Növbəti SAT imtahanı keçiriləcək

Martın 10-da Dövlət İmtahan Mərkəzində (DİM) növbəti SAT imtahanı keçiriləcək.DİM-dən Azərtac-a bildirilib ki, imtahanda iştirak edəcək şəxslər saat 07:45-də imtahan binasında olmalıdırlar. İmtahana gecikən şəxslər test mərkəzinə buraxılmayacaqlar. Saat 08:30-da DİM-in Yasamal rayonu, Mikayıl Müşfiq küçəsi, 1M ünvanındakı inzibati binasında başlanacaq imtahanın müddəti 3 saat 45 dəqiqədir.xeber100.com

Texniki Universitetdə qanvermə aksiyası keçirilib

Hər il martın 10-u ölkəmizdə “Qızıl Aypara Günü” kimi qeyd edilir.Azərtac xəbər verir ki, Azərbaycan Texniki Universitetində (AzTU) bu münasibətlə könüllü qanvermə aksiyası keçirilib. Aksiyada AzTU-nun rektor əvəzi Xalıq Yahudov və Azərbaycan Qızıl Aypara Cəmiyyətinin prezidenti Novruzəli Aslanov da iştirak ediblər.Müəllim və tələbələrinin qatıldığı aksiyada toplanan qan ehtiyatı müvafiq səhiyyə təşkilatlarına, xəstəxana və hərbi hospitallara göndərilib.xeber100.com

DİM vakant vəzifə üçün müsahibə mərhələsini elan edib

Dövlət İmtahan Mərkəzi (DİM) 27 dövlət orqanında inzibati vəzifələrin 5-7-ci təsnifatlarına uyğun olan 334 vakant icraçı vəzifələri üzrə dövlət qulluğuna qəbul üçün müsabiqənin müsahibə mərhələsini elan edir.Dövlət İmtahan Mərkəzi (DİM) mərkəzi icra hakimiyyəti və məhkəmə hakimiyyəti orqanlarında, ümumilikdə 27 dövlət orqanında inzibati vəzifələrin 5-7-ci təsnifatlarına uyğun olan 334 vakant icraçı vəzifələri üzrə (BA və BB vəzifə qrupları üzrə) dövlət qulluğuna qəbul üçün müsabiqənin müsahibə mərhələsini elan edir.DİM mətbuat xidmətindən APA-ya verilən məlumata görə, müsabiqənin müsahibə mərhələsi üzrə qeydiyyat aprelin 7-dək davam edəcək.xeber100.com

İlk sınaq imtahanına qeydiyyat başlayır

Aprelin 1-də keçiriləcək ilk sınaq imtahanına qeydiyyat başlayır.Dövlət İmtahan Mərkəzindən (DİM) Azərtac-a bildiriblər ki, I-IV ixtisas qrupları üzrə ali təhsil müəssisələrinə qəbul olunmaq istəyən abituriyentlərin qəbul imtahanlarına daha səmərəli hazırlaşmalarına kömək məqsədilə aprelin 1-də ilk sınaq imtahanı keçiriləcək.Sınaq imtahanları bir növbə üzrə keçirilir və bütün binalarda saat 11:00-da başlanır.İmtahana qeydiyyat martın 6-sı saat 10:00-dan martın 28-i saat 10:00-dək aparılacaq.Sınaq imtahanlarında iştirak etmək istəyənlər ekabinet.dim.gov.az saytındakı “Şəxsi kabinet”in “Sınaq imtahanı üçün ödəmə kartlarının alınması” bölməsinə daxil olaraq “Sınaq imtahanı” ödəmə kartını əldə edib eservices.dim.gov.az/sinaq səhifəsində “yeni istifadəçi” kimi qeydiyyatdan keçməlidirlər.Qeydiyyatdan keçmiş istifadəçilər istədiyi zaman yeni ödəmə kartı əldə edib hesablarının balansını artıra bilərlər. İstifadəçilər balanslarındakı vəsaitdən istifadə etməklə sınaq imtahanlarına istənilən şəxsləri yazdıra bilərlər.xeber100.com

Belarus Təhsili Günlərinin açılışı olub

Martın 5-də Bakıda Belarus Təhsili Günlərinin açılışı olub.Azərtac xəbər verir ki, tədbir Azərbaycanın və Belarusun təhsil nazirliklərinin, Belarusun ölkəmizdəki səfirliyinin və “Rumires Travel” şirkətinin birgə təşkilatçılığı ilə keçirilir.Açılışda Belarus Təhsil Nazirliyinin əməkdaşı Olqa Xodkeviç, bu ölkənin Azərbacandakı səfiri Gennadi Axramoviç çıxış edərək Azərbaycan-Belarus təhsil əlaqələrinin inkişafından, keçirilən tədbirin ali məktəblər arasında qurulan əməkdaşlığa töhfəsindən danışıblar.Sonra Belarusda fəlaiyyət göstərən universitetlərin nümayəndələri təmsil etdikləri ali təhsil müəssisələri haqqında məlumat veriblər.Qeyd edək ki, tədbir çərçivəsində Bakı Slavyan Universitetinin Belarus dili və mədəniyyəti mərkəzində “Belarus və Azərbaycan ali təhsilinin beynəlmiləşdirilməsi” mövzusunda “dəyirmi masa” keçiriləcək.Tədbir martın 7-dək davam edəcək.xeber100.com

Dövlət İmtahan Mərkəzinin məlumatı

Dövlət İmtahan Mərkəzi (DİM) martın 11-də keçiriləcək buraxılış imtahanında iştirak edəcək şagirdlərin nəzərinə çatdırır ki, onlar özləri imtahana buraxılış vərəqəsini çap edə bilərlər. Təhsil müəssisələri isə bütün şagirdlərin imtahana buraxılış vərəqələrini çap edə bilər.DİM-dən Azərtac-a bildiriblər ki, martın 11-də Sumqayıt, Abşeron, Gəncə, Göygöl, Samux, Naftalan, Goranboy, Daşkəsən, Şəki, Oğuz, Qəbələ, Lənkəran, Astara, Biləsuvar, Ağsu, Zərdab, Şamaxı, Kürdəmir, Ağdam, Yevlax, Bərdə, Tərtər, İmişli, Saatlı, Sabirabad, Xaçmaz, Şabran rayonlarının ümumtəhsil müəssisələrinin məzunları üçün ümumi orta təhsil səviyyəsi üzrə (9-cu sinif) buraxılış imtahanının birinci mərhələsi keçiriləcək.xeber100.com  

Bakı Şəhəri üzrə Təhsil İdarəsi tələbələri əməkdaşlığa dəvət edir

Bakı Şəhəri üzrə Təhsil İdarəsi (BŞTİ) Könüllülük Proqramına qatılmaq arzusunda olan gəncləri əməkdaşlığa dəvət edir.BŞTİ-dən Azərtac-a bildiriblər ki, könüllü kimi fəaliyyət göstərmək istəyən gənclər Təhsil İdarəsinin müxtəlif sektorlarında, xidmət bölmələrində və Təlimə Dəstək Mərkəzində üç ay səmərəli təcrübə keçmək imkanı qazanacaqlar.İntizamlı, xoşrəftar, kollektivdə çalışmaq istəyi olan, kompüterdə işləməyi bacaran, xarici dil biliklərinə malik, ali təhsilli və ya ali təhsil müəssisələrinin son kursunda oxuyan gənclər könüllü kimi fəaliyyət göstərmək üçün müraciət edə bilərlər.xeber100.com

Dövlət İmtahan Mərkəzinin məlumatı əsasında…

Dövlət İmtahan Mərkəzində (DİM) növbəti TOEFL IBT imtahanı keçiriləcək.TOEFL IBT imtahanı martın 3-də DİM-in Yasamal rayonu, Mikayıl Müşfiq küçəsi, 1M ünvanında yerləşən inzibati binasında təşkil olunacaq.DİM-dən Azərtac-a bildirilib ki, imtahan saat 09:00-da başlanacaq. İmtahanda iştirak edən şəxslər saat 08:15-dək imtahan binasında olmalıdırlar.Xatırladaq ki, TOEFL IBT imtahanı ali təhsil səviyyəsində ingilis dili üzrə bacarıqları istifadə etmək, oxuyub anlamaq və s. meyarları ölçmək üçün vasitədir. Bu imtahan vasitəsilə oxumaq, yazmaq, dinləmək və danışmaq üzrə bacarıqları tətbiqetmə dərəcəsi müəyyən edilir.xeber100.com

“Magistr-2018” müsabiqəsi elan olunur

Azərbaycan Milli Elmlər Akademiyasının (AMEA) prezidenti Akif Əlizadənin müvafiq sərəncamına əsasən, AMEA-da “Magistr-2018” müsabiqəsi elan olunur.AMEA-dan Azərtac-a bildiriblər ki, müsabiqənin keçirilməsinin əsas məqsədi akademiyada magistratura təhsilini daha da təkmilləşdirmək, magistrantların elmi nailiyyətlərinin və yaradıcılıq potensialının artırılmasına dəstək göstərmək, təhsildə, elmdə yüksək nəticələr əldə edən, intellekti və bacarığı ilə fərqlənən istedadlı gəncləri həvəsləndirməkdir.Müsabiqədə AMEA-nın magistraturasında təhsil alan tələbələr iştirak edə bilərlər. Yekunda ən yüksək nəticə göstərən üç magistrant mükafatlandırılacaq.Müsabiqədə iştirak üçün magistrantlar ərizə formasını müəyyənləşdirilmiş qaydada doldurub (ərizələr müvafiq institutun təhsil şöbəsinin rəhbəri və elmi katibi tərəfindən təsdiqlənməlidir) təhsil aldığı institutun direktorunun müşayiət məktubu ilə birlikdə aprelin 13-dək AMEA Rəyasət Heyəti aparatının Elm və Təhsil İdarəsinə təqdim etməlidirlər.xeber100.com

BDU-nun hüquq fakültəsinə yeni ixtisaslaşmalar əlavə edilib

Nazirlər Kabinetinin 2018-ci il 19 fevral tarixli qərarı ilə Bakı Dövlət Universitetinin hüquq fakültəsinin magistratura səviyyəsinə yeni ixtisaslaşmalar əlavə edilib.Universitetdən Azərtac-a bildirilib ki, bunlar əqli mülkiyyət hüququ, tibbi hüquq, əmək və sosial təminat hüququ, inzibati hüquq, inzibati proses, iqtisadi və maliyyə hüququ, idman hüququ, turizm hüququ ixtisaslaşmalarıdır.Qeyd edək ki, hüquq fakültəsinin magistratura səviyyəsində tədris Azərbaycan, rus, ingilis və alman dillərində keçirilir. İndiyədək 11 ixtisaslaşma üzrə kadr hazırlığı aparılan fakültədə yeni tədris ilindən qəbul 17 ixtisaslaşma üzrə aparılacaq.xeber100.com