Futbol üzrə Azərbaycan Premyer Liqasının XXV turuna yekun vurulub

6 Mart 2023 14:56

Xəbər 38 dəfə oxunub

Futbol üzrə Azərbaycan Premyer Liqasının XXV turuna yekun vurulub.

Günün ilk qarşılaşması Qəbələdə oynanılıb. “Qarabağ” klubunu qəbul edən “Qəbələ” 1:3 hesabı ilə məğlub olub. Ağdam təmsilçisinin heyətində Ramil Şeydayev dubl edib, digər qolu Musa Qurbanlı vurub. Meydan sahiblərinin heyətində isə İsnik Alimi fərqlənib.

Turun son oyununda “Neftçi” və “Turan Tovuz” komandaları üz-üzə gəliblər. Matçda Bakı təmsilçisi böyük hesablı qələbə qazanıb – 4:0. “Neftçi”nin heyətində Emin Mahmudov dubl edib, Sezar Meza Kolli və Mateus Saldanya rəqib qapısını yol tapıblar.

XXV turun “Zirə” – “Şamaxı” matçında qalib müəyyənləşməyib – 2:2. “Sumqayıt” klubu “Səbail”i 1:0, “Sabah” isə “Kəpəz”i 2:0 hesabı ilə üstələyib.

Hesabında 65 xal olan “Qarabağ” klubu turnir cədvəlində liderliyini davam etdirir. “Sabah” 56, “Neftçi” isə 52 xalla ilk üçlükdə yer alıblar. “Zirə” 36 xalla dördüncü, “Qəbələ” 32 xalla beşinci, “Turan Tovuz” 26 xalla altıncı, “Sumqayıt” 21 xalla yeddinci pillədə qərarlaşıblar. Aktivlərində 20 xal olan “Kəpəz” və “Şamaxı” klubları 8-9-cu pilləni bölüşürlər. “Səbail” isə 17 xalla sonuncu – onuncudur.xeber100.com

Dünyanın ən çox məvacib alan məşqçilərinin siyahısı

Dünyanın ən çox məvacib alan məşqçilərinin siyahısı açıqlanıb. Fransanın nüfuzlu “Ekip” nəşrinin tərtib etdiyi siyahıya “Atletiko”nun çalışdırıcısı Dieqo Simeone başçılıq edir. Argentinalı mütəxəssis Madrid klubunda ilə 34 milyon avro məvacib alır. Argentinalı mütəxəssis “böyük beşlik” ölkələrində həm də “Frayburq”a rəhbərlik edən Kristian Ştrayxla birgə bir klubda ən uzun müddət işləyən məşqçidir. Simeone 2011-ci ildən “Atletiko”nun sükanı arxasındadır. Siyahıda ikinci pillədə “Mançester Siti”nin çalışdırıcısı Xosep Qvardiola qərarlaşıb. İspaniyalı mütəxəssis “Mançester Siti”də ilə 22,4 milyon avro məvacib alır. Üçüncü yerdə isə illik qazancı 17,8 milyon avro olan “Liverpul”un baş məşqçisi Yürgen Kloppdur. Dördüncü pillədə də Premyer Liqada işləyən mütəxəssis qərarlaşıb. Söhbət ilə 13,5 milyon avro gəlir əldə edən “Çelsi”nin baş məşqçisi Qrem Potterdən gedir. Beşinci sırada qərarlaşan “Yuventus”un baş məşqçisi Massimiliano Alleqrinin illik maaşı 12,8 milyon avrodur. Bir neçə gün əvvəl “Bavariya” ilə müqavilə imzalayan Tomas Tuxel isə 12 milyon avro ilə altıncı yeri tutur. “Real Madrid”in baş məşqçisi Karlo Ançelottinin adı isə yeddinci sırada qeyd olunub. İtaliyalı mütəxəssis ilə 11 milyon avro məvacib alır.xeber100.com

Mart 31, 2023 14:01

Bədii gimnastika üzrə dünya kuboku yarışları keçiriləcək

Martın 31-dən aprelin 2-dək Bolqarıstanın paytaxtı Sofiyada bədii gimnastika üzrə dünya kuboku yarışları keçiriləcək. Azərbaycan Gimnastika Federasiyası xəbər verir ki, yarışda Azərbaycan fərdi növdə təmsil olunacaq. Ölkəmizin idman şərəfini Zöhrə Ağamirova və Alina Gözəlova qoruyacaqlar. Artıq gimnastlarımız Bolqarıstana yollanıblar. Bolqarıstan yarışı cari il Z.Ağamirovanın ilk beynəlxalq turniri olacaq. Digər təmsilçimiz A.Gözəlova bir müddət əvvəl İspaniyada Qran-Pri turnirində çıxış edib və topla proqramın finalında səkkizinci olub. Qeyd edək ki, Bakıda bədii gimnastika üzrə növbəti dünya kuboku yarışları aprelin 21-23-də keçiriləcək. Ölkəmizin gimnastika növləri üzrə bu il ev sahibliyi edəcəyi üçüncü beynəlxalq yarışda qeydiyyat siyahısına əsasən, 46 ölkədən idmançıların fərdi və qrup hərəkətləri proqramında mübarizə aparacağı gözlənilir. Üç gün ərzində baş tutacaq yarışlarda gimnastlar ayrı-ayrı alətlər və çoxnövçülük üzrə mübarizə aparacaqlar. Ənənəyə uyğun olaraq, yarışlarda ən çox icra xalını toplamış gimnast və qrup komandasına “AGF Trophy” kuboku təqdim olunacaq. Bu, ölkəmizdə bədii gimnastika üzrə təşkil ediləcək onuncu dünya kuboku yarışları olacaq. Paytaxtımız 2005-ci və 2019-cu illərdə bu növ üzrə dünya çempionatına ev sahibliyi edib.

Mart 29, 2023 15:07