Dövlət İmtahan Mərkəzinin məlumatına görə…

Dövlət İmtahan Mərkəzi (DİM) bu il I-IV ixtisas qrupları üzrə sonuncu sınaq imtahanlarında istifadə olunmuş test kitabçaları üzrə online sınaq imtahanı təşkil edir.DİM-dən Azərtac-a bildiriblər ki, online sınaq imtahanı vermək istəyənlər günün istənilən vaxtında sayta daxil olub biliklərini yoxlaya bilərlər. İmtahanda iştirak haqqı 3 AZN-dir.Abituriyentlər, həmçinin builki “Abituriyent” jurnalının 1-ci nömrəsində dərc edilmiş və ali təhsil müəssisələrinin qəbul imtahanı modelinə uyğun test tapşırığı nümunələrindən ibarət ödənişsiz online sınaq imtahanlarına yazıla bilərlər.Bundan əlavə, portalda 9-cu və 11-ci siniflərdə təhsil alan şagirdlər, o cümlədən ümumi və tam orta təhsil bazasında orta ixtisas təhsili müəssisələrinə (kolleclərə), V ixtisas qrupu üzrə ali təhsil müəssisələrinə qəbul olmaq istəyənlər də müvafiq sınaq imtahanlarında iştirak edə bilərlər. Bu imtahanlarda iştirak haqqı isə 1 manatdır.Abituriyentlər online imtahan başa çatan kimi imtahan nəticələrini əldə edə bilərlər.xeber100.com

BA və BB qruplarına uyğun vəzifələr üzrə test imtahanı təşkil ediləcək

İyunun 30-da Dövlət İmtahan Mərkəzi (DİM) inzibati dövlət qulluğu vəzifələrinin B növünə (inzibati icraçı vəzifələr) aid olan BA və BB qruplarına uyğun vəzifələr üzrə test imtahanı təşkil edəcək. Kompüter və ya kağız daşıyıcılar vasitəsilə aparılacaq imtahanda iştirak etmək istəyənlər iyunun 20-si saat 18:00-dək qeydiyyat keçməlidirlər.DİM-dən Azərtac-a bildirilib ki, iyunun 13-ü saat 10:30-a olan məlumata əsasən, imtahanda iştirak etmək üçün 405 nəfər qeydiyyatdan keçib. İmtahanda iştirak etmək istəyənlər DİM-in portalında “Şəxsi kabinet”lərini yaratmalıdır. Kabinet yaradılan zaman pul hesabı açılır. Qeydiyyat zamanı ali təhsil haqqında məlumatlar “Tələbə-məzun” dövlət elektron məlumat sistemi vasitəsilə yoxlanılır və namizəd haqqında məlumatlar sistemdə olmadıqda onun qeydiyyatı aparılmır. Bu halda ali təhsil müəssisələrinə qəbul olunan namizədlər ona aid məlumatların “Tələbə-məzun” dövlət elektron məlumat sisteminə daxil edilməsi üçün bitirdiyi təhsil müəssisəsinə müraciət unvanlamalıdır. Xaricdə təhsil almış və sistemdə ali təhsil haqqında məlumatı olmayan namizədlər DİM-ə müraciət etməlidirlər. Məlumatları “Tələbə-məzun” dövlət elektron məlumat sisteminə daxil edilmiş namizədlər qeydiyyatdan keçə bilərlər.xeber100.com

Dövlət İmtahan Mərkəzinin məlumatı

“Mühasibat uçotu haqqında” Qanuna edilmiş dəyişikliklərə əsasən, Dövlət İmtahan Mərkəzi (DİM) tərəfindən “peşəkar mühasib sertifikatı” veriləcək.Mərkəzdən Azərtac-a bildirilib ki, “Mühasibat uçotu haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının 2018-ci il 4 may tarixli Qanununun tətbiqi və “Mühasibat uçotu haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2005-ci il 7 fevral tarixli Fərmanında dəyişiklik edilməsi haqqında” 2018-ci il 1 iyun tarixli Fərmanına əsasən müvafiq Qanunun bəzi maddələrinin icrasının təmini DİM-ə həvalə edilib.Qanunda nəzərdə tutulan məsələlərin icrası üçün DİM tərəfindən təkliflər paketinin hazırlanmasına, həmçinin digər aidiyyəti orqanlarla əməkdaşlıq üçün birgə müzakirələrə başlanılıb. Burada əsas məqsəd beynəlxalq standartlara uyğun müvafiq sahələrdə kadrların formalaşdırılması, peşəkarlıq səviyyəsinin yüksəldilməsi və yerli mütəxəssislərə mühasibatlıq üzrə sertifikatların verilməsidir.“Mühasibat uçotu haqqında”da Qanuna edilmiş dəyişikliklərə əsasən DİM-in keçirdiyi imtahandan müvəffəqiyyət qazananlara “Peşəkar mühasib” səviyyəsinə uyğunluğunu təsdiqləyən sənəd – sertifikat veriləcək. Forması DİM tərəfindən müəyyənləşdiriləcək “peşəkar mühasib sertifikatı” beş il müddətinə qüvvədə olacaq. Həmin müddət bitdikdən sonra peşəkar mühasib kimi fəaliyyətini davam etdirmək istəyənlər yenidən “peşəkar mühasib sertifikatı”nı almaq üçün imtahan verməlidirlər. Eyni standart üzrə iki dəfə sertifikat alan şəxslərə sonuncusu ömürlük verilir. Həmin şəxs sertifikatda qeyd olunan standart üzrə peşəkar mühasib kimi fəaliyyətini davam etdirməsi üçün hər hansı imtahana cəlb edilməyəcək.xeber100.com

XV Beynəlxalq Ağ və Qara Teatr Festivalı çərçivəsində

Finlandiyanın İmatra şəhərində keçirilən XV Beynəlxalq Ağ və Qara Teatr Festivalı çərçivəsində Azərbaycan Xalq Cümhuriyyətinin 100 illiyinə həsr edilmiş tədbir keçirilib.Azərtac xəbər verir ki, tədbirdə çıxış edən Beynəlxalq Türk Mədəniyyəti və İrsi Fondunun prezidenti Günay Əfəndiyeva 100 il öncə müsəlman Şərqində ilk müstəqil demokratik və parlamentli respublikanın qurulduğunu, habelə bu respublikanın mədəniyyətə, təhsilə və incəsənətə böyük töhfələr verdiyini söyləyib. Azərbaycan Xalq Cümhuriyyətinin yaradılmasının türk dünyası üçün mühüm hadisə olduğunu vurğulayan G.Əfəndiyeva Cümhuriyyətin nailiyyətlərindən danışıb. O, İmatra şəhərinin salınmasının 70-ci ildönümünün də festival çərçivəsində qeyd olunduğunu vurğulayaraq, bu münasibətlə şəhər sakinlərini təbrik edib.İmatranın bələdiyyə başçısı Nina Malm Beynəlxalq Türk Mədəniyyəti və İrsi Fonduna festivala verdiyi dəstəyə görə minnətdarlığını bildirib. N.Malm hər il müxtəlif xalqların təmsil olunduğu bu festivalın mədəniyyətlərarası dialoqun möhkəmlənməsində rolunu vurğulayıb.Festivalın ilk günündə Beynəlxalq Türk Mədəniyyəti və İrsi Fondu, Türkiyənin Xarici İşlər Nazirliyi və Beynəlxalq Ağ və Qara Teatr Assosiasiyasının dəstəyi ilə “Türk dünyasının inciləri” adlı konsert olub.Konsertdə Beynəlxalq Türk Mədəniyyəti və İrsi Fondunun himayəsində yaradılmış, türkdilli ölkələrin, o cümlədən, Antalya Dövlət Opera və Balet Teatrının musiqiçilərindən ibarət “Dədə Qorqud” kamera orkestri çıxış edib. Orkestrin bədii rəhbəri və dirijoru Azərbaycanın Xalq Artisti, professor Yalçın Adıgözəlovdur. Konsertdə solistlər qismində Əməkdar Artist İlham Nəzərli, tarzən Orxan Zeynalov və Finlandiyada yaşayan həmvətənimiz, 15 yaşlı Emil Hartikainen çıxış ediblər.Azərbaycan və Türkiyə bəstəkarlarının əsərlərinin, xalq mahnılarının ifa olunduğu konsert maraqla qarşılanıb.2004-cü ildən bəri hər il keçirilən Beynəlxalq Ağ və Qara Teatr Festivalı Finlandiyada yaşayan azərbaycanlı rejissor Kamran Şahmərdan tərəfindən təşkil edilir. Festival dünya mədəniyyətlərinin birləşməsi və xalqlar arasında dostluq əlaqələrinin güclənməsində böyük əhəmiyyətə malikdir.Beynəlxalq Ağ və Qara Teatr Festivalı iyunun 10-dək davam edəcək.xeber100.com

Bakı Dövlət Universitetində “Açıq qapı” günü keçirilib

İyunun 6-da Bakı Dövlət Universiteti (BDU) rektorluğu yanında İctimai Nəzarət və Məsləhət Şurasının üzvləri, valideynlər, qeyri-hökumət təşkilatları və KİV-lərin nümayəndələrinin iştirakı ilə 2017-2018-ci tədris ilinin yay semestrinin imtahan sessiyasına dair “Açıq qapı” günü keçirilib.Azərtac xəbər verir ki, müşahidəçilər imtahanların gedişini izləmək üçün auditoriyalarda olublar. Onlar imtahanların müşahidə kameraları quraşdırılmış xüsusi auditoriyalarda keçirilməsini, bununla yanaşı, hər auditoriyada müəllim-əlaqələndiricilərin nəzarət etmələrini, imtahan prosesində baş verə biləcək mənfi halların qarşısının alınması üçün lazımi tədbirlərin görülməsini yüksək dəyərləndiriblər.Qeyd edək ki, sessiya başlanmazdan əvvəl rektorun müvafiq əmrinə əsasən imtahanların şəffaf və obyektiv keçirilməsi məqsədilə fakültə dekanları, kafedra müdirləri qarşısında konkret vəzifələr qoyulub. Sessiyanın gedişi zamanı imtahanların nəticəsindən yarana biləcək narazılıqların mövcud qaydada araşdırılması və həll edilməsi məqsədilə qərargah və onun nəzdində universitet üzrə “Qaynar xətt” yaradılıb. Təhsil müəssisəsinin əsas binasında və tədris korpuslarında şikayət, təklif qutuları asılıb. İmtahanların nəticələri barədə şikayətlərə baxmaq və aşkarlanmış çatışmazlıqları operativ aradan qaldırmaq məqsədilə qərargahın nəzdində təbiət və humanitar fakültələr üzrə apellyasiya komissiyaları təşkil edilib.xeber100.com

Bakı Şəhəri üzrə Təhsil İdarəsinin məlumatı

Məktəb komandaları arasında breyn-rinq intellektual oyunu keçirilib.Bakı Şəhəri üzrə Təhsil İdarəsindən (BŞTİ) Azərtac-a bildiriblər ki, Azərbaycan Xalq Cümhuriyyətinin 100 illiyinə həsr olunan intellektual yarışda 120, 206, 230, 234, 69, 113, 259 və 311 nömrəli tam orta məktəblərin komandaları iştirak ediblər.BŞTİ-nin tabeliyindəki 230 nömrəli tam orta məktəbdə təşkil olunan intellektual oyunun əsas məqsədi məktəblilər arasında milli mənəvi dəyərlərimizi təbliğ etmək, onları tariximiz, mədəniyyətimiz haqqında maarifləndirmək, istedadlı şagirdləri üzə çıxarmaq və onların asudə vaxtlarını səmərəli təşkil etməkdir.Dörd turdan ibarət yarışda IX, X, XI sinif şagirdləri iştirak ediblər. Hər turda cavablandırmaq üçün məktəblilərə beş sual verilib.Yarışın nəticələrinə əsasən, BŞTİ-nin tabeliyindəki 230, 234 və 206 nömrəli tam orta məktəblərin komandaları müvafiq olaraq birinci, ikinci və üçüncü yerlərə layiq görülüb. 259 nömrəli tam orta məktəbin komandası isə həvəsləndirici yeri tutub.Yarış 230 nömrəli tam orta məktəbin istedadlı şagirdlərinin ifasında “Dostluq himni”nin səsləndirilməsi ilə başa çatıb.Qalib komandalara diplom, kubok və hədiyyələr verilib.xeber100.com

Magistraturaya qəbulla əlaqədar Apellyasiya Komissiyası yaradılıb

Ali təhsil müəssisələrinin və Azərbaycan Milli Elmlər Akademiyasının magistraturalarına qəbul imtahanının ikinci mərhələsi ilə əlaqədar bakalavrların müraciətlərinə baxılması üçün Dövlət İmtahan Mərkəzində (DİM) Apellyasiya Komissiyası yaradılıb.DİM-dən Azərtac-a bildiriblər ki, Apellyasiya Komissiyası Bakı şəhəri, Abdulvahab Salamzadə küçəsi 28 ünvanında (keçmiş Bakı Asiya Universitetinin binasında) fəaliyyət göstərir.Bakalavrlar Apellyasiya Komissiyasına iyunun 4-dən 6-dək saat 10.00-dan 17.00-dək şəxsiyyəti təsdiqləyən sənədin əslini və surətini təqdim etməklə şəxsən müraciət edə bilərlər.xeber100.com

Rezidenturaya qəbulun ikinci mərhələsində

Rezidenturaya qəbulun ikinci mərhələsində iştirak etmək üçün qeydiyyat başlanır.Dövlət İmtahan Mərkəzindən Azərtac-a bildirilib ki, rezidenturaya qəbul olunmaq üçün baza fənləri üzrə biliklərin qiymətləndirilməsi imtahanında (I mərhələ) müsabiqə şərtini ödəmiş (40 və daha çox bal toplamış) namizədlər ixtisas fənləri üzrə biliklərin qiymətləndirilməsi imtahanında (II mərhələ) iştirak etmək üçün tələb olunan məbləği “Şəxsi kabinet”lərinin hesabına əlavə edib iyunun 4-dən 11-dək qeydiyyatdan keçməlidirlər. Qeydiyyatdan keçməyən namizədlər ixtisas fənləri üzrə biliklərin qiymətləndirilməsi imtahanına buraxılmayacaqlar.İxtisas üzrə biliklərin qiymətləndirilməsi imtahanı iyulun 8-də keçiriləcək.xeber100.com

Dövlət Proqramı çərçivəsində xaricdə təhsil alanların diqqətinə!

“Dövlət qulluğu haqqında” Azərbaycan Respublikası Qanununun 28.1-ci maddəsinə əsasən Azərbaycan gənclərinin xarici ölkələrdə təhsili üzrə Azərbaycan Prezidenti tərəfindən təsdiq olunmuş dövlət proqramı çərçivəsində xaricdə təhsil almış şəxslər müsabiqə və ya müsahibədən kənar dövlət qulluğuna qəbul edilə bilərlər.Dövlət İmtahan Mərkəzindən (DİM) Azərtac-a bildiriblər ki, yuxarıda göstərilənlərə uyğun olaraq “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində xaricdə təhsil alanlar vakant inzibati dövlət qulluğu vəzifələrinin tutulması üçün müvafiq dövlət orqanlarına müraciət edə bilərlər.Qeyd edilənlərə əsasən “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində xaricdə təhsil almış şəxslər vakant dövlət qulluğu vəzifəsi üzrə dövlət qulluğuna qəbulda hər hansı çətinliklə qarşılaşarlarsa DİM-ə müraciət etmələri tövsiyə olunur.xeber100.com

Əməkdaşlıq haqqında memorandum imzalanıb

Bakı Ali Neft Məktəbində (BANM) Koreyanın “HMC” şirkətinin nümayəndələri ilə görüş keçirilib. Görüşdə Koreya Respublikasının Azərbaycandakı səfirliyinin birinci katibi Hong Sung Hun, “HMC” şirkətinin prezidenti Park Hak-Joo, vitse-prezidenti Park Gabju, həmçinin Koreyanın Kyungsung Universitetinin elektronika mühəndisliyi fakültəsinin dekanı Yoon Byung və professor Park Jangsik iştirak ediblər.BANM-dən Azərtac-a bildiriblər ki, rektor Elmar Qasımov bu ali məktəbə maraq göstərdiyinə görə “HMC” şirkətinin rəhbərliyinə təşəkkürünü bildirib. Rektor BANM-in yeni tədris ilindən informasiya təhlükəsizliyi mühəndisliyi ixtisasını, növbəti illər isə elektrik və elektronika mühəndisliyi ixtisasını açmağı planlaşdırdığını qeyd edib, bu istiqamətdə “HMC” şirkəti ilə proqram təminatının, Kyungsung Universiteti ilə müəllim mübadiləsinin, ikili diplom layihələrinin mümkünlüyündən söhbət açıb. Hazırda BANM-də Heriot-Vatt Universitetinin tədris proqramlarının tətbiq edildiyini söyləyən rektor açılması planlaşdırılan ixtisaslar üçün də Kyongsung Universiteti ilə əməkdaşlığın uğurlu olacağına əminliyini bildirib.“HMC” şirkətinin prezidenti Park Hak–Joo Azərbaycana dəvət olunduqları üçün E.Qasımova təşəkkür edib, BANM ilə əməkdaşlıqdan məmnunluğunu ifadə edib.Daha sonra Kyungsung Universitetinin dekanı Yoon Byung “HMC” şirkəti, Kyungsung Universiteti və onun BANM ilə iki il ərzində nəzərdə tutduğu işlər barədə təqdimatla çıxış edib.Danışıqlardan sonra tərəflər arasında əməkdaşlıq haqqında anlaşma memorandumu imzalanıb. Məqsəd BANM-də proseslərin avtomatlaşdırılması mühəndisliyi ixtisası üzrə yüksək ixtisaslı mütəxəssislərin hazırlanmasını təmin etmək üçün zəruri maddi-texniki, elmi-metodik və təşkilati tədbirlərin həyata keçirilməsidir.Memorandumun şərtlərinə görə, “HMC” şirkəti BANM-də proseslərin avtomatlaşdırılması mühəndisliyi ixtisası üzrə müasir tədris proqramları və texnologiyaları əsasında mütəxəssis hazırlığına dəstək verməyi, tələbələrin bir qisminin şirkətin Azərbaycanda və xaricdə fəaliyyət göstərən strukturlarında istehsalat təcrübəsi keçməsi üçün şərait yaratmağı, şirkətin mütəxəssislərinin tələbələr üçün mühazirələr (distant və bilavasitə) oxuması və müəllim kimi tədris prosesinə cəlb olunmasının təşkilini üzərinə götürür.Qeyd edək ki, bir müddət əvvəl BANM-in mühəndislik fakültəsinin dekanı Zəfər Qurbanov və proseslərin avtomatlaşdırılması mühəndisliyi kafedrasının müdiri Manafəddin Namazov “HMC” şirkətinin və Kyungsung Universitetinin dəvəti ilə Koreya Respublikasında işgüzar səfərdə olublar.“HMC" şirkətinin fəaliyyət sahəsinə İT xidmətlər, təhlükəsizlik və müşahidə sistemləri, həmçinin həllərin fiziki şəxslərə və şirkətlərə inteqrasiyası aiddir.xeber100.com