2017-2018-ci tədris ili üzrə “Məktəb seminarları”…

2017-2018-ci tədris ili üzrə “Məktəb seminarları”nın doqquzuncu sessiyaları Sabunçu rayonunun 46 ümumtəhsil məktəbini əhatə edib.Bakı Şəhəri üzrə Təhsil İdarəsindən (BŞTİ) Azərtac-a bildiriblər ki, sessiyalar məktəb direktorları üçün qruplar şəklində təşkil olunub. Sessiyalarda BŞTİ-nin müdiri Məhəbbət Vəliyeva məktəb mühiti, məktəblilərin hərtərəfli vətəndaş kimi formalaşdırılması, ümumtəhsil müəssisələrində keyfiyyətə nəzarət mexanizminin təkmilləşdirilməsi, fənn olimpiadalarının və müsabiqələrin təşkili, yeni layihələrin icrası, təmayülləşmənin tətbiqi, məktəbəhazırlıq qruplarının uşaqların inkişafına təsiri və digər məsələlərdən danışıb.BŞTİ-nin sektor müdirləri Lamiyə Şərəfxanova, İlhamə Abdullayeva, Bəşarət Məmmədov, Şahin İsgəndərov və Anar Qədiməliyev də tədrisin təşkili, şagird nailiyyətlərinin qiymətləndirilməsi, məktəb imicinin formalaşdırılması, təhsil müəssisələrinin uğurlarının təbliği, məktəb saytlarının təkmilləşdirilməsi, məktəbdənkənar tədbirlərin təşkili, məktəblərin payız-qış mövsümünə hazırlığı mövzularında çıxış ediblər.Sessiyalarda məktəbdaxili metodiki işə nəzarət, tədris prosesinin düzgün və səmərəli qurulmasında müəllimin rolu, dərsə davamiyyətin tənzimlənməsi, şagirdlərin yerdəyişməsi, sosial layihə və fəaliyyətlərin planlaşdırılması, məktəb kitabxanalarının fəaliyyətinin gücləndirilməsi məsələləri müzakirə edilib, təklif və tövsiyələr səsləndirilib.xeber100.com

Milli Elmlər Akademiyasının məlumatı

“EcoWorld” beynəlxalq ekologiya mükafatı üçün növbəti müsabiqə elan edilib.Azərbaycan Milli Elmlər Akademiyasından Azərtac-a bildiriblər ki, müsabiqənin keçirilməsi ekoloji problemlərin həlli, biomüxtəlifliyin qorunması, əhalinin ekoloji təhsili və maarifləndirilməsi, ekoloji tarazlığın bərpa edilməsi məqsədi daşıyır.Müsabiqə iştirakçılarının seçimi təqdim edilmiş ərizə və layihə, proqram və aksiyaların həyata keçirilməsini təsdiqləyən sənədlər əsasında aparılır.Qeyd edək ki, “EcoWorld” beynəlxalq ekologiya mükafatı ətraf mühitin mühafizəsi və ekoloji təhlükəsizliyin təmin olunması sahəsindəki nailiyyətlərə, həmçinin XXI əsrdə davamlı inkişafa yönəlmiş digər ekoloji fəaliyyətlərə görə verilir.xeber100.com  

“Maliyyə savadlılığı” layihəsi çərçivəsində təlimlərə başlanılıb

Azərbaycan Memarlıq və İnşaat Universitetində (AzMİU) “Maliyyə savadlılığı” layihəsi çərçivəsində təlimlərə başlanılıb.AZMİU-dan Azərtac-a bildirilib ki, təlimlər Azərbaycan Mərkəzi Bankı Resurslar və Maarifləndirmə Xidmətinin Tədqiqatlar və İnkişaf Mərkəzi tərəfindən universitetin müvafiq kafedraları ilə birgə razılaşmaya əsasən keçirilir.Mərkəzin iqtisadi maarifləndirmə şöbəsinin mütəxəssisləri AzMİU-nun tikinti-iqtisad fakültəsində menecment, marketinq, sənayenin təşkili və idarə edilməsi ixtisasları üzrə bakalavr və magistr pillələrində təhsil alan tələbələr üçün bir həftə ərzində təlimlər keçəcəklər. Xidmət sahələrinin iqtisadiyyatı və menecment kafedrasının müdiri M.Məmmədov təlimlərin sonunda fəallıq göstərən bir qrup tələbənin Mərkəzi Bankda təcrübə keçəcəyini deyib.Təlimin ilk günü Mərkəzi Bankın pul və məzənnə siyasəti şöbəsinin müdiri Namiq Nağdəliyevin “Azərbaycanda pul və məzənnə siyasəti” mövzusunda məruzəsi dinlənilib. Şöbə müdiri Mərkəzi Bankın pul və məzənnə siyasəti, bu sahədə aparılan işlər barədə məlumat verib.xeber100.com  

İkinci beynəlxalq elmi konfrans başa çatıb

Bakıda keçirilən “Azərbaycan-Türkiyə münasibətləri” mövzusunda ikinci beynəlxalq elmi konfrans başa çatıb. Konfrans Azərbaycan Dövlət Pedaqoji Universitetinin (ADPU), Azərbaycan Turizm və Menecment Universitetinin (ATMU) və Türkiyənin Kastamonu Universitetinin birgə təşkilatçılığı ilə keçirilib.ADPU-dan Azərtac-a bildirilib ki, yekun iclasda rektor Cəfər Cəfərov bu konfransın Azərbaycan-Türkiyə münasibətlərində xüsusi yeri olduğunu bildirib. Rektor qeyd edib ki, bölmə iclaslarında ümumilikdə 83 elmi məruzə dinlənilərək müzakirə edilib. Konfrans Azərbaycan-Türkiyə münasibətləri ilə bağlı fikir mübadiləsi aparmaq, qarşılıqlı əlaqə və münasibətlərin genişləndirilməsi və bu sahədə yeni perspektivlərin müəyyənləşdirilməsi baxımından böyük əhəmiyyət kəsb edir. Konfransın keçirilməsi həm Azərbaycanın, həm də qardaş Türkiyənin ictimai-siyasi və elmi-mədəni həyatında əlamətdar bir hadisədir.Kastamonu Universitetinin rektoru, professor Seyit Aydın konfransın yüksək səviyyədə keçirilməsinə görə təşəkkür edib, iki qardaş ölkə arasında münasibətlərin yüksələn xətlə inkişaf etməsindən məmnun oldu]unu vurğulayıb.İclasda konfrans iştirakçılarına sertifikatlar təqdim edilib.xeber100.com

“Woz U” onlayn təhsil proqramı istifadəyə verilib

“Apple” şirkətinin həmtəsisçisi Stiv Voznyak yeni “Woz U” onlayn təhsil proqramını istifadəyə verib. Proqramda texniki təhsilin mənimsənilməsində müxtəlif insanlara yardımın göstərilməsi nəzərdə tutulur.Azərtac appleinsider.ru saytına istinadla xəbər verir ki, “Woz U” proqramına görə, servis texnoloji sahədə karyera seçimi ilə yanaşı, informasiya texnologiyaları şirkətlərinə yeni əməkdaşların təlimi üçün resurslardan istifadəyə imkan verəcək. Söhbət ilk növbədə proqram təminatı tərtibatçısı, mühəndis və s. kimi peşələrin nümayəndələrindən gedir.Bildirilir ki, giriş kurslarından platforma istifadəçiləri pulsuz yararlana bilsələr də, gələcəkdə təlimin ödənişli olacağı gözlənilir. Kursların qiyməti barədə hələlik məlumat verilmir.“Apple” şirkəti “iTunes U” adlı oxşar təhsil platformasına malikdir. Servisə artıq minlərlə təhsil müəssisəsi, o cümlədən dünyanın ən nüfuzlu ali təhsil ocaqları - Oksford, Kembric universitetləri, Massaçusets Texnologiya İnstitutu qoşulub. Bölmədən yüz mindən çox ABŞ tələbəsi istifadə edir.xeber100.com

“Azərbaycanda reallıqlar və perespektivlər” mövzusunda…

Azərbaycan Dövlət İqtisad Universitetində (UNEC) “Sosial biznes: Azərbaycanda reallıqlar və perespektivlər” mövzusunda konfrans keçirilib. Təhsil Nazirliyinin dəstəyi ilə reallaşan konfransın təşkilatçıları UNEC, Beynəlxalq Avrasiya Mətbuat Fondu (BAMF) və Azərbaycan Yunus Sosial Biznes Mərkəzidir.UNEC-dən Azərtac-a bildirilib ki, universitetin rektoru Ədalət Muradov cəmiyyətə azad kapitalizm ideyasının alternativi olaraq təqdim edilən sosial biznesin özəlliklərindən danışıb.Konfransda Nobel Sülh Mükafatı Laureatı Məhəmməd Yunusun videomüraciəti yayımlanıb. İştirakçılara uğurlar arzulayan Nobel mükafatçısı ölkəmizə səfərini xatırlayaraq deyib: “Azərbaycan hökuməti insanların problemlərini həll etmək istiqamətində müvafiq addımlar atır. Amma insanlar da həyatlarını özləri qurmaqda fəal olmalıdırlar. Bu, mənim inamımdır”. M.Yunus sosial bizneslə dünyanı dəyişmək mümkün olduğunu bildirib.Digər çıxış edənlər sosial biznesin əhəmiyyətini, sosial startapçılıq, sosial biznesdə insan amili, ixrac məsələlərinin gücləndirilməsi, iqtisadi etimadın formalaşması və s. məsələlərə toxunublar. Bu ideyanın vətəndaş təşəbbüslərinin artırılmasında, təsərrüfat sahələrinin inkişafındakı rolu diqqətə çatdırılıb.Konfrans müzakirələrlə davam etdirilib.xeber100.com

Türk Dünyası Sənədli Filmlər Festivalının açılışı olub

Oktyabrın 13-də Bakı Dövlət Universitetində (BDU) ikinci Türk Dünyası Sənədli Filmlər Festivalının açılışı olub.Azərtac xəbər verir ki, tədbir Türkiyənin Azərbaycandakı səfirliyinin mədəniyyət və tanıtma müşavirliyi, Yunus Əmrə İnstitutu və BDU-nun dəstəyi ilə keçirilib.Tədbirdə BDU-nun rektoru Abel Məhərrəmov bildirib ki, “6 ölkə bir festival” devizi ilə təşkil edilən Türk Dünyası Sənədli Filmlər Festivalının keçirilməsinin başlıca məqsədi müxtəlif ölkələrdə yaşayan türklərin zəngin mədəniyyətə malik dəyərlərini tanıtmaq və dünyaya təqdim etməkdir.Eyni zamanda, qeyd olunub ki, festivalın təşkili həm də qardaş türk xalqlarının biri-birilərini daha yaxından tanımaları üçün şərait yaratmaq məqsədi daşıyır.Rektor müvafiq layihəyə türk dünyasının müxtəlif yerlərindən bir çox qurumların, o cümlədən ali məktəblərin dəstək verdiyini diqqətə çatdırıb.Türk Dünyası Qəzetçilər Federasiyasının rəhbəri Menderes Dəmir türkdilli ölkələr arasında əlaqələrin əhəmiyyətindən bəhs edib. Bildirilib ki, 2016-cı ildə beş ölkədən təqdim edilən yeddi filmlə keçirilən festivalın builki ikinci tədbirində artıq yeddi ölkədən 18 film nümayiş olunur.Digər çıxış edənlər də festivalın əhəmiyyəti ilə bağlı fikirlərini bölüşüb, uğurlar arzulayıblar.Sonra TRT-nin hazırladığı “Sırac” sənədli filmi nümayiş etdirilib.Qeyd edək ki, filmin mövzusu Türkiyənin Tokat, Yozqat, Sivas, Çorum bölgələrində yaşayan türkmən sırac tayfasının mədəni dəyərləri və yaşam tərzi ilə bağlıdır. Sıraclar Azərbaycan türklərinin də formalaşmasında rol oynayıb, eləcə də Azərbaycan Səfəvi İmperiyasının qurulmasında iştirak etmiş Oğuzun Bəydilli tayfasına məxsusdurlar.xeber100.com

Beynəlxalq elmi konfrans öz işinə başlayıb

Oktyabrın 12-də Azərbaycan Dövlət Pedaqoji Universitetində (ADPU) bu ali məktəbin, Azərbaycan Turizm və Menecment Universitetinin (ATMU) və Türkiyənin Kastamonu Universitetinin birgə təşkilatçılığı ilə “Azərbaycan-Türkiyə münasibətləri” mövzusunda ikinci beynəlxalq elmi konfrans öz işinə başlayıb.Azərtac xəbər verir ki, əvvəlcə Azərbaycanın və Türkiyənin dövlət himnləri səsləndirilib.ADPU-nun rektoru C.Cəfərov bildirib ki, konfrans Azərbaycan-Türkiyə münasibətləri ilə bağlı fikir mübadiləsi aparmaq, qarşılıqlı əlaqə və münasibətlərin genişləndirilməsi, bu sahədə yeni perspektivlərin müəyyənləşdirilməsi baxımından böyük əhəmiyyət daşıyır. Konfransın hər iki dövlətin elm və təhsil sahəsinin inteqrasiyasına səmərəli təsir göstərəcəyini söyləyən rektor deyib ki, beynəlxalq konfransın elmi istiqamətləri Azərbaycan-Türkiyə tarixi əlaqələrini, siyasi və iqtisadi münasibətləri, sosial-mədəni və ədəbi əlaqələri, elm və təhsil, turizm və ekologiya sahələrini əhatə edir.Oktyabrın 14-dək davam edəcək konfransın altı bölmədə keçiriləcək iclaslarında ümumilikdə 83 elmi məruzə dinləniləcək.xeber100.com

Bakı Şəhəri üzrə Təhsil İdarəsinin məlumatı

Bakı Şəhəri üzrə Təhsil İdarəsi (BŞTİ) tərəfindən reallaşdırılan “Məktəb seminarları”nın növbəti sessiyaları Yasamal rayonunun ümumi təhsil müəssisələrini əhatə edib.Sessiyalarda BŞTİ-nin müdiri M.Vəliyeva, bu qurumun müvafiq struktur bölmə rəhbərləri, Təlimə Dəstək Mərkəzinin nümayəndələri, məktəb direktorları, direktorların təlim-tərbiyə və təşkilati işlər üzrə müavinləri, psixoloqlar, kitabxanaçılar, uşaq birliyi rəhbərləri, fənn müəllimləri, valideyn icmasının təmsilçiləri iştirak ediblər.2017-2018-ci dərs ili üzrə reallaşdırılan “Məktəb seminarları” layihəsinin əsas məqsədi “Ümumi təhsildə keyfiyyət ili” çərçivəsində təsdiqlənmiş Fəaliyyət Planından irəli gələn məsələlərin ümumi təhsil məktəbləri tərəfindən səmərəli icrasını və təhsildə keyfiyyətin daha dayanıqlı olmasını təmin etmək, həmçinin ümumi təhsil sahəsində müasir dövrün çağırışlarına əsaslanmaqla inkişafı şərtləndirən keyfiyyət dəyişikliklərinə nail olmaq, bu prosesdə BŞTİ-nin və tabeliyindəki ümumi təhsil məktəblərinin pedaqoji kollektivlərinin imkanlarını səfərbər etməkdir.Məktəb direktorları üçün keçirilən sessiyada çıxış edən M.Vəliyeva ümumi təhsil müəssisələrinin idarəedilməsi işinin təkmilləşdirilməsi, məktəblərin ictimai nüfuzunun artırılması, yeni layihələrin icrası, təmayülləşmə, fənn olimpiadalarına hazırlıq, buraxılış imtahanlarının yeni qaydalar çərçivəsində təşkili, müəllim-şagird-valideyn münasibətlərinin vəziyyəti məsələlərindən danışıb.xeber100.com

2017-2018-ci tədris ili üzrə “Məktəb seminarları” başlayıb

Bakı Şəhəri üzrə Təhsil İdarəsi (BŞTİ) 2017-2018-ci tədris ili üzrə “Məktəb seminarları”na başlayıb.BŞTİ-dən Azərtac-a bildiriblər ki, “Məktəb seminarları”nın ilk sessiyaları Nəsimi rayonunun ümumi təhsil məktəblərində keçirilib.Məktəb direktorları üçün təşkil edilən sessiyada BŞTİ-nin müdiri Məhəbbət Vəliyeva 2017-2018-ci dərs ilinin “Ümumi təhsildə keyfiyyət ili” elan olunması və qarşıda duran vəzifələr barədə danışıb. O, “Məktəb seminarları” layihəsinin əhəmiyyətindən və sessiyalarda müzakirə olunan məsələlərin nəticələrindən bəhs edib.Qruplar üzrə təşkil olunan sessiyalarda məktəbdaxili metodik işə nəzarət, məktəbdənkənar fəaliyyətin təhsilin məzmunundan irəli gələn ehtiyaclar əsasında düzgün qurulması, sosial layihə və fəaliyyətlərin planlaşdırılması, şagirdlərlə psixoloji xidmətin düzgün təşkili və idrak proseslərinin korreksiyası, məktəb kitabxanalarının fəaliyyətinin gücləndirilməsi, təmayülləşmənin tətbiqinin genişləndirilməsində valideynlərin maarifləndirilməsi, tədris prosesinin düzgün və səmərəli qurulmasında müəllimin rolu, keyfiyyətli təhsilvermənin təmin edilməsi məsələləri müzakirə olunub.Sessiyalar hər gün bir rayon üzrə keçiriləcək və oktyabrın 20-də başa çatacaq.xeber100.com