Əməkdaşlıq haqqında memorandum imzalanıb

Bakı Ali Neft Məktəbində (BANM) Koreyanın “HMC” şirkətinin nümayəndələri ilə görüş keçirilib. Görüşdə Koreya Respublikasının Azərbaycandakı səfirliyinin birinci katibi Hong Sung Hun, “HMC” şirkətinin prezidenti Park Hak-Joo, vitse-prezidenti Park Gabju, həmçinin Koreyanın Kyungsung Universitetinin elektronika mühəndisliyi fakültəsinin dekanı Yoon Byung və professor Park Jangsik iştirak ediblər.BANM-dən Azərtac-a bildiriblər ki, rektor Elmar Qasımov bu ali məktəbə maraq göstərdiyinə görə “HMC” şirkətinin rəhbərliyinə təşəkkürünü bildirib. Rektor BANM-in yeni tədris ilindən informasiya təhlükəsizliyi mühəndisliyi ixtisasını, növbəti illər isə elektrik və elektronika mühəndisliyi ixtisasını açmağı planlaşdırdığını qeyd edib, bu istiqamətdə “HMC” şirkəti ilə proqram təminatının, Kyungsung Universiteti ilə müəllim mübadiləsinin, ikili diplom layihələrinin mümkünlüyündən söhbət açıb. Hazırda BANM-də Heriot-Vatt Universitetinin tədris proqramlarının tətbiq edildiyini söyləyən rektor açılması planlaşdırılan ixtisaslar üçün də Kyongsung Universiteti ilə əməkdaşlığın uğurlu olacağına əminliyini bildirib.“HMC” şirkətinin prezidenti Park Hak–Joo Azərbaycana dəvət olunduqları üçün E.Qasımova təşəkkür edib, BANM ilə əməkdaşlıqdan məmnunluğunu ifadə edib.Daha sonra Kyungsung Universitetinin dekanı Yoon Byung “HMC” şirkəti, Kyungsung Universiteti və onun BANM ilə iki il ərzində nəzərdə tutduğu işlər barədə təqdimatla çıxış edib.Danışıqlardan sonra tərəflər arasında əməkdaşlıq haqqında anlaşma memorandumu imzalanıb. Məqsəd BANM-də proseslərin avtomatlaşdırılması mühəndisliyi ixtisası üzrə yüksək ixtisaslı mütəxəssislərin hazırlanmasını təmin etmək üçün zəruri maddi-texniki, elmi-metodik və təşkilati tədbirlərin həyata keçirilməsidir.Memorandumun şərtlərinə görə, “HMC” şirkəti BANM-də proseslərin avtomatlaşdırılması mühəndisliyi ixtisası üzrə müasir tədris proqramları və texnologiyaları əsasında mütəxəssis hazırlığına dəstək verməyi, tələbələrin bir qisminin şirkətin Azərbaycanda və xaricdə fəaliyyət göstərən strukturlarında istehsalat təcrübəsi keçməsi üçün şərait yaratmağı, şirkətin mütəxəssislərinin tələbələr üçün mühazirələr (distant və bilavasitə) oxuması və müəllim kimi tədris prosesinə cəlb olunmasının təşkilini üzərinə götürür.Qeyd edək ki, bir müddət əvvəl BANM-in mühəndislik fakültəsinin dekanı Zəfər Qurbanov və proseslərin avtomatlaşdırılması mühəndisliyi kafedrasının müdiri Manafəddin Namazov “HMC” şirkətinin və Kyungsung Universitetinin dəvəti ilə Koreya Respublikasında işgüzar səfərdə olublar.“HMC" şirkətinin fəaliyyət sahəsinə İT xidmətlər, təhlükəsizlik və müşahidə sistemləri, həmçinin həllərin fiziki şəxslərə və şirkətlərə inteqrasiyası aiddir.xeber100.com  

TOEFL və SAT imtahanları keçirilib

Dövlət İmtahan Mərkəzində (DİM) bu gün növbəti TOEFL və SAT imtahanları keçirilib.DİM-dən Apa-ya verilən məlumata görə, imtahanlar Mərkəzin inzibati binasında təlimata uyğun təşkil olunub.TOEFL imtahanında 11 nəfər, SAT (Subject) imtahanında isə 38 nəfər iştirak edib. İmtahanların gedişi zamanı iştirakçılara bilik və bacarıqlarını nümayiş etdirmələri üçün zəruri şərait yaradılıb.Növbəti TOEFL imtahanı iyulda, SAT imtahanının isə oktyabrın 6-da keçirilməsi nəzərdə tutulur.İmtahanlara qeydiyyatdan keçmək qaydaları haqqında müvafiq linklərdən ətraflı məlumat əldə etmək mümkündür.xeber100.com

Müəllim və valideynlərin növbəti səyyar qəbulu keçirilib

İyunun 1-də Bakıdakı 314 nömrəli tam orta məktəbdə müəllim və valideynlərin növbəti səyyar qəbulu keçirilib.Bakı Şəhəri üzrə Təhsil İdarəsinin rəhbərliyi və struktur bölmə əməkdaşlarının iştirak etdiyi səyyar qəbul vəzifə funksiyalarının tələb olunan səviyyədə yerinə yetirilməsi istiqamətində müəssisə rəhbərlərinin məsuliyyətinin artırılması, təhsilin keyfiyyətinin yüksəldilməsi, məktəblərdə daha sağlam və yaradıcı mühitin təmin olunması üçün sistemli iş aparmaq məqsədlərinə xidmət edir.BŞTİ-dən Azərtac-a bildirilib ki, paytaxtın Nəsimi və Binəqədi rayonları üzrə keçirilən qəbulda vətəndaşlar uşaqlarının məktəbə qəbulu, məktəblərin təmiri, maddi-texniki təminatı, əlavə korpusun tikilməsi, diaqnostik qiymətləndirmə və digər müvafiq məsələlərlə bağlı müraciət ediblər.Vətəndaşlar tərəfindən qaldırılmış bütün məsələlər qeydiyyata alınıb. Bir sıra müraciətlər yerindəcə həllini tapıb, digər məsələlərin həlli ilə bağlı müvafiq tədbirlərin icrasına başlanılıb.xeber100.com

TOEFL IBT və SAT imtahanları keçiriləcək

Dövlət İmtahan Mərkəzində (DİM) iyunun 2-də növbəti TOEFL IBT və SAT imtahanları keçiriləcək. İmtahanlar DİM-in Yasamal rayonu, Mikayıl Müşfiq küçəsi, 1M ünvanında yerləşən inzibati binasında təşkil olunacaq.DİM-dən Azərtac-a bildirilib ki, TOEFL IBT imtahanı saat 09:00-da başlanacaq. İştirak etmək istəyənlər saat 08:15-dək imtahan binasında olmalıdırlar. TOEFL imtahanında iştirak etmək üçün 15 və daha aşağı yaş qrupuna aid olan uşaqlar imtahan binasına valideynləri ilə birlikdə gəlməlidirlər.SAT imtahanında iştirak edəcək şəxslər isə saat 07:45-dən gec olmayaraq imtahan binasına gəlməlidirlər. İmtahana gecikən şəxslər test mərkəzinə buraxılmayacaqlar. İmtahan saat 08:30-da başlayacaq. İmtahanın müddəti 3 saat 45 dəqiqədir (fasiləsiz).xeber100.com

Bakı Avrasiya Universitetinin məlumatı

Bakı Avrasiya Universitetində (BAU) “məzun günü” ilə bağlı möhtəşəm tədbir keçirilib.Universitetdən Azərtac-a bildirilib ki, tədbir Azərbaycan dövlət himninin səsləndirilməsi ilə başlayıb. BAU-nun rektoru, professor Nazim Hüseynlinin yeni həyata qədəm qoyan, universiteti müvəffəqiyyətlə bitirib məzun adına layiq görülən tələbələri təbrik edib.Tədbirə qatılan universitet rəhbərliyi ilə yanaşı, ictimaiyyət nümayəndələri, məzunların valideynləri ən xoş arzularını bildiriblər, məzunların bundan sonrakı həyatlarında adlarının həmişə ən yüksək yerlərdən gəlməsini arzu ediblər.Sonra universitetin tələbələrinə ictimai fəallıqlarına, eyni zamanda, təhsildə yüksək nəticələrinə görə fəxri fərmanlar və diplomlar təqdim edilib.Universitetin tədris işləri üzrə prorektoru Nigar Hüseynova tədbirdə fəal iştiraklarına görə valideynlərə təşəkkürünü bildirib və məzunlara “tələbə andı”na sadiq olmağı tövsiyə edib.Tədbir tələbələrin çıxışları, Azərbaycanın milli rəqsləri, müğənnilərin ifaları ilə davam etdirilib.xeber100.com

Təhsil Nazirliyinin məlumatına görə…

Bakı şəhəri üzrə ümumtəhsil müəssisələrinin direktorları və gələcəkdə bu vəzifədə çalışmaq arzusunda olan pedaqoji kadrlar üçün keçirilən təlimlərdə iştirak edən namizədlərin müsahibə mərhələsinə başlanılıb.Təhsil Nazirliyindən Azərtac-a bildiriblər ki, Bakı şəhəri üzrə vakant direktor vəzifələrinə namizədlər müsahibənin nəticələrinə əsasən müəyyənləşəcək.Bakı şəhəri üzrə ümumtəhsil müəssisələrinin direktorları və gələcəkdə bu vəzifədə çalışmaq arzusunda olan pedaqoji kadrlar üçün təlimlər Təhsil İşçilərinin Peşəkar İnkişafı İnstitutu tərəfindən təşkil edilib. Təlimlər Təhsil Nazirliyinin birbaşa tabeliyində olan və Bakı Şəhəri üzrə Təhsil İdarəsinin tabeliyində fəaliyyət göstərən ümumtəhsil məktəbi, lisey və gimnaziyalarda işləyən direktorlar, direktor müavinləri və müəllimləri əhatə edib.Təlim iştirakçılarının yekun qiymətləndirməsindən sonra müvafiq bal toplamış şəxslər müsahibə mərhələsinə dəvət olunub.xeber100.com

Abituriyentlər üçün sonuncu sınaq imtahanı keçiriləcək

İyunun 10-da Dövlət İmtahan Mərkəzi (DİM) I-IV ixtisas qrupları üzrə ali təhsil müəssisələrinə qəbul olmaq istəyən abituriyentlər üçün sonuncu sınaq imtahanı keçirəcək.DİM-dən Azərtac-a bildirilib ki, abituriyentlərin qəbul imtahanlarına daha səmərəli hazırlaşmalarına kömək məqsədilə təşkil olunacaq sınaq imtahanları saat 11:00-da başlayacaq. İmtahana qeydiyyat iyunun 4-ü saat 10:00-dək aparılacaq. On iki şəhər və rayonda keçirilməsi nəzərdə tutulan imtahanın təşkil ediləcəyi binaların siyahısı DİM-in rəsmi saytının müvafiq bölməsində yerləşdirilib.Sınaq imtahanlarında iştirak etmək istəyən şəxslər ekabinet.dim.gov.az saytındakı “şəxsi kabinet”in “hesab” bölməsində “sınaq imtahanına yazılmaq üçün ödəmə kartı” > “Sınaq imtahanının növü” > “Bakalavriat səviyyəsi üzrə sınaq imtahanı” ardıcıllığı vasitəsilə ödəmə kartını əldə edib eservices.dim.gov.az/sinaq səhifəsində “yeni istifadəçi” kimi qeydiyyatdan keçməlidir. Sınaq imtahanında iştirak haqqı 20 AZN-dir. Qeydiyyatdan keçmiş istifadəçilər istədiyi zaman yeni ödəmə kartı əldə edib hesablarının balansını artıra bilərlər. İstifadəçilər balanslarındakı vəsaitdən istifadə edib sınaq imtahanlarına istənilən şəxsləri yazdıra bilərlər.Qeyd edək ki, iyunun 10-da ali və orta ixtisas təhsili müəssisələrinə qəbul olmaq istəyən rus bölməsinin abituriyentləri üçün Azərbaycan dili fənni üzrə imtahan keçiriləcək. Həmin imtahanda iştirak etməli olan abituriyentlərin sınaq imtahanına yazılmamaları xahiş olunur.xeber100.com

Magistraturaya qəbul imtahanının ikinci mərhələsində…

Dövlət İmtahan Mərkəzi (DİM) iyunun 3-də 2018/2019-cu tədris ili üçün ali təhsil müəssisələrinin və Azərbaycan Milli Elmlər Akademiyasının magistraturalarına qəbul imtahanının ikinci mərhələsini keçirəcək.DİM-dən Azərtac-a bildirilib ki, imtahan Bakı, Naxçıvan və Gəncə şəhərlərində, ümumilikdə, 25 imtahan binasında aparılacaq. İmtahan bütün binalarda eyni vaxtda – saat 12:00-da başlanır və sualların cavablandırılmasına 1 saat 30 dəqiqə vaxt ayrılır.Bakalavrlar imtahanda iştirak üçün DİM-in internet saytında istifadəçi adı və paroldan istifadə etməklə “Bakalavrın imtahana buraxılış vərəqəsi”ni çap etməlidirlər. Burada bakalavrların imtahan verəcəyi şəhər, bina və digər zəruri məlumatlar qeyd olunur.Bakalavrlar imtahana şəxsiyyəti təsdiq edən sənədin əslini, “Bakalavrın imtahana buraxılış vərəqəsi”ni mütləq özləri ilə gətirməlidirlər. Göstərilən sənədlər arasında uyğunsuzluq aşkarlanarsa, yaxud həmin sənədlərdən biri olmazsa, bakalavr imtahana buraxılmayacaq.İkinci mərhələdə bakalavrlara seçdikləri proqram üzrə 5-i açıq tipli olmaqla 50 test tapşırığı təqdim olunur (bəzi proqramlar üzrə isə bakalavrlar yazılı, bəziləri üzrə qabiliyyət imtahanı verəcəklər). Hər düzgün cavab bir balla qiymətləndirilir, səhv cavablar düzgün cavabların nəticəsinə təsir göstərmir.Qəbul imtahanının birinci mərhələsinin nəticələrinə görə, müsabiqə şərtlərini ödəyən bakalavrların proqram seçimi mayın 7-dən 17-dək aparılıb və 8183 nəfər qəbul proqramını seçərək təsdiqləyib. Onlardan 7479-u Azərbaycan bölməsi, 704-ü rus bölməsi üzrə imtahan verəcək. Bakalavrların 3561 nəfərini oğlanlar, 4622 nəfərini qızlar təşkil edir. 5014 nəfər ali təhsil müəssisələrinin builki, 3169 nəfər isə əvvəlki illərin məzunudur. 24 bakalavr xarici ölkə vətəndaşıdır.İmtahanın idarə olunmasına 81 imtahan rəhbəri, 786 nəzarətçi-müəllim ayrılıb. Hazırda imtahanlarda iştirak edəcək nəzarətçilər, imtahan rəhbərləri, mühafizə əməkdaşları üçün təlim-seminarlar keçirilir. Təhlükəsizliyin təmin edilməsi məqsədilə imtahandan bir gün əvvəl DİM və Xüsusi Dövlət Mühafizə Xidmətinin əməkdaşlarının iştirakı ilə bütün imtahan zalları, giriş-çıxış qapıları, binalar möhürlənməklə Daxili İşlər Nazirliyi Baş Mühafizə İdarəsinin əməkdaşlarına mühafizə üçün təhvil veriləcək.xeber100.com

Növbəti sınaq imtahanı keçiriləcək

Dövlət qulluğuna qəbul olmaq istəyən şəxslər üçün təkrar sınaq imtahanı keçiriləcək.Dövlət İmtahan Mərkəzindən (DİM) Azərtac-a bildirilib ki, sınaq imtahanı AA, AB, AC, BA, BB qrupları üzrə iyunun 13-də və 23-də təşkil olunacaq.İmtahan saat 10:00-da başlayacaq. Namizədlər imtahanı DİM-in Nəsimi rayonu, Abdulvahab Salamzadə küçəsi, 28 ünvanında yerləşən binasında xüsusi ayrılmış zallarda kompüter vasitəsilə elektron formada verəcəklər.Sınaq imtahanında iştirak etmək istəyənlər DİM-in saytında “Şəxsi kabinet”lərini yaratmalıdırlar. Kabinet yaradılan zaman onun pul hesabı da açılır. “Şəxsi kabinet”də olan hesaba vəsait daxil etmək üçün müxtəlif ödəniş üsullarından (ətraflı məlumat payment.dim.gov.az saytında verilib) yararlanmaq olar. “Şəxsi kabinet” yaradıldıqdan və hesaba lazımi vəsait qoyulduqdan sonra sınaq imtahanlarında iştirak etmək üçün DİM-in saytında online qeydiyyatdan keçmək lazımdır.Sınaq imtahanında təkrar test tapşırıqlarından istifadə ediləcək.xeber100.com

Karyera Mərkəzinin təşəbbüsü ilə karyera sərgisi təşkil edilib

Mayın 29-da Xəzər Universitetində bu ali məktəbin Karyera Mərkəzinin təşəbbüsü ilə ənənəvi karyera sərgisi təşkil edilib.Azərtac xəbər verir ki, tədbir “Baker Tilly” şirkətinin xüsusi dəstəyi ilə reallaşıb. Sərgidə 20-dək şirkətin nümayəndələri iştirak edirlər.Nümayəndələr təmsil olunduqları şirkətlərdəki vakansiyalar haqqında ətraflı məlumat veriblər.xeber100.com