Dövlət İmtahan Mərkəzi yeni təqvim planını təsdiqləyib

“Dövlət İmtahan Mərkəzinin 2017/2018-ci tədris ilində ümumtəhsil müəssisələrinin şagirdləri haqqında məlumatların “Şagird-məzun” sisteminə daxil edilməsi və yekun qiymətləndirmənin aparılması ilə əlaqədar rayon (şəhər) təhsil şöbələri (təhsil idarələri) və ümumtəhsil müəssisələri tərəfindən yerinə yetiriləcək işlər üzrə Təqvim planı” Dövlət İmtahan Mərkəzi (DİM) Direktorlar Şurasının sədri Məleykə Abbaszadə tərəfindən təsdiqlənib.Bu barədə Azərtac-a DİM-dən məlumat verilib.Təhsil şöbələri (təhsil idarələri) və ümumtəhsil müəssisələrindən xahiş olunur ki, cari tədris ilində görüləcək işlərin təqvim planında göstərilmiş tarixlər üzrə yerinə yetirilməsini və şagirdlərə aid məlumatların təqvim planında göstərilən tarixlərdə “Şagird-məzun” sisteminə daxil edilməsini təmin etsinlər.Təqvim planı DİM-in internet saytında yerləşdirilib.xeber100.com

BŞTİ işə qəbul üzrə müsabiqə elan edir

Bakı Şəhəri üzrə Təhsil İdarəsi (BŞTİ) Təlimə Dəstək Mərkəzində çalışmaq arzusunda olan metodistlərin (mentorların) işə qəbulu üzrə müsabiqə elan edir.BŞTİ-dən Azərtac-a bildiriblər ki, müsabiqədə pedaqoji və ya idarəetmə üzrə ali təhsilli, beş il pedaqoji iş təcrübəsi olan (elmi dərəcəsi olduqda üç il), təhsilin təşkili və idarəolunması üzrə yerli və beynəlxalq sertifikatları, eləcə də mentoluq sertifikatı olan şəxslər iştirak edə bilərlər.Qeyd edək ki, BŞTİ-nin nəzdində fəaliyyət göstərən Təlimə Dəstək Mərkəzi ümumi təhsil müəssisələrində pedaqoji prosesin sistemli idarə olunmasının dəstəklənməsi, yeni yanaşmaların məktəblərdə çevik tətbiqinin təmin edilməsi, məktəbdaxili və məktəblərarası öyrədici mühitin zənginləşdirilməsi, təlimin keyfiyyətinin artırılması və fənn metodbirləşmələrinin fəaliyyətinin düzgün istiqamətləndirilməsi məqsədlərinə xidmət edir.xeber100.com

Beynəlxalq elmi konfrans işə başlayıb

Oktyabrın 23-də Milli Elmlər Akademiyasının (AMEA) əsas binasında Hüseyn Cavidin anadan olmasının 135-ci ildönümünə həsr edilmiş “Hüseyn Cavid və müasir gənclik” mövzusunda beynəlxalq elmi konfrans işə başlayıb.Azərtac xəbər verir ki, AMEA-nın Hüseyn Cavidin Ev Muzeyi ilə Nizami Gəncəvi adına Ədəbiyyat İnstitutu tərəfindən birgə təşkil olunan tədbirdə Azərbaycan, Türkiyə, Misir və digər ölkələrdən olan alimlər iştirak edirlər.xeber100.com

Bakı Şəhəri üzrə Təhsil İdarəsinin məlumatı

Təhsildə inkişaf və innovasiyalar üzrə birinci qrant müsabiqəsi çərçivəsində dəstəklənən 32 layihənin icrasına başlanılıb.Bakı Şəhəri üzrə Təhsil İdarəsinin (BŞTİ) tabeliyindəki məktəblərdə, ümumilikdə, ümumi təhsil müəssisələri kateqoriyası üzrə 15, fərdi kateqoriya üzrə 17 layihə həyata keçirilir.BŞTİ-dən Azərtac-a bildiriblər ki, bu layihələr 3-12 ay müddətində icra ediləcək.Təhsildə inkişaf və innovasiyalar üzrə birinci qrant müsabiqəsinin keçirilməsinin əsas məqsədi təhsil müəssisələrində və təhsilverənlərdə sağlam rəqabəti, innovativ fəaliyyəti stimullaşdırmaqdır.Qeyd edək ki, təhsildə inkişaf və innovasiyalar üzrə birinci qrant müsabiqəsinə respublika üzrə dövlət ümumi təhsil müəssisələri və bu müəssisələrdə çalışan pedaqoji işçilər qatılıblar. On mövzu üzrə keçirilən müsabiqə çərçivəsində ümumi təhsil müəssisələri kateqoriyası üzrə 78, fərdi kateqoriya üzrə 213 layihə təklifi daxil olub. Müsabiqənin Təşkilat Komitəsi Ekspert Qrupu tərəfindən ümumi təhsil müəssisələri kateqoriyası üzrə 37, fərdi kateqoriya üzrə 83 layihənin dəstəklənməsi məqsədəuyğun sayılıb. Həmin layihələrin maliyyələşdirilməsi Təhsil Nazirliyi tərəfindən təsdiqlənib.xeber100.com  

Milli Elmlər Akademiyasında Coğrafiya Günləri öz işinə başlayıb

Oktyabrın 22-də Azərbaycan Milli Elmlər Akademiyasının (AMEA) akad. H.Ə.Əliyev adına Coğrafiya İnstitutunda Birinci Azərbaycan – Səudiyyə Ərəbistanı Coğrafiya Günləri öz işinə başlayıb.Azərtac xəbər verir ki, oktyabrın 27-dək davam edəcək tədbirlərdə Səudiyyə Ərəbistanının Coğrafiya Cəmiyyətinin 37 nümayəndəsi iştirak edir.Azərbaycan Coğrafiya Cəmiyyətinin prezidenti R.Məmmədov iştirakçıları gündəlikdə duran məsələlərlə tanış edib.Səudiyyə Ərəbistanının Coğrafiya Cəmiyyətinin prezidenti Mohammed Abdul Hamid Meshkis ölkəsinin coğrafiyası haqqında geniş məlumat verib.Görüşdə mövzu ilə bağlı digər çıxış edənlər birgə əməkdaşlığın hər iki ölkə coğrafiyasının inkişafına böyük təkan verəcəyini qeyd ediblər.Tədbirdə Azərbaycan Coğrafiya Cəmiyyəti ilə Səudiyyə Coğrafiya Cəmiyyəti arasında əməkdaşlıq haqqında müzakirələr aparılıb.xeber100.com

MDU-nun Bakı filialında “Açıq qapı” günü keçirilib

Oktyabrın 21-də M.V.Lomonosov adına Moskva Dövlət Universitetinin (MDU) Bakı filialında 2018-2019-cu tədris ilində bu ali məktəbə daxil olmaq üçün qəbulun şərtləri və qaydaları ilə tanışlıq məqsədilə “Açıq qapı” günü keçirib.Azərtac xəbər verir ki, tədbiri açan mexanika-riyaziyyat fakültəsinin ümumi topologiya və həndəsə kafedrasının müdiri Yuri Sadovniçi MDU-nun Bakı filialının “Açıq qapı” günündə iştirak edən professor-müəllim heyətini təqdim edib. Bildirib ki, M.V.Lomonosov adına MDU-nun Bakı filialı 2008-ci ildə yaradılıb. Əvvəlcə burada üç fakültə - tətbiqi riyaziyyat, kimya və filologiya fakültələri fəaliyyət göstərib, sonra psixologiya, iqtisad və fizika fakültələri açılıb. Təhsil bakalavr və magistr pillələrində aparılır. “M.V.Lomonosov adına MDU-nun Bakı filialının rektoru Nərgiz Paşayevanın təşəbbüsü ilə 2012-ci ildə çox gözəl kampus inşa edilib və tələbələr üçün burada hər cür şərait yaradılıb. Kampusda çox zəngin kitabxana, müasir laboratoriyalar var, tələbələr geniş auditoriyalarda dərs keçirlər, burada yataqxanalar, idman meydançaları var. Fənləri əsasən MDU-nun professor və müəllimləri tədris edirlər. Tələbələr sonda Moskva məzunlarının aldıqları diplomdan heç nə ilə fərqlənməyən diploma sahib olurlar”, - deyən Y.Sadovniçi filialda oxumağın çətin olduğunu, lakin bu çətinliyin tələbələrin gələcəyinə müsbət təsir göstərdiyini diqqətə çatdırıb. O deyib: “Praktika göstərir ki, məzunlarımızın işə düzəlmək problemi olmur. Onlar sonra bizə təşəkkür də edirlər”.xeber100.com

7-ci Beynəlxalq Türkologiya Konqresi işə başlayıb

2017-ci il üçün türk dünyasının mədəniyyət paytaxtı elan olunan Qazaxıstanın Türküstan şəhərində 7-ci Beynəlxalq Türkologiya Konqresi işə başlayıb.Azərtac xəbər verir ki, Xoca Əhməd Yəsəvi Beynəlxalq Qazax-Türk Universitetinin təşkilatçılığı ilə keçirilən tədbirdə Azərbaycan, İran, Özbəkistan, Türkiyə, Rusiya, Qırğızıstan və digər ölkələrdən türkoloqlar iştirak edirlər.Konqres istifadəsi getdikcə azalan və yox olmaq təhlükəsi ilə üzləşən türk dillərinin və ləhcələrinin qorunması məsələlərinə həsr edilib.Tədbirin açılışında çıxış edən Beynəlxalq Qazax-Türk Universitetinin Himayədarlar Şurasının sədri professor Musa Yıldız artıq ənənəvi olaraq təşkil olunan konqresin türk dünyasının müxtəlif ölkələrindən gələn türkoloqlar və elm adamları üçün mühüm müzakirə platformasına çevrildiyini bildirib. O, sıradan çıxmaq təhlükəsi ilə üzləşən türk dillərinin tədqiqi məqsədilə Beynəlxalq Türk Akademiyası və Əhməd Yəsəvi Universitetinin birgə səyləri nəticəsində 4 cildlik böyük ensiklopedik nəşrin hazırlandığını vurğulayıb.Konqresin ilk günü Beynəlxalq Qazax-Türk Universitetinin Mədəniyyət Mərkəzində Əhməd Yəsəvi Muzeyinin açılışı da olub. Muzeydə Türküstan bölgəsində Xoca Əhməd Yəsəvinin yaşadığı dövrə aid tarixi əsərlər və ortaq türk tarixinin müxtəlif dövrlərini əks etdirən rəsm əsərləri yer alır.Yeddinci Beynəlxalq Türkologiya Konqresi üç gün davam edəcək.xeber100.com

Dövlət İmtahan Mərkəzinin məlumatı

Dövlət qulluğuna qəbulla bağlı müsabiqənin test imtahan mərhələsi noyabrda keçiriləcək.Azərtac xəbər verir ki, bunu Dövlət İmtahan Mərkəzinin (DİM) Direktorlar Şurası sədrinin müavini Bəhram Xəlilov deyib.Onun sözlərinə görə, test imtahanından müvəffəqiyyətlə keçmiş namizədlərə sertifikatlar veriləcək. B.Xəlilov deyib: “Bu ildən Azərbaycanda dövlət qulluqçularının sertifikatlaşdırılması tətbiq ediləcək. Dövlət qulluğuna qəbul olunmaq istəyənlər test imtahanları verib müvafiq sertifikatlar alacaqlar. Bu, yenilikdir və ilk dəfə Azərbaycanda tətbiq olunacaq. Uğur qazanan şəxslər həmin sertifikatlara uyğun olaraq vakant dövlət qulluğu vəzifələrinə elan edilən müsahibələrə qatıla biləcəklər".Bir çox dövlət qulluğu vəzifəsinin vakant olduğunu deyən B.Xəlilov vurğulayıb ki, test imtahan mərhələsində açıqtipli testlərdən istifadə ediləcək. Eyni zamanda, balların hesablanması qaydası dəyişib. Keçid balları vəzifədən asılı olaraq müəyyənləşdirilib.xeber100.com

“Azərbaycanda təhsil, elm və mədəniyyət” adlı məcmuəsində…

Azərbaycanın dövlət orta ixtisas təhsili müəssisələrində təhsil alanlardan 20 min 284-ü təqaüd alır.Azərtac xəbər verir ki, bu məlumat Dövlət Statistika Komitəsinin “Azərbaycanda təhsil, elm və mədəniyyət” adlı məcmuəsində əks olunub. Rəsmi nəşrin tədris ilinin əvvəlinə olan məlumatına görə, dövlət və qeyri-dövlət orta ixtisas təhsili müəssisələrində 51 min 702 tələbə təhsil alır. Onlardan 34 min 308-i qadınlardır. Ötən tədris ilində kolleclərdə çalışan müəllimlərin sayı 6 min 74 nəfər təşkil edib ki, bunun da 4 min 625-i qadınlar olub. Ümumilikdə kolleclərdə 13 elmlər doktoru, 81 fəlsəfə doktoru, 5 professor və 18 dosent dərs deyir.xeber100.com

İkinci beynəlxalq konfrans öz işinə başlayıb

Oktyabrın 19-da Bakıda “Sosial elmlərin araşdırılması” mövzusunda ikinci beynəlxalq konfrans öz işinə başlayıb. Tədbir Bakı Avrasiya Universitetinin (BAU), Türkiyənin Pamukkale Universitetinin və Anadolu Mədəni Araşdırmalar Jurnalının birgə təşkilatçılığı ilə keçirilir.Azərtac xəbər verir ki, tədbir Azərbaycanın və Türkiyənin dövlət himnlərinin səsləndirilməsi ilə başlanıb.BAU-nun rektoru Nazim Hüseynli bildirib ki, oktyabrın 21-dək davam edəcək konfransın keçirilməsinin məqsədi müasir dövrün çağırışlarına uyğun olaraq mədəniyyətlər və sivilizasiyalararası dialoqun qurulması, ortaq layihələrin reallaşdırılmasıdır.Konfransın sədri, professor Həsən Kara ilk dəfə 2015-ci ildə Sarayevoda keçirilmiş tədbirin Şərq və Qərb istiqamətləri üzrə hər il bir ölkədə təşkil ediləcəyini deyib.Anadolu Mədəni Araşdırmalar jurnalının redaktoru, professor Turhan Çetin konfransın əlaqə və münasibətlərin genişləndirilməsi, bu sahədə yeni perspektivlərin müəyyənləşdirilməsi baxımından böyük əhəmiyyət daşıdığını bildirib.Tədbirdə Milli Məclisin deputatı Qənirə Paşayeva “Qarabağ problemi” mövzusunda məruzə ilə çıxış edib.xeber100.com