Bakı Şəhəri üzrə Təhsil İdarəsinin məlumatı

Noyabrın 2-də Bakının Yasamal, Səbail və Qaradağ rayonları üzrə müəllim və valideynlərin səyyar qəbulu keçiriləcək.Bakı Şəhəri üzrə Təhsil İdarəsindən Azərtac-a bildiriblər ki, 18 nömrəli tam orta məktəbdə təşkil olunacaq səyyar qəbul saat 10.00-da başlayacaq.Səyyar qəbul vəzifə funksiyalarının tələb olunan səviyyədə yerinə yetirilməsi istiqamətində müəssisə rəhbərlərinin məsuliyyətinin artırılması, təhsilin keyfiyyətinin yüksəldilməsi, məktəblərdə sağlam və yaradıcı mühitin təmin olunması üçün sistemli iş aparılması məqsədlərinə xidmət edir.Səyyar qəbulda müəllim və valideynlərin müraciətləri BŞTİ-nin rəhbərliyi və struktur bölmə əməkdaşları tərəfindən dinləniləcək, müvafiq təşkilati və maarifləndirmə tədbirləri görüləcək.xeber100.com

Dövlət İmtahan Mərkəzinin məlumatına görə…

Dövlət İmtahan Mərkəzi (DİM) dövlət qulluğunda inzibati vəzifələrin B növünə (inzibati icraçı vəzifələr) aid olan BA və BB qruplarına uyğun olan vəzifələr üzrə qəbul üçün test imtahanı keçirib.DİM-dən Azərtac-a bildirilib ki, imtahanda iştirak etmək üçün qeydiyyatdan keçmiş 1456 namizəddən 15-i imtahana gəlməyib.İmtahanın nəticələri saat DİM-in saytında yerləşdirilib. Namizədlər imtahanın nəticələri haqqında məlumatı, mobil operatorlar vasitəsilə “iş nömrəsi”ni 7727 nömrəsinə göndərməklə də öyrənə bilərlər. Nəticələrə əsasən: BA1 altqrupu üzrə – 1 nəfər; BA2 altqrupu üzrə – 1 nəfər; BA3 altqrupu üzrə – 21 nəfər; BA4 altqrupu üzrə – 39 nəfər; BB1 altqrupu üzrə – 124 nəfər; BB2 altqrupu üzrə – 118 nəfər; BB3 altqrupu üzrə – 173 nəfər; BB4 altqrupu üzrə – 190 nəfər olmaqla, ümumilikdə 667 namizəd tələb olunan müsabiqə şərtlərini ödəyərək uğur qazanıb.Qeyd edək ki, test imtahanından müvəffəqiyyətlə keçən namizədə altqruplara daxil olan vəzifələrə uyğun sertifikat veriləcək. Sertifikatın qüvvədə olma müddəti 5 ildir.xeber100.com

Əməkdaşlıq perspektivləri müzakirə olunub

Azərbaycanın təhsil nazirinin müavini Firudin Qurbanov VI Bakı Beynəlxalq Humanitar Forumunda iştirak etmək üçün ölkəmizdə səfərdə olan Tacikistanın təhsil nazirinin müavini Fathiddin Usmonzadə ilə görüşüb.Təhsil Nazirliyindən Azərtac-a bildiriblər ki, görüşdə Azərbaycan ilə Tacikistan arasında təhsil sahəsində mövcud əlaqələr, gələcək əməkdaşlıq perspektivləri müzakirə olunub.xeber100.com

Dövlət qulluğuna qəbul üçün test imtahanı keçiriləcək

Dövlət İmtahan Mərkəzi (DİM) tərəfindən oktyabrın 28-də dövlət qulluğunda inzibati vəzifələrin B növünə (inzibati icraçı vəzifələr) aid olan BA və BB qruplarına uyğun vəzifələr üzrə dövlət qulluğuna qəbul üçün test imtahanı keçiriləcək.DİM-dən Azərtac-a bildiriblər ki, Bakı şəhərində təşkil olunacaq bu imtahanda iştirak etmək üçün BA qrupu üzrə 332, BB qrupu üzrə 1124, ümumilikdə isə 1456 namizəd qeydiyyatdan keçib.İmtahanda iştirak üçün qeydiyyatdan keçmiş namizədlər DİM-in internet saytına daxil olaraq “İmtahana buraxılış vərəqəsi”ni çap etməlidirlər. Buraxılış vərəqəsi ilə yanaşı onlara “Namizədin yaddaş kitabçası” da təqdim olunur. Burada namizədlərə imtahan prosesi ilə bağlı vacib tövsiyələr, onların əməl etməli olduqları qaydalar və digər zəruri məlumatlar çatdırılır.İmtahan bütün binalarda saat 11.00-da başlanacaq və 3 saat davam edəcək. Namizədlər imtahana şəxsiyyəti təsdiq edən sənədin əslini və “İmtahana buraxılış vərəqəsi”ni gətirməlidirlər.Göstərilən sənədlərdən biri olmadıqda və ya sənədlər arasında uyğunsuzluq olduqda namizəd imtahana buraxılmayacaq. İmtahan binasına giriş zamanı üzərində mobil telefon, konspekt və digər yardımçı vasitələr aşkarlanan namizədlər barədə akt tərtib olunacaq və onlar imtahan binasına buraxılmayacaqlar.xeber100.com

Bakı Şəhəri üzrə Təhsil İdarəsinin məlumatı

Bakıdakı ümumtəhsil müəssisələrinin metodbirləşmə sədrləri ilə görüşlər keçirilir.Bakı Şəhəri üzrə Təhsil İdarəsindən Azərtac-a bildirilib ki, Təlimə Dəstək Mərkəzinin metodistləri tərəfindən təşkil olunan görüşlərin əsas məqsədi təhsilin keyfiyyətinin yüksəldilməsi, məktəbin fəaliyyətində səmərəliliyin artırılması, təhsil müəssisələrində sağlam və yaradıcı mühitin təmin olunması üçün sistemli işin aparılmasından ibarətdir.Bakı şəhəri üzrə 12 inzibati rayonda keçirilən görüşlərdə qarşıda duran vəzifələr müzakirə olunur və təkliflər hazırlanır.Görüşlərdə təhsil nazirinin “Ümumi təhsil sahəsində 2018-2019-cu dərs ilinin prioritet fəaliyyət istiqamətləri barədə” əmrinə əsasən, təhsil müəssisələrində görülən işlər, metodbirləşmələrin fəaliyyətinin səmərəli təşkili, müəllimlərin yaradıcılıq işləri, sənədləşmə, qarşılıqlı dərsdinləmələri, kiçik və böyük summativ qiymətləndirmələrin keçirilmə müddəti və digər müzakirəsi vacib aktual məsələlərə toxunulur. Qeyd edilən məsələlərlə bağlı fikir mübadiləsi aparılır və müvafiq təkliflər irəli sürülür.xeber100.com

2019-2020-ci tədris ili üçün qəbul şərtləri və qaydaları…

M.V.Lomonosov adına Moskva Dövlət Universitetinin (MDU) Bakı filialı noyabrın 3-də abituriyentləri 2019-2020-ci tədris ili üçün filiala qəbulun şərtləri və qaydaları ilə tanış olmağa dəvət edir. Bu barədə Azərtac-a filialdan məlumat verilib.Tədbir iştirakçıları MDU-nun Bakı filialının filologiya, tətbiqi riyaziyyat, kimya, psixologiya, iqtisadiyyat və fizika fakültələrində bakalavrların və magistrlərin tədrisi ilə bağlı hərtərəfli məlumat əldə edə biləcəklər.xeber100.com

Dillər Universitetində beynəlxalq konfrans keçiriləcək

Oktyabrın 25-26-da Azərbaycan Dillər Universitetində (ADU) “Tətbiqi dilçiliyin müasir problemləri” mövzusunda üçüncü beynəlxalq konfrans keçiriləcək.ADU-dan Azərtac-a bildirilib ki, konfransda “Birinci eksperimental və müqayisəli dilçilik”, “Sosiolinqvistikanın nəzəri və praktik məsələləri”, “Xarici dillərin tədrisinə müasir yanaşmalar”, “Tərcüməşünaslığın aktual problemləri”, “Mətnin linqvosemiotik problemləri” bölmələri üzrə müzakirələr aparılacaq.Konfransın işində Böyük Britaniya, Almaniya, Fransa, Çexiya, Polşa, Rusiya, Türkiyə, Gürcüstan, Finlandiya, Yaponiya, Bolqarıstan, Pakistan, Səudiyyə Ərəbistanı və digər ölkələrdən qonaqlar, eləcə də ADU-dan və respublikanın bir sıra universitetlərdən nümayəndələr iştirak edəcəklər. Konfrans iştirakçıları Durham Universitetinin professoru Maykl Bayramın mühazirəsində (skayp vasitəsilə), eləcə də Konin Dövlət Tətbiqi Elmlər Universitetinin professoru Barbara Levandovskanın ustad dərslərində iştirak etmək şansı qazanacaqlar.

Növbəti sınaq imtahanı keçiriləcək

Dövlət İmtahan Mərkəzində (DİM) dövlət qulluğuna qəbul olmaq istəyən şəxslərin müsabiqənin test imtahanı mərhələsinə daha da səmərəli hazırlaşmalarına kömək məqsədilə növbəti sınaq imtahanı keçiriləcək.DİM-dən Azərtac-a bildirilib ki, sınaq imtahanı AA, AB, AC, BA, BB qrupları üzrə oktyabrın 20-də, saat 10:00-da başlayacaq.Namizədlər imtahanı Mərkəzin Nəsimi rayonu, Abdulvahab Salamzadə küçəsi, 28 ünvanında yerləşən binasında xüsusi ayrılmış zallarda kompüter vasitəsilə elektron formada verəcəklər. Qeyd olunan imtahanda iştirak etmək üçün onlayn qeydiyyat oktyabrın 20-də saat 9:00-da başa çatacaq. Qeyd edək ki, sınaq imtahanında iştirak etmək istəyənlər DİM-in saytında “Şəxsi kabinet”lərini yaratmalıdırlar. Kabinet yaradılan zaman onun pul hesabı da açılır. “Şəxsi kabinet”də olan hesaba vəsait daxil etmək üçün müxtəlif ödəniş üsullarından (ətraflı məlumat payment.dim.gov.az saytında verilib) yararlanmaq olar. “Şəxsi kabinet” yaradıldıqdan və hesaba lazımi vəsait qoyulduqdan sonra sınaq imtahanında iştirak etmək üçün DİM-in saytında onlayn qeydiyyatdan keçmək lazımdır.Sınaq imtahanında yeni test tapşırıqlarından istifadə ediləcək.xeber100.com

Bakı Şəhəri üzrə Təhsil İdarəsinin məlumatı

Ümumi təhsil müəssisələrinin ingilis dili müəllimləri üçün seminar keçirilib.Bakı Şəhəri üzrə Təhsil İdarəsindən Azərtac-a bildirilib ki, paytaxtdakı 207 nömrəli tam orta məktəbdə təşkil olunan seminarda Nərimanov rayonundakı tam orta məktəblərin ingilis dili müəllimləri iştirak ediblər.Seminarın keçirilməsində əsas məqsəd ingilis dili müəllimlərinin dil və tədris bacarıqlarının təkmilləşdirilməsi və beynəlxalq təcrübənin dərslərdə tətbiq olunmasından ibarətdir. Seminara Malayziya Texniki Əməkdaşlıq Proqramı (MTCP) çərçivəsində “Sinfin idarə olunması” mövzusunda keçirilən təlim proqramını müvəffəqiyyətlə başa vuran ingilis dili müəllimi Reyhan Rzayeva moderatorluq edib. O, sinfin idarə edilməsinə dair təqdimatla çıxış edib.Tədbir iştirakçıları şagirdlərin idarə olunması, valideynlərlə işin təşkili, korporativ əməkdaşlıq, verilənlərin analizi və monitorinqi, effektiv kommunikasiya mövzuları barədə beynəlxalq təcrübə ilə tanış olublar. Seminarda məktəblilərin ingilis dilində fikirlərini düzgün və səlis ifadə etməsini dəstəkləmək, ünsiyyət vərdişlərini təkmilləşdirmək və xarici dildə ünsiyyət komplekslərini aradan qaldırmaqla bağlı müəllimlərə tövsiyələr də verilib. Habelə tədris prosesinin daha da təkmilləşdirilməsi istiqamətində səmərəli fikir mübadiləsi aparılıb, beynəlxalq təcrübə ətrafında ingilis dili müəllimlərinin təəssüratları dinlənilib, suallar cavablandırılıb.xeber100.com

Dövlət İmtahan Mərkəzinin məlumatı əsasında…

Dövlət İmtahan Mərkəzi oktyabrın 28-də 2019-cu ilin qəbul imtahanı modelinə uyğun yeni təhsil proqramları (kurikulum) üzrə sınaq imtahanı keçirəcək.DİM-dən Azərtac-a bildirilib ki, sınaq imtahanında iştirakçılara 2019-cu ildə ali təhsil müəssisələrinin bakalavriat səviyyəsinə qəbul imtahanının modelinə uyğun olaraq test tapşırıqları hər qrupda 3 imtahan fənni üzrə aşağıdakı kimi təqdim olunacaq: I qrup II qrup III qrup IV qrup Riyaziyyat Riyaziyyat Azərbaycan (rus) dili Biologiya Fizika Coğrafiya Tarix Kimya Kimya Tarix Ədəbiyyat Fizika Abituriyentlərə hər fənn üzrə 30 test tapşırığı təqdim olunur. Bu tapşırıqların 22-si qapalı, 8-i isə açıq formalıdır. Açıq formalı tapşırıqlardan 3-ü yazılı şəkildə cavablandırılması tələb olunan situasiya və yaxud mətn əsasında hazırlanan tapşırıqlardır. Digər açıq formalı tapşırıqlar uzun müddət istifadə olunan hesablama, seçim, xronologiya, uyğunluğu müəyyənetmə tipli tapşırıqlardır.İmtahanın müddəti 3 saatdır. Tapşırıqların cavabları “cavab vərəqi”ində nəzərdə tutulan müvafiq yerlərdə qeyd olunur. İmtahanın sonunda cavab vərəqələri və cavab kartları şagirdlərdən təhvil alınır.Sınaq imtahanına qeydiyyat 16 oktyabr saat 10:00-dan 22 oktyabr saat 09:00-dək aparılacaqdır.xeber100.com