Beynəlxalq Təhsil Sərgisi keçiriləcək

Oktyabrın 11-dən 13-dək Bakı Ekspo Mərkəzində XII Azərbaycan Beynəlxalq Təhsil Sərgisi keçiriləcək. “Uşaqların gələcəyinə sərmayə” devizi altında təşkil ediləcək sərgi dünyanın 12 ölkəsindən 100-dən çox iştirakçını bir araya gətirəcək.Təhsil Nazirliyindən Azərtac-a bildiriblər ki, sərgidə bu qurum geniş pavilyonda təmsil olunacaq. Azərbaycanın 14 ali təhsil müəssisəsinin qatılacağı sərgidə iştirakçılara “Məktəbəhazırlıq”, “Olimpiadalara hazırlıq mərkəzi”, “Peşə Təhsili üzrə Dövlət Agentliyi”, “Təhsil” Respublika İdman Mərkəzi”, “Uşaq-Gənclər İnkişaf Mərkəzi”, “SABAH” qrupları”, “İçərişəhər ənənəvi incəsənət mərkəzi”, “Sağlam təhsil - sağlam millət”, “Maarifçi” Tələbə Kredit Fondu”, “Məktəblinin dostu”, “Modul tipli məktəblər”, “İT STEP”, “Media Mərkəz - Təhsil TV” və digər stendlər təqdim ediləcək.Sərginin gündəliyinə işgüzar görüşlər, panel müzakirələr, media-təqdimatlar və ayrı-ayrı mövzulara dair mühazirələr daxildir.Sərginin baş sponsoru “Kapital Bank”dır. Sərgi, həmçinin Azərbaycan Respublikasının Kiçik və Orta Biznesin İnkişafı Agentliyi, Azərbaycanda İxracın və İnvestisiyaların Təşviqi Fondu (AZPROMO) və Azərbaycan Respublikası Sahibkarlar (İşəgötürənlər) Təşkilatları Milli Konfederasiyası (ASK) tərəfindən dəstəklənir, təşkilatçı qismində isə “Caspian Event Organisers” (“CEO”) şirkəti çıxış edir.xeber100.com

Təhsil naziri vətəndaşları qəbul edəcək

Təhsil naziri Ceyhun Bayramov oktyabrın 19-da saat 10.00-da Tərtər şəhərindəki Gənclər Mərkəzində mərkəzi icra hakimiyyəti orqanları rəhbərlərinin 2018-ci ilin oktyabr ayında şəhər və rayonlarda vətəndaşların qəbulu cədvəlinə uyğun olaraq, Ağdam, Füzuli, Beyləqan və Tərtər rayonlarının sakinlərini qəbul edəcək.Təhsil Nazirliyindən Azərtac-a bildiriblər ki, qəbulda həmin rayonlarda müvəqqəti məskunlaşmış məcburi köçkünlər də iştirak edə bilərlər. Qəbula gəlmək istəyən vətəndaşlar oktyabrın 8-dən 12-dək bu qurumun Telefon Məlumat Mərkəzinin 146 nömrəli telefonuna (“Qaynar xətt” xidməti) zəng etməklə və ya nazirliyin rəsmi saytının “Vətəndaşların qəbulu” bölməsinə daxil olmaqla elektron qeydiyyatdan keçə bilərlər.xeber100.com

Ukrayna Təhsil və Elm Nazirliyinin məlumatı

Ukraynada təhsil alan Azərbaycan vətəndaşlarının sayı artan temp üzrə davam edir. Bu barədə Azərtac-a Ukrayna Təhsil və Elm Nazirliyindən məlumat verilib.Məlumata görə, hazırda Ukrayna ali təhsil ocaqlarında 12 min Azərbaycan vətəndaşı təhsil alır. Azərbaycanlılar ən çox Kiyev və Xarkov şəhərlərində təhsil alırlar.Bildirilib ki, son 5 ildə Ukraynada təhsil alan azərbaycanlıların sayı təxminən 3 min nəfər artıb.xeber100.com

Beynəlxalq Müəllimlər Günü qeyd olunub

Bakı Şəhəri üzrə Təhsil İdarəsinin (BŞTİ) tabeliyindəki ümumtəhsil müəssisələrində 5 oktyabr - Beynəlxalq Müəllimlər Günü ilə əlaqədar bir sıra tədbirlər keçirilib.BŞTİ-dən Azərtac-a bildiriblər ki, təhsil müəssisələrində Beynəlxalq Müəllimlər Gününə həsr olunan konfrans, “dəyirmi masa”, mühazirə, şagirdlərin əl işlərindən ibarət sərgilər, bədii qiraət gecələri təşkil edilib. Həmçinin rəsm, şeir, inşa, video müsabiqələri də keçirilib.BŞTİ-nin əməkdaşlarının, yerli icra qurumlarının, ziyalıların, məktəblərin pedaqoji kollektivinin, valideyn və şagirdlərin iştirak etdikləri tədbirlərdə təhsil sahəsində aparılan islahatlardan, Prezident İlham Əliyev tərəfindən təhsilə olan diqqət və qayğıdan, təhsil işçilərinin sosial müdafiəsinin möhkəmləndirilməsi istiqamətində atılan addımlardan danışılıb. Ölkəmizdə müəllimlərin dövlətin hərtərəfli qayğısı ilə əhatə olunduğu, o cümlədən şərəfli peşə sahibi olan müəllimlərə hər zaman böyük hörmət və ehtiram göstərildiyi bildirilib.Tədbirlərdə həyatını xalqın işıqlı gələcəyinə həsr edən müqəddəs peşə sahiblərinin cəmiyyətimizə və gələcəyimizə verdiyi töhfələrdən də söhbət açılıb. Çıxış edən müəllimlər yaradılan geniş imkanlardan bəhrələnərək ölkəmizin gələcək inkişafı üçün yüksək təhsilli və savadlı gənclər yetişdirmək üçün əllərindən gələni edəcəklərini söyləyiblər.Həmçinin tədbirlərdə öz səmərəli fəaliyyəti ilə fərqlənən qabaqcıl müəllimlər təltif olunublar.Şagirdlər müəllimlərə həsr olunmuş şeirlərdən parçalar səsləndirib, mahnılar oxuyub, ədəbi-bədii kompozisiyalar nümayiş etdiriblər.xeber100.com

Hökumətlərarası Təqaüd Proqramları çərçivəsində

Hökumətlərarası Təqaüd Proqramları çərçivəsində 2018-2019-cu tədris ili üçün Macarıstan təhsil təqaüd proqramına seçimlər yekunlaşıb.Təhsil Nazirliyindən Azərtac-a bildiriblər ki, bu qurum ilə Macarıstan İnsan Resursları Nazirliyi arasında təhsil sahəsində uğurlu əməkdaşlığın nəticəsi olaraq 174 nəfər Azərbaycan vətəndaşı bu tədris ili üzrə Macarıstanın nüfuzlu universitetlərində təhsil almaq imkanı əldə edib.Seçim barədə Macarıstan tərəfindən verilən yekun qərar nəticəsində qeyd olunan saziş üzrə 174 nəfər, o cümlədən 18 nəfər doktorantura (PhD), 134 nəfər magistratura, 22 nəfər isə bakalavriat səviyyələrində təhsil almaq hüququ qazanıb. Onlar iqtisadiyyat, biznes və idarəetmə, mühəndislik, informasiya texnologiyaları, texnologiyalar, turizm, təbiət elmləri və davamlı inkişaf istiqaməti üzrə təhsil alacaqlar.Təqaüdə layiq görülən tələbələr əsasən “Budapest University of Technology and Economics”, “Corvinus University of Budapest”, “Eötvös Loránd University”, “University of Debrecen” və “University of Pécs” və digərlər ali təhsil müəssisələrində təhsil alacaqlar.Qeyd edək ki, müvafiq təqaüd proqramı barədə elan cari il fevralın 1-də verilib.xeber100.com

Bakı Şəhəri üzrə Təhsil İdarəsinin məlumatı

Paytaxt məktəbliləri arasında “Nə? Harada? Nə zaman?” intellektual oyunu keçirilib.Bakı Şəhəri üzrə Təhsil İdarəsindən Azərtac-a bildiriblər ki, bilik yarışının keçirilməsinin əsas məqsədi şagirdlərin intellektual səviyyəsini, dünyagörüşünü və ayrı-ayrı mövzularda biliklərini artırmaq, məktəblilərin yaradıcı inkişafına təkan vermək və onlarda özünüifadə vərdişlərini aşılamaqdır.Səbail rayonu üzrə IX-XI sinif şagirdləri arasında Gənclər və İdman İdarəsinin təşkilatçılığı ilə keçirilən yarışda komandalar hər biri 12 sualdan ibarət olmaqla üç mərhələdə yarışıblar.İntellektual oyunun nəticələri münsiflər heyəti tərəfindən müəyyənləşdirilib. Nəticələrə əsasən, 7 nömrəli tam orta məktəb birinci, 189-190 nömrəli tam orta məktəb ikinci, 160 nömrəli Klassik gimnaziya isə üçüncü yerə layiq görülüb.Qalib komandalar diplom və hədiyyələrlə mükafatlandırılacaqlar.Qeyd edək ki, “Nə? Harada? Nə zaman?” intellektual oyunu “Azərbaycan gəncliyi 2017-2021-ci illərdə” Dövlət Proqramına uyğun olaraq reallaşdırılan tədbirlər çərçivəsində həyata keçirilib.xeber100.com

Dövlət İmtahan Mərkəzinin məlumatı əsasında…

Bu il ali təhsil müəssisələrinə qəbul olunan abituriyentlərin 99 faizi qeydiyyatdan keçib.Azərtac xəbər verir ki, bunu Dövlət İmtahan Mərkəzinin (DİM) Direktorlar Şurasının sədri Məleykə Abbaszadə sentyabrın 21-də jurnalistlərə açıqlamasında bildirib.Əvvəllər ali məktəbə qəbul olunan abituriyentlərin təxminən 12-13 faizinin qeydiyyatdan keçmədiyini vurğulayan M.Abbaszadə deyib: “Bu il isə bu göstərici çox az oldu. Sentyabrın 15-dən sonra qeydiyyatdan keçməyən abituriyentlər tərəfindən müraciətlər daxil oldu. Biz onlara fərdi şəkildə baxdıq. Ali məktəbə qəbul olunan, amma ali təhsil müəssisəsində qeydiyyatdan keçməyən abituriyent sentyabrın 15-də tədris ocağına gəlib. Bu hallara da fərdi yanaşıldı. Elə hallar da olub ki, abituriyentin təhsil haqqı köçürülüb, amma o qeydiyyatdan keçməyib. Bunları nəzərə alaraq belə tələbələrlə bağlı əmrləri ali məktəblərə göndərdik”.

Anlaşma memorandumu imzalanacaq

Azərbaycan Dövlət İqtisad Universitetinin (UNEC) elm şöbəsinin müdiri Zahid Məmmədov Bakı Fond Birjasının (BFB) nümayəndələri ilə görüşüb.Universitetdən Azərtac-a bildirilib ki, görüşdə UNEC ilə BFB arasında əməkdaşlıq perspektivləri müzakirə olunub. Aparılan danışıqlar çərçivəsində, hər iki qurum arasında anlaşma memorandumunun imzalanması barədə qərar qəbul edilib.Hazırda sənədin yekun versiyasının hazırlanması üzərində hər iki tərəfin mütəxəssislərindən ibarət işçi qrupu çalışır. Yaxın vaxtlarda imzalanması gözlənilən sənəd iki müəssisə arasında əməkdaşlığı daha da möhkəmləndirəcək, yeni layihələrin icrasına start verəcək.Layihə çərçivəsində “Fond Birjası: iqtisadiyyatın barometri kimi” adlı Azərbaycan üçün yeni, konseptual yanaşma və praktik məsələlərin yer alacağı kitabın nəşri nəzərdə tutulub. Nəşrdə BFB-nin ən aktiv şirkətləri, maraqlı təcrübələr haqqında məlumatlar yer alacaq.Əməkdaşlıq çərçivəsində UNEC və BFB-nın birgə təşkilatçılığı ilə sektor üçün əhəmiyyətli olacaq maliyyə konfransının keçirilməsi nəzərdə tutulub. Biznes nümayəndələri və tələbələr üçün təşkil ediləcək konfrans çərçivəsində BFB-nin aparıcı şirkətlərinin və digər tərəflərin iştirakı ilə maliyyə sərgisi keçiriləcək.xeber100.com

Dövlət İmtahan Mərkəzinin məlumatına görə…

Dövlət İmtahan Mərkəzi (DİM) mərkəzi icra hakimiyyəti və məhkəmə orqanları olmaqla ümumilikdə 12 dövlət orqanında dövlət qulluğu vəzifələrinin A (8 vəzifə) və B (257 vəzifə) növünə aid 265 vakant vəzifənin tutulması üçün müsabiqənin müsahibə mərhələsini elan edir. Müsahibədə iştirak üçün qeydiyyat oktyabrın 17-dək aparılacaq.DİM-dən Azərtac-a bildiriblər ki, müsabiqəyə təqdim olunmuş vakant vəzifələr üzrə vəzifə təlimatları, müsahibə proqramları mərkəzin internet portalında yerləşdirilib.Müsahibəyə qatılmaq istəyən namizədlər əldə etdikləri sertifikata uyğun gələn vakant vəzifələrin müsahibəsində iştirak edə bilərlər. Elan olunmuş müsahibədə iştirak üçün müraciət edən namizəd “Dövlət qulluğu haqqında” Azərbaycan Respublikası Qanununun 27-ci maddəsinin və qanunvericiliklə müəyyənləşdirilmiş vakant vəzifələrin tutulmasının ümumi şərtlərinin tələblərinə cavab verməlidir. Ümumi şərtlərə uyğun olaraq vakant vəzifə üzrə müəyyənləşdirilmiş tələblərə cavab verməyən namizəd müsahibədə iştirak edə bilməz.Müsahibədə iştirak üçün müraciət etmiş namizədin Forma vasitəsilə portala daxil etdiyi məlumatların və sənədlərin tamlığı, aktuallığı və namizədin müvafiq vakant vəzifənin tutulması şərtlərinə uyğunluğu mərkəz tərəfindən yoxlanılır və təsdiqləndikdən sonra namizəd müsahibədə iştirak üçün qeydə alınır.Müsahibədə iştirakı qeydə alınmayan namizədə bu barədə portal vasitəsilə elektron bildiriş göndərilir. Namizədin qeydə alınmamasına səbəb olan çatışmazlıqlar aradan qaldırıldıqdan sonra, namizəd müvafiq vəzifə üzrə müsahibədə iştirak üçün qeydə alınır.xeber100.com

Bakı Dövlət Universitetində “Bilik günü” münasibətilə tədbir keçirilib

Sentyabrın 17-də Bakı Dövlət Universitetində (BDU) 2018-2019-cu tədris ilinin başlanması və “Bilik günü” münasibətilə tədbir keçirilib.Azərtac xəbər verir ki, tədbirdə BDU-nun rektoru A.Məhərrəmov bu əlamətdar gün münasibətilə müəllim və tələbələri təbrik edib. Rektor bu il universitetə beş min tələbənin qəbul olunduğunu diqqətə çatdırıb. BDU-da qazanılan nailiyyətlərdən danışan akademik A.Məhərrəmov hazırda universitetdə 23 min tələbənin təhsil aldığını bildirib.Digər çıxış edənlər də yeni tədris ilində müəllim və tələbələrə uğurlar arzulayıblar.xeber100.com