Təhsil Nazirliyinin məlumatına görə…

Dekabrın 5-dən dövlət ümumtəhsil müəssisələrinin direktoru vəzifəsinə işə qəbul üzrə müsabiqənin müsahibə mərhələsinə başlanılır.Təhsil Nazirliyindən Azərtac-a bildiriblər ki, bu mərhələdə 700-dən artıq namizədin iştirakı gözlənilir. Müsahibələr Bakı şəhəri 202 nömrəli tam orta məktəbdə keçiriləcək.Müsahibə zamanı namizədlərin peşəkar kompetensiyaları, idarəetmə bacarıqları və ümumi dünyagörüşü 5 ballıq şkala ilə qiymətləndirilir. Müsahibəyə çağırılan namizədlər tələb olunan tarixdə şəxsi işlərini (elektron ərizənin surəti, diplom(lar) və ona əlavə(lər), xaricdə təhsil alanlar diplomla yanaşı təhsil sənədlərinin tanınmasına dair şəhadətnamə, şəxsiyyət vəsiqəsi, sağlamlıq haqqında arayış, əmək kitabçası və elektron ərizəsində göstərilən məlumatları təsdiq edən digər sənədlərin əslini və ya notarial qaydada təsdiq olunmuş surətini müsahibə komissiyasına təqdim edirlər. Bu mərhələ üzrə keçid balı 3 bal müəyyən edilir.Xatırladaq ki, müsabiqədə pedaqoji və ya idarəetmə ixtisas sahələri üzrə ali təhsili, 5 ildən az olmayaraq (təhsilin təşkili və idarə olunması ixtisası üzrə elmi dərəcəsi və elmi adı olduqda 3 il) pedaqoji staja malik olan və hazırda ümumtəhsil müəssisələrində pedaqoji fəaliyyətlə məşğul olan şəxslər iştirak edə bilərlər.xeber100.com

Dövlət İmtahan Mərkəzinin məlumatı

Bu il oktyabrın 15-də elan edilmiş müsabiqənin müsahibə mərhələsi üzrə müsahibələrin keçirilmə qrafiki müəyyənləşdirilib.Dövlət İmtahan Mərkəzindən (DİM) Azərtac-a bildirilib ki, müsahibələrə 15 dövlət orqanı üzrə 60 vakant vəzifə çıxarılıb. Ümumilikdə 123 namizəd müsahibələrdə iştirak etmək üçün qeydiyyatdan keçib.Daha çox rəqabət Abşeron Rayon Məhkəməsində məsləhətçi-kompüter proqramçısı (1 vakant yer üzrə 29), Energetika Nazirliyinin daxili nəzarət şöbəsinin inzibati-təşkilati nəzarət sektorunda məsləhətçi (1 vakant yer üzrə 25), Təhsil Nazirliyinin təhsilin inkişafı proqramları şöbəsinin keyfiyyətin təminatı sektorunda aparıcı məsləhətçi (1 vakant yer üzrə 21) vəzifələri üzrə müşahidə edilib.Müsahibələrin dekabrın 6-dan 17-dək DİM-in inzibati binalarında həyata keçirilməsi planlaşdırılır. Müsahibələrdə iştirak üçün qeydiyyatdan keçmiş namizədlər daha ətraflı məlumatı DİM-in saytından əldə edə bilərlər.xeber100.com

Bakı Şəhəri üzrə Təhsil İdarəsinin məlumatı

Əvvəlki illərdə ümumtəhsil məktəblərində oxuyub ümumi orta təhsil səviyyəsini (IX) bitirə bilməyən vətəndaşlar üçün eksternat qaydasında imtahanlar keçiriləcək.Bakı Şəhəri üzrə Təhsil İdarəsindən (BŞTİ) Azərtac-a bildiriblər ki, sərbəst (eksternat) təhsilalma formasının tətbiqi müxtəlif səbəblərdən ümumi orta təhsil səviyyəsini başa vura bilməyən şəxslərə həmin səviyyə üzrə buraxılış imtahanı verib müvafiq təhsil sənədi almaq üçün şərait yaratmaq məqsədi daşıyır.Eksternat imtahanları dekabrın 25-də və 26-da paytaxtdakı 258 nömrəli tam orta məktəbdə təşkil olunacaq.xeber100.com

Növbəti sınaq imtahanları keçiriləcək

Dövlət İmtahan Mərkəzində (DİM) dövlət qulluğuna qəbul olmaq istəyən şəxslərin müsabiqənin test imtahanı mərhələsinə daha da səmərəli hazırlaşmalarına kömək məqsədilə növbəti sınaq imtahanları keçiriləcək.DİM-dən Azərtac-a bildirilib ki, sınaq imtahanları AA, AB, AC, BA, BB qrupları üzrə keçiriləcək. İmtahanlar dekabrın 5-də saat 15-də, dekabrın 15-də isə saat 10-da başlayacaq.Namizədlər imtahanı mərkəzin Nəsimi rayonu, Abdulvahab Salamzadə küçəsi, 28 ünvanında yerləşən binasında xüsusi ayrılmış zallarda kompüter vasitəsilə elektron formada verəcəklər. İmtahanlarda iştirak etmək üçün online qeydiyyat müvafiq olaraq dekabrın 5-i saat 13-də, dekabrın 15-i isə saat 9-da da başa çatacaq.xeber100.com

Dövlət İmtahan Mərkəzinin məlumatına görə…

Dövlət İmtahan Mərkəzi (DİM) Azərbaycan dili, riyaziyyat, ingilis dili, kimya, fizika, biologiya, tarix və coğrafiya fənlərindən yeni təhsil proqramları (kurikulumlar) üzrə qiymətləndirmə tapşırıqlarının hazırlanması və onların meyarlar əsasında yoxlanılmasına (marker) dair Biləsuvarda hazırlıq kursu təşkil edəcək.DİM-dən Azərtac-a bildiriblər ki, hazırlıq kursu noyabrın 24-də saat 09.00-da Milli Qəhrəman Mübariz İbrahimov adına Biləsuvar Bağça-Məktəb-Lisey Kompleksində (Heydər Əliyev prospekti, 2D) təşkil olunacaq.Hazırlıq kurslarında yalnız elektron qeydiyyatdan keçmiş, yeni proqramlar (kurikulumlar) barədə məlumatlı olan, ixtisası müvafiq fənlərə uyğun müəllimlər, metodistlər, pedaqojiyönümlü ali təhsil müəssisələrinin bakalavriat səviyyəsinin müvafiq fənn üzrə təhsil alan axırıncı kurs tələbələri və həmin müəssisələrdə təhsil alan magistrlər iştirak edə bilərlər.xeber100.com

Bakı Dövlət Universitetinin məlumatı əsasında…

Bakı Dövlət Universitetinin mətbuat xidməti sosial şəbəkələrdə bu təhsil müəssisəsinə yeni rektor təyin edilməsi barədə məlumatlarla bağlı Azərtac-ın sorğusunu cavablandırıb.Bildirilib ki, bu təhsil müəssisəsinə rektor təyin edilməsi barədə yayılan məlumatlar həqiqəti əks etdirmir.Təhsil Nazirliyinin ictimaiyyətlə əlaqələr sektorunun müdiri Cəsarət Valehov isə qeyd edib ki, hazırda Bakı Dövlət Universitetinin rektoru vəzifəsini universitetin tədrisin təşkili və təlim texnologiyaları üzrə prorektoru, professor İradə Əliyeva icra edir.xeber100.com

Test bloku ilə əlaqədar elmi-metodik seminar keçirilib

Dövlət İmtahan Mərkəzində (DİM) 2019-2020-ci tədris ili üçün ali təhsil müəssisələrinin magistratura səviyyəsinə qəbul imtahanında ümumi intellekt səviyyəsinin (məntiqi təfəkkürün) yoxlanılması üzrə test bloku ilə əlaqədar elmi-metodik seminar keçirilib.DİM-dən Azərtac-a bildiriblər ki, seminarda ümumi intellekt səviyyəsinin (məntiqi təfəkkürün) yoxlanılması üzrə qəbul imtahanı proqramı və test tapşırığı nümunələri müzakirə olunub.DİM-in magistratura üzrə sektorunun böyük məsləhətçisi Rövşən Əsədov proqramın layihəsini və test tapşırığı nümunələrini seminar iştirakçılarına təqdim edib. Seminar iştirakçılarından İ.Cəfərova, A.Abbasquliyev, R.Xəlilov və başqaları təqdim olunan proqram layihəsi və test tapşırığı nümunələri ilə bağlı fikir və təkliflərini bildirib, onları məqbul hesab ediblər. Müzakirələr nəticəsində proqramın və test tapşırığı nümunələrinin redaktə xarakterli düzəlişlərlə qəbul olunması qərara alınıb. Proqram və test tapşırığı nümunələri “Magistr” jurnalının növbəti nömrəsində dərc olunacaq.xeber100.com

Dövlət İmtahan Mərkəzi seminarlar keçirəcək

Noyabrın 16-da Dövlət İmtahan Mərkəzi (DİM) yeni qəbul qaydaları ilə bağlı Xızı Şəhər Heydər Əliyev Mərkəzində seminarlar keçirəcək. Bu barədə Azərtac-a DİM-dən bildirilib.Plenar iclasda DİM-in Direktorlar Şurasının sədri Məleykə Abbaszadə 2019-cu ildə ali təhsil müəssisələrinə qəbul imtahanlarının tətbiqi nəzərdə tutulan yeni qaydaları haqqında məlumat verəcək.Riyaziyyat fənni üzrə seminarda DİM-in şöbə müdiri Afiqə Batıyeva “Ali təhsil müəssisələrinə qəbul imtahanlarında tətbiqi nəzərdə tutulan yeni qəbul modeli”ndən bəhs edəcək. Həmin qurumun sektor müdiri Aydın Qasımov isə “Qəbul imtahanı proqramı, tapşırıq nümunələri və qiymətləndirmə meyarları” mövzusunda çıxış edəcək.Fizika fənni üzrə seminarda isə Bakı Modern Təhsil Kompleksinin müəllimi Əlövsət Rəcəbli qəbul imtahanı proqramı, tapşırıq nümunələri və qiymətləndirmə meyarları barədə danışacaq.xeber100.com

Təhsil Nazirliyinin məlumatı əsasında…

2018-2019-cu tədris ili üçün dövlət ümumtəhsil müəssisələrinə direktor vəzifəsinə işə qəbul üzrə müsabiqəyə elektron sənəd qəbulu başa çatıb.Təhsil Nazirliyindən Azərtac-a bildiriblər ki, direktor olmaq istəyən 2037 namizəd miq.edu.az saytında qeydiyyatdan keçərək elektron ərizəsini təsdiq edib.Dövlət ümumtəhsil müəssisələrinə direktor vəzifəsinə işə qəbul üzrə müsabiqə dörd mərhələdən (elektron ərizələrin qəbulu, test imtahanı, müsahibə və vakant yerlərə yerləşdirilmə) ibarətdir.Müsabiqədə pedaqoji və ya idarəetmə ixtisas sahələri üzrə ali təhsilli və 5 ildən az olmayaraq (təhsilin təşkili və idarə olunması ixtisası üzrə elmi dərəcəsi və elmi adı olduqda 3 il) pedaqoji staja malik və hazırda ümumi təhsil müəssisələrində pedaqoji fəaliyyət göstərən şəxslər iştirak edə bilərlər.Direktor vəzifəsinə işə qəbul müsabiqəsinə ölkə üzrə 700-ə yaxın vakant yer çıxarılıb.xeber100.com

Təhsil naziri vətəndaşları qəbul edəcək

Təhsil naziri Ceyhun Bayramov noyabrın 16-da saat 10:00-da Saatlı şəhərindəki Gənclər Mərkəzində Sabirabad, Saatlı, İmişli rayon və Şirvan şəhər sakinlərini qəbul edəcək.Mərkəzi icra hakimiyyəti orqanları rəhbərlərinin 2018-ci ilin noyabr ayında şəhər və rayonlarda vətəndaşların qəbulu cədvəlinə uyğun olaraq keçirilən qəbulda qeyd edilən şəhər və rayonlarda müvəqqəti məskunlaşmış məcburi köçkünlər də iştirak edə bilərlər.xeber100.com