“Light” markalı neftin bir barelinin qiyməti 0,09 dollar ucuzlaşıb

Dünya birjalarında neft qiymətləri ucuzlaşıb. Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 0,38 dollar azalaraq 77,74 dollar olub. Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 0,09 dollar ucuzlaşaraq 72,72 dollar təşkil edib.xeber100.com

“Fintech Summit 2023” – Maliyyə və Texnologiyalar Sərgisi keçiriləcək

İyunun 13-14-də VISA ilə əməkdaşlıq çərçivəsində Bakıda "Azərbaycan Banklar Assosiasiyası" (ABA) İctimai Birliyinin təşkilatçılığı ilə "Fintech Summit 2023" - Maliyyə və Texnologiyalar Sərgisi keçiriləcək. Azərbaycan Banklar Assosiasiyasından bildirilib ki, sammit “Bank və Ödəniş Ekosistemində Yeni Trendlər: İnnovativ Həllər, Fintexlər və Təhlükəsizlik” mövzusunda təşkil olunacaq. Sammitdə “Ayrılmaz ekosistemlər: bankçılıq və fintex”, “Super bank tətbiqi və ya super fintex”, “Embedded” bankçılıq və bankçılıq xidmət kimi”, “Rəqəmsal mühitdə rəqəmsal aktivlər”, “Müxbir əlaqələr: dayanıqlılıq vacibdir”, “Kreditləşmədə yeni yanaşmalar”, “Kibertəhlükəsizlik” mövzularında müzakirələr aparılacaq. Qeyd edək ki, sammit Azərbaycandakı bütün bank rəhbərlərinin iştirak etdiyi yeganə maliyyə-bank tədbiridir. Sammit tənzimləyici orqan, banklar, fintexlər, assosiasiyalar, beynəlxalq maliyyə təşkilatları, yerli səfirliklər, akademik dairələr, tanınmış şirkətlərin rəhbər nümayəndələrini, qərar qəbuledicilər və influenserləri bir araya gətirir. Sammit çərçivəsində “Maliyyə və Rəqəmsal Texnologiya Günləri” elan ediləcək və müxtəlif əlaqədar yan tədbirlər də (mitaplar, vebinarlar, yarışmalar və s.) keçiriləcək.xeber100.com

“Azəriqaz” İstehsalat Birliyinin “Açıq mikrofon” aksiyası çərçivəsində

SOCAR-ın “Azəriqaz” İstehsalat Birliyinin (İB) Ağdaş rayonunda “Açıq mikrofon” aksiyası çərçivəsində sahibkarlarla görüşü təşkil olunacaq. Birliyin mətbuat xidmətindən bildirilib ki, aksiya Ağdaş şəhəri, Habil Əliyev adına musiqi məktəbində baş tutacaq. “Səyyar qəbul otağı” martın 29-da saat 12:00-dan 13:00-a qədər sahibkarların xidmətində olacaq. İstənilən təklif və problemlər yerindəcə aydınlaşdırılacaq və müvafiq qərarlar veriləcək.xeber100.com

Müstəqil Dövlətlər Birliyi İqtisadi Şurasının 97-ci iclası keçirilib

Moskvada Müstəqil Dövlətlər Birliyi (MDB) İqtisadi Şurasının 97-ci iclası keçirilib. Azərbaycanı iclasda Baş nazirin birinci müavini Yaqub Eyyubov təmsil edib. Qırğız Respublikasının sədrliyi ilə keçirilən iclas nümayəndə heyətlərinin məhdud tərkibdə görüşü ilə başlayıb. Görüşdə MDB-də iqtisadi əməkdaşlığın aktual məsələlərinə dair fikir mübadiləsi aparılıb. MDB-nin aqrar-sənaye kompleksi üzrə Hökumətlərarası Şurasının 2019–2022-ci illərdə fəaliyyəti və Müstəqil Dövlətlər Birliyinin İqtisadi Şurasının növbəti iclasının keçirilməsi məsələləri müzakirə olunub. Nümayəndə heyətlərinin geniş tərkibli görüşündə nüvə enerjisinin ictimai məqbulluğunun formalaşdırılmasında MDB-yə üzv dövlətlər arasında əməkdaşlığın əsas istiqamətləri, 2030-cu ilə qədər olan dövr üçün MDB ölkələrinin innovasiyalar sahəsində əməkdaşlığının Dövlətlərarası Proqramının iştirakçıları olan dövlətlərin innovasiyaların kommersiyalaşdırılması mərkəzlərinin fəaliyyəti məsələlərinə baxılıb. İclasın yekununda radiasiya vəziyyəti ilə bağlı monitorinq məlumatlarının mübadiləsində MDB-yə üzv dövlətlərin qarşılıqlı fəaliyyəti haqqında saziş layihəsi, “Radionaviqasiya” Dövlətlərarası Şurasının 2018–2021-ci illərdə fəaliyyəti haqqında, Müstəqil Dövlətlər Birliyində malların mənşə ölkəsinin müəyyən edilməsi qaydaları haqqında 2009-cu il 20 noyabr tarixli sazişə dəyişikliklər edilməsi barədə Protokolun layihəsi, Müstəqil Dövlətlər Birliyinə üzv dövlətlərin yer təkindən istifadə və onun mühafizəsi üzrə 2021–2025-ci illər üçün birgə işlərin uzunmüddətli planının icrası haqqında layihə və digər sənədlər imzalanıb.xeber100.com

Azərbaycan Mərkəzi Bankı USD/AZN rəsmi məzənnəsini açıqlayıb

Azərbaycan Mərkəzi Bankı (AMB) martın 17-nə olan USD/AZN rəsmi məzənnəsini açıqlayıb. AMB-dən bildirilib ki, bankın martın 17-nə USD/AZN rəsmi məzənnəsi 1,7000 manat səviyyəsində müəyyən olunub.xeber100.com

Mərkəzi Bank martın 11-nə olan USD/AZN rəsmi məzənnəsini açıqlayıb

Azərbaycan Mərkəzi Bankı (AMB) martın 11-nə olan USD/AZN rəsmi məzənnəsini açıqlayıb. AMB-dən bildirilib ki, bankın martın 11-nə USD/AZN rəsmi məzənnəsi 1.7000 manat səviyyəsində müəyyən olunub.xeber100.com

“Brent” markalı neftin bir barelinin qiyməti 0,02 dollar artıb

Dünya birjalarında neft qiymətləri bahalaşıb. Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 0,02 dollar artaraq 82,68 dollar olub. Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 0,01 dollar bahalaşaraq 76,67 dollar təşkil edib.xeber100.com

Mərkəzi Bankda növbəti valyuta hərracı keçirilib

Martın 7-də Mərkəzi Bankda növbəti valyuta hərracı keçirilib. Bankdan bildirilib ki, hərracda tələb 44,8 milyon ABŞ dolları təşkil edib və tam təmin olunub. Hərracda manatın ortaçəkili məzənnəsi 1,7000 səviyyəsində formalaşıb.xeber100.com

“Azərbaycan Hava Yolları” aviabiletlərə 30 faiz güzəşt elan edib

8 Mart - Beynəlxalq Qadınlar Günü münasibətilə “Azərbaycan Hava Yolları” (AZAL) qadınlar üçün Bakıdan müxtəlif istiqamətlər üzrə aviabiletlərə 30 faiz güzəşt elan edib. AZAL-dan bildirilib ki, aviabiletləri martın 6-dan 8-dək aviaşirkətin 13 marşrutu (gediş-gəliş) üzrə güzəştlə əldə etmək mümkündür. Aksiya çərçivəsində aviabiletlər 28 mart-20 aprel tarixləri arasında uçuşlara şamil edilir. Belə ki, Bakıdan Milan, London, Praqa, Berlin, Dubay, İstanbul, Antalya, Moskva (“Domodedovo” və “Vnukovo” hava limanları), Sankt-Peterburq, Novosibirsk, Yekaterinburq, Astana, Almatı şəhərlər üzrə uçuşlara 30 faiz güzəşt tətbiq olunur.xeber100.com

Azərbaycan Mərkəzi Bankı USD/AZN rəsmi məzənnəsini açıqlayıb

Azərbaycan Mərkəzi Bankı (AMB) martın 2-nə olan USD/AZN rəsmi məzənnəsini açıqlayıb. AMB-dən bildirilib ki, bankın martın 2-nə USD/AZN rəsmi məzənnəsi 1,7000 manat səviyyəsində müəyyən olunub.xeber100.com

2022-ci ildə 72 min 977 daşınmaz əmlak üzrə ipoteka müqaviləsi qeydə alınıb

Ölkəmizdə 2022-ci ildə 72 min 977 daşınmaz əmlak üzrə ipoteka müqaviləsi qeydə alınıb. Əmlak Məsələləri Dövlət Xidmətindən bildirilib ki, bu, 2021-ci illə müqayisədə 19 min 202 və ya 35,7 faiz çoxdur. Qeyd edək ki, ipoteka krediti əldə edən zaman daha çox daşınmaz əmlak girov olaraq rəsmiləşdirilir.xeber100.com

Cari ilin yanvarında 27,6 min ton meyvə-tərəvəz idxal edilib

Cari ilin yanvarında 27,6 min ton meyvə-tərəvəz idxal edilib. Dövlət Gömrük Komitəsi xəbər verir ki, idxal edilən meyvə-tərəvəzin dəyəri 19,8 milyon dollar olub. Xatırladaq ki, 2022-ci ilin yanvarında dəyəri 18,9 milyon dollar olmaqla 33,3 min ton meyvə-tərəvəz idxal edilib.xeber100.com

Dövlət Statistika Komitəsinin məlumatı əsasında…

Emal sənayesində 2023-cü ilin yanvar ayında 1 milyard 328,7 milyon manatlıq məhsul istehsal olunub və sənaye xarakterli xidmətlər göstərilib. Dövlət Statistika Komitəsindən bildirilib ki, əvvəlki ilin müvafiq ayı ilə müqayisədə içki istehsalında 24,1 faiz artım, qida məhsullarının istehsalında 0,1 faiz, tütün məmulatlarının istehsalında isə 4,2 faiz azalma müşahidə olunub. Bu sahələrin əsas məhsullarından duz istehsalı 54,8 faiz, meyvə-tərəvəz konservlərinin istehsalı 8,6 faiz artıb, duru bitki yağlarının istehsalı isə 46,3 faiz, şəkərin istehsalı 65,7 faiz azalıb.xeber100.com

Tacikistan Gürcüstana və Azərbaycana uçuşlar həyata keçirəcək

Tacikistan bu il iki ölkəyə birbaşa uçuşlara başlayır. Apreldə Gürcüstana, mayda isə Azərbaycana uçuşlar həyata keçiriləcək. Aviadaşıyıcı, təyyarələrin uçuş qrafiki və biletlərin qiyməti hələlik məlum deyil.xeber100.com

Mərkəzi Bankda növbəti valyuta hərracı keçirilib

Fevralın 21-də Mərkəzi Bankda növbəti valyuta hərracı keçirilib. Bankdan bildirilib ki, hərracda tələb 49,3 milyon ABŞ dolları təşkil edib və tam təmin edilib. Hərracda manatın ortaçəkili məzənnəsi 1,7000 səviyyəsində formalaşıb.xeber100.com

Azərbaycan ilə Belarus arasında ticarət dövriyyəsi 22 milyon dolları ötüb

Bu ilin yanvar ayında Azərbaycan ilə Belarus arasında ticarət dövriyyəsi 22 milyon dolları ötüb. Hesabat dövründə Azərbaycandan Belarusa ixracın dəyəri 2,7 milyon dollar, idxalın dəyəri isə 19,7 milyon dollar təşkil edib.xeber100.com

Azərbaycan Mərkəzi Bankı USD/AZN rəsmi məzənnəsini açıqlayıb

Azərbaycan Mərkəzi Bankı (AMB) fevralın 16-na olan USD/AZN rəsmi məzənnəsini açıqlayıb. AMB-dən bildirilib ki, bankın fevralın 16-dan etibarən USD/AZN rəsmi məzənnəsi 1,7000 manat səviyyəsində müəyyən olunub.xeber100.com

Fevralın 16-da sığorta sahəsində attestasiya keçiriləcək

Fevralın 16-da sığorta sahəsində attestasiya keçiriləcək. Mərkəzi Bankdan bildirilib ki, “Sığorta sahəsində attestasiyanın təşkili və keçirilməsi” Qaydasının 2.4-cü bəndinə əsasən, 3 sığorta vasitəçisi Mərkəzi Bankda (Bakı şəhəri, Bülbül prospekti 27) keçiriləcək attestasiyaya dəvət olunur. Attestasiyaya buraxılmaq üçün şəxsiyyət vəsiqəsi təqdim edilməlidir.xeber100.com

“AzerGold” Qapalı Səhmdar Cəmiyyəti qardaş ölkəyə humanitar yardım göndərib

“AzerGold” Qapalı Səhmdar Cəmiyyəti (QSC) Türkiyədə baş vermiş güclü zəlzələdən zərər çəkənlərə dəstək məqsədilə qardaş ölkəyə humanitar yardım göndərib. QSC-dən bildirilib ki, faciədən zərər çəkmiş şəxslərin, eləcə də xilasedici heyətin zəruri ehtiyaclarının qarşılanması məqsədilə generator, elektrik qızdırıcısı, uşaqlar, qadınlar və kişilər üçün isti geyim dəstləri, yataq ləvazimatları və s. mal və avadanlıqlar Heydər Əliyev Fondunun xətti ilə fəlakət zonasına göndərilməsi üçün aidiyyəti üzrə təqdim edilib. Qeyd edək ki, fevralın 6-da çoxsaylı insan tələfatı və dağıntılarla müşayiət olunan təbii fəlakətin fəsadlarının aradan qaldırılması üçün Azərbaycan Respublikası Prezidenti İlham Əliyev və birinci xanım, Heydər Əliyev Fondunun prezidenti Mehriban xanım Əliyevanın təşəbbüsləri ilə qardaş Türkiyəyə könüllü humanitar dəstək tədbirlərinin göstərilməsinə başlanılıb. Bu nəcib çağırışa yüzminlərlə vətəndaş, müxtəlif dövlət və özəl müəssisələr, o cümlədən vətəndaş cəmiyyəti institutları qoşulublar. “AzerGold” QSC faciə ilə əlaqədar qardaş Türkiyə dövlətinə və xalqına, o cümlədən həlak olanların ailələrinə və yaxınlarına dərin hüznlə başsağlığı verir, yaralananlara şəfa diləyir, dağıntılar altında qalmış insanların tezliklə xilas olmasını, zəlzələnin nəticələrinin qısa zamanda aradan qalxmasını arzulayır.xeber100.com

“Azeri Light” markalı neftin bir barelinin qiyməti 2,34 dollar artıb

Azərbaycan neftinin qiyməti bahalaşıb. “Azeri Light” markalı neftin bir barelinin qiyməti 2,34 dollar artaraq 88,7 dollar olub. Xatırladaq ki, Azərbaycan neftinin bir barelinin ötən il maksimum qiyməti martın 9-da (135,99 dollar) qeydə alınmışdı.xeber100.com