Müəllimlərin işə qəbulu üzrə elektron sənəd qəbulu başlayır

Sentyabrın 14-dən 2018-2019-cu tədris ili üçün Təhsil Nazirliyi sisteminə daxil olan ümumtəhsil müəssisələrinə müddətli müqavilə əsasında müəllimlərin işə qəbulunun ikinci turu üzrə elektron sənəd qəbuluna başlanılır.Təhsil Nazirliyindən Azərtac-a bildiriblər ki, ikinci tura müddətli müqavilə ilə müəllimlərin işə qəbulu üzrə birinci turda uğur qazanmayan, müəllimlərin işə qəbulu üzrə builki və ötənilki müsabiqədə iştirak edən şəxslər qatıla bilərlər. Müəllimlərin işə qəbulu üzrə ötənilki müsabiqədə uğur qazanmış müəllimlər də ikinci iş yerində müddətli müqavilə ilə işləmək məqsədilə bu prosesdə iştirak edə bilərlər.Müddətli müqavilə ilə işə qəbul zamanı həvəsləndirmə tədbirləri tətbiq olunan ümumtəhsil müəssisələrinə keçid balı 30, həvəsləndirmə tədbirləri tətbiq olunmayan ümumtəhsil müəssisələrinə Azərbaycan bölməsində musiqi üzrə 30, fiziki tərbiyə üzrə 36, informatika və təsviri incəsənət üzrə 42, digər fənlər üzrə 48 bal, rus bölməsində isə fiziki tərbiyə üzrə 30, biologiya, coğrafiya, təsviri incəsənət, fizika, ibtidai sinif, kimya, musiqi, rus dili və ədəbiyyatı üzrə 42, digər fənlər üzrə 48 bal müəyyənləşdirilib.Bakı şəhərinin ümumtəhsil müəssisələrinə ibtidai sinif müəllimlərinin müddətli müqavilə ilə işə qəbulu birinci turda olduğu kimi Bakı Şəhəri üzrə Təhsil İdarəsi tərəfindən həyata keçiriləcək.Müddətli müqavilə ilə müəllimlərin işə qəbulu üzrə elektron sənəd qəbulu sentyabrın 15-dək davam edəcək.xeüber100.com

Növbəti sınaq imtahanları keçiriləcək

Dövlət İmtahan Mərkəzində (DİM) dövlət qulluğuna qəbul olunmaq istəyən şəxslərin müsabiqənin test imtahanı mərhələsinə daha səmərəli hazırlaşmalarına kömək məqsədilə sentyabrın 12 və 22-də növbəti sınaq imtahanları keçiriləcək.DİM-dən Azərtac-a bildiriblər ki, sınaq imtahanları AA, AB, AC, BA, BB qrupları üzrə aparılacaq. İmtahanlar saat 10.00-da başlanacaq.Namizədlər imtahanı mərkəzin Nəsimi rayonu, Abdulvahab Salamzadə küçəsi, 28 ünvanındakı binasında xüsusi ayrılmış zallarda kompüter vasitəsilə elektron formada verəcəklər. Qeyd olunan imtahanlarda iştirak üçün online qeydiyyat müvafiq olaraq sentyabrın 12 və 22-də saat 9.00-da başa çatacaq. Sınaq imtahanlarında iştirak etmək istəyənlər DİM-in saytında “Şəxsi kabinet”lərini yaratmalıdırlar. Kabinet yaradılan zaman onun pul hesabı da açılır. “Şəxsi kabinet”də olan hesaba vəsait daxil etmək üçün müxtəlif ödəniş üsullarından (ətraflı məlumat payment.dim.gov.az saytında verilib) faydalanmaq olar. “Şəxsi kabinet” yaradıldıqdan və hesaba lazımi vəsait qoyulduqdan sonra sınaq imtahanlarında iştirak üçün DİM-in saytında online qeydiyyatdan keçmək lazımdır.xeber100.com

Azərbaycan Elm Festivalı keçiriləcək

Oktyabrın 9-dan 30-dək ölkəmizdə üçüncü Azərbaycan Elm Festivalı keçiriləcək.Azərbaycan Milli Elmlər Akademiyasından (AMEA) Azərtac-a bildiriblər ki, tədbir bu qurumun təşəbbüsü, UNESCO-nun himayəsi, Bakı Şəhər İcra Hakimiyyəti, Azərbaycan Respublikasının Prezidenti yanında Elmin İnkişafı Fondu, Azərbaycan Respublikasının Prezidenti yanında Bilik Fondu, Təhsil Nazirliyi, Nəqliyyat, Rabitə və Yüksək Texnologiyalar Nazirliyi, M.V.Lomonosov adına Moskva Dövlət Universiteti və ABŞ-ın ölkəmizdəki səfirliyinin təşkilati dəstəyi ilə reallaşdırılacaq.Elm festivalı çərçivəsində Bakı, Naxçıvan, Şəki, Mingəçevir, Gəncə, Lənkəran və Quba şəhərlərində bir sıra tədbirlər təşkil olunacaq.İkiildənbir keçirilən festivalın təşkil edilməsinin məqsədi yeni elmi texnologiya və innovasiyaların təqdim olunması, elmi bilik və yeniliklərin populyarlaşdırılması, gənc nəsildə elmə marağın formalaşdırılmasıdır.Tədbir çərçivəsində gənc alimlərin elmin müxtəlif sahələri üzrə çıxışları, həmçinin yaradıcılıq emalatxanaları və interaktiv sərgilərlə tanışlıq, müsabiqələr, yeni elmi nailiyyətləri əks etdirən məruzələr, cəlbedici elmi şoular, akademiyanın müəssisə və təşkilatlarına aid elmi-populyar filmlərin nümayişi nəzərdə tutulur.xeber100.com

Təhsil Nazirliyinin məlumatı əsasında…

Sentyabrın 8-dən 2018-2019-cu tədris ili üçün Təhsil Nazirliyi sisteminə daxil olan ümumi təhsil müəssisələrinə müddətli müqavilə ilə müəllimlərin işə qəbulu üzrə elektron sənəd qəbuluna başlanılır.Nazirlikdən Azərtac-a bildiriblər ki, müddətli müqavilə ilə müəllimlərin işə qəbulu prosesində iştirak etmək üçün builki müsabiqəyə qatılan namizədlər şəxsi səhifələrinə daxil olmaqla vakant yer seçməli və elektron ərizələrini təsdiqləməlidirlər. Bu prosesə ötənilki müsabiqədə iştirak etmiş namizədlər də qatıla bilərlər. Onlar miq.edu.az saytı vasitəsilə yenidən qeydiyyatdan keçdikdən sonra vakant yer seçib ərizələrini təsdiqləməlidirlər. Müddətli müqavilə ilə müəllimlərin işə qəbulu zamanı namizədlər iki vakant yer seçmək hüququna malikdirlər. Müəllimlərin işə qəbulu üzrə ötənilki müsabiqədə uğur qazanmış müəllimlər də ikinci iş yerində müddətli müqavilə ilə işləmək məqsədilə bu prosesdə iştirak edə bilərlər.Müddətli müqavilə ilə işə qəbul zamanı həvəsləndirmə tədbirləri tətbiq olunan ümumtəhsil müəssisələrinə keçid balı 30, həvəsləndirmə tədbirləri tətbiq olunmayan ümumtəhsil müəssisələrinə isə musiqi, təsviri incəsənət və fiziki tərbiyə fənləri üzrə 42, digər fənlər üzrə 48 bal müəyyənləşdirilib. Bakı şəhərinin ümumtəhsil müəssisələrinə ibtidai sinif müəllimlərinin müddətli müqavilə ilə işə qəbulu isə Bakı Şəhəri üzrə Təhsil İdarəsi tərəfindən həyata keçiriləcək.Qeyd edək ki, müddətli müqavilə ilə müəllimlərin işə qəbulu üzrə elektron sənəd qəbulu sentyabrın 9-dək davam edəcək.xeber100.com

Dövlət qulluğuna qəbul olunmaq istəyənlərin diqqətinə…

Dövlət İmtahan Mərkəzində (DİM) dövlət qulluğuna qəbul olunmaq istəyən şəxslərin müsabiqənin test imtahanı mərhələsinə daha da səmərəli hazırlaşmalarına kömək məqsədilə növbəti sınaq imtahanları keçiriləcək.DİM-dən Azərtac-a bildiriblər ki, sınaq imtahanları AA, AB, AC, BA, BB qrupları üzrə sentyabrın 12-də və 22-də keçiriləcək. İmtahanlar saat 10:00-da başlanacaq.Namizədlər imtahanı Mərkəzin Nəsimi rayonu, Abdulvahab Salamzadə küçəsi, 28 ünvanındakı binasında xüsusi ayrılmış zallarda kompüter vasitəsilə elektron formada verəcəklər. İmtahanlarda iştirak üçün online qeydiyyat müvafiq olaraq sentyabrın 12-də və 22-də saat 9:00-da başa çatacaq. Sınaq imtahanlarında iştirak etmək istəyənlər DİM-in saytında “Şəxsi kabinet”lərini yaratmalıdırlar. Kabinet yaradılan zaman onun pul hesabı da açılır. “Şəxsi kabinet”də olan hesaba vəsait daxil etmək üçün müxtəlif ödəniş üsullarından (ətraflı məlumat payment.dim.gov.az saytında verilib) faydalanmaq olar. “Şəxsi kabinet” yaradıldıqdan və hesaba lazımi vəsait qoyulduqdan sonra sınaq imtahanlarında iştirak üçün DİM-in saytında online qeydiyyatdan keçmək lazımdır.Sınaq imtahanlarında təkrar test tapşırıqlarından istifadə ediləcək.xeber100.com

Dövlət İmtahan Mərkəzinin məlumatına görə…

Dövlət İmtahan Mərkəzi (DİM) “Abituriyent” jurnalının xüsusi buraxılışını çap etdirib.DİM-dən Azərtac-a bildirilib ki, nəşrdə ümumi (9 illik) orta təhsil bazasında orta ixtisas təhsili müəssisələrinin boş qalan yerlərinə qəbul olunmuş abituriyentlərin siyahısı, ixtisaslar üzrə minimal keçid balları və s. barədə məlumatlar Azərbaycan və rus dillərində təqdim edilir.Jurnalın elektron versiyasını (pdf formatında) DİM saytının “Elektron xidmətlər” bölməsində “DİM nəşrlərinin elektron versiyalarının online satışı” xidməti vasitəsilə əldə etmək mümkündür.xeber100.com

Bakı Şəhəri üzrə Təhsil İdarəsinə 9.161 müraciət daxil olub

Bakı Şəhəri üzrə Təhsil İdarəsinin (BŞTİ) Telefon Məlumat Mərkəzinə (telefon: (+99412) 599-12-22) daxil olan zənglərlə və Vətəndaşların Qəbulu Mərkəzində cari ilin avqust ayı ərzində vətəndaşlara göstərilən xidmətlərlə bağlı statistika açıqlanıb.BŞTİ-dən Azərtac-a bildiriblər ki, qeyd olunan müddətdə ümumilikdə, 9.161 müraciət daxil olub. Bu müraciətlərin əksəriyyəti dərhal cavablandırılıb və operativ həll edilib.Statistikaya əsasən, Telefon Məlumat Mərkəzində 2.626 zəng qəbul olunub. Vətəndaşların Qəbulu Mərkəzinə isə bu dövrdə 4.038 vətəndaş müraciət edib. Həmçinin 270 vətəndaş, sorğusuna uyğun olaraq, elektron qaydada BŞTİ-nin müvafiq məsul şəxslərinin qəbuluna yazılıb.Vətəndaşların Qəbulu Mərkəzində 1.616 sənəd (vətəndaşlar tərəfindən 508 ərizə, Təhsil Nazirliyindən 183, digər qurumlardan 130, məktəblərdən 237 məktub, 37 strukturdaxili yazışma və 521 kadr ərizəsi) qəbul olunub və qeydiyyata alınıb. Həmçinin, 611 elektron müraciətə baxılıb.Müraciətlər daha çox müxtəlif məsələlərin tənzimlənmə qaydalarının öyrənilməsi, məktəbəhazırlıq qruplarına və birinci sinfə uşaqların qəbulu, təhsilin keyfiyyətinin yüksəldilməsi, məktəblərdə sağlam və yaradıcı mühitin təmin edilməsi, informasiya təminatı, işə qəbul və digər məsələlərlə əlaqədar olub.xeber100.com

Pedaqoji Universitetin məlumatı əsasında…

Azərbaycan Dövlət Pedaqoji Universitetində (ADPU) əlavə təhsil üzrə - təkrar ali təhsil və yenidənhazırlanma təhsili üzrə sənəd qəbulu davam edir.ADPU-dan Azərtac-a bildirilib ki, 2018-2019-cu tədris ili üçün təkrar ali təhsil üzrə müxtəlif ixtisaslara sənəd verənlərin sayı 87, yenidənhazırlanma təhsili üzrə isə 238 nəfərdir. Hazırda qəbul olunmuş sənədlərin təhlili və tədrisə hazırlıq prosesi gedir.Təkrar ali təhsil almaq üçün universitetə sənəd vermiş şəxslərlə müsahibə aparılacaq. Müsahibədən uğurla keçənlər müqavilə yolu ilə müraciət etdiyi ixtisas üzrə tələbələr sırasına qəbul ediləcəklər. Həmin şəxslərlə universitetdə tələbələrlə işin məzmunu, tədrisin təşkili, daxili qaydalar və sair məsələlərlə bağlı ilkin təqdimat aparılacaq, qəbul olunmuş şəxslərin sualları cavablandırılacaq. Dərslər sentyabrın 15-də başlanacaq.Yenidənhazırlanma təhsili ödənişli formada idarə, müəssisə, təşkilat və ayrı-ayrı vətəndaşlarla ADPU arasında bağlanan fərdi müqavilələr əsasında həyata keçiriləcək. Bu təhsil iki semestri əhatə etməklə müvafiq ixtisas üzrə bakalavr və xüsusi hazırlanmış təhsil proqramları əsasında aparılacaq. Birinci semestrdə əsasən nəzəri və metodoloji dərslər tədris olunacaq, ikinci semestrdə isə tələbələr metodistlərin rəhbərliyi ilə pedaqoji təcrübə keçəcəklər.Qeyd edək ki, sənədlər sentyabrın 20-dək hər gün (istirahət günləri istisna olmaqla) saat 10-dan 17-dək ADPU-nun Koroğlu Rəhimov küçəsi, 108 ünvanındakı ikinci tədris binasında qəbul olunur.Yenidənhazırlanma təhsili almaq üçün universitetə sənəd verəcək şəxslərlə müsahibə aparılacaq. Müsahibədən uğurla keçənlər müqavilə yolu ilə əlavə təhsil ixtisası üzrə tələbələr sırasına qəbul ediləcəklər. Dərslər oktyabrın 1-də başlanacaq.Universitetə qəbul olunmuş və Bakı şəhərində qeydiyyatı olmayan şəxslər yataqxanada qalmaq üçün müraciət edə bilərlər. Yerlərin məhdudluğu nəzərə alınaraq müraciət etmiş şəxslərdən daha çox ehtiyacı olanlara üstünlük veriləcək.xeber100.com  

Təhsil Nazirliyinin məlumatına görə…

2018-2019-cu tədris ili üçün ümumi təhsil müəssisələrinə müəllimlərin işə qəbulu üzrə müsabiqənın birinci mərhələsindən sonra boş qalan yerlərə müəllimlərin əlavə yerləşdirilməsi üzrə vakansiya seçimi keçirilib və bu proses başa çatıb.Təhsil Nazirliyindən Azərtac-a bildiriblər ki, avqustun 30-da vakansiya seçimi zamanı elektron yerləşdirilmədə uğur qazanmış namizədlərin müsahibəsi keçiriləcək.Xatırladaq ki, qeyd edilən tədris ili üçün ümumi təhsil müəssisələrinə müəllimlərin işə qəbulu üzrə müsabiqənın birinci mərhələsi üzrə 3.692 namizəd işə qəbul olunub.xeber100.com

Bakı Slavyan Universitetində abituriyentlərin qeydiyyatı yekunlaşıb

Bakı Slavyan Universitetində (BSU) birinci turda tələbə adını qazanan abituriyentlərin qeydiyyatı yekunlaşıb. Nəticələrə əsasən, bu il BSU-nu seçən gənclərin sayı xeyli artıb. Belə ki, 2018-2019-cu tədris ili üçün universitetə 1085 tələbənin qəbulu nəzərdə tutulub. Birinci turda bakalavriat pilləsinə qəbul olunan gənclərin artıq 978-i qeydiyyatdan keçib. Bu isə plan üzrə qəbulun 90 faizindən çoxu deməkdir.Bu barədə Azərtac-a BSU-nun sənəd qəbulu üzrə komissiyanın məsul katibi, dosent Nəsib Cəbrayılov bildirib. Onun sözlərinə görə, ikinci turda universitetə qəbul olunan tələbələrin qeydiyyatı davam edir.Qeyd edək ki, BSU-nu seçən gənclərdən 72-si qəbul imtahanlarında 500-dən yuxarı bal toplayıb. Bir tələbə isə 622 bal toplayaraq bu universitetin tələbəsi adını qazanıb. Xarici dil müəllimliyi (ingilis dili üzrə), tərcümə (ingilis dili üzrə), ibtidai sinif müəllimliyi, Azərbaycan dili və ədəbiyyatı müəllimliyi ixtisaslarını seçənlər üstünlük təşkil edir.xeber100.com