Dövlət İmtahan Mərkəzinin məlumatına görə…

Dövlət İmtahan Mərkəzi (DİM) tərəfindən vakant inzibati vəzifələr üzrə dövlət qulluğuna qəbul üçün mayın 22-də elan edilmiş ümumi müsahibədə qeydə alınmış namizədlərlə müsahibələrin keçirilmə qrafiki müəyyənləşib.DİM-dən Azərtac-a bildirilib ki, namizədlərlə müsahibələrin mərkəzin Bakıdakı inzibati binasında keçirilməsi nəzərdə tutulur. Müsahibələrin Azərbaycan Respublikası Hesablama Palatası, Energetika Nazirliyi, Təhsil Nazirliyi, Maliyyə Nazirliyi, Əmlak Məsələləri Dövlət Komitəsi, Dini Qurumlarla İş üzrə Dövlət Komitəsi, Şirvan Apellyasiya Məhkəməsi, Lənkəran Ağır Cinayətlər Məhkəməsi, Şabran Rayon Məhkəməsi üzrə elan edilmiş vakant vəzifələri əhatə etməklə iyulun 9-dan 19-dək aparılması planlaşdırılır.Ümumi müsahibəyə çıxarılan vəzifələr arasında daha çox rəqabət Hesablama Palatasının ümumdövlət xidmətlərinin auditi şöbəsi, ümumdövlət xidmətləri üzrə digər sahələrin auditi sektorunda məsləhətçi (bir vakant vəzifəyə 19 müraciət), Energetika Nazirliyinin insan resursları və dövlət qulluğu şöbəsi, dövlət qulluğu sektorunun müdiri (bir vakant vəzifəyə 14 müraciət) vəzifələri üzrə müşahidə edilir.xeber100.com

Cari ilin məzunu olan IX sinif və XI sinif şagirdləri üçün imtahan keçiriləcək

Dövlət İmtahan Mərkəzi (DİM) tərəfindən iyulun 10-da ali təhsil müəssisələrinin V ixtisas qrupuna (xüsusi qabiliyyət tələb edən ixtisaslara) və tam (11 illik) orta təhsil bazasında orta ixtisas təhsili müəssisələrinə (kolleclərə) sənəd vermiş əvvəlki illərin məzunları, ümumi (9 illik) orta təhsil bazasında orta ixtisas təhsili müəssisələrinə (kolleclərə) sənəd vermiş əvvəlki illərin məzunları, eksternat qaydasında attestasiyada iştirak etmək üçün qeydiyyatdan keçmiş, həmçinin üzrlü səbəbdən buraxılış imtahanlarında iştirak edə bilməmiş cari ilin məzunu olan IX sinif və XI sinif şagirdləri üçün imtahan keçiriləcək.Çap üçün kompüterə Adobe Reader proqramı quraşdırılmalıdır və brauzerin “Pop-up blocked” sahəsindən qeyd işarəsi götürülməlidir. Şəxsiyyəti təsdiq edən sənədində şəkli olmayan şagirdlərə buraxılış imtahanı üçün təhsil müəssisəsi tərəfindən verilməli olan arayışı DİM-in saytından yükləmək olar.xeber100.com

IX sinif şagirdləri üçün buraxılış imtahanı keçirilir

Dövlət İmtahan Mərkəzi (DİM) Bakıdakı xüsusi təyinatlı orta məktəblərin və Şəmkir, Gədəbəy, Ağstafa, Qazax, Tovuz, Mingəçevir, Balakən, Zaqatala, Qax, Yardımlı, Cəlilabad, Masallı, Lerik, Göyçay, Ağdaş, Ucar, İsmayıllı, Qobustan, Ağcabədi, Füzuli, Beyləqan, Salyan, Neftçala, Hacıqabul, Qusar, Quba, Siyəzən, Xızıdakı orta ümumtəhsil müəssisələrinin IX sinif şagirdləri üçün mərkəzləşdirilmiş qaydada buraxılış imtahanı keçirir.Azərtac xəbər verir ki, saat 10:00-da başlanan imtahan 1 saat 30 dəqiqə davam edəcək.İmtahanların keçirilməsi üçün ümumilikdə 111 imtahan binası ayrılıb. İmtahanda Bakıda 702, Şəmkirdə 2446, Gədəbəydə 837, Ağstafada 943, Qazaxda 1017, Tovuzda 1958 , Mingəçevirdə 1310, Balakəndə 884, Zaqatalada 1237, Qaxda 612, Yardımlıda 590, Cəlilabadda 2337, Masallıda 2135, Lerikdə 597, Göyçayda 1330, Ağdaşda 1256, Ucarda 925, İsmayıllıda 980, Qobustanda 377, Ağcabədidə 1804, Füzulidə 823, Beyləqanda 1102, Salyanda 1422, Neftçalada 822, Hacıqabulda 710, Qusarda 1042, Qubada 1962, Siyəzəndə 471, Xızıda 164 doqquzuncu sinif şagirdinin iştirakı nəzərdə tutulub.xeber100.com

Dövlət qulluğuna qəbul üçün test imtahanı keçirilib

Bu gün Dövlət İmtahan Mərkəzi (DİM) tərəfindən dövlət qulluğunda inzibati vəzifələrin B növünə (inzibati icraçı vəzifələr) aid olan BA və BB qruplarına uyğun olan vəzifələr üzrə dövlət qulluğuna qəbul üçün test imtahanı keçirilib.DİM-dən Apa-ya verilən məlumata görə, imtahan saat 10:00-da başlayıb və 3 saat davam edib.Qeyd olunub ki, test imtahanından müvəffəqiyyətlə keçən namizədə altqruplara daxil olan vəzifələrə uyğun olaraq sertifikat veriləcək. Sertifikatın qüvvədə olma müddəti 5 ildir.İnzibati vəzifələrin müvafiq altqrupu üzrə Sertifikata malik olan şəxs Sertifikatda nəzərdə tutulmuş vəzifə, habelə həmin altqrupun aid olduğu qrup daxilində daha aşağı altqruplara uyğun olan vəzifə üzrə keçirilən müsahibələrdə iştirak edə bilər. Elan edilmiş müsahibədə iştirak üçün müraciət edən namizəd qanunvericiliklə müəyyən edilmiş vakant vəzifələrin tutulmasının ümumi şərtlərinin tələblərinə cavab verməlidir. Ümumi şərtlərin tələblərinə cavab verməyən namizəd müsahibədə iştirak edə bilməz.xeber100.com

Təhsil Nazirliyinin məlumatı əsasında…

İyulun 2-dən Təhsil Nazirliyi sisteminə daxil olan ümumtəhsil müəssisələrinə müəllimlərin işə qəbulu üzrə elektron sənəd qəbuluna başlanacaq.Bu proses iyulun 8-dək davam edəcək.Nazirlikdən Azərtac-a bildiriblər ki, müsabiqədə iştirak etmək istəyən namizədlər miq.edu.az saytında qeydiyyatdan keçməlidirlər.Müsabiqədə orta ixtisas və ali təhsil müəssisələrini pedaqoji ixtisaslar üzrə bitirmiş, dövlət nümunəli təhsil sənədi (diplom) almış və ya xarici ölkədə aldığı ali təhsil haqqında sənədi tanınmış Azərbaycan Respublikası vətəndaşları və ya ölkəmizdə daimi yaşamaq üçün icazə verilmiş şəxslər iştirak edə bilərlər.Müəllimlərin işə qəbulu dörd mərhələdən (elektron ərizədəki göstəricilərin qiymətləndirilməsi, test imtahanı, vakant yerlərin seçilməsi və müsahibə) ibarətdir. İyulun ikinci yarısında keçirilməsi nəzərdə tutulan test imtahanı mərhələsində namizədə ixtisas, tədris metodikası, təlim strategiyaları və məntiqə aid suallar təqdim ediləcək. Bu mərhələdə keçid balını toplamış namizədlər 8 vakant yer seçə biləcəklər. Namizədlərin vakant yerlərə yerləşdirilməsi elektron ərizələrində qeyd etdikləri seçim ardıcıllığı gözlənilməklə aparılacaq.Müsahibə mərhələsində test imtahanlarının nəticələrinə əsasən vakant yer tutmaq hüququ qazanmış namizədlərin bilik və bacarıqları, psixoloji hazırlığı və ümumi dünyagörüşü yoxlanılacaq.İşə qəbul müsabiqəsi nəticəsində namizədlərin topladıqları bal iki təqvim ili ərzində qüvvədədir və onlar növbəti tədris ili üçün keçirilən müsabiqə zamanı birbaşa vakansiya seçimi mərhələsində iştirak edə bilərlər.xeber100.com

Dövlət qulluğuna qəbul üçün test imtahanı keçiriləcək

İyunun 30-da Dövlət İmtahan Mərkəzi (DİM) dövlət qulluğunda inzibati vəzifələrin B növünə (inzibati icraçı vəzifələr) aid BA və BB qruplarına uyğun vəzifələr üzrə dövlət qulluğuna qəbul üçün test imtahanı keçirəcək.DİM-dən Azərtac-a bildirilib ki, Bakıda keçiriləcək imtahan bütün binalarda eyni vaxtda – saat 10:00-da başlanacaq və üç saat davam edəcək.İmtahanda iştirak üçün BA qrupu üzrə 329, BB qrupu üzrə 1047, ümumilikdə isə 1376 namizəd qeydiyyatdan keçib. Qeydiyyatdan keçmiş namizədlər DİM-in internet saytına daxil olaraq “İmtahana buraxılış vərəqəsi”ni çap etməlidirlər. Onlara buraxılış vərəqəsi ilə yanaşı, “Namizədin yaddaş kitabçası” da təqdim olunur. Kitabçada namizədlərə imtahan prosesi ilə bağlı vacib tövsiyələr, onların əməl etməli olduqları qaydalar və digər zəruri məlumatlar çatdırılır.Namizədlər imtahana şəxsiyyəti təsdiqləyən sənədin əslini, “İmtahana buraxılış vərəqəsi”ni gətirməlidirlər. Həmin sənədlərdən biri olmadıqda və ya sənədlər arasında uyğunsuzluq qeydə alındıqda namizəd imtahana buraxılmayacaq. Həmçinin imtahan binasına giriş zamanı üzərində mobil telefon, konspekt və digər yardımçı vasitələr aşkarlanan namizədlər barədə akt tərtib ediləcək və onlar binadan uzaqlaşdırılacaqlar.xeber100.com

Dövlət İmtahan Mərkəzinin məlumatına görə…

Ali təhsil müəssisələrinin və Azərbaycan Milli Elmlər Akademiyasının magistratura səviyyəsinə qəbul olunan bakalavrlar iyunun 28-dən iyulun 11-dək (şənbə və bazar günləri istisna olmaqla) tələb olunan sənədləri təqdim etməklə qəbul olunduqları ali təhsil müəssisəsində qeydiyyatdan keçməlidirlər.Dövlət İmtahan Mərkəzindən Azərtac-a bildiriblər ki, bakalavrlar qeydiyyatdan keçmək üçün tələb edilən sənədlər barədə məlumatı qəbul olunduqları təhsil müəssisəsindən əldə edə bilərlər.Göstərilən müddətdə sənədlərini təqdim etməyən və qeydiyyatdan keçməyən bakalavrlar qəbul olunanlar siyahısından xaric ediləcəklər.xeber100.com  

Dövlət İmtahan Mərkəzi 70081 şagird üçün buraxılış imtahanları keçirib

Dövlət İmtahan Mərkəzi (DİM) Gəncə, Lənkəran, Naftalan, Şəki, Sumqayıt şəhərlərində, Abşeron, Ağdam, Ağsu, Astara, Bərdə, Biləsuvar, Daşkəsən, Goranboy, Göygöl, İmişli, Kürdəmir, Oğuz, Qəbələ, Saatlı, Sabirabad, Şabran, Şamaxı, Samux, Tərtər, Xaçmaz, Yevlax və Zərdab rayonlarında yerləşən orta ümumtəhsil müəssisələrinin buraxılış siniflərində təhsil alan 70081 şagird (IX sinif üzrə 39 min 554, XI sinif üzrə 30 min 527) üçün mərkəzləşdirilmiş qaydada buraxılış imtahanları keçirir.DİM-dən Azərtac-a bildirilib ki, iyunun 27-də ümumilikdə 70081 şagirdin imtahan verəcəyi nəzərdə tutulur. Doqquzuncu sinif şagirdləri üçün imtahan (II mərhələ) saat 10-da başlayıb və bir saat 30 dəqiqə davam edəcək. XI sinif şagirdləri üçün isə imtahan saat 15-də başlanacaq və iki saat 45 dəqiqə müddətində aparılacaq.İmtahanların idarə olunması üçün DİM-də operativ qərargah fəaliyyət göstərir, gün ərzində imtahan mərkəzləri ilə müntəzəm əlaqə saxlanılır və imtahan prosesinin gedişinə nəzarət olunur.Bu gün, həmçinin Dövlət İmtahan Mərkəzinin Direktorlar Şurasının sədri Məleykə Abbaszadə də imtahanların gedişini müşahidə etmək üçün rayonlara səfər edib. Sədr gün ərzində bir neçə imtahan mərkəzində olacaq, imtahan prosesini yaxından izləyəcək.Xatırladaq ki, iyunun 28-də isə M.Abbaszadə Şəki şəhərində vətəndaşları qəbul edəcək. Şəkidə keçiriləcək qəbulda Şəki, Qax, Zaqatala, Balakən, Oğuz rayon sakinləri, bu rayonlarda məskunlaşmış qaçqın və məcburi köçkünlər iştirak edə bilərlər.xeber100.com

Mərkəzləşdirilmiş qaydada buraxılış imtahanları keçiriləcək

Dövlət İmtahan Mərkəzi (DİM) iyunun 27-də Gəncə, Lənkəran, Naftalan, Şəki, Sumqayıt şəhərlərində, Abşeron, Ağdam, Ağsu, Astara, Bərdə, Biləsuvar, Daşkəsən, Goranboy, Göygöl, İmişli, Kürdəmir, Oğuz, Qəbələ, Saatlı, Sabirabad, Şabran, Şamaxı, Samux, Tərtər, Xaçmaz, Yevlax və Zərdab rayonlarında orta ümumtəhsil müəssisələrinin buraxılış siniflərində təhsil alan (IX və XI siniflərdə) şagirdlər üçün mərkəzləşdirilmiş qaydada buraxılış imtahanları keçirəcək.DİM-dən Azərtac-a bildirilib ki, həmin gün ümumilikdə 70 min 081şagirdin imtahan verəcəyi nəzərdə tutulur (IX sinif üzrə 39554, XI sinif üzrə 30527). Bu imtahanda iştirak edəcək şagirdlər “İmtahana buraxılış vərəqəsi”ni internet vasitəsilə çap edib götürə bilirlər. Buraxılış vərəqəsi ilə yanaşı, onlara “Yaddaş kitabçası”ndan çıxarış da təqdim olunur.xeber100.com

BSU-da məzun gününə həsr olunan tədbir keçirilib

Bakı Slavyan Universitetində (BSU) məzun gününə həsr olunan tədbir keçirilib.Tədbirdə BSU-nun rektoru Nurlana Əliyeva 2018-ci ili uğurlu il kimi xarakterizə edib, daha sonra təhsillərini başa vuran gəncləri gələcək fəaliyyətlərində BSU-nun adını daim uca tutmağa və müstəqil ölkəmizin tərəqqisinə layiqli töhfələrini verməyə çağırıb.Sonra yüksək nailiyyətlərinə və universitetin ictimai həyatında fəal iştirakına görə fərqlənən məzunlara “Fəxri məzun” diplomu və xatirə hədiyyələri təqdim edilib.Məzunlar universitetdə yaradılmış şəraitə görə rektora minnətdarlıqlarını bildirib, müəllimlərin onlara göstərdikləri diqqət və qayğını yüksək dəyərləndiriblər.Tədbir konsert proqramı ilə davam edib.Qeyd edək ki, bu il BSU-da bakalavriat səviyyəsi üzrə əyani təhsil alan 701, qiyabi təhsil alan 71 tələbə və 97 magistrant məzun olub.xeber100.com