AMEA-nın magistraturalarına qəbul imtahanı keçiriləcək

Dövlət İmtahan Mərkəzi (DİM) tərəfindən fevralın 4-də ali təhsil müəssisələrinin və Azərbaycan Milli Elmlər Akademiyasının magistraturalarına qəbul imtahanının birinci mərhələsi üzrə sınaq imtahanı keçiriləcək.DİM-dən Azərtac-a bildiriblər ki, imtahan Bakı, Gəncə və Naxçıvan şəhərlərində təşkil olunacaq. Sınaq imtahanında iştirak etmək istəyənlər yanvarın 18-i saat 10:00-dan yanvarın 31-i saat 10:00-dək mərkəzin internet saytında qeydiyyatdan keçməklə imtahana yazıla bilərlər.xeber100.com

“Ali Təhsilin İnformasiya Sistemi” layihəsi çərçivəsində tədbir keçirilib

Yanvarın 16-da Bakı Slavyan Universitetində (BSU) “Ali Təhsilin İnformasiya Sistemi” (ATİS) layihəsi çərçivəsində tədbir keçirilib. Layihədə Təhsil Nazirliyinin təşəbbüsü ilə ali təhsil müəssisələrində vahid və mərkəzləşdirilmiş məlumat bazasının yaradılması nəzərdə tutulur.BSU-dan Azərtac-a bildirilib ki, tədbirdə bu universitetin rektoru, professor Nurlana Əliyeva Azərbaycanda elektron cəmiyyət və elektron hökumət yaradılması istiqamətində görülən mühüm işlərdən danışıb. Vurğulanıb ki, elektron universitet sisteminə qoşulmaq artıq dövrün tələbinə çevrilib. Bu sistem ali təhsil müəssisəsinin fəaliyyətinə yüksək təsir edəcək. Azərbaycan təhsilinin dünya təhsil sisteminə sürətlə inteqrasiya etdiyini deyən N.Əliyeva BSU-nun regionda tutduğu nadir mövqedən, bu ali təhsil ocağının dünya universitetləri ilə sıx əməkdaşlığından söz açıb. Vurğulanıb ki, bu ali təhsil ocağında elektron universitet proqramının tətbiqi həm müəllimlər, həm də tələbələr üçün səmərəli olacaq, BSU-nun fəaliyyətinin optimallaşdırılmasında, sürətləndirilməsində və tam avtomatlaşdırılmasında mühüm rol oynayacaq.Təhsil Nazirliyinin nümayəndəsi Vüsalə Qurbanova ATİS layihəsinin həyata keçirilməsi istiqamətində görülən işlər və qarşıda duran vəzifələr barədə məlumat verib. Qeyd edilib ki, layihənin əsas məqsədi ali təhsil müəssisəsində təhsilin informasiya idarəetmə platformasının yaradılması və tətbiqidir. V.Qarayeva bildirib ki, layihənin həyata keçirilməsi “Azərbaycan Respublikasında təhsilin inkişafı üzrə Dövlət Strategiyası”nda nəzərdə tutulmuş hədəflərə nail olunmasına və müasir informasiya-kommunikasiya texnologiyalarına əsaslanan yeni təhsil idarəetmə sisteminin formalaşdırılmasına töhfə verəcək. Layihənin “Neuron Technologies” şirkəti tərəfindən icra olunduğunu deyən V.Qarayeva diqqətə çatdırıb ki, bu təşəbbüsün səmərəli və vaxtında həyata keçirilməsini təmin etmək məqsədilə universitetdə məsul şəxslər və müvafiq işçi qrupu şirkətin əməkdaşları ilə birgə fəaliyyət göstərəcəklər.xeber100.com

İngilis dili fənni üzrə monitorinq imtahanı keçirilib

Dövlət İmtahan Mərkəzi (DİM) yanvarın 16-da respublikanın 39 şəhər və rayonunda ümumtəhsil müəssisələrinin onuncu sinif şagirdləri üçün ingilis dili fənni üzrə monitorinq imtahanı keçirib.DİM-dən Azərtac-a bildiriblər ki, imtahan 170 məktəbdə təşkil olunub.İmtahan prosesinin idarə edilməsi üçün DİM-də operativ qərargah fəaliyyət göstərib, mütəmadi olaraq imtahan keçirilən mərkəzlərlə əlaqə saxlanılıb. İmtahan bütün mərkəzlərdə təlimata uyğun həyata keçirilib.İmtahanın ilk 1 saat 10 dəqiqəsi sual kitabçasındakı yazı və oxuyub-anlama bacarıqlarının ölçülməsinə aid tapşırıqların yerinə yetirilməsinə, son 20 dəqiqəsi isə dinləmə mətninin səsləndirilməsi və bu mətn üzrə təqdim olunan tapşırıqların cavablandırılmasına ayrılıb.Qeyd edək ki, DİM tərəfindən regionlarda keçirilən kütləvi imtahanlarda şagirdlərin dinləmə bacarıqlarının yoxlanılması ilk dəfə həyata keçirilib.Bunun üçün DİM tərəfindən xüsusi hazırlıq işləri həyata keçirilib, lazımi avadanlıq – audioqurğular alınıb. Dinləmə mətnlərin hazırlanması və səsləndirilməsi işi də mərkəzin əməkdaşları və bu prosesə cəlb olunmuş mütəxəssislər tərəfindən həyata keçirilib.Monitorinq imtahanlarının nəticələri şagirdlərin biliyinin qiymətləndirilməsinə hüquqi təsir göstərmir və yalnız təhsil sahəsində dövlət standartlarının təmin edilməsi üçün aparılan islahatların, o cümlədən yeni təhsil proqramlarının (kurikulumların) tədris prosesinə təsirinin müəyyənləşdirilməsi məqsədi daşıyır.xeber100.com

Təhsil Nazirliyinin məlumatı əsasında

Yanvarın 25-də Təhsil Nazirliyinin “BİR” Tələbə-Könüllü Proqramının təşkilatçılığı ilə Azərbaycan tələbə-könüllülərinin üçüncü forumu keçiriləcək.Nazirlikdən Azərtac-a bildiriblər ki, tədbir ötən il təşkil olunmuş ikinci forumun nəticələrinə, görülmüş işlərə və qarşıya qoyulan yeni məqsədlərə həsr olunacaq.Forumda könüllülük hərəkatının inkişafı və tələbələrin ictimai həyatda fəal iştirakının stimullaşdırılması istiqamətində fikir mübadiləsi aparılacaq.“BİR” Tələbə-Könüllü Proqramı ölkəmizin mədəni və ictimai inkişafında böyük rol oynayan tələbə-könüllülərlə işi sistemləşdirmək, müvafiq fəaliyyəti stimullaşdırmaq üçün yaradılan uzunmüddətli proqramdır.İki il ərzində 21 ali və 16 orta ixtisas təhsili müəssisəsindən 15 mindən çox tələbə-könüllünü öz ətrafında birləşdirən “BİR” Tələbə-Könüllü Proqramı indiyədək 150-dən çox müxtəlif səviyyəli tədbirlərə könüllü dəstəyi göstərib və yeddi regionda (Bakı, Sumqayıt, Gəncə, Mingəçevir, Şəki, Lənkəran, Masallı) təmsil olunub.xeber100.com

Dövlət İmtahan Mərkəzinin məlumatı əsasında…

Dövlət İmtahan Mərkəzi (DİM) yanvarın 16-da respublikanın 39 şəhər və rayonunda (Babək, Ordubad, Şərur, Gəncə, Şəmkir, Göygöl, Qazax, Ağstafa, Tovuz, Mingəçevir, Sumqayıt, Yevlax, Şəki, Zaqatala, Qəbələ, Qax, Oğuz, Bərdə, Ağcabədi, Ağdam, Göyçay, Kürdəmir, Zərdab, Ağdaş, İsmayıllı, Ağsu, İmişli, Beyləqan, Şirvan, Sabirabad, Biləsuvar, Salyan, Saatlı, Lənkəran, Astara, Masallı, Quba, Xaçmaz, Siyəzən) ümumtəhsil müəssisələrinin 10-cu sinif şagirdləri üçün ingilis dili fənni üzrə monitorinq imtahanı keçirəcək.DİM-dən Azərtac-a bildiriblər ki, qeyd edilən şəhər və rayonlarda keçiriləcək monitorinq imtahanında 170 məktəb əhatə olunacaq. İmtahanda Azərbaycan bölməsi üzrə 5.454, rus bölməsi üzrə 392 şagirdin iştirakı nəzərdə tutulur.xeber100.com

Milli Elmlər Akademiyasının növbəti iclası keçirilib

Yanvarın 15-də Azərbaycan Milli Elmlər Akademiyası (AMEA) Rəyasət Heyətinin növbəti iclası keçirilib.Azərtac xəbər verir ki, əvvəlcə AMEA-nın prezidenti Akif Əlizadə gündəlikdəki məsələləri diqqətə çatdırıb.AMEA-nın vitse-prezidenti Dilqəm Tağıyevin bölmənin 2017-ci ildəki elmi və elmi-təşkilati fəaliyyəti haqqında məruzəsi dinlənilib. Hesabat ilində fundamental və tətbiqi tədqiqatların prioritet istiqamətlərə uyğun həyata keçirildiyi bildirilib.Bölməyə dair statistik məlumatları diqqətə çatdıran D.Tağıyev ötən ildə bölmə müəssisələrində 12 problemə aid 43 mövzu üzrə tədqiqat işlərinin aparıldığını və beş mövzunun tamamlandığını deyib. Qeyd olunub ki, bölmənin elmi müəssisələri və respublikanın ali təhsil müəssisələri elmi fundamental tədqiqatlar sahəsində 21 mühüm elmi nəticə əldə edib. On tətbiqi xarakterli iş müxtəlif təşkilatlarda sınaqdan keçirilib. Bölmənin institutlarında 19 Azərbaycan və 3 Avrasiya patenti alınıb.xeber100.com

2017-2018-ci tədris ilinin monitorinqi aparılıb

Yanvarın 11-də Azərbaycan Dövlət Pedaqoji Universitetində (ADPU) 2017-2018-ci tədris ilinin payız semestri imtahan sessiyasının monitorinqi aparılıb.Azərtac xəbər verir ki, monitorinqdən öncə ADPU-nun rektoru Cəfər Cəfərov İctimai Şuranın üzvləri və KİV nümayəndələri ilə görüşüb. Rektor universitetdə imtahanların təşkili barədə məlumat verərək bildirib ki, yazılı və VTS-TEST sistemi üzrə tələbələrin imtahan nəticələrinin qiymətləndirilməsi zamanı şikayətləri araşdırmaq və düzgün qiymətləndirməni təmin etmək məqsədilə Apellyasiya Komissiyası, həmçinin fakültələr, magistratura və doktorantura şöbəsi üzrə apellyasiya komissiyaları yaradılıb, fakültə dekanlarının, kafedra müdirlərinin və digər struktur bölmələrin vəzifələri müəyyənləşdirilib. Sessiyanı normal mənəvi-psixoloji şəraitdə, obyektiv başa çatdırmaq üçün bütün hazırlıq işləri və təşkilati məsələlər vaxtında yekunlaşdırılıb, imtahanların keçirilməsi üçün lazımi sənədlər tələblərə uyğun hazırlanıb. Həmçinin bütün fakültələrin əməkdaşlarından ibarət işçi qrupu yaradılıb.C.Cəfərov qeyd edib ki, yazılı imtahanlar gün ərzində üç dəfə keçirilir. Test üsulu ilə hər 45 dəqiqədənbir imtahanlar təşkil olunur. Gün ərzində ümumilikdə təxminən üç min tələbə yazılı və test üsulu ilə imtahan verir. Magistratura təhsil səviyyəsində magistrantların imtahanları yazılı qaydada aparılır. Sessiya müddətində universitetdə təhsilin bakalavriat səviyyəsi üzrə 367 qrupda 565 fəndən imtahan keçirilməsi nəzərdə tutulur. Magistratura səviyyəsində isə 52 qrupda təqribən 312 fəndən imtahan keçiriləcək. Ümumilikdə 419 qrupda 877 fəndən imtahanların keçirilməsi nəzərdə tutulur.xeber100.com  

Müəllim və valideynlərin səyyar qəbulu keçiriləcək

Yanvarın 12-də paytaxtın Nizami və Nərimanov rayonları üzrə müəllim və valideynlərin səyyar qəbulu keçiriləcək.Bakı Şəhəri üzrə Təhsil İdarəsindən (BŞTİ) Azərtac-a bildiriblər ki, Bakıdakı Məktəb-Lisey Kompleksində (Ünvan: F.Xoyski küçəsi 78) təşkil olunacaq səyyar qəbul saat 10:00-da başlanacaq.Səyyar qəbul vəzifə funksiyalarının tələb olunan səviyyədə yerinə yetirilməsi istiqamətində müəssisə rəhbərlərinin məsuliyyətinin artırılması, təhsilin keyfiyyətinin yüksəldilməsi, məktəblərdə sağlam və yaradıcı mühitin təmini üçün sistemli iş aparılması məqsədlərinə xidmət edir.Müəllim və valideynlərin müraciətləri BŞTİ-nin rəhbərliyi və struktur bölmə əməkdaşları tərəfindən dinləniləcək, problemli məsələlər araşdırmaya yönəldiləcək, müvafiq təşkilati və maarifləndirmə tədbirləri görüləcək.xeber100.com

Bakı Dövlət Universitetində monitorinq keçirilib

Yanvarın 10-da Bakı Dövlət Universiteti rektorluğu yanında İctimai Nəzarət və Məsləhət Şurasının üzvləri, valideynlər, ictimaiyyət nümayəndələri, qeyri-hökumət təşkilatları və KİV nümayəndələrinin iştirakı ilə 2017-2018-ci tədris ilinin qış imtahan sessiyasının monitorinqi keçirilib.Azərtac xəbər verir ki, BDU-nun rektoru Abel Məhərrəmovun iştirakı ilə müəllim-koordinatorların bölgüsünə qatılan müşahidəçilər imtahanların gedişini universitetin Tədris Elektron Mərkəzindən izlədikdən sonra auditoriyalarda olublar. “Açıq qapı” günü iştirakçıları imtahanların müşahidə kameraları quraşdırılmış xüsusi auditoriyalarda keçirilməsini, bununla bərabər, hər auditoriyada 2-3 müəllim-koordinatorun nəzarət etməsini, imtahan prosesində baş verə biləcək bütün mənfi halların qarşısının alınması üçün lazımi tədbirlərin görülməsini yüksək qiymətləndiriblər.İmtahanlar bir qayda olaraq yazılı formada aparılır, zərurət yarandığı hallarda bəzi fənlər üzrə imtahanlar şifahi-dialoq və ya test formasında keçirilir.xeber100.com

Bakı Şəhəri üzrə Təhsil İdarəsinin məlumatı

Bakı Şəhəri üzrə Təhsil İdarəsinin (BŞTİ) tabeliyindəki ümumtəhsil məktəblərində 2017-2018-ci tədris ilinin birinci yarımili üzrə böyük summativ qiymətləndirməyə başlanılıb.BŞTİ-dən Azərtac-a bildiriblər ki, böyük summativ qiymətləndirmə müvafiq məzmun və dəyərləndirmə standartları əsasında hazırlanmış vasitələrlə şagirdlərin nailiyyətlərini üzə çıxarmaq, bilik və bacarıqlarını yoxlamaq məqsədi daşıyır.Böyük summativ qiymətləndirmə vasitələri ümumtəhsil müəssisəsi rəhbərliyinin təşkil etdiyi komissiya tərəfindən hazırlanıb.Böyük summativ qiymətləndirmə məktəb rəhbərliyi tərəfindən yaradılan müvafiq komissiyanın nəzarəti ilə fənni tədris edən müəllimlər tərəfindən aparılır.Qeyd edək ki, böyük summativ qiymətləndirmənin nəticələri keçirildiyi tarixdə sinif jurnalında qeyd olunur və şagirdin illik qiymətlərinin hesablanması zamanı nəzərə alınır.xeber100.com