı keçirilib.İmtahanda iştirak etmək üçün qeydiyyatdan keçmiş 1848 namizəddən 28-i imtahana gəlməyib.xeber100.com  

Vəkilliyə qəbul üzrə yazılı test imtahanı keçirilib

Bu gün Dövlət İmtahan Mərkəzinin Kompüter Mərkəzində Vəkillər Kollegiyası və Dövlət İmtahan Mərkəzi ilə birgə vəkilliyə qəbul üzrə yazılı test imtahanı keçirilib.Azərbaycan Respublikasının Prezidenti cənab İlham Əliyevin “Azərbaycan Respublikasında vəkilliyin inkişafı ilə bağlı əlavə tədbirlər haqqında” Sərəncamına əsasən, ixtisas imtahanlarının müntəzəm keçirilməsini təşkil etməklə, Azərbaycan Respublikasının Vəkillər Kollegiyasına yeni üzvlərin, xüsusən gənc hüquqşünasların qəbul edilməsi üçün şərait yaradılması barədə tövsiyəsini rəhbər tutularaq cari ilin aprel ayında başlanılmış sənəd qəbulu nəticəsində 150 nəfər hüquqşünas vəkil olmaq üçün öz namizədliyini irəli sürmüş və 3 saat davam edən imtahanda bilavasitə 138 nəfər iştirak etmiş, onlardan 106 nəfəri 60 və daha yüksək bal toplamışdır ki, bu da 76,8 faiz təşkil edir.Ən yüksək nəticə göstərən namizəd 94 bal toplamışdır.Şəffaf şəraitdə keçirilən imtahanda bir çox yerli və beynəlxalq, dövlət və qeyri-hökümət təşkilatlarından müşahidəçilər, televiziya və mətbuat nümayəndələri iştirak etmişdir.xeber100.com

Dövlət qulluğuna qəbul üçün test imtahanı keçiriləcək

Dövlət İmtahan Mərkəzi (DİM) tərəfindən dekabrın 23-də dövlət qulluğunda inzibati vəzifələrin B növünə (inzibati icraçı vəzifələr) aid olan BA və BB qruplarına uyğun olan vəzifələr üzrə dövlət qulluğuna qəbul üçün test imtahanı keçiriləcək.DİM-dən Azərtac-a bildiriblər ki, imtahan Bakı şəhərində təşkil olunacaq. İmtahanda iştirak etmək üçün BA qrupu üzrə 483, BB qrupu üzrə 1365, ümumilikdə isə 1848 namizəd qeydiyyatdan keçib.Qeydiyyatdan keçmiş namizədlər DİM-in internet saytına daxil olaraq “İmtahana buraxılış vərəqəsi”ni çap etməlidirlər. Buraxılış vərəqəsi ilə yanaşı, onlara “Namizədin yaddaş kitabçası” da təqdim olunur. Burada namizədlərə imtahan prosesi ilə bağlı vacib tövsiyələr, onların əməl etməli olduqları qaydalar və digər zəruri məlumatlar çatdırılır.İmtahan bütün binalarda eyni vaxtda – saat 11:00-da başlanacaq və 3 saat davam edəcək.Namizədlərlər imtahana şəxsiyyəti təsdiq edən sənədin əslini və “İmtahana buraxılış vərəqəsi”ni gətirməlidirlər.Göstərilən sənədlərdən biri olmadıqda və ya sənədlər arasında uyğunsuzluq olduqda namizəd imtahana buraxılmayacaq.İmtahan binasına giriş zamanı üzərində mobil telefon, konspekt və digər yardımçı vasitələr aşkarlanan namizədlər barədə akt tərtib olunacaq və imtahan binasına buraxılmayacaqlar.xeber100.com

Dövlət İmtahan Mərkəzinin məlumatına görə…

Dövlət İmtahan Mərkəzi (DİM) tərəfindən 2019-cu ildə keçirilməsi nəzərdə tutulan magistratura və rezidenturaya qəbul imtahanlarının, sınaq imtahanları və dövlət qulluğuna qəbul imtahanlarının tarixləri müəyyən olunub.DİM-dən Azərtac-a bildirilib ki, ali təhsil müəssisələrinin və AMEA-nın magistraturalarına qəbul imtahanının I mərhələsi fevralın 24-də, II mərhələsi mayın 26-da, rezidenturaya qəbulun birinci mərhələsi martın 31-də, II mərhələsi isə iyulun 14-də keçiriləcək.Fevralın 3-də magistraturaya qəbul olmaq istəyənlər üçün imtahanın I mərhələsi üzrə kağız daşıyıcılar vasitəsilə sınaq imtahanı keçiriləcək.Fevralın 10-da ali təhsil müəssisələrinin bakalavriat səviyyəsinə qəbul olmaq istəyənlər üçün qəbul imtahanı modelinə uyğun sınaq imtahanının (I-IV ixtisas qrupları üzrə) keçirilməsi nəzərdə tutulur.Bakı şəhəri və bölgələr üzrə ümumi (9 illik) orta təhsil bazasında təhsilalanlar üçün buraxılış imtahanlarının (eləcə də əvvəlki illərin məzunlarının kolleclərə qəbul imtahanının) birinci mərhələsi mart ayında, tam (11 illik) orta təhsil bazasında təhsilalanlar üçün buraxılış imtahanları isə aprel ayında təşkil olunacaq. Ali təhsil müəssisələrinə və kolleclərə qəbul olmaq istəyən əvvəlki illərin məzunları üçün buraxılış imtahanı qaydasında keçirilən qəbul imtahanı da aprel ayında təşkil olunacaq.Dövlət qulluğuna qəbul üçün yeni ilin ilk imtahanları yanvarın 26-da (A növü) və fevralın 17-də (B növü) keçiriləcək. Dövlət qulluğuna qəbul imtahanları hər ay keçirilir və növbəti aylarda keçiriləcək imtahan tarixləri haqqında məlumat veriləcək.Qeyd edək ki, Dövlət İmtahan Mərkəzi tərəfindən keçirilən imtahanlar kütləvi xarakter daşıdığı üçün tədbirlərin qrafiki bir neçə dövlət orqanı ilə birgə müzakirə olunur, razılaşdırılır və yekun qərardan sonra ictimaiyyətə elan olunur. Digər imtahanların da qrafiki müəyyən olunduqdan sonra KİV-lərdə məlumat veriləcək və Mərkəzin saytının “təqvim” bölməsinə əlavə ediləcək. Vətəndaşlara saytın bu bölməsini mütəmadi olaraq izləməyi tövsiyə edirik.xeber100.com  

Müəllim və valideynlərin səyyar qəbulu keçiriləcək

Dekabrın 21-də paytaxtın Nizami və Nərimanov rayonları üzrə müəllim və valideynlərin səyyar qəbulu keçiriləcək.Bakı Şəhəri üzrə Təhsil İdarəsindən (BŞTİ) Azərtac-a bildirilib ki, səyyar qəbul vəzifə funksiyalarının tələb olunan səviyyədə yerinə yetirilməsi istiqamətində müəssisə rəhbərlərinin məsuliyyətinin artırılması, təhsilin keyfiyyətinin yüksəldilməsi, məktəblərdə sağlam və yaradıcı mühitin təmin olunması üçün sistemli iş aparmaq məqsədlərinə xidmət edir.Bakıdakı Məktəb-Lisey Kompleksində təşkil olunacaq səyyar qəbul saat 10:00-da başlayacaq.Səyyar qəbulda müəllim və valideynlərin müraciətləri BŞTİ-nin rəhbərliyi və struktur bölmə əməkdaşları tərəfindən dinləniləcək, müvafiq təşkilati və maarifləndirmə tədbirləri görüləcək.xeber100.com

Əməkdaşlıq memorandumu imzalanıb

Dekabrın 17-də Azərbaycan Dillər Universitetinin (ADU) rektoru Kamal Abdulla İndoneziya nümayəndə heyəti ilə görüşüb.Görüşdə ADU ilə İndoneziya Universiteti arasında əməkdaşlıq memorandumu imzalanıb.ADU-dan Azərtac-a bildirilib ki, sənəddə ali təhsil müəssisələri arasında əlaqələrin möhkəmləndirilməsi, birgə tədqiqatlar aparılması, tələbə və müəllim mübadiləsi, elmi-pedaqoji kadrların ixtisaslarının artırılması, birgə akademik konfransların keçirilməsi, elmi nəşrlərin hazırlanması və bir sıra başqa istiqamətlər üzrə əməkdaşlığın qurulması nəzərdə tutulur.Rektor K.Abdulla universitetlərarası layihələrin həyata keçirilməsi üçün imkanlar yaratmağın vacib olduğunu deyib. İndoneziya Universitetində Azərbaycan Dili və Mədəniyyəti Mərkəzinin açılması ilə bağlı böyük işlər görüldüyü üçün təşəkkürün bildirən rektor ADU-nun indoneziyalı müəllim və tələbələrin üzünə daim açıq olduğunu vurğulayıb.K.Abdulla Azərbaycanda multikulturalizmlə bağlı görülən işlərdən danışaraq bu istiqamətdə də birgə əməkdaşlığın mümkünlüyündən söz açıb. O, Bakı Beynəlxalq Multikulturalizm Mərkəzinin yay və qış məktəbləri layihəsində indoneziyalı tələbələrin də iştirak etmələrindən məmnunluğunu bildirib.xeber100.com